تجمع كويتي
 

مرحبا ياجماعه بغيت اسالكم شنو احسن دكتور غير عصام الانصاري مشكله عصام مايعرف احس كل الادويه يجرب فيني

وينكم يااهل الكويت

اختي انا جربت دكاترة بالمستشفي العام وجربت الخاص عند الدكتور خالد الصالح والصراحة ارتحت معاه لانه مو بس يعطيني ادوية لكنه يستمع لي ويحاول انه يقدم لي حلول لمشاكلي.
وعلى فكرة ترى ما ينقص من حق الدكتور عصام انه يصرف لج اكثر من دواء ... لانه فعليا كل الدكاترة ما يعرفون اي دواء يضبط معاج من اول مرة ... هم بالغالب يصرفون الادوية المفضلة لدى غالبية المرضي واذا ما مشت مع المريض يقومون بتغيرها . مثل دواء السيروسكات صرفه لي الدكتور خالد ولما سبب لي تعب واغلب وقتي نوم شكيت له الكسل والخمول فقام بتغيره الى ساليباكس واللي يعالج الاكتئاب ولا يجعل المريض يشعر بالخمول والكسل .

نسيت اضيف ان دائما حاولي قدر المستطاع ان تشرحين المشكلة بالضبط للدكتور ولا بد من الاختيار بين الاعراض الجانبية التي تسببها الادوية مثل السيروسكات يخليك كسولة و الساليباكس ما يخليج تنامين . اختاري انتي ما بينهم هل تحتاجين تنامين اكثر من الاستيقاظ ولا العكس... الخيار عندج . والله اعلم والله يشافيج .

السلام عليكم
هذا اول موضوع لي انا ابو رهاب مواطن كويتي أبتليت اخيراً بالرهاب الإجتماعي والوسواس ومرات الكئابه

راجعت فقط عند الدكتورة امـل الشرقاوي بمستوصف الحكومه وصرفت لي Salipax 20mg واستمريت اخده لـ 5 أيام الى ان انتكست حالتي النفسيه وتركته كان يسبب لي خمول والنعاس وتبلد التفكير وغشاوه بالعين رغم ان الكثير يمتدح هذا الدواء

هل يوجد تجمع كويتي لمرضى الرهاب والوسواس والإكتئاب؟ اريد ان انضم اليه

مرحبا بك اخي الكريم ... على فكرة الساليباكس ما يبدا مفعوله الا بعد استخدام من اسبوع الى ثلاثة اسابيع . لو انك صابر على استخدامه شوي كان شفت نتيجة .

الله يعين اي والله نبي تجمع كويتي وينكم اهل الكويت مدري احس مايعطيك وقت اتكلم نصحني اروح الصالح

كويتي متصفح انت الحين ع السيروكسات انا كل الادويه ماضبطت معاي الا سيروكسات احسن واحد بس كسل وخمول ونوم

السيروكسات يفتح الشهيه حيل لو الدايت جان علوم

انتم تاخذون الدوا من خاص او حكومي

ابو رهاب المستوصف يعطون ادويه غريبه اي مستوصف والله الادويه غاليه ذبحتني والمشكله بسعوديه رخيصه فرق السعر شريت سيروكسات 70 ريال وبالكويت 12 وشي مدري 13 فرق السعر

متصفح كويتي دكتورك منو الحين لي تعالج عنده الحين ومرتاح معاه

اختى العزيزة انا اعالج عند الدكتور خالد الصالح ولازلت مع اني توقفت عن اخذ الادوية كلها ... وادويتي اخذها من المستشفي بعد ان اخذ موعد واقابل اي دكتور اقوله اني اعالج بالخاص و أعرض عليه الوصفة الطبية للدكتور خالد يصرفها لي على طول. الادوية غالية وتكلفتها كبيرة بس الله يعز الحكومة تصرفها لنا ببلاش :) .

المشكلة بالادوية ان مو دائما تضبط مع المريض لان طبيعة الانسان مختلفة من شخص الى اخر . بعض الادوية تضبط مع شخص ومع اخر ما تضبط .

شنو علاجك الحين

حلو شلون اذا اباخذ علاج من المستشفي الطب النفسي قصدك المشكله لازم نفتح ملف وتحصل كل العالم تعرفك هناك

هذي المشكله تفتح ملف وتلقي العالم كلها تعرفك

اختى الحمد لله في خصوصية ... يعني الملف ما يطلع عليه الا الدكاترة المختصين في الطب النفسي وهو منعزل عن ملفك الاكتروني اللي في وزارة الصحة . واعتقد ان اللي يراجعون المستشفي فوق 100 الف مراجع . واكيد راح تعرفين اشخاص يراجعون المستشفي ...
والافضل انك ما تفتحين ملف الا اذا كنت مضطره لذلك لان المجتمع الكويتي والعربي بشكل عام لا يتفهم طبيعة الامراض النفسية. وراح تسمعين منهم كلام مثل "الله يشافيك" ... "كليت حبوبك اليوم ؟" ... "انت مريض" .... "انت مو صاحي" .... "مجنون" .... وكلها تدل على التهم والسخرية اذا ما عجبهم كلامك او خالفتهم الراي. مع ان الكثير من الناس يحتاجون الى علاج الا انهم لا يراجعون المستشفي لاسباب اجتماعية . والامراض النفسية لا تعني انك "مجنون" ... لو انت مصابة بالفصام او ثنائي القطب او الاكتئاب اوالقلق اوالوسواس القهري و غيرها... وارتكبتي جريمة هذا لا يعني انك فاقدة الاهلية ولا تحاسبين عليها . انت عقلك معاك وتعرفين الصح من الخطأ .

انا حاليا ما اخذ اي دواء .

هذي المشكله الكل يشوف الملف ماتعرف احد يعطني الدوا بدون مافتح ملف مابي افتح ملف في حكومي الدعوي واسطه حتي بالدوا الشكوي الله

انا كنت اتوقع ان ملفي النفسي بعيادة المستوصف حيث اراجع يعني انه تم فتح لي ملف بالطب النفسي معقوله المستشفى النفسي ما يدري عني؟ :(

يا اختي "مسك ابيض" انا بالعكس! خليت الدوام من موظفين ومراقب ومدير يعرفو اني اتعالج نفسياً من الاكتئاب وما خصرو ريحوني بالدوام "تخفيض ساعات عمل" ويوم اداوم على الخفيف ويوم اغيب ارتاح

تأتيني مرات نوبات اكتئاب قوية تخليني ابكي لكل الان عديت هذه النوبه.. مع شوي وسواس مع رهاب اجتماعي ههههه :)

وينكم يااهل ااكويت

وينكم اهل ااكويت

انا مو كويتي بس حبيت اشارك

بغيت اقول احسن لك افتح لك ملف في المستشفى الحكومي و السريه موجوده ما يشوفون ملفك الا الدكاتره بس

وبعدين حتى لو دروا الناس شعليك من الناس كلام الناس لا يودي ولا يجيب , انا اقول توكل على الله و روح للمستشفى و افتح لك ملف و اخذ الدوا مجانا احسن من انك تدفع فلوس

ولا عليك من العالم انا بصراحه ما بقى احد ما علمته اني اخذ دوا نفسي و الامر عادي جدا

نصيحه توكل على الله و روح للمستشفى الحكومي , والله يشفي الجميع