|
الصراع من أجل البقاء .... الدوبامين ؟ تجربتي
إلى من يشتكي مثلي
في الخمول اللعين الشرس فعليه بهذا الدواء إلى من يشتكي من الصراع النفسي و إنعدام الشهيه و تمني الموت فعليه بهذا الدواء من يشتكي من كره الشمس و النهار فعليه بهذا الدواء هذا الدواء يعطيك النشاط الطبيعي و عدم الإرتباك في إتخاذ القرارات و يحسن دافعيتك و طموحك هل تعلم ان أغلب المشاكل النفسيه سببها نقص الدوبامين هذا الدواء لا يعالج مشكلة النوم لأنه بكل إختصار يتعارض مع هرمون الهيستامين و لذلك أدوية النوم لا تتركها لأنها تبقى مشكلة إلى أن يشاء الله لك الشفاء الحمدلله راح مني بفعل هذا الدواء الصراع النفسي و مشكلة كره الشمس و النهار و حل لي مشكلة الشهية و تمني الموت و أعطاني شيء من الدافعية و الحركة و الطموح هذا الدواء لم يحل لي مشكلة الحزن و الصمت لكن الحمدلله كل شيء يهون عند الخمول الجسمي الشرس هذا الدواء هو parlodel يستحق ثلاث نجوم من خمسة لي أسبوعين من دون إيفكسور و ديباكين و الحمدلله صحيح الحزن ودي أستأصله من جذروه لكن أخاوي الحزن و لا أخاوي الغول الشبح ( الخمول ) و الحمدلله على كل حال الأطباء كل ما عطوني دواء سيتالوبرام و إيفكسور و أقولهم شكواي من الخمول و الدافعية يقولون هذا من الإكتئاب طيب الإكتئاب ماراح من أدويتكم عشان يروح الخمول و أستعيد الحركة و النشاط الريميرون ما صار يجيبلي شهيه اللهم عند بلعه في حينه و بعد نص ساعة أعرف المطبخ و بعدها مافي أي شهيه الدواء parlodel حل لي مشكلة الشهيه و الحمدلله الشهيه أقدر أقول انها طبيعيه إللي مثل حالتي أنصحه يبطل أدويته النفسيه لأنها ماراح تجيب لك أي نتيجه و طب على هذا الدواء parlodel يوميا حبه وراح تدعي لي الله يشفيني و يشفيكم هذا من باب صراعي من أجل البقاء على قيد الحياة !!!!! و الحمدلله على كل حال |
إللي يكثر من شرب القهوة عشان تعطيه نشاط و يبعد عنه الخمول
هذا حلك قهوتك هي parlodel |
و لا تنسون فحص جرثومة المعدة و جرثومة الأمعاء و القولون بإذن الله تبطلون العقاقير كلهم هذا الكلام اللي مثل حالتي
أدويتي الآن parlodel مع حبوب جنسون مع ريميرون الريميرون جاري تغييره بدواء أقوى منه تلاحظون أدويتي النفسيه تقلصت من ثلاث أدوية إلى دواء واحد و الحمدلله ESWVG |
الحزن أتوقع مربوط بالبطن و لذلك بطني يقلب و يقرقر لازم له فحص بإذن الله ألقا له حل في عيادات الباطنية
الحمدلله على كل حال شدوا حيلكم ... و خففوا من أدويتكم النفسيه مع الدواء الدوباميني الفعال parlodel لله دره من دواء |
أسال الله العظيم رب العرش الكريم أن يشفيني ويشفك وكل مسلم اللهم آمين الحمد لله اخوي رسوم متحركة أن الله هداك للطريق الصحيح يعلم الله اخوي ما لي صالح بس وانا اخوك من درس وجرب وعانى مو زي من درس ولا عانى وجرب هالدكاتره الفاشلين اللي بس يبون الواحد حاوية يظف حبوبهم وكل من جاء لمه عندك وسواس عندك ثنائي القطب عنك فصام . لو انهم فالحين كان سووا دراسة على اللي عندهم مشاكل بالبطن وشافوا هل يعانون من مشاكل نفسية لكن العلم عندنا مثل ما قلت فاشل وبيون يحشون فلوس وهم اساساً ما حسوا باللي الناس تشعر فيه . اخوي انا يعلم الله تعبت وقعدت ابحث تقريباً حوالي خمسين شخص بالمنتديات وأسال وقولهم طيب انتم عندكم مشاكل باطنية بالمعده والقولون يقولون ما نحس بشي بس حموضة قلت لهم انا راح اسوي دراسة وبأذن الله تنحل المشكلة قالوا طيب وش تبي نسوي قلت انا ابغى اي شخص يستخدم حبوب نفسية او اي شخص يعاني من وسواس واكتئاب ورهاب ياخذ منظار . المهم الاخوان في بداية الامر قالوا صعبه يعني تعرف المنظار يبي مبلغ ويخافوا اذا اخذوا ما يصير فيهم شي ولازم احاول احل المشكلة بأي طريقه قلت لهم طيب انا مستعد اعطي اي شخص المبلغ إذا ما كان فيه وراح اعطيه القيمة دبل إذا كان يشكي ولا طلع فيه شي ومستعد المهم تحمسوا قالوا خلاص . أول يوم خمسة كلهم اللتهابات وتقرحات قلت زين ثاني يوم 20 شخص كلهم اللتهابات قلت الحمد لله ما هو انهم مصابين لا والله الا بس الحين تأكدت ان المشكله بالباطنية اليوم الثالث الاشخاص خلاص اقتنعوا وكل يوم خمسه سته الى ان اكتمل العدد وكلهم تقرحات واللتهابات . ومن بعدها قلت الحمد لله الحين عرفتوا وأنا اولكم أن المشكلة باطنية أنحلت نصف المشكلة باقي العلاج وابشرك تقريبا ً 15 شخص اتبعوا طريقة اللي هي علاج يخفف الحموضة مع علاج ثاني والله ما ادري وش اسمة وقراءة قران وصبر لأن اللتهابات هذي ما جت لهم بيوم وليله لها سنوات وانفجرت مره وحده بدايتها يجيك ضيقة صدر ونهايتها خطر الواحد يذبح نفسه خلاص ما راح يتحمل والاشخاص ابشرك سبحان الله تركوا العلاجات نهائيا ً وفيه ناس يقولون خفينا بنسبة 50 % قلت لهم انا متأكد الى الان ما زالت التقرحات والاللتهابات فيه وفعلاً فحصوا وطلع فيه الى الان يعني لازم صبر وتعرف الجرح الداخلي مو زي الخارجي اسبوع ويطيب لا يبله وقت وعلى حسب اللتهابات والتقرحات كم لها من سنة معك يعني انت تعاني سنوات وتبي تطيب بأسبوع و بدون حمية وبدون علاج وقراءة القرآن بشهر ودايم اقول القرآن لأن اخوي مشاكل الباطنية كلها بسبب العين ودايم احرصهم واقول لا تنسون قراءة القران . المهم اخوي انا جيت وشاركت اخوي بالمنتدى هذا لأني شفت الكثيرين يعانون وتعرف وانا اخوك ما يدرون مسلمين انفسهم للدكاتره القصابين ويعلم الله ما كتبت الشي هذا الا ابي الاجر من الله اولا لأنه ما ينفعك الا عملك ما راح تنفعك فلوس ولا الدنيا بكبرها الا العمل الصالح فيها. وقعدت كل يوم وانا اصيح عليهم واقول يا جماعة كذا وكذا واللي يطلع علي يقول ما هو صحيح واجيب له براهين وبعدين يطلع كلامي صحيح وبالأخير يقول لي فعلا والله انك صادق وناس لا فيهم الحسد خلاص جلس ياكل علاجات يقول خل الناس مثلي وفيه ناس تقول الله يوفقك دنيا وآخره وفيه ناس تقول لا وبعد تروح تفحص وبالاخير تعترف . اخوي يعلم الله ان كل واحد فيهم مشكلته باطنية اذا انحلت خلاص وعاد انا جيت هنا ابين حتى اخوي فيه ناس لو ترجع وتقرا ملفي الشخصي في المنتدى هذا اقرب دليل اعترفوا اني على حق وراح اعطيك بعض الروابط وبأمكانك تشوف الناس اللي كانوا معارضين قبل وقعدوا يستشيروني الحين وهذي بعض الروابط اتمنى تشوفها وفيه بعد الكثير حس الملف كله وشف ردودي : http://www.nafsany.cc/vb/showthread.php?t=104814 http://www.nafsany.cc/vb/showthread.php?t=104768 http://www.nafsany.cc/vb/showthread.php?t=104781 هذي بعض العينات وادخل بس شف بملفي الشخص غيرهم وشف ردي عليهم في المنتدى هذا فقط غير اللي انا على تواصل معهم ودايم اقول لهم ابغاكم تفحصون بالمنظار بس عند دكتور شااااااااااااااااااطر ويده خفيفه علشان ما يجرحكم ولا ياخذ عينه من المعده لانها راح تتعب مره بس يشوف هل فيه اللتهابات وتقرحات وفعلا يتبين ان عندهم الشي هذا ومع العلاج بأذن الله الحمية والصبر وقراءة القرآن يحصل الشفاء ومثل ما قلت ترى اللتهابات والتقرحات ما طلعت في يوم وليله لها سنوات يعني الصبر فيه ناس لحقوا ووفيه مثل ما قلت لهم واعرفهم جلسوا والله سنه لكن صبروا وتحملوا ورجعوا زي قبل واحسن والحين ما شاء الله ياكلون اي شي بس من عقب ما شافوا العافيه قالوا خلاص ما فيه لازم نعرف وش ناكل اللي ما عاش عيشتنا قبل راح يذوقها مع الوقت إذا اهمل نفسه لذلك اخوي انا انصحك تروح وتاخذ فحص الجرثومة بالـــــــــــــــــــــــــــــدم عن الجرثومة ولا يطري لك تاخذ حبه النفخ نهائيا لانه اذا كانت فيك اللتهابات راح تزيد ها عليك وما راح تنام الليل وإذا تبين معك شي راح يعطونك العلاج وهو متعب وقوي مره الله يعين وابغاك تدخل المنتديات تبحث اذا كان فيه شي يعوض غير العلاجات ولا لازم تاخذ العلاج خلاص الشكوى لله . الشي الثاني تاخذ منظار عند دكتور شاااااااااااااااااااااااااطر وفاهم وتشوف هل عندك اللتهابات وتقرحات في المعده او لا فقط لا تخليه ياخذ عينه من المعده تراها راح تتعبك اسأل مجرب . وفي النهايه اخوي انا ما سجلت في المنتدى هذا الا لأني يعلم الله عقب ما بحثت وسويت دراسة حبيت ابلغ عنها حتى الكل يستفيد وما بي منهم الا دعوه بظهر الغيب فقط والا وش انا بستفيد . اسأل الله العظيم رب العرش الكري انه يشفيني ويشفيك ويشفي كل مسلم اللهم آمين |
وش السالفة
|
انت مشكلتك مثل مشكلتي الشهية دايم تحت الصفر واتغصب واغص بالاكل وجربت كل مايخطر على بالك من ادويةنفسية وغير نفسية مثل الموتيليوم والدومبي..
واذا تبغي الحل الفعال والمجرب خذلك حبوب زيبريكسا 5مج واقسمها بالنص عشان تصير 2.5 مج وابلعها قبل النوم بساعتين .. وتصحى الصبح اليوم الثاني تدور العيشة في المطبخ ويمكن حتى لو تلقالك حديد سابك في الصحن يمكن تاكله من شدة الجوع والشهية وعلى مسؤوليتي صراحة ماعمري شفت علاج يفتح الشهية للأكل بشكل اسطوري مثل الزيبريكسا واذا ماجابت معك نتيجة جرعة 2.5 خذ جرعة 5 مج بس لا تطول في استخدامه لانه يسبب اكتئاب غريب مع طول الاستخدام وبرضه يبغالك تبتعد عن اكل الدهنيات مثل الاجبان الدسمة واللحوم لانه يرفع مستوى الدهون الثلاثية في الدم |
يعني ناخذ هذا الدواء
parlodel |
نعم يالمهموم أعطيك طريقة العلاج و الوصفة اللي بإذن الله تنجح معك و خلك على تواصل معي رجاءا لا تقطع
هذا العلاج في حدود الخمسين ريال تلقاه في كل الصيدليات علاجاتك اللي معك فافرين و سيروكسات و ريميرون من بكرة إقطع الفافرين و السيروكسات و خلك على ريميرون و خذلك حبة من تقوم من النوم من الــ parlodel و إصبر إسبوع و شوف النتيجة و عطني خبر أنا صراحة لي أسبوع و و حول مخلي الإيفكسور و الديباكين على جنب و أنا حاليا على هذا الدواء صحيح الإكتئاب ماراح مني لكني نشيط و عندي أمل أقضي على الحزن ربما و أقول ربما يحدني الأمرين على الإيفكسور و أعطيكم الأخبار في حينها بإذن الله على فكرة بعض الناس بمجرد ما يآخذ هذا الدواء parlodel يرتفع عنده الدوبامين و يحس بطعم الحياة و السعادة إذا لك قدرة و مغامرة و تتطوع معي لتجربة هذا الدواء فأنا سأوافيكم بالنتائج لكن ودي يكون معي ثلاثة أو أربعة منكم كلن يسوي إختبار على هذا الدواء أسبوع فقط و نشوف مفعول هذا الدواء على كذا شخص و أنا منكم طبعا لكن بشرط المتطوع ما يكون عنده فصام و سلامتك ياليت المتطوعين معي يشاركون و يكسرون الخنوع و الخضوع للأطباء و وصفاتهم يلا شدوا حيلكم |
اقتباس:
وشهو الموتيليوم و الدومبي ؟ عطني جواب مفصل ؟ فضلا لا أمرا اقولك شيء الدواء اللي يخلي شهيتك مفتوحة و بقوة مثل ما قلت في أكل حديد سابك هذا بيصير أخو زاجاروا :) و الا شبيه يأجوج و مأجوج يآكل الأخضر و اليابس و يشرب البحر و يشرب النفط :) الصراحة هذا ما أسميه دواء هذا بالأصح داء المطلوب هو الشهيه المعقولة التي خلقنا الله عليها لا أكل الأخضر و اليابس و الإنسان ما ملئ وعاءا شرا من بطنه الله يعين و يشفينا الزيبركسا هذا كان أول دواء عرفته في مشوار عمري مع الأدوية النفسيه و قطعوه عني ما أدري ليش !!! أما عن الدهون الثلاثية فهذا حلها في أقراص الأوميغا :) الله يعين إذا بتتطوع معي في الدواء parlodel عطني خبر .؟ |
طيب الدواء هذا وش هو له بالأساس يستخدم لايش
|
اقتباس:
المجرمين في وزارة الصحة ليش ما يفتحون عيادات للباطنية في المستشفيات النفسية كان المفروض يبدأ فتح ملف المريض أولا في عيادات الباطنية و الغدد الصماء لكن ما نقول إلا حسبنا الله عليهم و نعم الوكيل الشغلة إنهم تجار غنم هم التجار و حنا الغنم بعضنا راح في مقاصبهم الله يرحمهم و يسكنهم فسيح جناته أشكرك ربي يحبك بصمتك لها أثر بإذن الله و لك مني دعوات في ظهر الغيب |
اقتباس:
هذا الدواء يشتغل على الدوبامين اللي حياة الإنسان على الله ثم على هذا الهرمون و يصاب بالشلل التام عند إنعدامه أي ( الدوبامين ) بعضنا يآخذ الأدوية إيفكسور سيتالوبرام سبرالكس دوجماتيل و هلم جرا و ما يستفيد منها أقولك ليش لأنها ليست معبأة بالدوبامين شهرين و ثلاث شهور و ست و سنة و سنوات على هذي الأدوية و هو على حاله ما تغير ما غير سادح مع إكتئابه البعض جاز له هذه السدحة و يبلع في هذي الأدوية و مادرى ان الحل في الدوبامين لو يصعد هذا الهرمون عنده قام من سدحته و راح و جا و أموره في تحسن . دوبامين في هذا الدواء parlodel فقط لا غير الله يجيب العواقب سليمة و تنحل المشكلة DSSDDSDS |
موعدي الأسبوع الجاي و بأدخل على الدكتور و العلاج بيكون معي و أقوله ليش ما عطيتني هذا العلاج و أنا أقولك بما أشعر به من كسل و خمول و باخذ و أعطي معه و أعلمه اني وجدت علاجي و ان قالي مايصلحلك : !!
الله وكيلي و وليي مالي إلا أقصف جبهته قصف ... |
السلام عليكم رسوم والجميع ومساء الدومابين هههههه ئصدي الدوبامين والله رجعت اتأكد منها هههههه دخلت ادعيلكم بالشفاء والخلاص من الأدوية بعون الله وبقدرته اسأل الله العظيم رب العرش العظيم ان يشفيك ويشفي جميع مرضى المسلمين شفاءاً لا يغادر سقماً ربي يعافيكم من كل بلاء وكل كرب :) سلامات رسومESWVG |
هذا الدواء يستخدم لعلاج بعض الأورام وله علاقة بعلاج أمراض الغدد وتحديدا النخامية
نصيحة لا تلعبوا بمثل هذه الأدوية ولا أي شي له علاقة بالغدد العواقب وخيمة |
??????????
|
كيف نستخدمة او لا
انا شريته |
حبيبي المهموم أحييك ثم أهنيك يعني عندك استعداد بس اصبر علي أسبوع لما أروح للدكتور أعرض عليه العلاج و أقولك اش نسوي لا تستعجل الحل بيجي أما أنت يا وائل خليتني أوسوس على المدى البعيد من تأثير العلاج لكن بإذن الله يعطيني خيره و يكفيني شره و العواقب سليمة دام اني افضل من اول فالحمدلله و الشكر :) و بإذن الله ماني مطول على العلاجات لأن وراي مشوار للعيادة الباطنية و الغدد الصماء وقعت على هذا العزم و صدقت عليه وفوضت أمري لله و بيجي يوم من الأيام و أكون أصحى منك :)
أشكرك آنسة ظلة و الله يسلمك من كل باس و شكرا على الدعوات و أكثري منها في ظهر الغيب و السحر :) الدوبامين ما عرفته إلا دوبي خخخخخ دوبامين على وزن دولا مين ؟ دولا مين .. دولا مرضى نفسيين :) الله يشفيني و يشفيكم سنوافيكم بأهم الأنباء بعد الحكم النهائي على القضية الشائكة و العواقب سليمة :) |
اقتباس:
اقتباس:
الغدة النخامية هي تتحكم بباقي الغدد لو ضربت كل شي ثاني هيضرب وانتوا مو ناقصين وأيضا يفضل عمل تحاليل الغدد باستمرار وممكن تبدؤوا الآن بعمل بعض تحاليل الهرمونات لأنه مشاكل الهرمونات أيضا تؤدي إلى اكتئاب أو اضطرابات نفسية |
متى يبداء مفعولة
|
متى احس بالتحسن
|
جربته مانفع بشي
|
و الله انك صادق يا وائل لكن هذا حال المكتئب كل ما أحس بشيء ينقذه تشبث فيه و لو كان هذا سيلقيه حتفه
انا إلى اﻵن الحمدلله الوضع مستتب رجعت للإيفكسور و الديباكين و تركت الريميرون مكرها لا بطل :( و قللت جرعة البارلوديل إلى نص حبه الحمدلله فيه تحسن ملحوظ من ناحية الحزن و البكاء فيه تحسن ملحوظ من ناحية الكسل و الخمول بإذن الله يدوم التحسن و الغدة النخامية بإذن ستتطور إلى اﻷحسن طيب بسألك هل بإعتقادك لو أنتقل لعلاج الغدة الدرقية أفضل من علاج الغدة النخامية أكيد اللي فيني من كسل الغدة الدرقية هل في نظرك ان هذا الحل أهون ؟ لا بد لنا من زيارة لعيادات الغدد الصماء و الله يكتب للجميع الشفاء الله يعين المهموم أنا أبري ذمتي لو يصير لك شيء لا قدر الله من انفجار للغدة النخامية لا تقول ما قلتلك إعتبرني ما قلت شيء و أفضل حل و آمن حل تزور عيادة الغدد الصماء و الله يشفيك السلام عليكم |
ماهي النتيجة النهائية
|
ياشباب عطونا نتيجة الدواء هل فيه فايدة
|
اقتباس:
|
ههههههههههههههه يا رعد القلوب
الله يسعدك و يضحك سنك هذا أنا سابقا رسوم محترقة تصدق و الله نسيت العلاج ذا زين ذكرتني فيه الله يذكرك بالشهادة الحين قبل بكرة :) |
| الساعة الآن 02:07 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا