الى اخي عزيييييز
 

السلام عليكم ورحمة الله وبركاته..
اتشرف بالانضمام معكم بالمنتدى ويشهد الله ماسجلت الا لاني حسيت ان علاجي باذن الله عن طريق هذا المنتدى..
لدي استفسار بسيط الى اخونا عزيز .. ياليت اخي عزيز تتواصل معي خاص..وشكرا لك

معليش اخي عزيز بستفسر هنا للفائده
اخي عزيز من ناحية دواء الفافرين سمعت انه يسبب مشاكل جنسيه
وانا محتار به..
انت ياعزيز استخدمته ثم تركته سنتين..
هل بعد تركه رجعت لوضعك الطبيعي جنسيا؟!
ماعندي مشكله يسبب مشاكل وقت العلاج..
لكن ماذا بعد ترك الدواء؟!
جزاك الله خير

الفافرين بعد تركه نعم عاد الامور لطبيعتها

يعطيك العافيه على الرد ياحبيبنا عزيز
لكن ياعزيز اشوف ناس يشتكون بضعف الانتصاب بعد الفافرين بعكس ماكان عليه وقت العلاج بالفافرين
وكأنه ادمن على الفافرين من هالناحيه..
اخوي عزيز انت عارف هالموضوع حساس ومهم
ومتخوف كثير من الدواء
مدري شقولك
لكن اللي مانعني اني استخدم الفافرين الموضوع هذا
اتحمل جميع الاعراض الجانبيه
لكن هالموضوع يقلقني كثير
ابي نصيحتك الله يوفقك

بعد ترك الفافرين تعود الامور لطبيعتها بعد اشهر مجرب انا اخذته سنتين وشفيت وتركته 3 سنوات ورجع الوسواس بسبب معالجتي لطنين الاذن اثرت علي وكانت سبب لرجوع الوسواس
ورجعت الامور لطبيعتها بعد اشهر من ترك الفافرين
الفافرين مشكلته بطيء البناء الكيميائي السيبرالكس اسرع منه بكثير

طيب اخوي عزيز اذا كنت مقبل على زواج واريد ترك الدواء..
بكم شهر اتركه قبل الزواج؟!
اسف على الازعاج واسال الله ان يشفينا ويشفي جميع مرضى المسلمين

حبيبنا انت فاهم الموضوع غلط الفافرين لايمنع الانتصاب هو يقلل الرغبة الجنسية قليلا ويطول العملية الجنسية فقط
تقدر تتزوج وتجيب أطفال عادي بس بس مشكلة الفافرين ياخذ سنة وعشر شهور وفوق لو تاخذ سيبرالكس يقضي على الوسواس في 10 شهور بشكل نهائي
بس زي ماقلت السيبرالكس اعراضه الجانبية اكثر

عزيز ي حبيبنا انا قررت استمر بالفافرين والانافرانيل
انا لحد الان ماوصلت للجرعه القصوى
بس ي عزيز احس التحسن بطيئ
الفافرين 250
الانافرانيل 50
ابي رأيك وهل اخذ الانافرانيل مع الفافرين سوا عادي مافيه مشكلة

الحد الاقصى 300 فافرين و 50 انفرانيل لمدة 9 شهور
وطبيعي التحسن بطيء ماراح تحس بتحسن الا بعد 9 شهور
بعد تسع شهور اذا ماانتهى الوسواس اضف معاه شي بسيط من مضادات الذهان 50 ملجرام ريزال اكس

بعد الشفاء استمر على الادوية 6 شهور اضافية والطيب فاهم راح يسحب الادوية بطريقته


ريزال اكس : منتج محسن من نفس الشركة التي تنتج السركويل وميزته ينوم أول اسبوع فقط

بيض الله وجهك ي عزيز واسف جداً لو ازعجتك
مانستغني عن خبرتك فديتك

احس تسعة شهور طويله
يارب صبرني 😟😭

عزيز ابي اقابل الدكتور احمد منصور اللي تمدحهً
كيف اقابله اذا تعرف له طريق علمني ي ذيبان

اخبرتك من قبل كيف الوصول إليه هو في مجمع الامل للصحة النفسية قسم الادمان

مشكور ي عزيز حبيب قلبي
ابشرك الحمدالله في تحسن
التحسن نسبته تقريباً 30 بالميه

كذا ماشي انت صح

الحمدالله
الحمدالله
الحمدالله

لكن المشكلة أغلب المرضى اذا شفي على طول يترك الادوية او يقللها ترا تنتكس
بعد الشفاء ، اجلس 6 شهور على الادوية
يعني احسب 6 شهور من بعد مايقطع الوسواس بعدها الدكتور راح يسحبها بالتدريج بمعدل نصف حبة بالشهر وقله عطني الجرعة الوقائية وهي نصف أو ثلث الدواء وان شاء الله ماراح يرجع لك

مشكور عزيز حبيبي
الله يجزاك خير

يعني عزيز انا احس بلخبطه مرره كويس ومرره ترجع
يعني الحاله تذبذب

طبيعي حبيبنا اصبر لك 8 شهور احنا صبرنا سنة وزيادة عادي مرة سريعة بخيرها وشرها

فديتك ي تاج راسي الله يرفقك ي عزيز
كلامك يعطي الامل وردك رد واحد فاهم ماشاءالله عليك
الله يسعدك ي عزيز زي ماسعدتني

الله يعدي هالسنه ع خير
والله يجيرنا من سوء السنين
مادري كيف اوصف احساسي او اللي امر فيه
شي عجيب وغريب
افكار غير مقبوله ومتسلطه
الله واكبر عليها هذا اللي اقول

بعد ثمان شهور بشرني عنك راح أكون معك بإذن الله تعالى بس انتبه من المؤثرات الخارجية اللي يقولك أن الأدوية مهدئة ومن هالقبيل تراني واجهت مثل هالاشكال وعطيتهم وضع الطيران
الادوية ترجع الاسترونين الى حالته الطبيعية ومن ثم يذهب الوسواس
وإذا جيت الرياض بلغني اخذك على الصمعاني يشيك على راسك لا يكون فيها تنسيم والا حاجة من باب الاطمئنان
وشيك على فيتامين د برضه مهم واذا عندك قالون لازم تعالجه يمكن يسبب وسواس

حبيب قلبي ي عزيز انا حالياً بالرياض جالس لوحدي
وبعض المرات تضيق فيني والله لولا الوظيفه ماجلست دقيقه
الحمدالله على كل حال
انا بروح للصمعاني بس مدري وشلون
اذا اقدر اتواصل معك تكون سويت خير باخوك
الله يبيض وجهك

من ناحيه القالون
والله ماني متأكد
بس رحت لأستشاري وقلت له الاعراض قالي اعراضك اعراض قالون عصبي
غازات وامساك شديد
ثاني شي حراره بأسفل الظهر

هلا والله اخوي انا حاليا في اجازة مع الاهل في الطايف والا كان تواجهنا ورحنا للصمعاني
المهم روح لاستشاري باطنية لا تروح لاخصائي ترا مايفهم
لازم تعالج القالون والأسباب وتسوي تحاليل أعرف والله واحد من الشباب مر بمرحة نفسية شديدة وهو مايدري السبب وكان عنده قالون عصبي عالج والحمد لله شفي من المرحلة النفسية الي مرت عليه
أتوقع والله وأعلم المشكلة هي هي سبب معاناتك النفسية

الله يسعدك ي عزيز
الله يفرحك وين ماتروح
الله يرزقك بكل ماتتمنى

عزيز حبيبي انا بكرا ان شاءالله بروح للصمعاني
وانا جاي من مخرج سبعه واطلع لمخرج خمسه اروح يمين ولا يسار لمكان الصمعاني
واذا تعرف دكتور باطنيه كويس دلني عليه
لأنو لي الان خمسه او سته اسابيع واحس التحسن بطيئ جداً
الاكتئاب خف
القلق زال
الافكار لسى موجوده وبكثرة يعني عقلي من فكرة الى فكرة
بحاول اعالج سلوكي وأوافق على الافكار الوسواسيه ارتاح شوي وبعدها ترجع
النوم كويس
الاكل كويس
حراره الظهر خفت كثير تجي وتروح بس على خفيف
التفكير كله بالماضي وبأشياء مالها داعي وغبيه
تأنيب الضمير ششششغال
الصلاه احاول احافظ عليها قد ماقدر وبعض المرات أتكاسل مدري وش يردني عنها احسها ثقيله بالحيل
الان معاي امساك شديد مدري كيف اتخلص منه

المعذرة من زمان مادخلت على النت
شوف روح مع طريق الملك فهد اذا تعديت هايبر بنده وانت وجهك شمال أول شارع بعدها يمين يجيك المكتب الرئيسي للخطوط الرئيسي على يسارك أول اشارة سيده
ثاني اشاره يمين يجيك سوق الخضار على يسارك أول سيدين على يمينك اتركها أول شارع يقابلك على اليمين شارع صغير خذ يمين معه طول شوي تحصله فيها الحارة اسأل أي واحد هناك بيفيد

عزيز على حسب خبرتك هل المشكلة في الافكار او المشكلة في الصبغه الكيميائية بالدماغ
ثاني شي انا ماسكة معاي افكار استحي وأخجل اقولها لأحد
الان لي 31 يوم على العلاج وحاس فيه تحسن بطيئ جداً
برأيك وش اعمل عشان تقضي مدة العلاج
قسم بالله اتمنى الموت مليت من الوساوس مليت وانا أناقشها مليت وانا أبرر لها خلاص ماعاد فيني طاقه

الصبــــــــــــــــــــــــــــــر

مالي انا الا الصبر
ومن هنا نشوفكم على خير
والله يوفقك ي عزيز ويعطيك العافيه
فمان الله