|
احس أني منبوذ في هذي الدنيا وفكرة
سؤالي الى اخواني واخواتي في منتدى نفساني انا احس أني مااتكلم ولااختلط مع اخواني والنَّاس وأهلي وأحس أني كلما جلست مع مجموعه من الناس او اخواني مااتكلم الا ان احد كلمني وقليلآ جدآ واضح ان هذي مشكلة سلوكية ماينفع معها الدواء النفسي هل فيه علاج سلوكي وا فكرة علاج سلوكي تخليني انطلق واعبر عن شعوري واختلط مع الناس ولا أعيش طوال حياتي كذا كني مفصول عن الناس والمجتمع لأنني والله تعبت من هذا السجن الى هو الانطواء عن الناس وعدم المشاركة مهم
هذا الموضوع ان مافادني احد فيه اعتبره فضفضه وشكرآ والله يوفق جميع من في نفساني وعندي فكرة في هذا المنتدى المحترم لإنشاء قسم خاص فقط بالمشاكل السلوكية وعلاجها يكون أسمة قسم العلاج والامراض السلوكيةESWVGREGVG |
شوف البرمجه اللغويه العصبيه مفيده جدا
لانك تحتاج لكسب مهارات بالتخاطب والثقه بالنفس |
قابل أخصائي معالج نفسي
|
بداية العلاج لابد أن تجلس مع شخص واحد فقط ترتاح له عشان تفضفض له ويحكي لك وتحكي له وشوي شوي لين تجلس مع اهلك او اصدقاك وتبدأ انت تسولف وتأخذ وتعطي ...
فيه شيء ثاني .. انك اذا جيت تجلس مع اهلك أو اصدقاك جب معك شيء مثل حلا أو شوكولاته أو فطائر ... ليشششش؟ ؟ عشان ماتحس بالشعور انك منبوذ أو ماحد يحبك .. لأن هذا الشعور لااساس له من الصحة بس عشان تطمئن وترتاح تسوي هالشيء . طبعا مو كل مرة .. |
اقتباس:
|
احتمال تكون طبيعتك كذا هادي و ما تحب كثرة الكلام و فيك ثقل و حياء و شخصيتك متأملة
انا الحمدلله ما عندي أي مشكلة نفسية لكني لا احب الصخب و جلسة الحريم و الزحمة ولا أتكلم كثير لا مع اهلي و لا مع الناس أوقات اتضايق من طبيعتي هذه فأقوم اندمج وسط الناس احشر نفسي عشان اخرج عن الروتين لكن ارجع لطبعي الطبع غلاب انت كتبت الموضوع دا لأنك حاس بتغيير في نفسك كنت اجتماعي و انطويت ولا انت هذه هي حالتك من قبل المرض ؟؟ سلامتك من النبذ محشوم ربي يحفظك و يشرح صدرك .. |
مشكور اخوي مترجم أحاسيس على الرد
|
مشكور اخوي وائل وائل على الرد انشاء الله اسمع نصيحك
|
مشكور اخوي نعم الفأل على نصايحك
|
مشكور اخوي رعد القلوب على نصايحك ومشاركتك الي تدل على رق إحساسك وصراحتك
|
مشكور اختي مستكفة على ردّك والله يحيك انا طبعي هادي لأكن مو لحد الانطواء والارتباك الي فيني الان الإحساس بالنبوذ حصل مع الوقت
|
اقتباس:
احنا صرنا في زمن لو استأنست الوحدة خير لك من مخالطة البشر يمكن ربنا حاب يكفيك الشر ولا تجلد نفسك بالكلمات اللي لا تستحقها و ماهي فيك أصلا و تصدق انها موجودة امشي بطبيعتك وكلك ثقة اللي يقرب منك يا مرحبا فيه واللي مو عاجبه الله يغنمه السلامة .. ربي يحفظك |
مشكور يأختي مستكفة على شعورك الطيب والرضا الي فيك والتفاؤل لا انا ليس أهل للنبذ لاكن عمليآ احس أني منبوذ من الناس واقرب الناس لي والنبذ لدي تراكمي من سنين وانا من وسواس الى رهاب الى اكتئاب اتحسن قليلآ ثم تتردى حالتي بعيد عن زوجتي وبنتي والناس
|
دامك ما بتعمل غلط فمع احترامي الشديد ( مع نفسهم )
أصلا رضى الناس غاية لا تدرك بتتعب نفسك على الفاضي ولو انك ملاك من السماء بيعايبوا فيك لا تخلي الناس تهز ثقتك بنفسك او تستنقصها والانسان الطيب مارح يقرب الا الطيب مثله سواء كلامه كثير ولا قليل ولا انطوائي امشي و راسك مرفوعة الحمدلله وان كلامك قليل فهذا يكفي ان ماقيد صدر من لسانك العيب ولا آذيت مخلوق امسح فكرة النبذ دي لأنها مو صحيحة ولا تتحسس من الخلق مافكروا فيك وانت حزين و شايل الهم .. |
انشاء الله اعمل بكلامك ومشكور لشعورك الطيب يأختي مستكفة
|
اقتباس:
حاول تدخل احد كبير ابوها ولا ابوك يصلح ما بينكم واجلس معها فهمها اللي تحسه او خذها لطبيبك خليه يفهمها حالتك و مدى احتياجك لها انا اشوف مثل ما قعد معك الطبيب و تكلم لابد كمان يوجه لها نصائح و يفهمها الوضع واكيد الدكاترة النفسيين معهم ممرضة بالغرفة ماهم لوحدهم مدري عندي إحساس لو انصلحت الأمور بينكم راح ترد العافية بإذن الله ولا تآخذها ولا تعاتبها ترى المريض النفسي ما يحس فيه الا نفسه كثير يحس حاجات الانسان السليم ما يدركها او يصدقها لو كنت انتهزت العيد و سعيت تصلح الوضع .. اجلس بينك و بين نفسك حط حلول لوضعك الأسري وهذا أمر ضروري لعلاجك قبل الأدوية وعشان بنتك كمان تتربى صح .. ربي يصلح لك الحال و يسعدكم و يسخركم لبعض يارب .. |
بخصوص أبوي انا متوفي من عمري خمس سنين وبالنسبه لزوجتي تخلت عني مع اني اخر فترة قبل مااتتخللى عني كنت متحسن مره خليتها تدرس ماجستير وتتوظف في الجامعة وحاولت معهاامي وأختي ولاكن مافيه فايدة خلتي وحيد من سبعة شهور بدون ان تتواصل معي حتى دكتوري حاول ان يساعدني لاكن مافيه فايدة تخليني فقط اشوف بنتي ببيت اَهلها وبنتي عمرها عشر سنيين دايم ترسللي واتز أب ورسائل تعبر عن اشتياقها لي وانا احس مافيه احد شبهي في الدنيا الا بنتي الي هي وامي روحي معليش على الاسترسال عن نفسي شاكر لك اختي
|
اقتباس:
طيب هي ايش تبغى لا تبغى ترجع ولا أحد قدر يقنعها وما حرمتها من دراسة و من عمل هي ما تدري ان بنتك من حقك تاخذها و تشوفها فين ما تحب و وقت ما تحب ؟ ربنا ما يرضى الظلم في شرع لازم ينفذ كيف تخلت عنك هي دوبها تدري بموضوع العلاج و المرض ؟ و لا من قبل الزواج ايش سبب تخليها عنك في فترة تحسنك ؟ مافكرت في بنتها ؟ الحال هذا ساكت عليه من سبعه شهور ؟ و إلى متى بيستمر ؟ انت حالتك بتسوء مع طول هالخلاف لازم تنهيه بحل يرضي جميع الأطراف و لا تتضرر منه البنت انت تقدر تعوض الزوجة و هي تقدر لكن البنت ما تقدر تعوض ابوها و امها .. |
الله يفرج همك ويصلح حالك و يبدد همومك أفراح يا رب يا كريم
|
انت كتبت الكلام و خرجت إياك تنام حزين أو باكي قول يارب قوم صلي ركعتين و ادعي في سجودك صلاة الليل سهم لا يخطيء
وربنا أحن عليك من نفسك و عالم بحالك و مدى ألمك و صبرك .. تقوى بإيمانك بالله وثقتك في قدرته و حسن ظنك برحمته |
أشكرك اختي على الكلام الطيب
|
لو خذيتي دبلوم في العلاج السلوكي ي مستكفة :) و الله راكب عليك العلاج السلوكي ما شاء الله عليك
أقول و انا اخوك لا تكدر أنت يبغالك علاج دوائي شفني أنا أرتجف لو كلمني واحد غريب أضيع الطاسة ي رجل لكن مع العلاج أشوى و الحمدلله الله يزوجك بثانية تنسيك الأولى و موفق دنيا و آخرة |
اقتباس:
والله ياخوي زوجتك لازم تعرف انه فيه 1000 وحدة تتمناك ... لاتبين لها انك محتاج لها بعد اللي سوته فيك .. وانسى سالفة انك منبوذ .... صحيح يمكن فيه واحد أو اثنين مايتقبلونك وهذا يحصل مع كل أحد لكن لاتعمم هالشيء على الناس كلهم .. وبعدين اللي مايتقبلك هو يصرف عليك او يعطيك أكسجين ؟؟ ياخي طززززز .. وصحة راسك يابوي ... |
اقتباس:
ما كان أحد احتاج لعلاج سلوكي معرفي كان كفاه اهله و ناسه و كل من حوله .. شهادتك أعتز فيها وما أتمنى لكاتب الموضوع بثانية لأنه يحب زوجته و متمسك بها أسأل الله عزوجل أن يكشف عنهم الضر و كيد الشياطين و يهدي له زوجته و يجمعه ببنته على خير يارب العالمين .. انا عانيت من التفكك الأسري عانيت كثير وكلامه اللي كاتبه فوق وجعني قسم بالله دامه صابر كل هالشهور هذا يعني انه انسانة شيمته عالية و باقي على العشرة ربي يفرجها عليه و يصلح حاله .. |
شاكر لكم اخوي نعم الفأل ورسوم متحركة وخاصتآ اختي العزيزة مستكفة كلامكم الطيب
|
الى من يهمه امري حصل عندي بحياتي ثلاث تطورات
الاول دكتوري زاد علاجاتي بريستيك 50 بسبب وسواس المرض وألم الاعصاب بسبب الإكزيما في رأسي اذا احد عنده تجربة معاه يخبرني الثاني سأخطب لاتزوج من اخرى والمقابلة اخر الأسبوع بعد ان يئست من رجوع زوجتي الاولى ياليت تتدعولي بالتوفيق الثالث شريت سيارة جديده اسمها مازدا 3 ستاندرد 2015 ياليت تُباركولي http://imgh.us/image_2438.jpg |
اقتباس:
وسلامتك قبل كل شيء كلنا هنا يهمه أمرك ربنا يبشرنا عنك كل خير و ينصلح حالك و للأفضل بإذن الله .. |
مشكور اختي مستكفة لشعورك وكلامك الطيب وإنشاء الله أكون عند حسن الضن
|
اقتباس:
ايه ياخي فرحنا بالأخبار الحلوة .. اقوول. .. ماودك تأخذ بنا فرة انا ومحمد البدراني 3fc3wfc لا لا من جد من جد فرحت لك عسى ربي يوفقك ويتمم لكم على خير ... |
مشكور يااخوي نعم الفأل والله يسعدك دنيا وآخره ويجعلك بأحسن حال لك ومحمد البدراني انا وسيارتي الجديدة حلالكم والله يحيكمESWVG
|
م م م ب ب ب ر ر ر و و و ك ك ك
الله يبارك لك و يتمم لكم في الزواج و الذرية الصالحة و يجمع بينكم في خير و يعطيك خير الموتر و يكفيك شره فرحتنا و الله عسى ايامك و لياليك أفراح |
الله يباركبك اخوي رسوم متحركة الله يجعل ايامك ولياليك ركل من في نفساني مسره وسعادة
|
اللهم آمين :)
|
ماشاء الله اخوي مبروووك
مستكفه كفت ووفت ماشاء الله وترا مانت متبوذ لاتفكر بهالشي انت مو اول ولااخر واحد قليل كلام وهادي زوج اختي نفسك بيتوتي وكلامه قليل جدا بس عادي عايش حياته وعنده بنت وولد الله يحفظهم يعني كل واحد وشخصيته لاتجلد نفسك انت ربي خلقك كذا ربي يتمم زواجك علي خير ويخلي لك بنتك |
مشكور اخوي لحظة تفاؤل لشعورك الطيب والله يوفقك دنيا وآخره على هالكلام الطيب الى يدل على سمو أخلاقك ومعدنك الطيب
|
بسم الله ما شاء الله اللهم بارك والله أكبر
- ترى يا أخى عندك بنوته صغيره والبنت دايم بتحن لأبوها والولد العكس سبحان الله له فى ذلك حكم ربنا يحفظها ليك ويحفظك ليها إهتم فيها كثير ترى منها كل الخير إن شاء الله - زواج مبارك إن شاء الله ربنا يجعلها وش السعد عليك ويهنيكم ببعض ويحننها على بنتك ويحبب بنتك فيها - مبروك عليك السياره ربنا يعيطيك خيرها ويكفيك شرها أتمنى من الله لك حياه جديده وسعيده ربنا يعطيك العافيه إنه ولى ذلك والقادر عليه. |
مشكور اخوي بحر الحياه انا الي يتمنى لك حيّاه سعيده ويوفقك دَنيا وأخرة
|
انا انطوائي واقوى منك شوف موضوعي الي كتبته
بس صدقني بعد ماتتزوج وتتاقلم على زوجتك نصيحه لاتجلس في البيت دا اكبر سبب للمشاكل الزوجيه وكره الزوجه لزوجهاا اطلع خد سيارتك وروح انشغل باي شي او استاجر سكن خاص لك حسس الجميع انك ماتفضي ومشغول وماعندك وقت للجمعات وكدا مو لازم تكلم الناس اهم شي تدور على راحتك وتقضي حاجات بيتك وادا كان الكلام من فضه فالسكوت من ذهب دي نصيحتي لك |
اقتباس:
|
مشكور اخوي مجرد وهم وتصيحتك بمحلها و انا مقدر لك تجاوبك
|
| الساعة الآن 08:42 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا