|
ايفكسور والشحنات الكهربائية
السلام عليكم ورحمة الله وبركاته
يا اخواني دواء ايفكسور جاب لي الصمرقع في العادة اخذ علاجات دفعة واحدة الساعة 2 الظهر لما اتاخر عن العلاج لمدة ساعة او ساعتين اتعب كثير يجيني من الشحنات الكهربائية في الراس? انا مب متاكد مرة من أي علاج بس اتوقع الايفكسور العينDSSDDSDS ادويتي ايفكسور 300 ملم ولامكتال وابليفاي وانفيجا مستخدمي ايفكسور الفزعة هل تصابون بالكهرباء اذا تاخرتم عن موعده ولو بشي يسير |
ممكن يحدث هالشي ... عيب الافكسور انه يؤثر عليك من الناحية الجنسية
|
هل اثر عليك اخوي وائل كثير
لانه اثر علي كثير جدا |
انا الي صديق كان ياخذ الافكسور ،،،، كان يتكركب اذا ما اخذ الجرعة في احد الايام ،،، كنت استغرب لاني ما كنت اتعب اذا نسيت جرعتي سيبرالكس ،،، كنت اعتقد انهم نفس الاشي
سلامتك اخوي |
الله يسلمك اخوي عبدالرحيم
ان شاء الله يفيدوني مستخدمي العلاج ولا يبخلون بمعلوماتهم واذا كان الامر ولا بد في تغيير العلاج افضل لكن اريد ان اتاكد |
وعليك السلام ورحمة الله وبركاته ..
أنا سمعت أن التأخر عن أخذ افيكسور ممكن يسبب مثل ما ذكرت . حاول تضبط موعد الجرعة .. أعجبتني الصمرقع هههههه لازم تترجمها لكل اللهجات العربية ههههه ... ربي يشفيك ويقويك ويعينك أخوي محمد ... أتمنى لك كل خير من أعماق قلبي فأنت تستحق ... |
اقتباس:
http://www.nafsany.cc/vb/showthread.php?t=105813 |
اقتباس:
هلا وغلا ابوعلي ما قدرت معه مرة اجيبه يمين يجيني يسر ارقا فوق يجي تحت ماش اموري معه مب على ما يرام ههههههههه اجل لو اقول سحله وغضارة تسذا وش تتوقع ينتحرون هههههههههه الله مير يسلم قلبك ايها الرجل الطيب تستاهل الطيب يا بعدي تشرفت بمروك |
اقتباس:
يمكن بعد فترة تتحسن الامور طيب وش اسم العلاج الى تاخذه الحين |
الافكسور معروف عالميا انه اقذر دواء من ناحية الاعراض الانسحابية وعلشان كذا تحس بالكهرباء في المخ اذا فات عليك موعد العلاج ولو تزود عن ساعة او ساعتين يمكن تفقد عقلك من شدة اعراضه الانسحابية فانتبه لا تقطع الافكسور الا بالتدريج البطيء جدا
|
هلا وغلا بالضاحك عسى دوم الضحكة
بديت بتخفيف جرعته من 300 الى 150 وتدريجيا راح اغيره |
شباب خفضت الجرعة الى 150 ملم والكهرباء زادت وضيق تنفس
|
حسبي الله على من يملك معلومة ويبخل بها
|
انا حصل معي يوم تركت السيروكسات فجأه ، كهرباء في الجسم كله ، تجيني مع ادنى حركة، في الدقيقة يضرب الكهرب 30 مرة
برضو عند تخفيض الجرعه كانت تحصل لكن بدرجة اخف وتختفي خلال فترة قصيرة اذا اتعود الجسم عالجرعة الجديدة واذا ناوي تترك الدواء مثل ما قال الضاحك بالتدريج البطيء جدا وجربتها انا مع السيروكسات لمدة اسبوع او اسبوعين يوم اخذ الدواء ويوم اتركه بعدها يومين اتركه ويوم استخدمه |
الجواب
الكيبل اللي عندي مفصول و ما شفت من الإيفكسور أي كهرب الحمدلله لكن مع زيادة الجرعة يسبب لي ارتفاع في الضغط هذا من ناحية كهرب ما كهرب أما من ناحية الرغبة الجنسية أنا كنت أتعالج منه و لا شفت منه إلا كل خير من ناحية الرغبة فبعض الناس يصلح لهم و يحسن و يقوي الرغبة لديهم و بعض الناس بالنقيض يعتبر مدمر لهم وائل و محمد و غيركم تقولون ان الإيفكسور أضعف جنسيتكم أقول بإختصار : أفحصوا البرولاكتين و الغدد يمكن البلا منهم الإيفكسور علاج محسن للرغبة الجنسية عند بعض المرضى و يكون للبعض الآخر فعلا مدمر للرغبة الجنسية |
بيض الله وجهك اخوي الجنوبي سمعت عن السيروكسات واثاره الانسحابية نفس الايفكسور
|
هلا رسوم والله ما عاد ندري الوكاد اني بروح للدكتور عشان يشوف لي صرفه مع العلاج
|
اهلا اخي محمد انا جربت الافكسور ..الدواء قوي علي الاكتئاب لكن في مثل حالتك لايجوز لك لان ينشط الذهان وينشط الامراض الاخري مثل الوسواس القهري
فعلا فيه شحنات كهرباء وتمتد فنرة طويلة تمتد 3 شهور وايضا سبب لي فقدان تركيز شرس جدا ..اتخلصت منو بصعوبة بس مع هدا اقولك ان الشحنات تعامل معها عاديء عرض جانبي وشحنات ماهي مؤلمة لكنها مزعجة فقط ويسبب ايضا طنين في الاذن خصوصا في الجرعات العالية ويرفع الضغط ...لكن انا ممكن اقدم لك طريقة كل ماتحس بالشحنات خصوصا اثناء تحريك العيون يمين وشمال خوذ جرعه صغيرة 37 مل تكفي لاختفاء الكهرباء حسب تقديري هدا الدواء ينفع فقط عند اللزوم ملخص كلامي الافكسور يفيد الناس اللي عندهم اكتئاب وقلق فقط ..غير كدة الدواء خطير وممكن يسبب نكسات متعبة جدا وانا الان رجعت مرضت بالوسواس القهري وفقدان التركيز والتشتت بسبب الافكسور يعني شفيت من الاكتئاب وطلع عليا شيء مزعج اسمو الوسواس القهري والقلق الشديد والغريب بمجرد اخذ خبة افكسور ارجع طبيعي جدا بعد اربع ساعات بجرعه بسيطة 75 مل والوسواس القهري اللي عندي نوع سخيف جدا هو ليس مرتبط بالافكار او السلوك هو مرتبط دماغي يركز علي نبض قلبي مثلا ومايتركه او يركز علي منطقة في جسمي ويزعجني واشرس شيء لما دماغي يركز علي نفسو ياويلي يتلخبط واتشتت واصير مجنون الا خمسة..واحيانا احس قمة راسي تنمل من كثر تركيز دماغي عليها والله ياجماعه وسواس تعبني مرة ..لدرجة البكاء وقراءة القران هدا كلو بسبب اللافكسور |
اقتباس:
اولا لازم تحتمي عن بعض الاطعمة مثل العدس والفول ولحم البقر واهجر اي مادة غذائية تحتوي على الكافيين وخاصة الشاي والقهوة وايضا ابتعد كل البعد عن المخللات وقلل قدر الامكان من الموالح والاكل الحريف.. ثاني فيه عشبة ممتازة جدا مع مرتبة الشرف في علاج الاوسواس اللعين وهي عشبة لسان الثور استخدما لمدة شهرين صباحا على الريق بشبرب منقوعها.. ثالثا عليك بحمام البخار ثم البخار ثم البخار ادخل الحمام وقفل كل منافذ الهواء فيه وخذ معك غلاية مياه واجعلها تغلي وعرض جسمك لبخار الماء الساخن مع الاستحمام بالماء الفاتر مع مراعاة عدم دخول حمام البخار على الجوع او بعد الشبع مباشرة يعني ادخل بعد الاكل بساعة او ساعتين |
واذا تبغي نصيحتي يالبدراني اترك الافكسور لاني قرأت عنه في كثير من المنتديات العربية والغير عربية انه دواء قاتل ويسبب امراض عقلية حتى بعد تركه واكثر مستخدمين الافكسور يسبونه ولا يمدحونه..
والشي الثاني انصحك بعلاج الانافرانيل صراحة هذا العلاج اقوى علاج لحالات الاكتئاب الشديدة وخاصة الاكتئاب الذهاني لانه اشد انواع الاكتئاب.. فلو مثلا اخذت جرعة انافرانيل 75مج في اليوم فهي تعادل قوة السيروكسات 40 و السيبراليكس 20 وبجرعة 150مج وهي جرعته الوسطية تتفوق على اي مضاد اكتئاب سواءا كان حديث ام قديم وثاني شي فيه معلومة قالها لي الدكتور النفسي اللي المصري اللي اتعالج عنده وهي ان مضادات الاكتئاب ثلاثية الحلقة فعالة في علاج الاكتئاب الذهاني اكثر من غيرها لانها لها تأثير خفيف على الدوبامين في المخ فتقلل اعراض الاكتئاب الذهاني.. انا مثلك ماكانت تفيدني مضادات الاكتئاب العادية الا بعد ما جربت التربتيزول لمدة 6 شهور وخفف عني الاكتئاب بس تركته لانه كان ينشف ريقي بشكل غريب وانا اصلا ريقي طول الوقت ناشف خلقة بدون الادوية وعشان كذا تركته وحاليا وضعي الحمد لله في السليم صح ان الذهان مأثر عليه في حياتي بس أهم شي عندي انا الاكتئاب انه راح والحمد لله والله لا يرجع ايامه.. يعني الله يحلل اعراض الذهان عن الاكتئاب لان الاكتئاب كان اذا جاني يذبحني واقعد طول الوقت ادور على نفسي في البيت وبكاء وتطريش وسهر والله لا يوريك حالة ملعونة لا تسر لا عدو ولا صديق.. ونصيحة راجع الدكتور في اقرب وقت وقله يعطيك انافرانيل بدل الافكسور والخرابيط اللي ماتفيد وصدقني الذهان تقدر تتعايش معه مع الوقت بس الاكتئاب ياخي هو اللي يدمر كل شي جميل في الحياة واذا عالجت الاكتئاب صدقني راح تتعالج كل مشاكلك الباقية من بعده |
اقتباس:
هلا وغلا مصراتي الحمدالله على سلامتك اخوي الحبيب المشكلة ما قدرت انزل الجرعة ابدا حاولت بس ما قدرت يسبب كهرباء قوي واكتئاب فضيعة ودوخة واغماء وتعرق شديد بالنسبة للضغط الحمدالله سليم وطنين الاذن سليم الجرعة الصغير ما تكفيني لذلك اخذ الجرعة الكبيرة 300 ملجم ولم اتاخر على موعد الجرعة ادوخ واتعب طبعا هل حاولت تغير العلاج صراحة افكر اغير العلاج |
اقتباس:
هلا وغلا اخوي الزهراني المشكلة موعدي بعد ثلاثة اشهر وانا راح اكلم الدكتور عشان يغير العلاج بس بصراحة اخاف من الادوية القديمة واعراضها الجانبية الكثيرة |
اقتباس:
وصراحة هذي العلاجين عليها دعوات قضائية كثيرة من مستخدمينها وكثير من الناس ما قدرو يتركون السيروكسات والافكسور من شدة اعراضها الجانبية الشديدة.. واما بالنسبة للادوية القديمة صح ان اعراضها الجانبية كثيرة ولكن انت سوي فحوصات كاملة واذا مافيه عارض طبي يمنعك من استخدامها اتكل على الله واستخدمها.. وللمعلومية اذا الانافرانيل ماتجاوزت جرعته 75مج في اليوم ماله اعراض جانبية تذكر .. واما اذا قارنته بالتربتيزول والتفرانيل فهو اخف منهم في خاصية حصر الكولين يعني تاثيره على مستقبلات الكولين اقل من التربتيزول والتفرانيل.. وصدقني انشاء الله انك تستجيب على جرعة 100مج من الانافرانيل او جرعة 75 او 125مج ولا يحتاج انك تزيد عنها لانه علاج فعال للاكتئاب الشديد اللي ما يستجيب للادوية خاصة اللي مثل حالتك.. واما بالنسبة للافكسور خذ الحبة عيار 75مج واقسمها نص واقسم النص ربع يعني كل اسبوعين اترك منها ربع حبة وهكذا الين ما تتركه نهائيا انشاء الله واذا استمرت معكم الاعراض انت والمصراتي سافروا امريكا وقدموا دعوات قضائية على الشركة المصنعة للافكسور يمكن تكسبون القضية ضد الشركة ويجيكم تعويضات ff3w |
اقتباس:
راح اقترح على الدكتور علاجك باذن الله بس المشكلة لما خفض جرعة الايفكسور من 300 الى 150 اصابني خوف واكتئاب وتعرق شديد واعياء شديد واستفراغ واحس عظامي مكسرة فرجعت للجرعة 300 بسرعة حتى اليوم ما داومت بسبته اما اسافر امريكا ليش انا اختي هناك وش رايك اقدم معروض على اميرهم هناك ESWVG |
لازم تصبر على الأعراض الجنابية
والأفضل انك تخفف جرعات الدواء القديم تدريجي وفي نفس الوقت تبدأ الدواء الجديد وترفع الجرعة تدريجي وهذا يخفف من الأعراض الانسحابية للدواء القديم ولازم تتحمل شوي |
اقتباس:
لا تقبل بفترات طويلة بين المواعيد وحالتك لم تستقر ولم تبدأ الأدوية تعطي النتيجة المرجوة أنا أحيانا يكون موعدي بعد 3 اسابيع مرة فقط كان موعدي بعد شهر ونص لأن الدكتور كان عنده إجازة ومرة بسبب إجازة العيد لكن عادة يا مرة بالشهر ولما بكون مرة تعبان الموعد بعد 3 أسابيع طبعا هذي المواعيد مع الطبيب النفسي وطبيعي تكون كل 3 او 4 اسابيع على الأقل بسبب طبيعة عمل الأدوية أما المعالج النفسي فيفضل مرة بالأسبوع لكن انا مقتصر على التواصل مع دكتور ناصر هنا في المنتدى |
اقتباس:
هلا وغلا اخوي وائل انا اتعالج في مستشفى الامل في الرياض والموعد كان اقتراح من الدكتور وانا وافقت بس يوم رجعت البيت ندمت في الغلط مني انا شخصيا كذلك اراجع عند دكتور سليمان الصغير في عيادتها الخاصة بالملز بس زحمة وان شاء الله ازوره قريب اما المعالج النفسي كنت اراجع القحطاني في مستشفى الامل بس ما يصلح ابدا غير متقن لعمله |
اقتباس:
|
اييييه من الافيكسور انا استخدمه لي اكثر من ثلاث سنوات
اذا تاخرت عن موعد الجرعه احس بكهرباء براسي خصوصاً اذا كانت الجرعه 300 خلك على 150 وحاول تتناول الجرعه بالوقت المحدد وراح تختفي باذن الله وسلامتك |
انا جنني الافيكسور كان يسبب لي تاخر في القذف وكان يسبب لي نعسان
ودواء يعتبر سيء جدا وقطعته والان فقط بروزاك وفاليوم عند اللزوم ولريكا والوضع تمام |
اقتباس:
نفس الحكاية عندي اذا تاخرت عن الجرعة كهرباء وجرعتي 300 ملجم حاولت اخفف الجرعة ما قدرت ابدا لازم اروح للدكتور يشوف الوضع الله يسلمك وما تشوفين شر |
اقتباس:
هلا وغلا اخوي محمد انا سبب لي ضعف جنسي وبرود وكسلان كل الوقت بس الصراحة دواء قوي على الاكتئاب ان شاء الله اقطعه واحول على لسترال باذن الله ما شاء الله ادويتك قليلة بس الفاليوم وليريكا احسها ادوية ادمان ما تصلح تتعود عليها يا رب يشفيك ويشفى مرضى المسلمين لك تحياتي |
اقتباس:
|
جرب تستبدل الافكسور بالبرستيك
البرستيك دواء مطور من الافكسور وسلامتك |
الله يسلمك اخي وائل انا تركت الدواء من فترة طويلة واستخدم حاليا دواء انافرانيل والله الشافي
|
الله يشفيكم جميع ويبعد عنك الادويه واعراضها المضره
cry |
اقتباس:
|
رحت لصيدليه قبل شوي كنت ابقى اغير الافيكسور 75الى فيكسال 75 يقولي الصيدلي ليش تبي تغيره قلت بسبب اعراضه خاصتا كهرباء في الساق قلت شرايك يادكتر اغيره الى فيكسال قال لا الافيكسور انظف بكثير من الفيكسال ويقول عندك البرستيك كمان ممتاز قلت اجل عطني افيكسور 75 وانا الان لي يومين على جرعة 75 صباحا و75 مساءا لاكن عندي مشكله ياخوان قبل 8 شهور اكتشفت انني اعاني من مرض السكري بالصدفه هل تتوقعون اني اصبت بالسكر بسبب الادوية النفسيه حسبي الله على هالاطباء ولا واحد منهم سوا لي تحليل عن السكر لي اكثر من 20 سنه ونا على الادويه النفسيه بانواعها انا خايف اني مصاب بالسكر منذ زمن بعيد ونا ماكنت داري وعندي ارتفاع في انزيمات الكبد كذلك الكوليسترول زايد معي وايضا الدهنيات واخذ لهم علاج مع مثبت للسكر وصرف لي دكتور باطنيه وامراض سكر حبوب اسمها جوسبرين 81 مسيل للدم هذه الحبوب مدري ليش صرفها لي
|
| الساعة الآن 08:47 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا