يمر رمضان ورا رمضان وعيد ورا عيد والحال ماتسر عدو ولاصديق
 

يمر رمضان ورا رمضان ورا رمضان والحال ماتسر عدو ولاصديق
ويمر العيد ورا العيد وانت ممثل بارع تسوي روحك عادي وانت مليان من البلاوي والمعاناه والتعب
ااااااااااااااااااااااااااااه ياكم اتمنى يرجع لي احساس الناس بالعيد وفرحتهم ولقاء الاحبه كل هالاشياء فقدتها من 15 سنه او اكثر

الحقيقه انا مستغرب كيف صابر على كك هالبلاوي لاكن انا ماحب ان اكون ضعيف اني اموت روحي لان اعتبره هروب وليس حل احنا نبي حل

ياخي انا كذاب لاتصدقوني شوفوا الناس الي مافيهم شي والي اكيد تعرفونهم وتشوفونهم بحياتكم وتعرفون ليه انا زعلان كثير لان انا من يوم اني صغير ماحب اني اكون اقل من غيري

لاكن موصرت اقل من غيري صار حتا الاسوا مني افضل مني ههههههههههههههه دنيا حقيره ورب البيت ايه الله يكون بالعون ويغير الحال للافضل

منتضر عندنا وعندك خيرررر... لكن انت من وين منتضر ؟

مدري متى بنطلع من هالمصيبه البلاوي قامت تزيد ومسكره من جميع الجهات
انا من لشرقيه

لو فيه فايده لاسئلتك كان جاوبت بس مامنها فايده هالا يسئله كنت اسئل عنها بدايه دخولي للمنتديات الان انا اصبح مخضرم ههههههههه

يالللللللللللللللللللللللليل اليوم موصله عندي بركان منفجر والله اتووووووقع بعد الضغط بيطلع انفجار وممكن يكون قريب

حسبي على من كان السبب صرت مجنون رسمي الا شوي

الله يكون بالعون ... الدنيا يا اخوي كلها حظ وانا كنت قبل اتحسر عالعيد وعلى رمضان وعلي حياتي اللي تضيع بلا سعاده ولكن اكتشفت انه الدنيا حظوظ واللي مكتوب عالجبين لازم تشوفه العين وفي ناس تلاقيه محظوظ من اول يوم يتولد فيه وناس لا تلاقي حياته عباره عن مجموعه من الحفر اذا طلع منها طب بشوووووك.

يعني تتفق معي ان الدنيا فيها ظلم وناس مبسوطه وناس تعاني اذا اللوم كله على الي سبب الظلم

انا اتمنى اقتنع الي فيني وسواس

هونوها وتهون انا عشر سنين ضاعت من عمري لاني حي ولا ميت قسما بالله احيانا اقول ليتني لحقت اخواني طبعا لي اخوان توفوا وهم في بطن امي الله يرحمها ....

الضيق والكآبه والقلق واختلال الانيه والوسواس القهري والخوف والرعب الي بليا سبب وتحس انك ملحوس وانت مافيك الا العافيه...الخ
كل هذي كفيله بانها تخرب ام ام الحياة وتخليك مثل الكلب الله يعزكم محقور ومقهور ! وحط في بالك ان الناس تشوف حياتك تقول هذا امير سياره وزوجه وعيال ووظيفه وبالحقيقه انت صعلوك متشرد لا تحس بطعم السعاده ولا راحه البال .!

عشر سنين مادري الي فيني مس ولا سحر ولا عين ولا مافيني شي ولا فيني شي ولا هو راضي يبين ولا مرض نفسي ولا وش اقول ...! تعبت من رقيه الى علاج الى شيخ يقول انت طيب والدكتور يقول مافيك الا العافيه ! اجل وش فيني الله يرحم امك انت وياه علموني !؟ لو مافيني شي ماجيتكم ..

عشر سنين وانا مكتم على السالفه لا احد يدري لامن اهلي ولا ربعي ولا غيره ..

الشي الوحيد الي معزيني ومصبرني هو ان هالبلاوي محبه من الله وكلها تكفير لذنوبي ويمكن لو شفت الاقدار ما اختار الا هالبلاء يصيبني ..

الحمدلله اولا وآخرا

على الاقل انت احسن مني اخوي انا لاوضيفه ولازواج ولا عيال وانا لاغي فكره الزواج طالما ان الاكتئاب والوضع والدمار الشامل مستمر

والمصيبه الي مالها حل ان مافيه علاج من خلال تجربه 20 دواء تقريبا من اشهر الادويه

فقدت دراستي فقدت الحصول على وضيفه والاستمرار فيها فقدت العلاقات الاجتماعيه فقدت الحب فقدت اشياء مهمه يعني وش فايده الواحد يعيش وهو يتعذب اقسم بالله الموت اهون ولاتعيش ذليل

العنوان غلط الحال لا تسر الصديق نعم ولكن العدو بيتشفى فيك وبيفرح لو شافك بهذا الحال ..... انا مرت علي أعياد كثيره ولا اشوف احد أبد وأكثر شي أكرهه العيد لانه الكل فرحان عدا انا .... مالنا حل الا خلاص ننسى الدنيا ونعتبر نفسنا متنا ونعيش الباقي من عمرنا نأكل ونشرب وننام والسلام

والدنيا هذي اتفق معاك كلها ظلم بظلم والعداله مو مكانها الدنيا. ،،،العداله يمكن مكانها الاخره

منتضر الفرحه تاريخ التسجيل : 2007 وتعرفون ليه انا مقهور ومولع ومعصب وحالتي حاله احنا 2015 وداخلين 2016 والحال ازفت من اول علما ان المعاناه قبل 2007 المعاناه من عام 2000 او 99 شوف العمر الي راح حسبي الله ونعم الوكيل الواحد وش يقول بس تعجز الكلمات عن الوصف اقسم قسم ان الموت اريح من انك تكون انسان لافائده لك لالنفسك ولا للمجتمع

اليوم عيد والناس تجتمع مع حبايبها وهي مبسوطه وفرحانه ومستمتعه بكل لحضه

وانا وكاني في عزاء لامشاعر فرح ولاحماس ولاولاولاولاولاولاولاوولا

اااااااااااااااااااااه من الاكتئاب الملعون

العيد بالنسبه لي اذا انتهى هاليوم الكئيب

موقف واحد ممكن يحوس وضعك وتعاني منه فتره طويله

الناس سعيده ومرتاحه والكل يتغير ويتطور وضعه الا انا اللي تزوج واللي توظف حتى البزران الصغار متزوجين

وانا كل من قابلني ماتزوجت ؟ متى ناوي تتزوج ؟ وش صار عليك ؟ ووينك منقطع عن الناس ؟ ليش ماتطلع ؟ وبلا بلا بلا ومع نظرات غريبه عجيبه

اعيد بغرفتي احسن واقرأ قرآن وادعي ربي لا حل ولا ملجأ لي الا الله عز وجل

اخي منتضر لو كان لا يوجد حساب بعد الموت لا انتحرت الان من كثرة الالم النفسي مت معاملة الناس اخبرك شيئ يحصل لي اصبحت اعمل مع اخي في المحل اصبح الناس عندما يجدوني في المحل يخرجون من المحل ونظراتهم قبيحة احيانا اتمنى ان احمل سلاح وافرغه فيهم من سوء معاملتهم لي حتى ولكن ما باليد حيلة اصبر واصبر وقلبي كانه يقطعه سكين اسمح في كرامتي في سبيل لا اطرد المشترين لانه هذا عيش الوحيد لاخي ولي تحملت الكثير الكثير من مغاملة الناس لي والان اصبحت لا اطيق استغفر الله ولا حول ولا قوة الا بالله

وش رايكم فيني انا لا ابو ولا ام تقول مقطوع من شجره واليوم العيد صليت العيد وسمعت الخطبه انا وواحد من العيال وطلعت والله كانكم رايحين لاخد فانا رايح ... ماشفت احد ولاسلمت على احد قاعد بالاستراحه كله اخاف من النظرات والانتقاد ماقدر اواجه عيال عمي وعماني والناس ابد قاعد لين الساعه 11 ورحت نمت وقمت المغرب

المشكله كلها بالقلق هو الي يجر معه جميع المشاكل رهاب اكتئاب خوف ...الخ

هلا منتظر وش سويت مع المكملات لا تستهين فيها انا خففت عني الشي الكثير


اما العيد شرحكم سرى معكم واحد من رمضان اول يوم وانا حالتي حاله بس تعودت ما غير اجلس في غرفتي مع احلا شاهي وزقارة هههههههه

محمد فيتامين دال الي اخذته سعره كم وقوته الف ولا اقل لان رحت صيدليه سعره 200 فمادري هل يصرفونه الحكومه ووش تاخذ مكملات بعد

================================================== ================================================== ==========



بالنسبة لفتامين د 3 مركز من شركة ارمال بسعر 160 ريال قوة 1000 العلبة فيها 180 حبة كل يوم حبة

بالنسبة لحمض الفوليك ب 40 ريال في العلبة 100 حبة كل يوم حبة

بالنسبة لفتامين ب المركب ما عندي علم لانه مب مكتوب عليه السعر بس اظن ب 130 ريال

حبوب الجينسنج

تركيبة املاح معدنية

معدن الزنك

الله يعطيك العافيه كم لك من تاخذهم وهل فعلا تحس بتحسن وكيف تاخذهم كلهم بعد الاكل؟

بنسبه لحمض الفوليك والاملاح المعدنيه والزنك وش فايدتهم هل لهم فايده مثلا للخمول والكسل الاهم تعطينا امل ان فيه تحسن ومتى حسيت بتحسن

انا اخذت نوع اسمه دينا ميزان ابوكلبي هو شامل لاكن مشكلته مثلا فيتامين دال 200 قوته وباقي الفيتامينات قوتهم مش قويه لو كان كل شي قوي كان اوكي

هلا وغلا منتظر

بديت فيهم اول يوم من رمضان ومستمر عليهم حتى الان

لا تحط امل كبير عليهم لكن راح تحس بتحسن ملحوظ لكن ما يوصل لمرحلة الشفاء


انا استفد منهم في الخمول والكسل والاكتئاب تحسن عندي شوي


اكلهم بعد السحور مباشرة يعني الساعة ثلاث في الليل لكن من بعد اليوم باخذهم بعد الغداء وعلاجاتي النفسية بعد العشا


نسيت اضيف زيت اوميغا 3 ان شاء الله راح اشتريه بكره واضيفه للمجموعة

انصحك يا منتضر تواصل على الفتامينات خاصة فتامين د3 لان المكتئب يستهلك طاقته في التفكير والبكاء لذلك لازم يعوض اما باكل صحي او فتامينات

اشتر اغراضك من شركة ارمال

صدقني يا منتظر ما فيه امل للخروج من الاكتئاب انا لي خمسة عشر سنة معه


بعض الاحيان اسئل نفسي وش الفايدة من عيشتي لا صوم ولا صلاة يعني خسارة دنيا ودين

احس بالوحدة وفراغ عاطفي واكتئاب جسيم مع فصام

جربت مثلك كل الادية بس بدون فايدة

ما تحسنت شوي الا بعد المكملات والجميع بين علاج بروزاك ثلاث حبات مع الانافرانيل 75 ملجم

باخذ كلامك عى محمل الجد والله يجزاك خير على التوضيحات
بحاول اجمع دوائين مع بعض اضافه للفيتامينات د وب واميجا وغيره وراح نشوف لعل وعسىىىىىىىىىىى نتفرج لان انتضرت كثير كثير كثير وربي

جرب دمج الانافرانيل مع البروزاك

و سالفتهم صيدليه الدواء مايبيعون انفرانيل ولا اندرال ولا اي دواء؟؟؟؟؟؟

هل صحيح شددو عليهم ومايبيعون الان

السلام عليكم

الله يسعدك منتضر الفرحه .. اذا كنت مكتئب وتركز على غيرك

بأنهم مبسوطين وانت لا .. فحالتك بتسوء !

فالأفضل تترك التفكير في غيرك

وابتدي مع نفسك في محاربة هالشعور وأمشي على التفاؤل

وإن شاء الله تلقى مايسرك

انت تستخدم حبوب تعالج الاكتئاب وذكرت انك ما استفدت منها

وأنا ذكرت لك بفوائد الفواكه ومنها الموز والأفوكادو اللي فيها

فيتامينات ب وكذلك تعطي الشعور بالسعاده

بس لازم تستمر .. وأهم شي ابتدي بالمشي بالتدريج حتى لو

الجو حر .. أهم شي راحتك .. طنش غيرك وفكر في نفسك

المشي يعطيك الشعور بالراحه ..

لكن بتقول كيف أروح امشي وأنا مزاجي متعكر ؟؟!!!

هذا خطأ

انت لازم تحارب شعور المزاج المتعكر بالمشي

نومك راح يتحسن وبتكون عندك ثقه في النفس

ولاتنسى الحجامه بارك الله فيك

ومارس اي نوع من الرياضات

اشغل وقتك حتى تنسى مرضك لأنه المرض ماراح ينساك

لو ظليت كذا

صح انت اتفضفض في المنتدى بس اغلب اللي في المنتدى مرضى

فيمكن ماتلقى رد يريحك 100%? فالأفضل انك تهتم في نفسك

لأن الغير بيقرأ ردودك وانت شو مستفيد ؟؟!!

قول لنفسك أنا راح اتغير وردد هالكلام

لاتضحك على كلامي .. فأنا حاسه فيك ..

لاترجع البيت .. روح خالط الناس حتى لو تحس بقهر

اكسر هالشي اللي بداخلك وقول انك راح تتعافى بإذن الله

اذا عندك ميزانيه للسفر سافر .. حتى لو تروح مع اخ او صديق

روح منتجع مش شرط يكون غالي .. حتى تايلند فيها جزر ممكن

تكون ارخص .. سافر .. روح البحر .. شوف الناس .. غير جو

اطلع من اللي انت فيه .. بتحس ضيعت وقتك على التذمر من

المرض .. أنا ما ألومك .. لكن أريد الراحه لك ولي وللجميع

اتمنى كلامي مايكون ازعاج لك .. وربي يريح قلبك وقلوبنا جميعا

بنت الضبي الله يجزاك خير وكل عام وانتي بخير

كلامك سليم ومافي مثله وهذا الصحيح لاكن مادري الاكتئاب يغير تفكير الانسان من ايجابي لسلبي

وانا احس اني ماحب نفسي وليس مهتم فيها وهذا قريت من اعراض الاكتئاب يعني معناه اولا نعالج الاكتئاب ومن بعده نقوم بالكلام الي قلتيه