هلع من النوم والروتين والدوام
 

حدثت لي انتكاسة قويه ، مرعوبة من كل شيء حولي اكتب وانا ارجف من الخوف ( من النوم لان نومي احلام من الدوام من الامراض من ان لااستطيع ان اكمل مشواري في وظيفتي ومع زوجي ، دائما انتقد بيني وبين نفسي كيف احس بهذا الشعور وانا متدينه ( اللهم لاتجعل الدنيا اكبر همي ) اذا قمت من النوم أكون منزعجه جدا ً لذلك اخاف من النوم والروتين والنظام ، اخذ سيبرالكس بدون فائده علماً اني محافظة على الصلاة ولله الحمد واقرأ القران ، واقرأ آيات السكينه ، لي 3 ايام ساحبه على الدوام ، عطوني الحل يامن يشاركني معاناتي جزاكم اللله عني خير الجزاء

ياعمري سلامتك

ارقي نفسك دايما وشغلي القران وقت نومك

حتى انا ارفض اي فرصة عمل كلللله خوف من النكسه وكيف استمر بدوامي

يابنات ليش انتم كذا محطمين انا ماألومكم لاكن مش الى هذا الحد ماتقدرون تعيشون ولاتشتغلون مايصير كذا لازم الواحد يساعد نفسه

شلون اساعد نفسي اذا يغلب علي تفكير ، وسواس اني ماراح اداوم وشلون اداوم وانا ماانام ، قلق زائد وخوف شديد وانا دايم اذا جتني الحاله اروح لاهلي واترك بيتي واللحين وقت الدوام شلون أعالج نفسي انا في هم مايعلمه الا الله ، تعبت خاصه ان الدواء النفسي غير نافع ، كيف أمارس حياتي الطبيعه مع أولادي وانا الهلع والخوف والقلق مسيطر علي

كلنا نفس المعانه ، لابد ان نقوي انفسنا وان لا نستسلم ل اي شياء كان لجل ان نعيش
مثل الناس ، انصحك ان تواضبي في عملك .. وان تبعدي عنك كل فكره تخيفك ..

انا عكسك تماماً ، صحيح ان العمل اللي انا فيه متعب وشاق
واتعب منه كثير ، لكن احيانن احس براحه لانه يشغلني عن افكاري
"لجل ذلك مستحيل افكر اني اترك دوامي واجلس ف البيت "

من متى تسخدمين السبرلكس وسبب الانتكاسه هل تتركين العلاج فتره وبعدين ترجعين تستخدمين العلاج يعني غير منتظمه


وكم الجرعه الي وصلتي

أهم علاج للنوبات الهلع هو مواجهة القلق والتوتر وتعطي نفسك أحساس بأن هذا شي عادي وراح يمر وينتهى بكذا تقدر تتغلب على المرض

الم مستمر اعجبتي كلامك ، وكلامك صحيح ماىه ب الماىه 👌🏼

اخوي عصفور كنت قبل اخذ السيروكسات ومامنه فايده بالعكس تعبت منه ورحت لدكتور سعودي ارتحت منه وعطاني السيبرالكس والجرعه 10 قالي اذا حسيتي بتعب زيدي الجرعه 15 وانا ثابته على10 بالبدايه تحسنت مره واللحين حدثت لي هذه الانتكاسة ماهو رأيك؟ هل ازيد الجرعه انا اخاف من زيادة الوزن

زيدي الجرعه 15 ملم كويس خليه صباح لان السبرلكس بالنهار كويس خصوص قبل الدوام يهدي الاعصاب ويظبط الامور

وفي اليل حبه انفرانيل 25 ملم لمده اسبوع وترفع الجرعه 50 ملم

الانفرانيل علاج غير ادماني وهو كامدعم للسبرلكس ممتاز

جمان والله كلنا مثلك انا نوبة الهلع مره جاتني قدام مديري وزميلاتي واغمى علي من شدة الموقف جلست ابكي بحاله مزريه ومع كذا ماتركت شغلي مع انه يحتاج تركيز ودقه ولايمكن اقدر اتهاون فيه تخيلي كان الدوار ملازمني وعدم التوازن والصداع وكنت مااجلس تعرفي دوام المستشفى طول الوقت واقفه واتحرك من مكان لمكان والله تحملت وتحملت لين تعودت

مثلللللي
خوف من النوم خوف من الروتين خوف من الدوام ومن كل شي
صار تفكيري هل سأنام ؟ هل سأخاف في الدوام ؟ وووو .............
وكلامها صحيح كيف بتقدر تداوم وهي قلقه ومتوتره وما تنام :/
حاسه فيك شي جدا صعب :(
لأني أمر بنفس الوضع ونفس المخاوف ونفس كل شي
بس أحاول ألهي نفسي بأي شي

ياحبي لقلوبكم . كلامكم جداً ريحني ، حسيت ان فيه احد حاس بمعاناتي ، الله يكفينا شر الامراض بالنسبه لاذكار الصباح والمساء احيانا ً انساها خاصة أذكار المساء، والحمدلله على كل حال ويعمر قلوبنا بالايمان والصبر والله يثبت السكينه في قلوبنا جميعاً ويجزا كل من رد علي خير الجزاء

لازم نعمل على مواجهة المخاوف لأنها فعلا اقعدتناعن السعي في الحياة
الكف عن التفكير في الوسواس وتجاهل أعراضه كفيل بتخفيف كثير من المعاناة

اللهم صل وسلم على الحبيب

يعني انتي معك فقط قلق وخوف

طيب معك اعراض جسدية

ترا اللي معك شي بسيط صدقيني بس انتي شايفة انه شي كبير

يعني بسطي الامور قولي لنفسك عادي واذا مانمت فيه ناس تروح للدوام مواصلة واذا جاء وقت النوم لاتفكرييين بالنوم قولي لنفسك عادي مو لازم اليوم انام واشتري لك كتاب مثلا او التزمي بحفظ جزء من القرآن وخصصيه لوقت النوم


وصدقيني كلها كم يوم ويروووح قلق النوم


بس عندي سؤال مهم اذا ماداومتي تحسين براحة وتنامين زين
بالاجازات يجيك هذا الخوف بين فترة واخرى

اذا هالموضوع مرتبط فقط بالوظيفة وبدون اسباب واضحة اقصد انتي قبل ماكنتي تخافين او تقلقين من الدوام
فانا اقوووول ارقي نفسك

بالنسبه لي القلق و التوتر بالاجازه و وقت الدوام
بس أساسا ضغط الدوام يسبب قلق
وفكرة ان النوبه او الخوف او القلق يجي وقت الدوام بحد ذاتها تخليك تفكرين وتقلقين
يكون كل تفكيرك هل بتجيني نوبة ؟ كيف اتصرف ؟ بقدر اهرب ؟ اتخبى ؟ هل بطيح قدام الناس ؟
لكن في البيت تكون اهون شوي من الدوام
ولازم الواحد يحافظ على اذكاره عشان يتحصن

بشري عنك جمان كيف النفسيه ورجعتي دوامك؟؟

مشكوره ياقلبي على سؤالك ،بالنسبه للدوام داومت والحمدلله اللحين اعراضي لاتقتصر على الدوام ، صرت إنكتم في اي اجتماع وضيقه وحراره بجسمي غير الام المعده ، احس بحزن لايعلمه الا الله ، وودي اعيش مثل الناس اضحك من قلب اضحك وانا فعلا سعيده ، والحمدلله مستمره على الرقيه ،،، ويارب يفرجها علي وعليك ، وإنشاء الله فتره وتعدي املي بالله كبير

كانت تصير لي وانا بالمراهقه كيف انام وداوم وحالة نفس اسئلتك بالضبط الي ذكرتيها بردك استغربت يوم شفت احد نفسي .. اذكر كنت اكل مسكن كل ليلة واهلي مايدرون وشفيني متخيلين ؟ مافيني مرض ولا حاجه بس اخااااف من دون سبب كيف انام واذا مانمت اخاف يستمر فيني الحال كذا ف كنت اكل المسكن .. عموما باعتقادي التفكير هذا وسواااس
اذكر جت ليله قلت خلااااص بترك المسكنات حتى لو ماجاني نوم .. صرت استرخي لما اجي انام وقبلها بساعتين ثلاث مااسوي اي نشاط اقعد مسترخيه مااتحرك بقوه او كثير .. ولما اجي انام انسدح وانا مسترخيه وافكر باشياء ايجابيه وارخي جسمي واعصابي مااشدهم ولا افكر متى رح انام شلون انام .. وسلامتك الله يشفيك ويعافيك داومي حتى لو مانمتي ترا غصب غصب الانسان ينام موب بارادته.. صعب بس تقدرين واهم شي قبل كل ذا ادكري الله واقري الاذكار الصباح والمسا ..

اختي غيمة مطر تقولين اعراضي نفس اعراضك بالمراهقة والآن وش وضعك هل استخدمتي علاج ومااسلوبك في مواجهته

اختي الكريمة ... أعتقد من أهم الأسباب الملل !! جددي حياتك بعبادات مقصرة فيها .. صلة رحم ، زيارات ، طلعات، مطاعم ، ترفيه ، استعيدي مع زوجك ذكريات الزواج .... والأهم أن تعرفي أنكم بحال هي أحسن من غيركم ستجدين لذلك سعادة وطمأنينة بإذن الله. والله يشفيك وويعافيك .

انا صايره معاي من زمان من ايام المتوسط .. ماكنت عارفه وش الي فيني ماكان بيدي نت ذاك الوقت عموما كنت اخاف من هالشي وارجف لا جا وقت النوم كلهم ينامون الا انا
لين حطيت ببالي انو عادي واذا مانمت ؟ مو لازم انام فعلا
وكنت استعين بالصلاه والسنن القى فيها راحتي الحمدلله
وبالنهار كنت اشتغل كثيرر واستهلك طاقتي ولا اشرب لا قهوه ولا شاهي وقبل النوم بكم ساعه استرخي ولا اتعب نفسي او اسوي نشاط
على كل ذا كنت ماانام بسرعه بس قلت معليه
مع الايام تعودت الحمدلله الحين اكثر وحده تنام بالعايله انا 😹
الخلاصه حبيبتي لاتقلقين نفسك كثير زيك عادي حاولي تسوين هالاشياء الي فوق وشغلي القران بصوت واطي لا جيتي تنامين ولا تشدين اعصابك وتفكرين الله يطمن بالك ويشرح صدرك يارب تاكدي انها فتره وتعدي ❤️
اقري عن البابونج بالنت مفيد بعد

على فكره ظليت شهور على هالحاله لين تخلصت من فكرة عدم النوم طنشت قلت لا جاني النوم نمت لو ماجاني عااااادي

اختي ندى الزهر : آيات الرقيه تسمعينها والا تقرأين على نفسك وماهي ايات الرقيه بالضبط وكم قعدتي ترقين نفسك ؟

قولي لي طريقتك بحذافيرها خلينا كلنا نستفيد

شكراً اختي ندى الزهر ، كلامك جداً مريح للنفس ، الله لايحرمك الاجر ، وإنشاء الله راح اطبق اللي قلتيه ، الله يريحنا ويثبت السكينه في قلوبنا واهم شيء يرزقنا الصبر والجنه