|
تشفيت من القلق والاكتئاب والانفصال عن واقع ..ولكن بعد عشر سنوات عادت
السلام عليكم ورحمة الله وبركاته
اسعد الله اوقاتكم بكل خير واسال الله ان يشفي كل مريض .. تجربتي كانت قبل عشر سنوات تقريبا عام 2006 بدون سابق انذار هاجمني مايسمي الهلع بدون مقدمات اصبحت اخاف من الامراض بكل انواعها وخاصه الخطيرة كل اسبوع كان يجيني خوف من مرض معين اذهب للمستشفي وحلل والنتائج سليمه.. اصبح قلبي يخفق بسرعه واحس اني ساموت خلاص الموت بيني وبينه ثواني بعض الاوقات اذهب بسرعه واتوضي واحاول ان اصلي وقول بنفسي اموت وانا اصلي وكنت اخاف اني ما الحق اتوضي او اصلي لان الموت اقترب ... بعدها اصبحت ما احس بنفسي ولا بالعالم من حولي الشوارع شكلها تغيرت انا لست انا قلت خلاص شكلي تجننت وش هذا اللي يصير معي .. امسك الاشياء احس اني مو حاس فيها طبعا مليون احساس يجيني ويروح كل يوم شكل صرت ما اقدر اخرج من البيت يجيني خوف وتوتر مدري ليه .. فعلا كان احساس قاتل لاني بوقتها ما اعرف ماذا يحدث معي ماهو هذا الضيف الثقيل الذي زارني بعدها ضغطت علي نفسي ذهبت لدكتور باطنه وجالس اشرح له طبعا قال لي انت محتاج طبيب نفسي بوقتها قلت بنفسي اكيد الدكتور الباطني يحسب اني مجنون .. قلت ليش لا اروح لدكتور نفسي واشوف وش بيقول رحت لدكتور وشرحت له الحاله قال لاتخاف موضوعك بسيط معاك هلع بسبب اكتئاب وقلق... قلت شكله يستهبل كل هذا من اكتئاب وتوتر وهلع طبعا اعطاني علاج مااخذته خفت من شي اسمه علاج نفسي طبعا رحت لي اكثر من عشر اطباء وكلهم نفس الكلام باالاخير حسيت اني تجننت وقلت وقتها مارايح يفرق خذ علاج ووصف لي دكتور الفافرين واخذته بعدها بشهرين تحسنت شوي الحاله وبعد 8 شهور تحسنت50% صرت اطلع واروح وعايش طبيعي لكن فيني شويت اعراض تروح وتجي من الهلع بعد سنه اختفت الحاله تماما.. رجعت طبعا انسان طبيعي جدا صحيح ما كنت ناسي التجربه وكنت اخاف ترجع لكن مستمر بحياتي طبيعي جدا بعدها توظفت قبلها كانت عاطل وتزوجت وصار عندي عائله واطفال وصرت اسافر برا السعوديه بختصار اموري فوق ممتازه . . . . ولكن بعد خمس سنوات رجعت حالة ع خفيف حاله مااعرف اوصفها شي يمنعني من الخروج من البيت احس وضعي غريب لكن مدري وش صاير معي الحاله هذي تاخذ اسبوعين وتختفي بدون علاج.. صارت معي ثلاث مرات كل سنه مرة تقريبا وتروح بدون علاج.. بدون علاج.. ومن سنتين تقريبا الحمدلله كنت طبيعي وعايش حياتي ولكن: في شهر رمضان اللي راح قبل شهرين وبالتحديد بنصف رمضان كنت مسافر لوحدي ومبسوط ومستمتع بالطريق طبعا بعد الفطور حسيت بنص الطريق بتعرق بيدي وقدم قلت اقرب مستشفي عالطريق خليني احلل سكر واشوف الضغط يمكن ع شان مافطرت زين يكون عندي هبوط ولا شي.. من هنا بداءت الرحلة..الى العالم الجديد.... وقفت عند اقرب مستشفي وحلل السكر بالجهاز السريع وقال الدكتور عندك هبوط 60 السكر متي اخذت علاج السكر قلت له انا ماعندي سكر اصلا ولا اخذ علاج قال غريبه سكرك هابط قلت له جهازك خربان قال ماعندنا غيره رحت مباشرة لمستوصف خاص قريب منه وحللت لقيت السكر ممتاز117 وخرجت من المستوصف ورحت الصيدليه واشتريت جهاز قياس السكر وطوال الطريق احلل كل 5 دقايق ويطلع تمام جاني وسواس ان في مشكله بالسكر ولما وصلت المدينه اللي كنت مسافر لها رحت مباشرة لمستشفي وسويت تحليل تراكمي للسكر وطلعت النتيجه5:3 ممتازة وطلعت من المستشفي رحت البيت وصرت احلل كل شوي بالجهاز.. رجعت لمدينتي وع طول ع مستشفي وحللت تراكمي وطلع النتيجه 5:5 وثاني يوم حللت طلعت النتيجه5:6 ممتازه وحللت اليوم الرابع تراكمي ايضا طلع5 وحلت بنفس اليوم بمستشفي ثاني طلع 6 يعتبر طبيعي لان مكتوب بالتحليل حد 6 طبيعي طبعا كل شوي وكل ما اكل معي الجهاز بجيبي احلل السكر ورحت سويت تحليل منحني السكر وانا صايم 93 بعد ما اخذت الجلكوز بساعه228 بعد ساعتين 100 بعد 3 ساعات 60 طبعا 228 خوفني وقلت مو طبيعي مع انني عرضت النتائج ع اكثر من 3 اطباء قالوا طبيعي... صرت اخاف اكل يرتفع السكر ومرات اخاف ما اكل ينخفض يعني دخلت بوسوسه ودوامه الله يعلم كيف كنت اعيشها نزل وزني12 كيلو بشهر وصار جسمي ضعيف مع اني وزني اول 77 وطولي170. ونتقلت للمرحله الثانيه بدون مقدمات: نسيت السكر ووقفت التحليل نهائي ليا شهر ماحللت لكن اي شي له علاقه بالسكر وقفته مشروبات غازيه قهوة شاهي حلا كل شي.. المرحله الثانية صرت مو حاس بنفسي ولا بالعالم من حولي انا مو انا مو حاس بجسمي صرت ما اطلع اخذت اجازة من العمل من شهرين الي الحين صرت ماانام احس عقلي صار ضعيف او اني ع باب اني اصير مريض نفسي ولا اقدر اتحكم بنفسي رحت للدكتور اعطاني: سيبراليكس وزانكس وريميرون ليا شهر ونصف ع العلاج بديت ب10 سيبراليكس والحين ليا عشر ايام ع جرعة20 طبعا الزانكس نص صباح ونص قبل النوم من.05 والريميرون بالليل مع الزانكس نص من جرعة ال30 فقدت كل احساسي بنفسي وبالعالم احس هالمره قويه وراح انجنن لان احس فعلا التركيز ضايع وخاصه ان احساس اني فقدت عقلي او ضعف عقلي صار واقع مو احساس فقط..بصراحه هالمره احس ان وضعي مختلف وان الوضع صعب اتجاوزه.. قبل الزانكس كانت تجيني حرارة ببطني وصدري نار حارقه ما اتحملها وتوتر بجسمي لدرجه اني ما اقدر اجلس مكاني اتحرك مدري ليه.. لكن مع الزانكس اختفي التوتر والحرارة وبقيت عدم احساسي بنفسي وجسمي وعقلي مو حاس اني عقلي موجود لكن الحمدلله ع كل حال وان شاء الله تعدي هالمره الامل بالله كبير... |
راجع الدكتور أخي وشوف شو بحكيلك بما انه كان وضعك اصعب من هيك وشفيت منو والحمدلله رح ترجع تتعافى بإذن الله الف سلامة عليك :) |
اقتباس:
شاجر ومقدر تجاوبك |
أنا تشافيت من الرهاب ونوبات الذعر بس باقي القلق وحالة اللاواقعية مع العلم أني استخدمت أدوية كثيرة لأختلال الآنية ولاكن لا فائدة ...طبيبي في مركز مطمئنة قال لي انه لاتوجد لها علاج وعلاجها التجاهل والتطنيش مع العلم أني اشعر فيها منذ ايام الطفولة وانا عمري 4سنوات والآن 29سنه
|
انا لا يهمني القلق الأهم أني أتخلص من حالة اختلال الانية (تبدد الذات) لانها حطمتني وجعلتني لا اشعر بحالي ولا اشعر بمن حولي دائماً واشعر ان عقلي ليس ملكي ولا مشاعري ...قالي لي صديق لي ان علاجها يكون في الأدوية المقيدة كالزاناكس وغيرها ....اريد حلا لأَنِّي تعبت كثيرا
|
اقتباس:
ياليت تكتب تفاصيل الاعراض اللي معك كامله |
اقتباس:
وهل الحاله تروح وتجي معك ولا مستمرة طوال الوقت بمعني هل تجي عليك اوقات تحس انك طبيعي ياليت تكتب تفاصيل الاعراض اللي معك كامله |
اقتباس:
|
واشعر ان مشاعري وأحاسيسي مفصولة عني واشعر احيانا بكراهية للاشياء المحبوبة لدى الغير وتبلدددددددد ولا مبالاة ولا حمااااااااااس
|
اخ أحمد ارى ان معظم الحالات النفسيه والروحيه سببها عين وحسد
عليك بالرقيه الشرعيه والله واحد يحلف يقول انه صار له كذا وصار يقرا على روحه ويكرر لا اله الا الله وحده لاشريك له ،له الملك وله الحمد يحيي ويميت وهو على كل شي قدير وادهن بزيت زيتون مقري فيه ورح لاحد المشايخ وخله يرقي على راسك بالتحديد |
اقتباس:
صحيح ممكن تكون حسد او عين بشوف شيخ ان شاء الله اروح له |
اخوي عبدالمجيد تقريبا الحاله اللي معك معي
انا سببها كان القلق والخوف من الامراض قبل شهرين تقريبا..الدكتور يقول لو لو راح القلق بتروح كل هالاعراض...انا استخدم سيبراليكس وزانكس وطبعا الزانكس وصفه مقيده لكنها ادمانيه لو استمرين عليها ليا عشر ايام اخذ الزانكس بالليل قبل نومي بساعه او ساعتين احس الحاله تتحسن كثير..لكن لما اصحي من النوم تبدا الحاله طوال اليوم الي قبل النوم بساعه او ساعتين تتحسن.. |
اقتباس:
|
اخ احمد أنا سمعت من أناس قالو ان الأدوية المقيدة تعالج الاختلال كالريفوتريل وزاناكس .....ماهو اسم طبيبك او عيادتك التي تذهب اليها
|
اقتباس:
|
اقتباس:
اختلال الانيه فقط يقوم الزانكس بتهدئه اعراض القلق مثل الحرارة اللي تهب بالجسم او البرودة و اعراض القلق الجسمانيه مثل توتر الاعصاب ..ولايعتبر علاج انما مهدي اعراض كما ذكرت لك .. |
بخصوص العيادة اللي اروح لها مشكلتي اني بمدينه
مافيها غير 3 مستشفيات خاصه وكل الاطباء الموجودين لك عليهم يعني مو قد كذا ..لكن يوجد دكتور ممتاز استاذ دكتور له عيادتين بالقاهرة ويعمل بمستشفي الجدعاني بجدة يجي من مصر كل اسبوع للسعوديه يوم الاربعاء اسمه الدكتور عبدالناصر عمر انا رحت له بالقاهرة قبل كم سنه في الحاله الاولي اللي كانت عندي.. |
اقتباس:
|
اقتباس:
|
اقتباس:
ومثل ماتؤمن بالادويه وتثق انها تشافيك خل ايمانك اقوى بان القران هو عافيتك وباذن الله ربي مايخيبك |
ان شاء الله هتخف وهتبقي كويس
وعقبالي يارب انا باخد علاجات كتير لحد الان والاختلال موجود بس الوسواس الحمد لله خف والنوبات الهلع قلت جداااا |
انا دكتوري مصمم ان سببها الوسواس والقلق وان علاجها ممكن جدااا وهو الفافرين 100 والانافروانيل 75 اس اار
|
اقتباس:
|
انا حالتي صعبة والحمد لله
اعاني من ه\ا الشبح من14 سنة اتاني فجاءة بعد احساسات مختلفة خوف ووسواس موت وصدمة وقعت علي راسي وبقائي في مكان مظلم اثناء الاستحمام وبعدها هاجمني صداع رهيب واستيقظت لاجد نفسي احلم لن اطيل عليك بحثت في كل الاتجاهات حجامة نفسي عضوي روحاني ولم اشفي حتي الان لكن كما قلت دكتوري مصمم ان الاحساس ده سسببه الوسواس والقلق يسبب ازدواج شخصية ومايسمي فقدان الذاتية ويذهب مع العلاج شهور سنة سنين وقتما يذهب |
اقتباس:
|
|
اقتباس:
|
اقتباس:
|
اخي عبدالمجيد انت موجود
اذا موجود اتمنا ترد |
هذا ايميلي ارسل رقم جوالك الحين عليه
a00911 هوتميل دت كم a00911????????.com |
اعتقد الادارة تمنع وضع الايميلات
|
وينك ياعبدالمجيد ما وصلني منك شي ع الايميل
|
اقتباس:
|
اقتباس:
|
اقتباس:
|
| الساعة الآن 07:43 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا