![]() |
ممكن احد يساعدني
السلام عليكم ورحمة الله وبركاته
مادري من وين ابدا وكيف ابدا انا هالحين صار لي 5 شهور وانا مريض وانا متأكد مرضي ماهب نفسي مرضي هو في عروق جسمي مع مجرى الدم معها الم كالابر او كالسم مع الدم وبعض المرات الالم مثل العضه واحس لحمي من داخل كني محروق ولي شهر كبدي توجني بالحيل ومتعلق وجع كبدي بالوجع الي اشتكي منه والتحاليل سليمه باقي اشعة رنين ماسويتها تكفون الي يعرف طبيب يساعدني صرت اتمنى الموت من كثر الالم الي فيني ساعدوني |
اللهمّ إنّي أسألك من عظيم لطفك وكرمك وسترك الجميل أن تشفيه وتمدّه بالصحّة والعافية
أكيد اخي سعود راح تفرج بإذن الله، أتمنى من الإخوة الأعضاء يفيدوك |
اقتباس:
- انتفاخ يصيب البطن من الأعراض التي تدل على الإصابة بمرض الكبد ، فهذا دليل على تجمع السوائل فيه . - ارتفاع درجة حرارة جسم المصاب الدائمة أيضاً تعد من أعراض مرض الكبد - مريض القلب يعاني من النفور من تناول الطعام وهذا يؤدي به إلى خسران طفيف في وزنه . - من أعراض الإصابة بمرض الكبد الإصابة بالإعياء والإرهاق دوماً . - إن حدوث أي تغير في لون البول وتحوله إلى لون داكن من أعراض مرض الكبد . - هناك بعض الآلام التي تصيب المفاصل وهذا من أعراض الإصابة بمرض القلب - الإصابة بداء اليرقان من أعراض مرض الكبد - الإسهال من الأعراض الواضحة للإصابة بمرض الكبد - من أعراض مرض الكبد الشعور الدائم برغبة في التقيؤ . - ملازمة الحكة لمريض الكبد تعد من أعراض مرض الكبد . - الصداع من أعراض مرض الكبد - الإصابة بفشل في وظائف الكبد من الأعراض المصاحبة لمرض الكبد - سرطان الكبد - الإصابة بتليف الكبد اللهمّ إنّي أسألك من عظيم لطفك وكرمك وسترك الجميل أن تشفيه وتمدّه بالصحّة والعافية. |
اقتباس:
الحين كيف حددت ان كبدك تعبانه الله يهديك بس بما انك اخذت تحاليل دم على الكبد وما طلع ارتفاع في انزيمات الكبد ولا تغير لون البول عندك والبراز اعزكم الله او عيونك صفر خلاص ما فيك الشي هذا بأذن الله الشي الأول . الشي الثاني : انت يجيك وجع بالجهه اليمنى من الخلف زي الطعنه وبين الكتوف هذي تكون مرارة وحرارة بمنتصف الصدر مع استفراغ ولا يقدر يشوف الطبيب المرارة الا لازم تكون صايم علشان المرارة ما تفضي اللي فيها ويشوف اذا كان فيها حصى او لا أو تكون زايده لكن لازم يجيك استفراع ولا تقدر تحرك رجلك اليمنى مع الجنب اليمين ولا فيك زايده متأكد . الشي الثالث: تقول احس شي مثل الابر في عروقي بالله عليك طيب لو كلامك صحيح كيف ما عرف الطبيب أن عندك تسمم تبغى تعرف شف كم طلعت نسبة كريات الدم البيضاء اذا كانت مرتفقه فيه شي اكيد بجسمك يعني يصير حالة تسمم من وجبه أو اللتهاب في جسمك وفحص ESR كم طلع عندك اذا مرتفع فيك اللتهاب . الشي الرابع : انت تقول لك خمس شهور فيك الالم طيب راح اسئلك هل جاك الالم بعد الوجبه أو اكلت اي حبوب لازم تذكرها لي شف اي حبوب اذكرها حتى لو انها بندول اي حبوب لازم تذكرها لي . الشي الخامس: الله العالم ان عندك امساك وانت رجال اكثر اكلك مطاعم ومكسرات مثل الحب وغيره والاكل عالق في بطنك والقولون الصاعد العصبي عندك ضارب في الجهه اليمنى ومسبب لك اللتهاب في فوهة المعده هذي الغصة اللي تحس فيها وقاعد انت تحس بحرارة داخل جسمك زي النار هذا حمض المعده عنك لأن اي شي تاكله فيه احماض راح يزيد عليك الحرارة لأن عندك امساك . وابغاك تشوف اذا ما فيه حصى في الكلى او املاح ترها تسبب حرارة خذ سونار 200 ريال علشان تشوف فيه املاح في حوض الكليه أو لا وعلى دربك خله يشوف المرارة . واترك الرنين اللي تقول عليه . اتمنى تعقب على كلامي علشان ان كان عندي شي اقدر افيدك فيه ابشر وبإذن الله ما فيك الا العافيه . |
اخوي شوف المراره اذا كل شي سليم المشكله نفسيه احنا اول شي جسمي والحمدالله
|
اشكركم جميعا جزاكم الله خير
وبالنسبه اخوي ربي يحبك انا عملت تحاليل عن الكيد قبل شهر وسبوع تقريبا اول ماجاني الوجع في كبدي وقال مافيني شي الالم يخف يوم ويرجع ثلاث ايام مثل الالم الي في عروقي تخف وترجع قوي لكن هالحين لي سبوع والالم صارت ع الكبد اقوى وفي فروقي كذالك وسويت تحالليل شامله ومن ضمنها فيتامين د B12 والنقرس كلها سليم وكوريات الدم البيضا طبيعيه مافيها ارتفاع حاليا الم الكبد احسه في الجهه اليمنى يطلع ظلوعي ماعندي الالم في المعده ولا حرقان ولا امساك الحمدلله |
وبالنسبه لكلامك تقول اكلت حبوب قبل خمس شهور
صحيح اكلت حبوب علاج جرثومة المعده وانا اساسا مامعي جرثومة المعدة اكلتها مدة سبوع ومن بعدها وانا متغير سببت تشنجات في البطن وصرت ماكل شي اي شي اكله استفرغ وانتم بكرامه |
قبل لا اكل حبوب جرثومة المعدة ماكان معي الالم في عروقي
ولا في جسمي كامل لكن الحمدلله على كل حال |
اخوي الشخص سعود اقسم بالله كل اللي سويته غلط ثم غلط ثم غلط وراح ابين لك وش انت اخطيت فيه 1- كيف تاكل حبوب جرثومة معده اذا ما كان عندك زيادة في عدد الجرثومة يعني جايب الشي هذا من راسك ابغى بس افهم او قمت واكلت حبة النفخ حقت جرثومة المعده وقالوا لك ما فيك شي فهمني ؟؟؟؟؟ 2- طيب تقول ما طلع معك جرثومة معده كيف تاكل علاجها اجل الدعوى سلق بيض ؟؟؟؟؟؟؟؟؟؟؟؟؟؟؟؟؟؟؟؟؟ 3- كيف تطاوع الدكتور التافه هذا وتاخذ كل التحاليل هذي يا خي اسأل فيه الف غيري يبون الاجر من الله راح يجابونك وش دخل فيتامين ب12 لمثل حالك فيه ناس صحيح يحتاجون وانا دايم اقولهم بس اذا طلع نفس اللي انا اقول فيهم . 3- بعدين تقول عدد كريات الدم البيضاء تقول عاديه كم اقل من خمسة او بين الخمسة والعشره وراح اعلمك رمزها WBC لازم تقولي كم العدد وكذلك ESR كم طلع عندك نسبته لازم تقولي بعدين بالله عليك كم طلع عندك تحليل الكبد وهذا رمزها الاثنين هن المهمات SGPT وبعد SGOT . 4- تبي عاد الجد والطامه الكبرى تقول وجع في كبدي الحين الدكاتره ما يقدرون يحددون أن الوجع بالكبد الا عن طريق جهاز السونار 200 ريال ولا زم يكون الواحد صايم واللي عنده في كبده مرارة والله ما ينام الليل من الوجع ولازم يجيه استفراغ مستمر وجع من الخلف بالجهه اليمنى وبين الكتوف وانت جاي تقول وجع في كبدي انت ما تدري الله يهديك أن تحت الكبد المعده على طول يعني احتمال أن عندك اللتهاب بفوهة المعده ومتأثر عندك القولون الصاعد العصبي اللي في جنبك اليمين ومتأكد أن عندك اللتهاب بس انت ضايع . 6- اخوي يوم تروح للمستشفى حصل لك تسمم من وجبه لازم اعرف . 5- اخوي جاوب على اسئلتي بالترتيب علشان تكون الصورة واضحه عندك ولي رجعه اذا جاوبت وبأذن الله اعلمك وش تسوي والله يقدرنا لفعل الخير ويجعله في ميزان حسناتي وكل مسلم اللهم امين . |
لا والله ماهب من كيفي في البداية
سويت تحليل في مستوصف خاص وكنت اعاني من زيادة ضربات القلب وضيقه وعمل تحليل جرثومة المعدة وقال معك جرثومه معده وصرف لي العلاج وبدت معاناتي بعدها |
ابي اتواصل معك ضروري
|
وجع الكبد له شهر وله علاقه بالمرض الي عروقي
وخايف يسبب لي اضرار في كبدي عندي اوراق التحاليل لكن ماعرف اقراها بالانقليزي ابي اتواصل معك يمكن تحل معاناتي |
اخوي الشخص سعود الله يهديك شف وما حلفتني بالله اني داري أن كلامي صحيح وأن مشكلك من البداية عندك اللتهاب في المعده والقولون والدليل وجود الجرثومة وانت ماكتبتها لي من البداية تقول ما معي جرثومة لكن انت تقول لا وجع في كبدي وارجع اقولك مالها دخل كبدك وشف كلامي اول ما كتبت لك قلت لك عندك اللتهاب في فوهة المعده وضارب عندك القولون العصبي وبالتحديد الصاعد وانت تقول لا . على العموم شف اخوي فيه وحده هنا المراقبه اسمها ظل امرأة ارسلها رقمك وخلها ترسله لي وابشر باللي اقدر عليه وراح اقولك وش اسباب اللي جاك بالتفصيل |
اخوي الشخص سعود نسيت وانا اخوك اقولك فيه اشياء لازم اقولها لك ونصيحة مني وانا اخوك لاتعب نفسك تبي تروح وتفحص جميع الفحوصات ولا راح يتبن فيك شي راح يقولون لك سليم يعني والله ماودي تخسر على غير سنع تاخذ رنين واشعه مقطعيه ومتأكد مار اح تلقى شي وتبي تعيش بدوامه مشكلك مثل ماقلت لك اللتهاب بالمعده والقولون لكن لالالالالالالالالالالالازم تكلمني ابقولك أشياء علشان ما يلعبون عليك بالفحوصات و تعيش بدوامه انت بغى عنها وانت بالخيار. الله يستر عليك مثل ماقلت لك لو كان مسموح في المنتدى اكتب جوالي كان كتبته لكن منوع لذلك ارسل رقم جولك لمراقب او مراقبة المنتدى الشاكر او ظل امرأة وخلهم يرسلون جولك علي بالخاص اسأل الله العظيم رب العرش الكريم انه يشفيني ويشفيك وكل مسلم ،،،، |
اقتباس:
|
اقتباس:
ماعليش ولو الرد كان متأخر جزاك الله خير اخوي اسطور ومشكور على هذا الكلام الطيب اسأل الله ان اكون عند حسن الظن |
اقتباس:
فعلا انا عايش في دوامه مدري وين نهايتها راسلت الشاكر خاص ولم اجد وسيله لتوصيل رقمي اليك حاول ترسل رقمك لي والله يجزاك كل خير |
اشكرك جزيل الشكر مساعدتك لي
ومساعدتك للجميع |
سلامتك ..
الالم جهه الكبد معي مده طويله يجيني من فتره واخري ....بالرغم عندي مشكله بالكبد...سويت سونار ماعندي مشكله يعني الالم مو من الكبد او المراره او الكلي وقال من القولون بالرغم انه الالم مزعج مازال الالم مستمر معي حتي الان ...وان شاء الله عند اقرب موعد لي اطلب منظار .. |
اقتباس:
ما تشوفين شر بإذن الله بس مثل ما قلت لك لا تسوين اي فحوصات فيها حبوب على سبيل المثال فحص جرثومة المعده لا تاخذين الا عن طريق الدم لأن عندك اللتهابات اوتقرحات تراي والله ناصح لك تراها راح تزيد اللتهابات خلي فحوصاتك عن طريق الدم فقططططططططططططططط . |
اقتباس:
ارسل جوالك لخوي الحوراني يقولون هو المسؤال عن ارقام الجوالات ارسل جوالك له وابشر اذا جاني راح اتصل عليك وإذا كنت مسجل في منتدى ثاني خلاص علمني المنتدى واكتب لي رقمك وابشر راح اساعدك باللي اقدر عليه . |
اقتباس:
|
اقتباس:
أما في أمورالطب فتركيها لي جزاك الله خير أولا ً للعلم اختي جميع ما ذكر من فحوصات سواء منظار او النفخ او الدم او البراز لا تثبت وجود جرثومة المعده اذا كان الشخص يستخدم مضادات . ثانيا ً طريق النفخ انا من اشد المعارضين عليها لو كان مجرد نفخ الامر اعتبره عادي لكن اختي لازم الشخص ياخذ حبه على فراغ قبل النفخ والحبه هذي اذا كان الشخص عنده اللتهابات او تقرحات ولو ما فيه جرثومة معده مو شرط الجرثومة تكون سبب اللتهابات والتقرحات الاسباب كثيره حبة النفخ راح تزيد اللتهابات والتقرحات لأن دورها تهيج المعده على اساس اذا كان فيه جرثومة راح يتبين لذلك كلامي عن تجربة وانتي مكيفك إذا اكلتيها راح تعرفين كلامي من الآن راح يجيك حرارة في فوهة المعده غير اللتهابات اللي فيك راح تزيد وانتي خوذي النفخ على كلامك وتعالي بلغينا قولي اخذتها وما حسيت بشي علشان تثبتين كلامك . اختي يا رب اشفيني اقسم بجلال الله ما قلت الا شي مجربه ودارسة خوذي منظار ايه وخوذي تحليل دم او براز ما فيه مشكله لكن نفخ ابعدي عنها انتي عندك اللتهابات ويمكن تقرحات والله اذا اكلتيها ما تنامين الليل وبالنسبة للمنظار المعده والقولون اتمنى اي شخص ياخذه لا ياخذ من المعده عينه لانها تألم فقط يتأكد هل فيه اللتهابات وتقرحات اولا . ودمتم سالمين ،،،،، |
انا يا اخي ما بحكي على النفخ وأعراضو بس بقول لك إنّو تحليل الدم غير دقيق، ليش راح نسوي تحليل دم واحنا عارفين إنّو غير دقيق
|
اقتباس:
اختي سلمى ابسألك سؤال اتمنى تجاوبينه بينك وبين نفسك لو تحليل الدم ما هو دقيق لمعلومية الناس كانت قبل تحلل عن جرثومة البروسيلا المسببة للحمى المالطية عن طريق الدم لا نفخ ولا غيره واتحدى ان الجرثومة ما تبين بالدم أو البراز هذي كذبه علشان الناس تحلل عن طريق النفخ ومستحيل انها تبين حتى بالمنظار اذا كان الشخص ياخذ مضادات يمكن المنظار يفوقهن يبين اللتهابات والتقرحات فقط سواء بسبة الجرثومة او غيرها. اجل اختي بعد ليه تاخذين حبة النفخ بعد ماهي دقيقة تعلمك ان فيك جرثومة معده لكن ما تقدرين تعرفين هل اللي في معدك اللتهابات او تقرحات ولا تعرفينها الا عن طريق المنظار يعني لو الواحد ياخذ منظار ابرك له هو الفاصل . ودمتم سالمين ،،، |
انا يا اخي ما بقول اعملو النفخ ولا غيرو بس كانت عندي هذه المعلومة إنّو تحليل الجرثومة عن طريق الدم غير دقيق وحتى طبيبتي خبرتني نفس الشيء، المهم والحلو إنّو مهما اختلفنا الغرض هو المساعدة
|
اختي سلمى السعيده بإذن الله
طيب انا ما سألتك وش صار عليك ما عملتي اي فحص |
لا والله يا اخي، كرهت المستشفيات من كثر ما رحت لها، ومع هيك ناوية أسوي تحليل لجرثومة المعدة، عم حس حالي بس أفوت على المستشفى راح يغمى عليا ههه
|
اخوي الشخص سعود ارسلت رقم جوالي للأخ الحوراني واتمنى بعد انت ترسل رقم جوالك له بحيث ان شاف رسالتي او رسالك راح يتجاوب معنا اتمنى تبلغنى اخوي اسأل الله العظيم رب العرش الكريم أن يشفيني ويشفيك ويشفيي كل مسلم اللهم آمين |
اقتباس:
ماقصرت معي الله يجزاك خير ويكتب اجرك وانا اعتذر عن الغياب لظروفي الخاصه ارسلت رقمي للحوراني ع الخاص وان شاء الله يوصل الرقم لك |
اقتباس:
الله يسلمك اختي الكريمه وماتشوفين شر وطهور باذن الله |
دعاء نبوي للحفظ من الشرور
دعاء النبي محمد صل الله عليه وآله : " بسم الله الرحمن الرحيم ، بسم الله خير الأسماء ، بسم الله رب الأرض والسماء ، بسم الله الذي لا يضر مع اسمه سم ولا داء ، بسم الله أصبحت وعلى الله توكلت ، بسم الله على قلبي ونفسي ، بسم الله على ديني وعقلي ، بسم الله على أهلي ومالي ، بسم الله على ما أعطاني ربي ، بسم الله الذي لا يضر مع اسمه شيء في الأرض ، ولا في السماء ، وهو السميع العليم ، الله الله ربي ، لا أشرك به شيئا ، الله أكبر الله أكبر ، وأعز وأجل مما أخاف وأحذر ، عز جارك وجل ثناؤك ، ولا إله غيرك ، اللهم إني أعوذ بك من شر نفسي ، ومن شر كل سلطان شديد ، ومن شر كل شيطان مريد ، ومن شر كل جبار عنيد ، ومن شر قضاء السوء ، ومن كل دابة أنت آخذ بناصيتها ، إنك على صراط مستقيم وأنت على كل شيء حفيظ إن وليي الله الذي نزل الكتاب ، وهو يتولى الصالحين ، فإن تولوا فقل حسبي الله ، لا إله إلا هو عليه توكلت ، وهو رب العرش العظيم . |
بشر اخوي الشخص سعود
وش صار عليك |
للفائــــــــدة
|
الساعة الآن 05:41 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا