|
بالله للحين فيه ناس مو مقتنعين انه وسواس لاحول ولا قوة الا بالله
السلام عليكم ورحمة الله وبركاته الحمد لله وكفى وصلاة وسلام على نبيه الذي اصطفى خير الورى محمد ابن عبدالله خير من وطأ الارض وشفيعنا باذن الله يوم العرض ثم اما بعد :- موضوع يخص الكل والموسوسين خصوصا بوسواس الموت والافكار والاحلام والخرابيط هناك اناس منا واعرفهم هنا يقولون اننا نوسوس وناس يقولو لا احيان يكون مؤكد طيب يا اخ موكد تبغون اصدمكم تبغون اصحيكم تبغون اضحكم على انفسكم تبغون تحسون انكم كدتو ان تصبحو غريبو الاطوار بسم الله المتواجدون الآن 879 (الأعضاء 25 والزوار 854) ٨ ٨ ٨ ٨ ٨ ٨ تعرفون اش اللي فوق هذا الناس اللي في قسم الوسواس بس وثلاث اربعاهم او ٩٥ فالميه منهم زيكم واخس ونا كنت واحد منهم اللي موجودين بس ٢٥ سبحان الله كل ٢٥ ذول خلاص بيموتو طيب خلاص سلمنا جدلا انهم بيموتو طيب فيه ٨٥٤ زوار كيف زوار يعني زي ماكنت اسوي يخشون قوقل ويكتبون احس بالموت ، وسواس الموت ،خوف من الموت وعلى طول لان مواضيعنا هنا عن هذي الامور يجو على رابط المنتدى مع العلم ان كل يوم عدد مقارب ويمكن اكثر بكثير ومو نفس الاشخاص وتقدرو تتاكدو من ادارة المنتدى هل ذولي كلهم بيموتو ؟ ياعالم العدد كبير اليومي مما يعني ان هذا البلا بدا يفتك فيكم والله والله والله سبته باسهل الطرق بالله للان محد مقتنع انه سامج وعنده شجاعه يقول تعال ياوسواس بموت اجل اش رايك تجيب شاهدين عشان اصدقك محد فيكم فيه قوه على ابليس عليه العوض ومنه العوض |
و عليكم السلام و رحمة الله و بركاته
المشكلة أنو الخوف راح فليش الاحساس موجود حاسة أن الموت جاي ... متوترة و قلقة بس ما في خوف و لا أعراض !!!!! يعني معقوله نوبة هلع بلا خوف و لا أعراض بس احساس و قلق و ضيق و بكاء ؟؟ حاسة أن رأسي وقف مو قادرة أفكر حتى مو عارفة إذا بدي أعيش أو لا !!!؟؟؟ |
اقتباس:
|
اقتباس:
يعني الخوف راح قبل الاحساس ؟؟؟ و إذا هيك .. كيف يروح الاحساس !! |
انا الخوف ملكني مع احساس
لدرجه يحدد ايام الي بموت فيها حتى يوم اي حد من صديقاتي يقولون اشتقنالج اقول ليش جي قالوا ليش اتم افكككر اكون فالحمام اتخيل كل شي اتخيل ملك الموت يالله صبرك اذا هذا وسواس ليش الاحساس مرتبط معاه ليش نخاففففف اذا يانا نوبات العلع |
اقتباس:
تعرفي انو الحين يوم افكر فالوسواس اقوله وينك يالعين يوحشني احيانا حمد لله بعدين الشفاء من المرض الف مره اقلك ذا مو مرض ذا استهبال مخك فاضي قال خل نلعب شوي |
اقتباس:
|
صحيح مين من المملكه العربيه السعوديه
او ياليت تعرفونا من اي دول انتم |
اقتباس:
كانت موسوسة أكثر مني و حتى ما يخاف الي يقرأ ردي .. عاشت حياتها كلها و هي تخاف الموت و كل يوم ننادي لأعمامي حتى يجو يودعوها و ماتت و عمرها أكثر من 86 سنة الله يرحمها و يوم ماتت ما سوت شيء و ما ودعت حدا .. كانت في غيبوبة بسبب السكري و في الطبيبة النفسية بس ما لقت مكتب للحين للأسف !! أدري مخي فاضي .. لو ما كان هيك لما لقى الوسواس مكان فيه ! |
اقتباس:
|
اقتباس:
ههههههههههه و الله جنينا و جننا غيرنا |
شو بتنصحنا نسوي ؟؟؟ احس حالي ضعت ، ما بقيت استرجي احكي لاحد تعبت الكل . كانو قبل ادا قالو لي ما فيكشي كدا كدا ، كانت معنوياتي ترتفع احس تحسن بس مؤقت ما بقى اقدر احكي لحد
|
والله ماعرف شقول و اسوي
بس اخاف و اصيحححح |
وانا بعد احس بضيق وابي أصيح كل اليوم الحاله التزيد تعبت من سنتين وانا بالي كله بالموت وأحس بموت ورمضان مقرب أقول يمكن أكون ما موجودة
|
ألماس نفس حالتي
الشي صار يخوف حتى صار فيني صدااااع |
اقتباس:
تعبنا من الحاله والله كاليوم كاليوم وهالشي بالنا مته نرتاح والله أنا حته يوم اصلي اخاف واتوسوس وأقول شكله بموت الحينه ويوم أقره احس بضيق واعرق وارتجف كنت كيف محاظفه ع صلاه وأحينه للأسف استغفرالله |
اقتباس:
حتى اخاف اقراء قرآن ارتجف اتضايج اصيحححح حتى لو اسمع اقول ليش نفكر فالمستقبل ليش نلبس ليش و ليش |
السلام عليكم أعضاء المنتدى الكرام،،،إنشاء الله تكونوا بصحة و عافية الصحة البدنية و النفسية،،،،و أنا فرحة جدا بوجود اﻷخ محور اﻻتكاز معنا فمبادرته بمساعدة اﻹخوان هو دليل على أن وسواس الموت قابل للشفاء،،،مثلما كنت أقول كل مرة،،،يعطيك العافية أخي و أطلب منك الصبر علينا و على شكاوينا المتكررة ،،،، أما بالنسبة ﻷختي و عزيزتي راضية بالقدر لي عتاب صغير عليك،،،ماكان لازم تحكي عن عمتك الله يرحمها و يجعل مثواها الجنة،،،خاصة لما قلت أنها عاشت حياتها كلها موسوسة و لم تشفى من وسواس الموت،،،يعني أنت هيك رح تفقدي الموسوسين اﻷمل في أنهم يشفوا،،و يمكن في من انتكس،،، ﻷننا بحاجة لعلاج و لبصيص أمل أننا في يوم من اﻷيام سوف نشفى بإذن الله،،،،
|
اقتباس:
بس صراحه فكرت الموت ما تطلع من بالي هاي وساوس بس أنا ما مقتنعه انه وسواس احس كأنه صدق بموت كأنه محدد عندي انه بموت استغفرالله من سنتين وانا جي تفكيري ولا حاسه بطعم الحياه اروح السوق اشوف ناس وأيد أقوم أنا لج ما ممثليهم وأحس بسوق مختنقه وحراره وضيقت صدر خلاص بموت أقول غصب اطلع برع والله |
اقتباس:
أختي ما ظننت أن الموضوع سيسبب أي حساسية و إن حدثت فأعتذر عمتي الله يرحمها ما بحثت عن علاج .. أصلا من يوم ما وعيت ع الدنيا و هي هيك .. تجيها نوبات الهلع و وساوس بس عايشة حياتها .. يعني تعودنا عليها و صارت حالتها طبيعية بالنسبة لنا الي حبيت أوصل له أنها كانت موسوسة الله يرحمها و في كل مرة و عند أي وجع تقول رح موت .. بس يوم ماتت ما سوت شيء و ما ودعت أحد و ما اشتكت .. يعني راحت بكل هدوء هذا لنفهم نحن الذين نفكر في كتابة وصيتنا و نشعر أننا نودع و ننتظر الموت في كل لحظة أن الواقع مختلف ! و إن تأثر أحدكم سلبا فأعتذر ثانية |
اقتباس:
حتى الحين يالسه افكر اقول بس مجرد خوف بسيط مجهول دخلنا بدوامه ما نقدر نطلع منها ابي اتذكر اول يوم يوم ياني هالوسواس ليش ما تجاهلته الحين قاعده و افففككككر حتى صدعتتت الي اقتنع الي فيني وسواس بس ما قدر اقتنع محور الارتكاز ريحني شوي بس عقبها قلت كيف وسواس اتذكر الماضيي و اخاف اخاف حد يقول حلمت فيج اخاف اكككثر |
محور الارتكاز ممكن اسألك شي و ان شاء الله تقنعني
|
اقتباس:
|
حتى انا ارتاحححح اقول انا مب روحححي في حد يعاني مثلي و اخس عني
|
اقتباس:
هي أنا بعد ع بالي بروحي أكده أقول ليش أنا جي والباقي أحسن مني يوم شفت هالمنتدى ارتحت والله ما تتوقعي رمضان اللي طاف كيف تعبت ما تتوقعي لدرجه كنت أرقد باليوم 3 ساعات او 4 وفالسحور ما اكل اذا اكل اكل نص الخبز بس لانه تعبت وأيد ما اقدر اكل وأقول بموت وكنه نتحسر صحت مره وحده لانه جسمي كامل يرتجف وأحس بحراره بجسمي وضيق الصدق قلت خلاص بموت بس الحينه خُف والحينه رمضان يائسة خيفانة وتيني أفكار واتوسوس أقول بموت وما أحب اقعد بروحي لازم عندي حد الفليل اما العصر وله الظهر عادي خاصتها الليل اخاف والله |
اقتباس:
خايفهههه حتى اخاف ارقد تتدرين من كثر التفكككير مصدعه حححيييل ماعرف شسوي |
اقتباس:
|
ابي اقتنع انه وسواس 😪
|
اقتباس:
|
اقتباس:
واما بخصوص راضيه بالقدر فاتمنى منكي ومن الجميع روية ماقالته عن عمتها من الجانب المشرق وهو ان عمتها قالت بموت من سن مبكره ومتى ماتت يعني ان هذا مجرد وسواس فقط والانسان ياخذ عمره الذي كتبه الله جل في علاه اما عدم شفائها حتى ماتت فهو من اسباب كثره فهي توفت في عمر يناهز ٨٦ يعني ايام شبابها لم يكن العلم النفسي متطور مثل الان ولا يوجد وسايل تواصل للمعرفه مثل الان فهذا من الاسباب غير انها والله اعلم استسلمت لانها لاتعلم ماهذا الذي بها فدائما لاتنظرون لنصف الكاسه الفارغ فلنكن ايجابيين لك التحيه ام يحيى |
اقتباس:
كيف الوسواس يقولي بتموتين يعني انا أتكلم بداخلي بس بصوتي يعني اي شي أقوله أقوله بصوتي بس ف داخلي احس انه احسسساسس يعني ليش اختارلي رمضان و يحددلي آيام مع ساعات و تاريخ ليش قلت بموت ف رمضان هل لأَنِّي كنت اشوف مسلسلات مال رمضان ولا وسواس قالي جي اقولك ان شاء الله فهمت علييي و الي فهم علي يجاوبني ابي ارتاح |
اقتباس:
فيه موضوع نزل عن وسوسة الشيطان من الاخ سمير مغربي اقريه وتفهمي |
طيب انا اذا ماكتفيت نوم
ينتابني نفس الشعور بالاحساس بالموت لماذا مع اني قبل ماصاب بالوسواس ولا كتفيت نووم عادي ماحس بالاحساس هاليحن احس لماذا |
اختي راضية بالقدر نفس اللي يحصل معاك يحصل معايا بالضبط ولكن علينا الاستمرار حتى يجعل الله بعد عسر يسرا. اللهم اشرح صدورنا ويسر أمورنا يارب
|
اقتباس:
شسمه ذا بقولك شي مدري كلامك اخوي احيانا لما اشوفك تشرح وتتكلم افهم وارتاح شوي بس لما افكر ادخل على الموضوع الزبده بتكلم بقولك عن شي وذا انا اقولك موسوسه من مده طويله اكثر من 5 شهور تعبت والله هي بدايته عادي فجاه جالسه اتفنجل مع جدتي وخالاتي جاء قلبي كذا يطق بقوه انا تنحت وخفت4re حسيت اني بموت بديت احتر جيت مسكت يد اختي جنبي هي استغربت قالت بسم الله وش جاك انتي وجهك احمر وتقل بتصيحين طبعا مقدر اطول صوتي ماكنت ابي احد ينتبه بس هي فضحتن? قلت قلبي ضحكت علي هي واختي الثانيه تفشلت قمت بسرعه وقعدت استغفر واشرب مويه مدري شدخل المويه بس اتوقع ذاك اليوم طولت وانا اشرب مويه جت اختي لمي قعدت تضحك قالت خير وش جاك انتي قلت مدري من بعدها الوسواس مستمر معاي اقولك الحين يعني طفشت وصرت احس انه حقيقي بس ما اخاف زي قبل بس بنفس الوقت ابي اعيش وذا عاد وقت ما يجين وسواس احتاج اتكلم مع احد لانه وقت ما اتكلم مع احد ارتاح ويروح التفكير كنت اكلم صديقتي مرتين يوم جاني وتضحك تقول خير وسواس ذا قلت لا صدق وتضحك علي من بعدها ماصرت احب اكلم احد خواتي لو قلت لهم بيضحكون زي قبل وصديقتي بطقطق علي وامي كلمته قالت خير وش ذا عيب عليك يلعب عليك الشيطان وذا بعدها ماصرت اكلم احد بس لما احد يكلمني صرت ارتاح والله عشان كذا لما قلت نبي برنامج تواصل حبيت الموضوع لانه انا ما ارتاح الا اذا احد جلس يكلمني الحمدلله على كل حال اسفه اخوي *محور إرتاكز* ازعجتك وانت ماقصرت معنا كثير 👏🏻💜💜 |
اقتباس:
بالعكس وجودنا للتخفيف عن بعضنا والله اعرف ذا الحال ومع اني انتصرت عليه بس جيتكم لان اللي يصير معكم حرام واعرف اش يسوي ف الادمي |
اقتباس:
والله يبعد عنا هالوسواس ويشفينا |
اقتباس:
|
| الساعة الآن 01:31 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا