|
من الضيقه مدري وش اكتب عنوان ادخلو الله يوفقكم
سلام عليكم انا عمري 23
ولاني اعرف تماما الشفاء من ربي لا بكلامي ولا باحد يخفف عني 😭 والله ياضيقه بصدري يووه مااقدر اوصفها انا اوسوس واتوهم الامراض الله يكفينا شرها وفيه امور تزيدني امي واهلي تعبو مني لي 3 سنوات والله اني اصيح وافكر افكر افكر وقول ياليت الرسول عليه الصلاه والسلام فيه بوقتنا تكفون ادعولي لعل هذه الدعوه تكون سبب في شفائي المصدر: نفساني |
الله يشفيك يارب ويزيل عنك الضيقه ويفرج كرهتك
لازم تروحي لدكتور ويشخص حالتك |
رحت للدكتور من 3 سنين وصرف لي دواء سبرالكس كلته فتره وتركته لان لما احس بالخوف والتوهم الدواء مااحسه يخفف لاني اكون اكله ويجيني..... انا نفسيتي تعبت صرت اناظر الدنيا بسوداويه مع اني قبل كنت انسانه مرحه ...الحين صرت اخاف من الهواء من كل شي اصيح وافكر واخاف من المشفيات وصار عندي زي الرهاب من هالامور...يالله الحمدالله والله الحمدالله اكيد هذا خيره لي..لكن المشكله ماعرف اصبر واتحمل هالدنيا صرت اغار من صديقاتي الله يشفيني ياكريم😭😭اكتب ودمعتي على خدي
|
أسال الله العظيم رب العرش العظيم ان يشفيك ...اختي صدقيني لو انك استمريتي على العلاج لكان شفتي ولو شوية تحسن واكيد العلاج في بدايته صعب حتى يعتاد عليه الجسم ويتقبله..راجعي الطبيب مره ثانيه والتزمي بعلاجك...
|
الله يجزاكم خير والله يقبل دعائكم ويشفينا جميعا ياكريم
الدواء جربت بروكسات وسبرالكس وجلست حول 3 سنوات مااتغير شي اكون ماكلته ومنتظمه عليه ولما يجيبني الوسواس القهري كاني مااكلت شي اعراض توتر وقلق رهيب وصياح وابي اطير كثير افكر اقول ياليت كنت بزمن الرسول من كثر مااحس روحي مهمومه....كان الله بي عليما الحمدالله .... |
اقتباس:
|
الله يشفيك شفاء لا يغادر سقما
أسأل الله العظيم يارب العرش العظيم ان يشفيك شفاء لا يغادر سقما أسأل الله العظيم يارب العرش العظيم ان يشفيك شفاء لا يغادر سقما أسأل الله العظيم يارب العرش العظيم ان يشفيك شفاء لا يغادر سقما شوف اخوي ابي منك بعد صلاة العصر تقرأ بموية لو تكون ماء زمزم افضل الرقية الشرعية وسورة البقرة وتضع ايدك على بطنك وقرأ سبع مرات سورة الفاتحة بنية الشفاء طبعا بالبداية تحس ماتقدر تكمل من الضيقة بس كمل واقرأ بعد ماتنتهي اشرب من الموية وروح تحمم ببعض الموية وشوف بعدها ايش يكون إن شاء الله فجأة سيذهب كل الاعراض جرب ورد لي الله يشفيك ويشفي جميع مرضى المسلمين |
الله يشفيك ويعافيك معافاه كامله دائمه يا رب امين
روحي لمستشفى الامل للصحه النفسيه راح يساعدونك , وايضا ارقي نفسك وخلي امك ولا احد من اهلك يقرا عليك ويرقيك لازم تجمعين بين العلاج الدوائي و الرقيه كان الله في عوني وعونك و عون الجميع |
أسأل الله العظيم يارب العرش العظيم ان يشفيك شفاء لا يغادر سقما
أسأل الله العظيم يارب العرش العظيم ان يشفيك شفاء لا يغادر سقما أسأل الله العظيم يارب العرش العظيم ان يشفيك شفاء لا يغادر سقما أسأل الله العظيم يارب العرش العظيم ان يشفيك شفاء لا يغادر سقما أسأل الله العظيم يارب العرش العظيم ان يشفيك شفاء لا يغادر سقما أسأل الله العظيم يارب العرش العظيم ان يشفيك شفاء لا يغادر سقما أسأل الله العظيم يارب العرش العظيم ان يشفيك شفاء لا يغادر سقما اختي ابيك تجربين شي واحد بعد صلاة العصر ابيك تجيبين ماء زمزم او اي ماء وتقرأين فيه الرقية الشرعية وسورة البقرة وتضعين ايدك على بطنك وتقرأ سبع مرات سورة الفاتحة بنية الشفاء وبعدها تشربين من الماء وتتحممين فيه وإن شاء الله تشوفين العجب العجاب انتظر ردك او تجربتك |
لعلمك راح تحسين بثقل وتنميل اثناء القراءة واوقات صداع ودوخة
بس كملي حتى تنتهين |
اخ سامي الهلوعي والباقي الله يفرج لكم ويرزقكم من حيث لاتحتسبون انا يمكن فيني حسد لان شخصيتي غير كانت .....بس الحمدالله لازلنا افضل من غيرنا ...الحين بقرى شوي على نفسي ولو اني اليوم ماتحملت رغم اني قبل عادي اقرا ع نفسي ...الله يشفينا جميعا ...انا صرت اخاف لان الحاله النفسيه والوسواس وتوهم المرض من 3 سنين ماراح يخف شوي ويرجع 😭😭
|
الله يشفيك نصيحه اذا تريدين يخف الي فيك اعملي حجامه بالراس والاخدعين والظهر وجهه القالون
الحجامه بالراس للنساء بدون قص للشعر الخبيره بالحجامه تفرق الشعر بالعسل او اي شي يخلي فروه الراس يبان للتحجيم اعمليه كل اسبوعين مع الرقيه ودهن الزيت المرقي |
اقتباس:
اختي والله اني كنت حاس ان فيك حسد او عين بس ماحبيت اقولك حاولي تتحملين تقرأين الرقية وسورة البقرة كاملة لان ماراح ياخذ من وقتك الا خمسين دقيقة الحسد والعين يايتعبك او تتعبينها وتتشافين ان شاء الله بس تحملي وحطي ببالك انه الوسواس مايبيك تكملين وراح تحسين بتنميل وخدر وضيق وملل إذا حسيتي بالاعراض هذي اثناء القراءة فهذا حسد اسأل الله العظيم رب العرش العظيم ان يشفيك اسأل الله العظيم رب العرش العظيم ان يشفيك اسأل الله العظيم رب العرش العظيم ان يشفيك اسأل الله العظيم رب العرش العظيم ان يشفيك اسأل الله العظيم رب العرش العظيم ان يشفيك اسأل الله العظيم رب العرش العظيم ان يشفيك اسأل الله العظيم رب العرش العظيم ان يشفيك وربي كنت اشد منك من مستشفى لمستشفى وماخليت من ادوية الاكتئاب وتحاليل من اهم الاعراض نفسيتي تتعب لو سمعت مرض خطير اتعب وينهد حيلي احس بلا واقعية احس كأن على راسي قدر او صطل تنميل دوخة خفقان الام بالرقبة وصداع وزغللة والم بالمعدة وغازات وخوف من الموت والامراض وخوف من الاماكن الضيقة او المرتفعة واحس بقرب المنية تعبت تعبت والحمد لله استمريت على الرقية وسورة البقرة وسورة الفاتحة يارب لك الحمد والشكر احس بالعافية من الله بس انتي استمري باللي قلت لك وإن شاء الله تشوفين العجب حتى لو حسيتي انك تعافيتي استمري |
لو ان الرسول موجود بينا كان قالك راحة صدرك وقلبك بالقران
ومثل ماقال لك الاخ سامي ارقي نفسك وباذن الله كل ذا التعب يروح وحافظي على اذكار الصباح والمساء واذكار النوم وحافظي على الصلوات بوقتها والزمي الاستغفار .. والله انه خير عظيم هو والدعاء ونصيحه من مجربه اتركي سماع الاغاني لانها تدخل الشياطين للجسم وتخرب وتلعب على كيف كيفها وخصوصا ايام الرقيه لا تسمعين ابد عشان تبقين محصنه باذن الله وبالنسبه للادويه والله حرام تستعملينها مامنها الا المرض الله يشفيك يارب ويعافيك ويفتح لك ابوب الخير والرحمه |
وكان يلازمني الصداع والدوخة
واحس بيغمى علي والله اخاف اجلس لحالي ابي يكون بجنبي احد حتى إذا اغمى علي ينقذني كل هذا من وسواس الشيطان والله جتني اوقات اخاف من دخول بيتي اقول لو انام بالشارع اريح لي ومستحيل ادخل البيت لحالي حسيت بشي فضيع والله اهم شي توكلوا على الله وخلوكم على يقين ان الشفاء من الله وانكم مأجورون وقبل كل شي تروا كل اللي فينا نعمة يارب لك الحمد بس ابي اقول لكم كلمة كيف صلتكم بالله العزيز الجبار قبل المرض؟ وكيف صلتكم بالله العزيز الجبار بعد المرض؟ متأكد مليون بالمية ان عباداتكم افضل بكثير بعد المرض بس حبيت ابين لكم انها نعمة من الله وانه يحبنا إن شاء الله قال تعالى (( ولنبلونكم بشي من الخوف والجوع ونقص من الأموال والأنفس والثمرات وبشر الصابرين)) |
تصدق ان كلامك صح والله صح انا اذا جاني الاكتئاب والقلق والوسواس وشي موب بسيط شي مااتحمله يارب انك تلطف فيني فعلا اقترب من ربي اكثر يارررررب انك تسامحني وتشفيني وتوسع صدري ابحاول ابدء بالرقيه الشرعيه باذن الله ....الله يشفينا ياحي ياقيوم
|
سامي الله يدزاك خير
ياليت تفرد موضوع عن تجربتك مع المرض حتى الشفاء |
الحمد لله صرت اداوم على الرقية الشرعية والقرآن وسورة الفاتحة
انا ماخليت مستشفى مارحت له ولا طب شعبي ايش المشكلة ومشكلتنا كلنا اتوقع احنا مانخاف من الموت احنا صرنا نخاف من القبر بعد الموت صرنا نخاف من الامراض صرنا نشوف انفسنا اموات ومصابين بأمراض واحساسنا ان مافيه اشد من مرضنا احمدوا الله تعالى على النعمة والعافية غيرنا طريح الفراش في المستشفيات غيرنا لا يتنفس طبيعي احنا بلينا بوسوسة الشيطان قال تعالى (( إنما ذالكم الشيطان يخوف أولياءه فلا تخافوهم وخافون إن كنتم مؤمنين)) الحمد لله اننا مؤمنين يا أخوان ماتلاحظون الكفار إذا جتهم الحاله انتحروا من غير سبب؟ ماعنده دين وايمان بالله حط ببالك شي واحد بس انك مستحيل انك تموت من أعراض الهلع إلا بإذن الله مافيه انسان مات من اعراض الهلع لو ان الله كاتب لك انك بتعيش سبعين سنه مستحيل تموت بس راح تعيش نفسك بخوف وبهلع وضيق حتى تكمل السبعين ياناس احنا مؤمنين تغلبوا على الشيطان بالقرآن وكثرة الاستغفار وانت جالس مع اهلك ووانتم طالعين بالسيارة او بالعمل وكثرة ذكر الله سبحان الله والحمد لله ولا إله إلا الله والله أكبر هذا الذكر له فضل كبير وبعدها اطلب الله ماتريد من عافية ورزق ومغفرة الشيطان يبحث عن اي شي يخوفك وتكرهه اللي ابي منكم ابحثوا عن اشياء تحرق الشيطان ويكرها شوفوا الشيطان ايش يسوي فيكم لو ذهبتم لدورة المياة تحب تطيل شوية من غير شي اوقات تتعطر بعطور جسم بدورة المياة وهذا من محببات الشيطان وهذا خطأ اوقات تتعرى وانت بالبيت لا اقصد كامل ولكن صرنا نلبس الشورت وهو يظهر العورة وهذا خطأ لو دققنا في افعالنا عرفنا اننا بلينا بوسواس الشيطان العاشق هل وانتم نائمون تحس بهواء على جسمك غير اتجاه التكييف؟ هل تشعر وقت النعاس انه شي يدفعك وتنتبه؟ ياناس ابي منكم شي واحد تسوون البرنامج اللي قلت لكم ولا تغفلوا عن أذكار الصباح والمساء وصلاة الليل لو الشي القليل من بعد الساعة 12 صل لك كم ركعة وتر واذكار النوم تروها تريحكم إن شاء الله وحاب اقول للي يعاني من غازات تروا الضيقة من الغازات اتركوا الشاي والقهوة واستبدلوها بخلطة 1- شمر 2- كراوية 3- كمون 4- يانسون 5-بابونج جيبوا ترمس ومن كل نوع حطوا ملعقة صغيرة وكان تبون تحلونها بعسل افضل او سكر نباتي بكيفكم وأشربوا منها كل يوم او استبدلوها بالنعناع او الزنجبيل اهم شي ابعدوا عن القهوة والشاهي وحتى الكبتشينوا والله يشافيكم شفاء لا يغادر سقما واسف على الاطالة |
الله يجزاك خير ويوفقك ويرزقك الفردوس الاعلى ويشفيك ويشفيني وكل مسلم مشكلتي احس بالالم والوسواس يزيد لكن يالله لك الحمد والشكر على كل النعم ...مشكلتي ماااقدر اني اقرا على نفسي مدري ازمل رغم اني قبل كنت اقرا على روحي وعادي ...يعني فقط الي تبيني اسويه اقرا على نفسي واشرب الخلطه؟
|
الخلطة حلوة للي يعاني من غازات
اسمعي اختي حاولي قدر الأمكان انك تقرأين قلت لك ماراح تتحملين بس اجبري نفسك قدر الامكان او خلي اي احد يقرأ عليك الرقية الشرعية انا ودي يوميا تحاولين تقرأين سورة البقرة لو تقرأين منها كم وجه وكل يوم زيدي مع المداومة يضعف الوسواس وتفائلي لا تكونين كتومة اضحكي واستانسي لا تخلين الوسواس ياكل فيك تري نوبة الهلع ماتجي إلا للشخص العاطفي والحساس والكتوم أسأل الله العظيم رب العرش العظيم أن يشفيك شفاء لا يغارد سقما أسأل الله العظيم رب العرش العظيم أن يشفيك شفاء لا يغارد سقما أسأل الله العظيم رب العرش العظيم أن يشفيك شفاء لا يغارد سقما أسأل الله العظيم رب العرش العظيم أن يشفيك شفاء لا يغارد سقما أسأل الله العظيم رب العرش العظيم أن يشفيك شفاء لا يغارد سقما أسأل الله العظيم رب العرش العظيم أن يشفيك شفاء لا يغارد سقما أسأل الله العظيم رب العرش العظيم أن يشفيك شفاء لا يغارد سقما وتصدقي بنية الشفاء وأفضل الصدقة هي الاطعام واقترح لك انك تشترين لك كرتون تفاح وبرتقال وموز وكم كرتون ماء وترسلينهم مع اي احد لسكن عمال النظافة عندكم بنية الشفاء لو تقولين ماتعرفون سكنهم اي عامل نظافة أسأله وين ساكنين لانهم مساكين فعلا رواتب قليلة ورواتبهم تتأخر كم شهر وإن شاء الله ان الصدقة عليهم جائزة داوو مرضاكم بالصدقة الله يشفيك ويشفي جميع مرضى المسلمين |
وحاب اسألك
هل يجيك ايام تحصلين بجسمك نقط حمراء غريبة او كدمات خضراء فجأة ولا تدرين وش سببها وماتدرين كيف جاتك؟ |
سبحان الله رغم اني احس فيني حسد لان شخصيتي كانت محبوبه من الجميع الا انني اذا قريت او دهنت مايطلع لي علامات العين والحسد....فقط قبل يومين دهنت ونمت وصحيت وفيه نقط حمراء قلت يمكن بعوض وفعلا راح .....سبحان الله كنت مااوسوس قبل ابدددد فجاه قبل 3 سنوات صرت كئيبه واصيح واوسوس وخوافه ومهوب ضيقة صدر عاديه لا شي مقدر اوصفه لدرجه احسني بموت من الصياح والخوف والوسووووواس سبحان الله ....اليوم بديت اقراء سورة البقره بحاول اقرا ان شاء الله اطيب ...وساويس لو اقولها تستغربون مني!!!
شكرا والله ماقصرت بيض الله وجهك ووجهه كل من رد علي الله لايوريكم مكروه ويجعله بميزان حسناتكم ياااارب ياااارب ويسعدكم في الدارين🌸🌸 |
اسأل الله العلي القدير ان يشفيك ويشفي جميع المسلمين
كثيييير زيك الحمدلله تشافو ولا شفناهم دايم حالوي تقطعين التفكير بالاشياء السلبيه وفكري بالاشياء الايجابيه حاولي تكونين اجتماعيه 100% اتصلي على البعيد والقريب حاولي دائما اتكونين بحاله مرتبه ومو مبين عليك هالشي حاولي اتشوفين اشياء اتضحك هههههههه اضحكي كل يوم ههههه بتجيك اعراض انتبهي تسترسلين بالتفكير فيها اقطعيها ضيقه تنفس خفقان اي شي انتبهي اتفكرين فيه كملي |
انا ماعرف من التفكير صار يجيني الم؟ لاني كنت طبيعيه وفجاه جاني الم 3 ايام وجت معها الوساويس واستمر الالم وزاد الوساس ساعات اقنع نفسي انه شي نفسي بس سبحان الله هي دقايق وارجع اصيح....فيني خوف مو طبيعي وزياده اكره طبع فيني اني صرت اناظر الاشخاص الي يضحكون واغار ليه كذا بالعكس لازم اشكر ربي واحمده على جميع النعم،،،،فيه سوال هل طبيعي يكون فيني عين او حسد ومااتاثر بالقران؟
|
انا احس متأكد مليون بالمية ان اللي فيك حسد
الشخص اللي كان مداوم على الاذكار والقرآن والصلاة بوقتها تكون عليه العين والحسد سهلة وشفائه بسرعة ان شاء الله واللي ماكان يداوم عليهم تكون عليه العين والحسد ثقيلة شوية وشفائه يطول شوية ان شاء الله بس يبي له المداومة على الرقية الشرعية والقرآن الله يشفيك شفاء لا يغادر سقمى تري انا والله مثلك بالضبط اشوف الناس يضحكون او ياكلون واذكر الله اقول شلون لهم نفس وانا بحالة مايعلم فيها الا الله من شي فيني وبعد لو خفت الاعراض واحد جاب طاري الامراض او الموت انتكس واتعب ضيق وكتمة ودوخة وحوسة وش اعد وش اخلي بس الحمد لله اذكر الله واحاول اطنش داومي على الاذكار والرقية الشرعية وسورة البقرة |
الله يجزاك خير ويوفقك من حيث لا تحتسب الله يشفينا شفاء لا يغادره سقما
اي والله اني اذكر الله عليهم وهذا بليس لاعبن علينا ولا يالله لك الحمد فيه ناس اشد واعظم وعندهم ابتلاءات لكن ماشاء الله صابرين ومحتسبين ...بس احنا الي لو يجي ادنات الدون قمنا نهوجس ونخاف وانا اصيح وعلى هالحال. انا من قلت لي اقري وكذا وانا ماش قريت مرتين ووقفت اصلا كل وقتي احاول انام مابي اقوم واخاف وسبحان الله اشد ماعلي اول مااقوم ...صرت اقوم المغرب ماحب العصر مدري وراه!!! بليس لاعب علي ...الله المستعان قبل 3 سنوات كنت انكت وشخصيه مرحه والكل يحكي في شخصيتي سبحان الله في يوم انتكست واصبحت سوداويه متشائمه خوافه اصيح وفوقي همووووم الدنيا كلهاا،،،،،بس اقول لا مو حسد لاني سبحان الله قبل كنت اقرا قران وكذا وادهن بزيت زيتون مقري فيه ولا تاثرت !!! |
بالنسبه لنوبات الهلع لازم علاج وتاكدي ان العلاج يحتاج من اسبوع الى شهر حتى تتم فعاليته ولكن انا معك ليست كل الادويه تجيب نتيجه وصدقيني قضيه الحسد والعين مالها اي علاقه بالهلع ....
انا متأكد ان الرقيه تجيب نتيجه ولكن افضلها مع العلاج هناك اطباء متمكنين ويفهمون المريض جيدا ... بالنسبه للادويه ليست كلها تنفع مع جميع الناس هناك من ينفع معه سيبرالكس وهناك سيروكسات والقائمه طويله ولكن انصحك بالاتصال على اي مستشفى حكومي والتكلم مع الطبيب النفسي وابتعدي كل البعد عن المستشفيات الخاصه لان مبدئها المال وليس صحه المريض .... انا اعلم شعورك واحسست به كثير من السنوات ولا يعلم احساسي الا الله في ذلك الوقت كنت افزع من النوم مرعوووب ضاقت بي الدنيا ولكن ونعمه من الله وبعد اخذ العلاج والبعد عن المجالس الكئيبه استعدت سعادتي وراحتي النفسيه ..... خلااصتي ( انتي لستي وحدك ... كلنا بقارب واحد ) |
كلامك خفف عني مع اني ساعات اقول لا انتي غير انتي تحسين بالم وانتي انسانه طبيعيه لو اي احد يجيه الم وكذا بيستمر فتره معينه عادي بيخاف بس بعدها اقول ليش اني مره اتوهم بمنطقه ومره بمنطقه وساعات اركز ع منطقه معينه هذا يمكن وسواس!!!
حقيقه اتمنى انها عين ومع القرائه تروح لان الادويه احسها خرابيط كاني اهل هواء جربت بروكسسات وجربت سبرالكس والله ماكاني اكل شي تجيني ايام مغير ادور في الحوش ابي اطير مع الهم والخوف والقلق ولا خلاص اكون موقينه ماهو وسواس سبحان الله.....مادري عشان اني اعيش بفراغ ومافيه شي يلهيني مثل ايام الجامعه.....عموما الله الشافي والمعافي باذن الله كلنا بنطيب وفعلا احنا مازلنا افضل بكثير من ناس كثير في حروب واشياء مايعلم بها الا ربنا ....ممتنه لك اخ سامي واخ ملحوس صرت ادخل عشان اشوف وش كتبتو وماذا نفعل🌝 |
ياوظيفه ولا معرس ماينفع فضاوه🌝
|
الله يشافيك ويشافي جميع مرضى المسلمين شفاء لا يغادر سقما
والله يا اختي طنشي وحاولي ان يكون تفكيرك ايجابي فيه اشياء تهون عليك او مهدئات مثل عصير ليمون تحممي بوية باردة إذا تضايقتي تعطري انا اوقات إذا جاتني الضيقة ومدري وش اسوي افر من مكاني مكتوم وحاس ان الدنيا مافيها هواء اقوم اجيب كسرة عود كمبودي وأتبخر لو اخر الليل اللي يشوفني يقول هذا خلاص ملحوس انا احس ان العطور بأنواعها ( الخفيفة والهادئة) لاني ما احب الثقيلة احس انها تهدي اعصاب الواحد يمكن تستغربون من الحاجة هذي ترو فيه مراكز بفرنسا تعالج بالعطور اهم شي ابتعدي عن اي شي يزعجك لو حسيتي بضيقة على طول افتحي على اليوتيوب ودوري على مقاطع مضحكة اي شي حاولي انك تنسين انا مشكلتي اول لو تضايقت او جتني كتمة وتنميل ودوخة على طول افتح قوقل او اليوتيوب وابحث عن اعراض الدوخة والتنميل وضيق التنفس واشوف انها تزيد حالتي يمكن كلكم سويتوها هذي تزيد من الاعراض اكثر واكثر بس الحمد لله صرت اطنش وافتح القرآن واقرأ او ادور على مقاطع مضحكة واسف على الاطالة |
على طاري الوظيفه والعرس ..... تصدقين الزواج انسب حل لك الله يرزقك الزوج الصالح ... الصراحه الزواج علاج تدرين ليش لانك راح تنشغلين كثير بامور البيت والطبخ والروحات والجيات
فعشان كذا مافي تفكير بالتعب والهلع والموت .... DSDDSSDS |
والله مدري يمكن الوظيفه ازين الزواج اقدر اسوي الاشياء الي بتشغلني في بيتنا بس ماسويتها
|
اجل انا اذا جاني الحاله فعلا اصير اكره العطور الثقيله عموما مااحس حالتي اكتئاب احس الوسواس اشد من الاكتئاب يعني ماهي فكره ترن ترن في بالك لين خلاص تتعب وتقول وراه وليه ولماذا وتبدء تسترسل مع الفكره ...الي خوفني اني كنت انسانه سويه عادي امارس حياتي باحسن مايكون بالعكس وش زيني اضحك الناس وكذا...فجاه صرت اوسوس من غير سابق انذار مع اني الاحظ بشخصيتي اني قبل جدااااا عاطفيه واصيح اذا شفت مواقف محزنه وكذا..وارحم الناس كثير .هذا الي لاحظته قبل...،والي يخوفك زياده انك اذا هديت تصير تخاف تحتريها ترجع الحاله من جديد 😭😭😭الله يشفينااااا عاجلا غير اجلا
|
اختي لين
بسألك انتي إذا دخلتي المنتدى وجلستي تقرأين عن أعراضنا وسوالفنا وردودنا ماتحسين ان الاعراض اللي فيك تخف او تروح فجأة؟ إذا كانت تروح الاعراض وترتاحين هذا ان اللي فيك مو مرض عضوي هذا وسواس وهلع هذا لانك خليتي تركيزك على القرآئة والمتابعه بس نصيحة غيري بأشياء تريحك مثلا بغرفتك غيري فيها اطلعي اي مكان وسعي صدرك |
اختي لين وصبا اتمنى تشوفي هـ الرد مني على موضوع أخر http://www.nafsany.cc/vb/showpost.ph...95&postcount=9 اتمنى منك ترجعي للعلاج , العلاج يبي له فتره , انا مثل ولابد من علاج مدعم معه |
سامي ساعات انسى اذا اختلطت وكذا ماحس بالم وساعات لا .... اكثر شي احس بالالم وانا نايمه اذا فتحت عيوني احس بالم وانا قايمه اهون شوي .....واذا حسيت بخوف وكذا وسواس لا ماافكر اني اسوي شي ولا اروح ارتب غرفتي يووه ترخص الدنيا بعيني 😢
ابو بندر اطلعت على كلامك انا احس كذا اني محسوده لاني قبل كنت اطلع على مستوى المدرسه واسوي مسرحيات وف الاجتماع ماشاء الله تبارك الله كنت اسولف وانكت وكلش فجاه من 3 سنوات انقلبت وصرت موسوسه ومااضحك كثير وكئيبه!! بس مااتااااثر بالقران يعني ماتظهر علي اعراض العين بتاتا عشان كذا وقفت قرايه😓 |
لين وصبا نصيحه مني خذيها وانا اقولها لاي شخص مصاب بالهلع العلاج لابد منه انا قبلك جربت ادويه كثيره فيه منها نفع وفيه لآ في الاخير استمريت على علاج ولله الحمد ارتحت عليه كثير .. وكثير اشخاص استبدلو ادويه بادويه فمثلا الفافرين والسبرام والانفرانيل وكثيره ادويه جباره صدقيني بدون ادويه صعب جدا التكيف بالحياة ابيك تجربين علاج اسمه سبرام لو مده ثلاث اسابيع بس وشوفي هو اعراضه الجانبيه مرا خفيفه اهم شي تاكلينه بعد الاكل مباشره . اسال الطبيب عنه وشوفي راح يقولك انه علاج جبار ومع العلاج ايضا استمري على الرقيه ولا يركب راسك انك ماتكلين علاج واللي يقولك العلاجات مضره فيه ناس على 10 و20 سنه ومافيه الا العافيه ولكن احب ان اوضح لك فيه ناس تاكل العلاج لمده 6 شهور وخلااص يطيب وترجع حياته طبيعيه جدا مثل ماانولد ....
|
مدري انا لما جربتهم وحسيت اني كاني مااكلت شي صرت مااقتنع فيهم كلبوهم مدري عموما بقول لدكتوري عن هالعلاج واقولك مع العلم اني احس الدواء مايوخر فكره مسيطره يمكن بس يهدي💔
|
| الساعة الآن 02:50 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا