|
يوميات الاعضاء ....كل عضو/ه يشاركنا
السلام عليكم ورحمة الله وبركاته
اسعد الله اوقاتكم بكل خير هذا الموضوع للجميع بدون استثناء كل عضو/ه يشاركنا يومه هنا ماذا يفعل وماهو روتينه اليومي من لما يصحي من النوم الين ينام طبعا يذكر لنا هل الحاله اللي معه غيرت نمط حياته وكيف كان اول قبل ان يصاب بالحاله اللي معه والان .. . . بالنسبه ليا طبعا اصحي من النوم الساعه 10 الصباح طبعا انا في اجازه من رمضان من اول ما جاتني الحاله.. اصحي احس الدنيا غريبه وفراغ بالعقل طبعا ما افطر اشغل التلفزيون طبعا ما اتابع شي واجلس اقلب بالجوال واكثر شي ابحث عن حل لحالتي او ابحث عن اسباب الاعراض اللي احس فيها الين العصر ع نفس الموال طبعا قبل العصر اتغدي.. بعد العصر احاول اطلع اروح اقضي اي مشوار للبيت اشغل نفسي مع اني اطلع وانا حاس بمليون احساس لكن احاول اسوي شي بيومي... المغرب ارجع البيت واجلس ع الجوال الين الساعه10 بالليل وبعدين اتعشي واتفرج ع التلفزيون لاني بهاوقت تخف الحاله واقدر اتابع التلفزيون ..الين ما انام ع الساعه1 تقريبا.. طبعا قبل الحاله: كنت اصحي الصباح الساعه7 افطر واروح الدوام الي الساعه2:30 بعدين ارجع البيت اتغدي وانام الي العشا بعدين اصحي اقضي مشاوير البيت وبعدين اروح اجلس عند اصحابي الي الساعه1 او2 وبعدها ارجع البيت واكمل السهرة ع التلفزيون مع اهلي الين4 الفجر وانام ساعتين قبل الدوام واصحي للدوام ... |
اقتباس:
|
انا ما اسوي اي شي غير اني اكل وانام وادور حل لمشكلتي ، معاقة عن العمل والدراسة والاجتماع بالناس
|
اقتباس:
الله يرزقنا جميعا بالشفاء |
مساء الخير
شيء جميل يا احمد انك تحاول تشغل وقتك و تمارس أي شي مفيد انت تجاهد نفسك و بإذن الله هالحالة تروح عنك دام عندك هالإرادة و قوة العزيمة أحييك والله ماشاء الله عليك .. هالموضوع يا احمد ليش نزلته بهالقسم ؟ تعال شاركنا بموضوع يوميات المكتئبين في قسم الاكتئاب الأعضاء مره حبوبين و طيوبين ربي يحفظك و يسعدك |
اقتباس:
سلامتك ربي يبشرنا عنك خير و يطمنا عليك و يفرحنا بشفائك يارب .. |
ايش رايك يا احمد كمان تجرب الصيام و الرياضة لو تمشي كل يوم نص ساعة
وتخلي صلاتك بالمسجد .. انت ما ذكرت أي شي غير الجوال و التلفزيون و المشاوير لكن اعجبتني قوة ارادتك انك ما تبغى تركز على المرض و تبغى تشغل وقتك و عقلك عن هم المرض و التعب وهذا بحد ذاته جهاد ربي يقويك و ينور بصيرتك بس انتبه من الروتين هالكلام أقوله لك و لنفسي و ربك يعين |
اقتباس:
حاولت انزل الموضوع بقسم كلنا معك لكن يعطيني اني لا املك الصلاحيه ...الخ ماعندي مشكله اذا ينقل الموضوع بقسم الاكتئاب |
اقتباس:
لكن مع الاسف وضعي حاليا مايساعد لاني حاس بحاله غريبه ما تساعدني اسوي هالاشياء بصراحه احس ان حالتي غريبه وصرت حاس اني مو طبيعي لا احس بقلق ولا اكتئاب مدري وش اللي معي بالضبط لكن ربنا يفرجها ويرزقنا والجميع الشفاء |
أحمد هل رحت لطبيب ايش هي حالتك ؟
مو لازم يتنقل موضوعك بس حبيت اقولك ان في يوميات بقسم الاكتئاب اذا حاب تشاركنا فيها ربي يسعدك |
اقتباس:
ايوا رحت للدكتور وقال اللي معي قلق نفسي بالبداية صح كان قلق نفسي بسبب خوفي من مرض السكر بس احس الاعراض اللي معي مالها علاقه بالقلق اخذ الحين علاج مع ان العلاج ما اشوف انه غير شي الحمدلله ع كل حال |
انت عندك السكر ولا خايف يجيك ؟
طيب دام انه ما منه فايدة الدواء و اللي عندك مجرد خوف من مرض معين يصير انت بحاجة يمكن لعلاج سلوكي معرفي مو بالأدوية علاجك |
اقتباس:
شوفي موضوعي كامل من عشر سنوات الى اليوم http://www.nafsany.cc/vb/showthread.php?t=109144 |
الله يكفيك كل مكروه و يمتعك بالصحة و العافية
طيب ايش سبب القلق ليش قلقان كثير ناس ماجاها السكر و ما قلقت من انه يجيها الله يحميك .. موضوعك بأقرؤه بكرة ان شاء الله دحين خارجة انام تصبح على خير |
اقتباس:
الامور ويسيطره عليه وهذي كلها عوامل كميائيه بالمخ تجعل الشخص غصب عنه يقلق... نوم العوافي والله يسعدك ويمدك بالصحه والعافيه |
جزاكم. الله خير على الدعوات
لا صحيح معاقة بما تعنيه الكلمة اذا استيقظت اشعر بالحسرة لاني لا ادري ماذا سافعل حيث ان عقلي فارغ حالة جدا غريبة ضيقة وأفكار سلبية وعدم رغبة في الحياة الم لا يحتمل ،.. لذا معااقة |
اقتباس:
ياليت تشرحي الحاله لاني امر فيها |
هي معاناة حقيقية واعاقة ذهنية .... وأسى
يعني لا افكر بشكل طبيعي ، الانسان الطبيعي تلقائي في التفكير يبحث يحلل ... انا مررت بحالة مرضية وهي فرط بالتفكير ووسواس ... نوبة تفكير كبرى بعدها فقدت تفكيري الطبيعي واصبح فارغاً طول الوقت لا افكر الا باللحظة معقولة في احد مثلي |
هل يدفعك هذا الوضع للافكار الانتحارية؟ بالنسبة لي نعم
|
+ تحس انك جسد بدون روح
+ لا تفكر باي اهتمامات وتنساها تماماً اتمني اكون شرحت المعني |
اقتباس:
|
عندي سؤال : هل تستطيع فعلياً العودة لبيئة العمل... أم انه مستحيل
انا مستحيل |
اقتباس:
وعقلي مو قادر افكر فيه العالم كله متغير مو عارف نفسي ولا عارف اسوي شي ولا حاس بشي والله حاله صعبه مع اني قبل شهرين برمضان طبيعي مافيني شي اسافر واطلع واسوي كل شي بجد تعبت |
اقتباس:
|
اقتباس:
اخذت اجازه من رمضان للحين مو حاس بنفسي اصلا ع شان اروح دوام احس اني ناسي وش معني دوام |
اليوم رحت لدكتور النفسي العصر وتوي جاي من عند
دكتور مخ واعصاب اللي ذابحني يقلون توتر وقلق اقولهم مخي احسه في شي مو قادر افكر ولا شي بكل برود يقلون خذ العلاج طيب ليا فتره اخذ العلاج والوضع يزيد ماينقص الين قال الدكتور نغييره من بكره |
اقتباس:
الحين ما احس لا بجسد ولا روح ولا شي اكيد فاهم المعني |
سبحان الله... حالتك قريبة من حالتي
لكن هل تشعر بان الموت رحمة < هذا شعوري من شدة ما اعاني ام انها حالة ممكن تقبلها فكرة طبيب المخ والاعصاب نفس فكرتي !! لكن لسى مارحت خايفه الطبيب ما يقتنع بكلامي ومترددة مدري شقوله |
اقتباس:
انا ابغا اعيش واتشافي ع شان اهلي ع شان اهتم فيهم ...الخ الدكتور مخ والاعصاب قصتي معه اليوم قلت له موضوعي قال نسوي رنيين مغنطيسي واشعه مقطعيه وسعرها كلها حدود 5000 الاف قلت له يادكتور اي شي تبغاني اسويه ابشر وقلت له بسويها بمستشفي حكومي قال طيب اكشف عليك ونشوف تحتاج ولا لا طبعا لما حس اني بسويها برا بعد ما كشف عليا قال مايحتاج تسوي شي اللي معك نفسي مو عضوي |
كنت متوقعة انه بيقول نفسي مو عضوي ... مع انه اتوقع ان النفسي ممكن ينتقل عضوي
هل قررت تعملها ... ايضا ً سوال هل تضررت عائلتك حاليا ... انا نعم هل اهملت نفسك ولبسك وحياتك مثل الاجراءات الهامة والمشاوير ... انا نعم واسفه اطلت عليك |
اقتباس:
والعكس صحيح لو شخص لديه مرض عضوي بمخ يؤثر نفسي عليه..اما المرض النفسي لايوثر ع الذكاء ولا ع قدرات المخ ممكن يصيب الشخص باحباط ويخليه ما يستخدم مخه ويصير كسل بالتفكير وتشتت لكن اذا زال المرض النفسي يرجع العقل طبيعي.. والله اهلي اكيد تاثروا بمعاناتي لاني ما صرت زي اول اطلعهم واقضي مشاويرهم كامله الحين احاول اسوي الاشياء الاساسيه.. بالعكس ماطولتي والله اني ارتاح لما احصل احد مثلي لان هذا يثبت انها حاله تمر بالجميع وتنتهي .. سوالي تحسي انك ع باب الجنون او عقلك صار فيه شي مو طبيعي وانك مو طبيعيه احساس فعلي مو خوف انك تصيري كذا فاهمتي علي |
الله يزيلها :(
انا بالنسبة لي تضررت عائليا بنسبة 100٪ وماعندي اي تواصل اجتماعي صحيح احس بهذا الاحساس اللي تقول عليه ومابيدي حيله !!! الا الدعاء والتضرع لله هل تأثرت عبادتك .... بالنسبة لي كسل في كل شيء... وإلى الله المشتكى لا حول ولاقوة الا بالله |
هل يأتيك مشاعر أن الشفاء مستحيل
|
اقتباس:
وبصراحه احس ان هالمرة الشفاء مستحيل لكن ارادة الله فوق كل شي .. سوال: اصعب وقت عندي لما اصحي من النوم احس فراغ بعقلي ومشاعري وتزيد الحاله اضعاف اللي احس فيه بالليل |
صحيح نفس الحالة بداية النهار وعند الاستيقاظ اشعر بالحسرة لاني استيقظت لان الحالة اشد من الليل ، في الليل اكون على امل ان انام !
طيب كيف تواصلك الاجتماعي.... |
ونعم بالله :''
|
تعرفي ان الامل بالله كبير وباذن الله تروح منا كل هالحاله
تعرفي بنزل لكي موضوعي قبل كم سنه كانت عندي حاله وكانت بالنسبه ليا نهاية الدنيا وسبحان الله تشافيت منها وصرت طبيعي جدا ورجعت حياتي زي ماكانت واحسن..لكن من شهرين رجعت ليا حاله جديدة هذا موضوعي القديم اللي تشفيت منه طبعا كانت موقع ثاني طرحته... سلام عليكم اتمنا من اى شخص مرت عليه نفس حالتى انه يرد لان بجد انا تعبت هذا سخط مو مريض ايش فايدتنا بالحياه والبلاوى هذي فينا كتبت موضوع قبل كذا بالمنتدى من سنتين تقريبا بداية حالتى اصابنى خوف بانى رايح اموت واو يجينى مرض مثل الايدز واشياء خبيثه رحت للمستشفى وحللت وكل شي طلع تمام صرت بعدها عايش بدون احساس باى شي رحت للشيوخ قالوا عين وقالوا سحر وقالوا مس رحت للدكاتره قالوا اكتئاب توتوتر قلق هلع صرت احس كل شي غريب عليا انى بدنيا غير الدنيا اللي كنت اعيشها اعرف كل شي بس ما احس بشي ما اقدر اسافر بالسياره ليش ما ادري اخاف من شي غير معروف احس انى رايح لمصير مجهول تروح عنى الحاله بشكل بسيط اروح الدوام اطلع من البيت بس احساسى بالحاله معى على مدار 24 ساعه <<< صيدليه مو بشر هههههههه والله من الهم الواحد يضحك خلال السنتين سافرت بالسياره يمكن ثلاث او اربع مرات بس بعد تفكير امشي والحاله معى بس تخف شوي احس على طول انى مو طبيعى سافرت مصر مع اهلى بالسياره بس ما كنت اسوق لانى مو قادر اهلى ما يدون عن حالتى وشايفين انى طبيعى والدليل انى انا القائد والموجه لهم خارج السعوديه ما يسون شي غير بستشارتى بحكم خبرتى بالسفر ومع الحال هذا وانا احس ان في شي بداخلى بيموتنى لما رجعت قبل رمضان باسبوع زادت الحاله صرت ما اقدر اطلع من البيت طول رمضان ما طلعت لما اطلع اروح البقاله وانا في حال ما يعلم فيها غير الله سبحانه وارجع بسرعه خمس دقائق اطلع فيها وارجع لاننى مو حاس بشي وفي حاجه تمنعنى عن الخروج ايش هى ما ادري؟ هذي بعض من الاعراض اللي معى اللي قادر اكتبها مع انى احس بمليون احساس الاحساس الدايم بانى موطبيعى _ ما احس بسترخاء ولا راحه طول الوقت حتى بالنوم الخوف من السفر او الخطوط الطويله _ ما في استمتاع باي شي ولا احس بقيمة أي شي انسداد بالاذن الايمين لما تزيد الحاله _ العالم من حولى خيال _ الخوف من البعد عن البيت باي مكان لما اطلع احس ما اقدر افكر باى شي يوقف التفكير_ على طول ارجع البيت _ خوف من شي مدري ايش هو ممكن خوف من تصبنى حاله وفقد عقلى واصير ما اعرف أي شي ....... شي يتحكم فيه غريب؟ ما اخذ دواء نهائي ليش مدري احس انه بيصير لى شي وبعض المرات اخاف اخذه واتحسن وتجينى انتكاسه ما اتحملها وصير لى شي كبير بعدها وما احصل علاج وان الدكتور مو فاهم حالاتى لانى مو عارف اوصف الاحساس اللي فيه احسه بس ما اعرف اعبر عنه تعب وكسل واحس عدم توازن وانى مو حاس بشي حولى خيال كل شي انسجام بالحياه مافي ؟ مع الاسف اغلب الدكاتره الموجودين لايملكون مفاتيح العلاج النفسي الصيحيح يعتبر نفسه موظف مو دكتور بس صرف ادويه ما يعرف شي عن احتواء المريض العلاج السلوكى المعرفي الجلسات النفسيه كل اللي يسويه اللي درسه بالجامعه يطبقه اكتئاب العلاج بمضادات الاكتئاب ما يفهم الاعراض صح يسمع كم حاله ويحدد طفش يعنى اكتئاب خوف يعنى هلع الله يهديهم بس اتمنا دكتور يجاوبنى ويشخص صح اهم شي التشخيص ويقول خذ هذي الطريقه وهذا العلاج وسوف تشفى وانا اضمن لك بعد الله بعيد عن التجارب فينى انا كلامى يمكن قاسي بس مو قطره من الحاله اللي امر فيها |
اقتباس:
كنت محبوب والناس تسال عني دايم.. مايمر يومين لازم يتصل عليا احد يقول وينك لازم نشوفك وينك مختفي من شهرين احد مزعلك وانا اعتذر منهم اقول لهم مشغول وعندي ظروف اصرفهم وبنفس الوقت اكلمهم بحماس واشتياق لهم ع شان مايحسون ان فيني شي.. |
فعلا الاطباء مجرد موظفين وكانهم يصرفون حلوى ... مايحتوون
انا بالنسبة لي الناس كلهم يعرفون اني تعبانة ... بسبب شدة تعبي .. وجلوسي ببيت اهلي طيب لما كنت تروح لشيوخ تتاثر بالقراءة ؟ انا ما اتاثر ابدا |
اقتباس:
عين قلت له ياشيخ لا توسوس فيني انا ما حسيت بشي كيف تقول عين المفروض ترقيني ولا تقول وش فيني حتي لو شاك في شي ... ومره رحت لشيخ قال اللي معك حاله نفسيه خذ علاج مافيك لاعين ولاشي .. ومره رحت لشيخ قال لازم تشتري عسل ومويه وبعدين اقراء عليك قلت له انا ما احب هالاشياء بس ابغا منك تقراء علي قال ادفع لي100 حق قراءه قلت له الفلوس مو مشكله بس مو تتشرط هذي تجارة المهم تركته ومشيت بعد كم شهر سمعت انهم مسكوه طلع نصاب |
| الساعة الآن 05:50 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا