اخوي عزيز ابي اتواصل معك ضروري
 

كيف اقدر اتواصل معك اخوي عزيز ضروري الله يجزاك خير

عند موافقة الأخ عزيز على التواصل ، اطلب منه أن يفتح موضوع
في الإقتراحات ، يضع به اسلوب التواصل ، وسنوافيك به اخي الكريم برساله خاصه ،،،،

آمر ياحبيبنا طالب المجد اسأل

هلابك حبيبي
انا كننت اقرا مواضيعك ورب الكعبه فتحت الامل لي
الله يجزاك خير ي عزيز
انا الان استعمل فافرين 100 وانفرانيل 50
وقاعد ارفع كل اسبوع بالجرعه عشان اوصل للجرعه اللي تقضي على الوسواس
ابي منك نصايح او اي شي يساعدني لانك انت عندك خبرة
وانا والله على وجه زواج وشكلي بكنسلهً
تعبت وانا اخوك والله يكتب لنا الشفاء

منذ متى وانت تاخذ الفافرين وكم الجرعة الذي وصلتها ؟
الانفرانيل ممتاز يسرع عملية الشفاء
وتحتاج إلى جرعة مضاد للذهان لان الفافرين حسب تجربة لا يعمل الا مع مضاد للذهان مثل السركويل الريزال بجرعات صغيرة لا ينقص عن 50 ملجرام ولا تزيد عن 100 ملجرام حسب وصف الطبيب
وعند استخدام مضادات الذهان لازم تتوقف عن السكريات وتقلل من النشويات ايضا لانها تسبب النعاس مع مضادات الذهان انا دايما النشويات اتناولها بالليل
وعند توقف الوسواس
يبغالك تبحث عن المسبب للوسواس:
هل عامل وراثي اذا كان عامل وراثي مشكلة لا بد الاستمرار على الادوية
او مشكلة في الامعاء او المعدة هل سبق وسويت عملية وهل تعاني في المعدة قالون او حاجة
او سبق وجتلك صدمة في الحياة بشكل عنيف
او حادث مروري تأثرت الجمجمة
او مشكلة في فروة الرأس يبغالك يتعرق الرأس باستخدام الملفوف
او الكابتجون والحشيش يسبب الوسواس
او نقص فيتامين د (هو لم يثبت علميا لكنه متهم )
او الغدة الدرقية
او تسخدم ادوية هرمونية مثلا لانبات الشعر مسبب للوسواس
او تعاني من الفري الفري (فتق في الرأس)

اولاً لي الان ع الفافرين تقريباً اسبوع
الصدمات والله مدري ياما انصدمنا عاطفياً
الحمدالله ماعمري استعملت المخدرات
وراثياً مدري انا بدا معي الوسواس يوم تخرجت من الكليه يعني وعمري 22 سنه
الفري رحت لابو يوسف الشمري وقال لي فيه فرق اربع اصابع وسوى لي الربطه شد على راسي شدة قووويه
بس ماحسيت اي فرق
الملفوف لسى ماستعملته وناوي استعمله
القالون رحت للاستشاري باطنيه وشكيت له الاعراض وقالي فيك قالون عصبي
التحاليل سويتها كلها سليمه ولله الحمد
الادويه الهرمونيه ماعمري استخدمتها
بالنسبه للعمليات ماعمري سويت عمليه للمعده ولا صار لي حادث ولله الحمد

نسيت اقولك عزيز اني استمريت على الفافرين تقريبا اسبوعين على 300 وحسيت فيه تحسن بس مدري وش صارلي رجعت ابكي بعدها رحت اخذت انافرانيل
والحين رجعت للفافرين
الدكتور قالي فافرين وانافرانيل بس انا اخذت كل واحد الحاله الفتره اللي راحت بس الحين من يومين اخذت الاثنين سوا
خلاص لو يعطيني سم اخذته
بديت في الاثنين من يومين وقاعد ارفع جرعة الفافرين الين اوصل 300 والانفرانيل 75
وش رايك كذا الجرعه مناسبه ؟!
عادي ترا تقولي فيه علاج بالهند ولا الصين ولا موزمبيق وربي غير اروح
اهم شي اتعالج واعيش مثل الناس

مر على الصمعاني في حي المروج شفت خل المكتب الرئيسي للخطوط السعودية على يسارك تجيك اول اشارة اتركها ثاني اشارة اخذ يمين اول ، اول سيدين على يمينك اتركها بعدها اخذ اول لفة على يمينك اسأل عنه في هالحارة
بخصوص الادوية لا تجلس تلعب فيها على كيفك لازم طبيب يتابع معاك
أفضل طبيب نفسي مر علي واحد طبيب ماهر ممتاز في مجمع الامل أسمه أحمد منصور فيه واحد ثاني اسمه فهد المنصور او مادري لا تروح له
روح لأحمد منصور تحلصه يداوم في الصباح مر عليه هو فاهم جدا في حكاية الوسواس لو تروح له اضمن لك بعد الله أن معاناتك بنتهي باذن الله
واسمع كلامه ووخذ الجرعات الادوية بانتظام مثل مايقولك وعلى فكرة افضل طبيب نفسي مر علي في تاريخي

واذا شفيت باذن الله لازم تعزمني على مطعم من زمان ماحد عزمني :)

قسم بالله ياعزيز لأعزم قبيلتك كلها بس خلني اطيب
عزيز بسألك الحين انا تفكيري باشياء صارت من الماضي يعني بكون صريح اشياء صارت لي وانا صغير احاول اتناسها مو راضيه تطلع من مخي
يعني هي من المرض ولا كيف
ثاني شي رحم الله والديك انت انسان خلوق وطيب
انا في المدينه المنوره الان عملي راح ارجع له بعد العيد
وش رايك اجيب الملفوف وابدا فيه ولا تنصحني امر الصمعاني اول
بالنسبه للعلاج والله لعبت فيه بس التوووبه
خلاص ماعاد فيه لعب

هذا شغل الوسواس يكرر الافكار السيئة ويكرر الوساوس ويجعل عقلك شغال ويستحال مفارقتها مهما عملت يعني فيك فيك اعرفه الخسيس
مر على الصمعاني افضل حتى لو بالويكند يكشف على فروة الرأس
الادوية لا تلعب فيها انتبه في حال استخدامها بغير انتظام تنعكس الاثار الجانبية ضدك

ي حبيبي ي عزيز الله يوفقك ياشيخ انت امير

والله الوسواس خلاني اكره السعوديه كلها
بأذن الله اذا طبت بروح اعيش برا
يقولون البوسنه البيوت فيها على خمسين وستين
خلاص بعيش برا
السعوديه تخلي المرض مرضين

الله يصبرني الله يصبرني
قسم بالله كرهت الحيااه
كرهت كل شي
دموعي ماتوقف
ليش يصير فيني كذا ليش
والله اجتهدت بالدراسه وكنت متفوق والحمدالله حصلت وظيفه زينه
والله تعبت وانا اناقش الوسواس تعبت اجامل تعبت اسامح
حتى اللي تحرش فيني وانا صغير مسامحه مسامحه
يالله والله عذاب لا يطاق
بروح برا امريكا المانيا جن ازرق اهم شي افتك من العذاب ذا
عز الله ضاقت فيني الوسيعه
عزيز ي خوك متى احس بالفرق مع الادويه
حسبي الله ونعم الوكيل
الى متى وانا بالعذاب ذا
الى متى وانا اصبر نفسي
والله ماودي اتكلم بس احس بالضيم احس بالقهر
ودي الارض تبلعني
حرام انه عذاب

كانت احلامي كبيره
كان ودي ابتعث برا واكمل شهاداتي
واتزوج واطور من نفسي واعيش على اقل من مهلي
لكن اه لاني مجنون ولاني بصاحي
حياة الشقى ي حياة الشقى

البارحة دنياي ضاق علي فضاها
اضيق من الأبرة على ناظم السلك


حرام انه صحيح

الله يشفيك اخي ، وسواس ما يروح بسرعه بس لا تستلم وتوقف طموحاتك وأحلامك عشانه، تحمل وقاوم ،أوقف وحقق أهدافك لا تخلي وسواس يكون سبب ضعفك ويهدم آمالك ،ادري كلام سهل بس تطبيق صعب بس الله معاك اصبر ...
احنا كبشرتمر علينا امور نكره فيها انفسنا نتضايق من اشياء مانعرف اسبابها!!
ومرات نشك في انفسنا انه فينا شي هذي طبيعتنا لا حول لنا ولا قوه، هذا شي في داخلنا لازم نغيره من نفسنا لازم نقنع انفسنا من داخل ونتحكم فيها انه مافينا شي مجرد اننا ضعفاء ولاننا ضعفاء ربي اعطانا حل واحد هو نستنجيه وقت الحاجه وو الله من استنج عبداً بربه لم يضيعه ربي يراقبنا بحالتنا ينتظر عبده يتقرب منه، البشر والشكوى للبشر ماراح يفيدنا لانهم ضعفاء خلقنا من نفس الماده وكلما حزِنو طلبو رجاءه..
لا يغرك وسواسك قوي نفسك من داخل، حكمي عقلك، افهمي انها دنيا وماراح نستفيد منها شي. مثل ماقلتلك حاولي تقوين نفسك بنفسك لاتعتمدين ع احد هذا مابيفيدك حاولي تتغلبين ع نفسك وراح تلقين نتيجه بإذن الله>>نصيحة صديقتي لي ممكن تفيدك مثل ما خففت عني ..
صدقني الي فيك موفيك لحالك كلنا هنا نفس حال لازم نساعد بعض ..والله يشفيك ويطيل بعمرك ويبعد عنك كل سوء و يوفقك في طريقك يارب ..

انصحك بمنتدى الخبير النفسي سجل فيه واطرح مشكلتك وبتلاقي حل بدون ادوية باذن الله

شفاك الله وعافاك

اخوي عزيز بسألك هل جرعة 200 فافرين
و50 من الانافرانيل ممتازه للوسواس !!
ام اغير الجرعه او ازور دكتور تاني
شاكر ومقدر لك

بخصوص الجرعة يمكن الطبيب المعالج يزودها بالتدريج او يشوف هل ببتجاوب معها أول لا انا مااقدر افتيك حسب تقبل الجسم لها وحسب حالتك
وسبق وقلتلك افضل طبيب مر علي في حكاية الوسواس


معروف جرعة 300 ملجرام للفافرين هي العلاج للوسواس لكن بالتدريج لكن يعاب على الفافرين انه لايعمل الا مع مضادات الذهان
وياخذ وقت اقلها ستة شهور واكثرها سنتان

وفي شي ثاني الانسان المعافى لو يجلس فاضي او في وقت فراغ أو وحيد
تجيه هموم الدنيا حاول انك تشوف لك مشاريع تطقطق فيها وشف لك استراحة وخالط الناس وفلها وسافر غير جو مو لانك تعبان لا لان الانسان بطبعه مايعيش وحيد اوفي وقت فراغ

اي واحد انطوائي او عنده فراغ كبير تحصل عنده علة نفسية هذا الانسان بطبعه كذا

شكرا ي بعدي والله يسعدك

حطيت الملفوف على الراس الله يكتب فيه الشفااء
يارب يارب يارب

خـلـطـه اللبخه بدون حميه

- تـحيي بأذن الله الـشـعر الميت وخاصةً عـند الـرجـال مـع تقـدم الـعـمر.

- تـمنع تســــاقط الـشــعر.

- تـقـوي بصيلات الـشـعر.

- تـطـول الشـعر وتـكـثـفه.

- للـجـلـطه .

- للـصـداع الـنصـفي( الـشـقيـقـه ).

- للـوشـره (تـنـسـيم الراس ).

- للـخـشـه (دخـول الـبرد في الـراس).

- مقويـه لأعصاب الـراس.

المقادير: كـيـلو حــناء، كـيـلو مـحـلب ،كـيـلو سـدر ، بـياله حـبـه سـوداء، بـياله مـلـح ، فـنـجال عـويـدي (مـســمار) ، فـنـجـال زنـجـبـيل.

طــــــريـقـة الاســــتـعـمال: تـطـحن جـمـيع الأعشاب طـحـناً جـيداً وتـخـلط جـمـيع الـمواد وتـوزع على سـبـعـة أكـياس... يـسـتـعـمـل كل كـيـس بـعد ثـلاثة ايام من استـعـمال الكـيـس الذي قـبله... عند استعمال الخلطة توضع في ماء فاتر او دافئ وتصـبخ على الراس ويغطى بـقـماش...يمنـع منعاً باتاً التعرض لـنفـحات البرد عند الاستـعـمال... الـمـده ثلاث سـاعات من اثـناء وضع الخـلطه على الراس... يـغـسـل الراس بـعـد إزالة الـخـلطـه منه.

عصفور حبيبي هذي تنفع للوسواس ؟!

ثاني يوم من الملفوف الله ينفع فيه
حاس بتراجع بسيط بالافكار مدري توهم ولا صدق
الله كريم

واصل عليه 30 يوم مايضرك ولكن لازم اذا فكيت الملفوف من راسك تحسه شوية ساخن والملفوف ممتاز قادر على علاج الالتهاب في داخل الرأس باذن الله
ماقلتلي وش اسم الدكتور اللي تراجع عنده جميع الاطباء في الرياض اعرفهم ؟

هلا عزيز حبيبي
راجعت عند كثيرين
والحين اراجع عند واحد في المدينه
بالرياض رحت لمهار بغدادي ورحت للسبيعي
ورحت للدكتور فلسطيني سعودي نسيت اسمه

عزيز انا بالمدينه كيف اقدر اوصل للدكتور احمد منصور

اليوم الثالث بالملفوف
اليوم حاس بضيقه وبكاء بس حطيت الملفوف
والله ينفع به
العلاج الدوائي 200 فافرين 50 انافرانيل
ولسى بحاول اوصل 300 فافرين ان شاءالله خير يارب

العلاج السلوكي لقيت بالبحث كذا حاجه
منها انك تقول لأي فكرة سلبيه موافق موافق
يقولون قبول الفكرة السلبيه يجعلها تختفي
اهم شي تقول موافق لكل الافكار السلبيه

سبق وتعالجت عند ماهر بغدادي وعبالله السبيعي في عيادات ميد كير أيام كانوا في طريق الملك عبد الله كانوا مستاجرين مبنى صغير جنب المطعم الايراني امام مبنى الامريكان
عبدالله السبيعي شاطف أمها ، الطب النفسي في ناحية وهو في ناحية جيد بس في الاعلام
وماهر بغدادي يعرف يشخص الحالة لكن مايعرف يوصف الدواء لكنه افضل من السبيعي بس يبقى سباك وكان عندهم معالجين سلوكيين الطب في ناحاية وهو في ناحية

ومريت على واحد نسيت اسمه اسمه الصغير برضه شاطفها يحسب كل الامراض النفسية اكتئاب يبيلها تلميعDSDDSSDS
والله مهوب فاهم

الين طحت في واحد في مستشفى دلة عام 2008 استشاري اسمه أحمد منصور والله ياهو فاهم بالع الطب النفسي ماشاء الله ودقيق في وصف العلاج يعني الرجال يعرف وش يبغى وجاه عرض من مجمع الامل للصحة النفسية وراح لهم قسم الادمان
لكن الرجل فاهم بمعنى الكلمة هذا الطبيب اللي يقولون عنه طبيب

والله ياعزيز الافكار ماسكة معي بقووه وعاد افكار وسخه مالها داعي
كيف اوصل للدكتور احمد والله اني في عذاب
الله يعين ماني حاس فرق في الافكار وانا استعمل الدواء
هل انا مستعجل ولا كيف
متى احس بالفرق من استعمال فافرين 300 وانافرانيل 50

ايه طبيعي الافكار ماسكه معك وراسك تحس انه مثل اللمبة حار ، كان راسك في تنكة مضغوطة وحرارة اعلى الرأس ، وتحس ان الافكار احيانا سخيفة واحيانا تحسها حقيقية وبتصير واحيانا شك وهي تفاهات لاوجود لها
المرض غصب عنك لا تلوم نفسك وشغل الوسواس تفكر بالفكرة ثم تحلها بالمنطق بدون منطق تخف مؤقتة ثم تقلق ثم ترجع الافكرة يعني حلقة وسع صدرك كلنا مرينا نفس المعاناة
واحيانا تحس باكتئاب ودك تبكي مافيه احد يفهمك مافيه احد يساعدك واحيانا تحس انك بتعيش على هالحالة مدى العمر واحيانا ماتدري وش تبي هذا شغله وافكارك شغالة وجالس تسترسل معها غصب عنك

شوف أنا بقولك النتيجة وانت اختر بنفسك الدواء اللي يعجبك حسب تجربة لي وواحد من الجماعة وزميله في العمل
انا استخدمت الفافرين وفيه شخصين استخدموا سبرالكس واليك النتيجة
الفافرين : مشكلته بطيء البناء الكيمائي يحتاج إلى ادوية مساعدة من الانفرانيل مع جرعة صغيرة من مضادات الذهان الفرق من 9 شهور ويقضي عليه بغصون سنتين وميزاته يزيد الوزن بشكل قليل ويأثر على الجنس بشكل قليل

السيبرالكس يمدحونه وتبدأ تحسن بالفرق في الشهر السادس ويقضي على الوسواس في الشهر العاشر بالجرعة القصوى ولا يحتاج إلى علاج مساعد لكن مشكلته السمنة بشكل قوي لانه يفتح الشهية بشكل قوي ويموت الجنس

وانت اختر اللي يناسبك

وانا اقترح مادامك في البداية بالسيبرالكس تختصر المدة والمسافة لكن تحت اشراف طبيب ماراح تحس بالفرق الى بداية الشهر 6 يبدأ الافكار تخف الى أن تصل الى الشهر 10 تختفي نهائيا

والله ي عزيز وصفت اللي امر فيه بالززبط
كل كلامك صحيح ميه ف الميه

عزيز حبيبيً
امس رحت شريت ملفوف
اخذته من سوق الخضره جديد من المزرعه وعليه ورقه خضرا كبيره هي العريض !!
المهم اخذت ست حبات قلت كل يوم استخدم حبه
ولا ماينفع لازم كل يوم وحده من المزرعه !!؟
لاني جبت ست حبااااًت قلت بدال ماروحً كل يوم

لا اله الا الله
اليوم زادت السالفه بكاء وضيقه وافكار وسخه وجنسيه
حسبي الله ونعم الوكيل
يمكن عشان بدايه العلاج
يارب رحمتك يارب رحمتك

ي حبيلك ي عزيز اقرا مواضيعك وارتاح
واعرف انك مريت بشي كايد والحمدالله الله تمم عليك الشفاء وعساه دوم يارب
اسأل الله ان يشفيني ويشفي جميع مسلم

هلا واللهه كل عام وانت بخير
الملفوف عادي لو تشتري 3 مرة وحده وكل ملفوفه تستخدمها مرتين بس اهم شي ماتقرب الثلاجة
لو تمر على الصمعاني افضل

والعلاج ياخذ وقت بالتوفيق

بيض الله وجهك

ووجهك واذا احتجت شي كلمني

حبيب قلبي ي عزيز
انا ودي اتواصل معك عن طريق اي وسيله تختارها
واتس ولا ببي ولا تويتر
لو مافيه احراج افتح موضوع بالاقتراحات واكون ممنون لك
وجزاك الله الف خير