فضفضه ..اتمنى مشاركة الجميع ونفيد بَعضُنَا ..
 

سلام عليكم ، لي مده ما دخلت منتدى عشان خفت يزيد علي بس ها فتره حسّيت بالعكس ممكن يخفف علي

انا عن نفسي الحمدالله احسن من قبل بس ها فتره لاحظ علي صداع يجي بين فتره وفتره يعني كان حد يشد شعري بس هو يمكن الأسباب عاديه بس زاد عندي وسواس وحاله وبعد حلقي احيانا احس كان في شئ و احيانا احس بالم فيه و بعد ضيق في التنفس ها اكثر شئين شاغل تفكيري وزايد علي حاله ،احس لواعرف سببه بطمئن اكثر بس الحمدالله ع كل الحال وأنتم ؟
كيفكم وشو جديدكم وكيف حالتكم تحسنت ولا بعدها ؟
شو أعراض الي تزيد من حالتكم هذي فتره ؟

وعليكم السلام ورحمة الله وبركاته
الوسواس طبعا مافارقني من اول يوم اصابني الهلع وبيزيد بعد صلاة المغرب ، وعند النوم ما اقدر انام احس كان شيء بيضغط على راسي واذا غفيت اصحى مفزوعة اكثر شيء يزعجني الوسواس والضغط اللي براسي
وحاليا اعاني من مشاكل في المعدة يارب الطف بنا الحمد لله على كل حال الله يشفينا يارب

والله من يوم عرفت الوسواس للحين وانا ماعاد عرفت طعم الراحه و السعاده الا نادر !!
يا الله الحمدالله على كل حال
الوسواس خلاني طول الوقت مهمومه متشائمه خايفه ضايقه و يجيب لي افكار عريبه
يتعب يتعب مرره والحين والله اكتب لك وانا بطق من الضيقه و الهم يااارب يااارب

والله النفسيه لك عليها ذي الايام
شد بعضلات الصدر مخوفني مره
واختلال انيه و عدم تركيز

الحمدلله احس وضعي جيد بس احيانن يضغطني شوي ويتصيد اي هزه نفسيه ويبدا لكن أنا له بالمرصاد أتيه من حيث لا يعلم فالكم العافيه

والله هالايام ماسك معي وسواس الامراض واراقب اي تغير يصير لي
ايام يشد معي وايام ع خفيف حالتي متذبذبه
واكثر شي احس فيه ضيق التنفس وصداع مين مثلي)؛؟

انا لما افكر في التنفس أو الخفقان أحس باعراضهم علطول وأحيانا اقدر اسيطر أحيانا بصعوبة، أما اشوف موقف قدامي يوترني يرجع ل الوسواس والأفكار السلبية
الله يلطف بأحوالنا

سبحان الله وبحمده

أنا يجيني الوسواس بحكم اني من اصحاب الهلع ، ف أي نغزه اعتبرها مرض لكنه خف علي من فترة كم يوم مع اني ما زلت اوسوس لكني دايم اذكر نفسي قبل الهلع ما كان فيني شي ف ليش لما جاني هلع صرت اوسوس... ومن هنا بديت اتطمن شوي شوي .... بكل الاحوال انا طلعت عذر لكل شي ، يعني ثقل الراس المشدود من الخلف اقول خوف وتوتر وقلق، انقباضات بالبطن او الصدر او القلب اقول توتر عضلي، نخزه بالراس فجأه اقول هذا توتر، الزغلله افول لان اعصابي مشدوده وهكذا.... لما تلاقي حلول غير الامور الكارثيه رح يهدا بالك ان شاء الله

ربي يعافينا وعسى يخلينا بهالقوه دايم ما نخربها واركض اصارخ بالبيت ههههههههههه

انا الحمد الله بدا يخف عني لانو صرت عم اعرف كيف اتعامل معه وقنعت نفسي انو وسواس لانو الواحد مابيعلم متى بموت بس الي عم يتعب لي نفسي احلام ومع ذلك بتحارب معها ومع الوسواس اذا ماسوينا هيك راح نفقد عقولنا لازم الواحد يقوي نفسه ويتحارب مع الوسواس

بالفعل ، لأن خصوصا موضوع انقباضات الصدر كانت تجيني قبل الهلع وعادي اما بعد الهلع تصير وسوسه ومع هذا مشكلانا فقط انها تتكرر ولما نقنع انفسنا ترجع تنقبض مره ثانيه ونقول بس هذي القاضيه اما الي قبلها كانت انقباض عادي ههههههههههه وهذا هو الوسواس الي يذبح ومع هذا ما زلنا هنا

دائما الواحد يحط قناعه انه مافيه مشكله عضويه ولهذا ما رح يجيه شي ، اما لو كنا بعمر الخمسين فما فوق وقتها ممكن نخاف من هالانقباضات لان الاعضاء الداخليه بدت تنهك من الاستخدام الطويل ههههههههههه

ف ان شاء الله هالشي يطمنا ومافينا الا العافيه ويبعد هالوسواس عننا

يبالنسبه الي الوضع تمام لاكن ياخوه احب اقلكم على قاعده لاي نوع من الوسواس لشخص تشافى من الوسواس اهي قاعده البيضه والتمساح
الي هي أي وسواس جديد بالنسبه لك كان فكره او سلوك هو في بدايته مثل البيضه تستطيع بكل سهوله التغلب عليه بالتجاهل وعدم فعله واذا تماديت معه بيكبر ويكبر الي ان يصبح مثل التمساح ويصعب عليك تجاهله
أيضا عندي تساؤل لاكم الي يشتكي من الوسواس هل جرب الادويه ومافادت معه او لسى مااخذ ادويه ولا زار طبيب نفسي !!

عن نفسي اخذ علاج للهلع والرهاب و الوسواس خف عندي بشكل ملحوظ ولو انها تضربني من فتره لفتره لكن الحمد لله للافضل

يعني انتم تشوفونها مسكنات ولا علاج شافي لا مراضكم

اهلا يا صديقي، لا طبعا الادويه مو مسكنات هي فقط محسنات للمزاج وهنا يبدأ دورك عند تحسن المزاج انك تبرمج نفسك انك اوك وانها مجرد وساوس. وهنا تبدأ المعافاه، وانا مازلت تحت العلاج يعني لسه لا تاخذ مني كلمه قاطعه مية بالميه هههههههههههههه

نعم هي مساعده للتغلب على الوسواس

كيفكم اليوم طمنوني عليكم 🌷'

في كل يوم المزاج يتحسن للافضل ... القلق والوسواس والهلع اخف بكثير لكن ما زال بواقي منه، الحمد لله

اللاواقعيه تلعب دورها :)
المفروض نتجاهلها و نحقرها
بس مدري ليه نهتم فيها

خلاص لان شئ صار يصير كل يوم معانا صرنا نترقبه وصار لنا مصدر قلق وهو مفروض يصير العكس دام انه كل يوم ونحن مع هذي الحاله بس صج كلامك مفروض نتجاهلها ...

انا عن نفسي هذي فتره لاحظت علي انه يوم أنعس و احاول قد ما اقدر اني ما انام احس بكتمه وكان حد ماسكني ويخنقني لدرجة اقول روحي بتطلع وغير ضيق التنفس وكتمه ..

م ادري شلون اتجاهل الاعراض اللي احسها
كل مااحاول الاقي نفسي اهوجس ب اللي احسه
ودي لو يوم بس مااوسوس مكتوب لي الشقاء):'

ممممم، هذي هي مرحلة اليأس الغلط !! الكل يعاني ولكن ما نيأس لان اليأس هو الي يأخر الشفاء. الجميع رح يشفا باذن الله اهم شي الالتزام بالعلاجات اذا موجوده والامور السلوكيه وعدم مقاومة الفكره بل محاولة التعايش معها وتجاهلها. لا بأس ببعض المعاناه حتى تفتح عيونا للحياه وتصير نظرتنا بشكل اخر للحياه.... ويكون مرضنا عباره عن ذكرى استفدنا منها

الادويه النفسيه في مفهوم مجتمعنا للاسف"تسبب الجنون" هذا اللي حرم كثير من اللي يعاني من الوساوس العلاج عند طبيب نفسي التفكير الخاطىء والاعتقادات ويظل اسير المرض النفسي ماادري ليه هالنظره للادويه النفسيه رغم ان العياده النفسيه زيها زي اي عياده كما ان المرض الجسدي يحتاج ادويه حتى الجانب النفسي يحتاج اذا لزم!!!!! ..انا مااستخدم ادويه استخدم الاراده والعزيمه والتجاهل" هذي العلاجات اللي استخدمهااا .. والعلاج السلوكي مفيد لاكن امي موب راضيه اتعالج حتى سلوكي تقول وش تبين يقولون الناس "بنتك مجنونه " كآني قايله لها ابي مستشفى شهار احجزو لي جناح رقم 54(: ..الله يعين بس

ههههههههههه عجبني انك محدده الجناح 54 هههههههههههه

أنا أعرف ان النظره بالاغلب للطب النفسي يعتبر بين قوسين عيادة المجانين، يمكن انا الي فادني ان نص اهلي جاهم اكتئاب ف الهلع والرهاب والوسواس الي جاني كان مفهوم بالنسبه لهم. اما في حالتك ف اعتقد لك احد الحلين، اما انك تروحي من وراهم مع اخوك او احد افراد العائله المتفهم تشرحين وضعك ويساعدك لان حتى ان رحتي من ورا الاهل للعلاج مافيه بأس. او انك تستشيري طبيب على الانترنت من هذا المنتدى او مواقع الاستشاره ويقولك العلاج المناسب والجرعات المناسبه وتشترينه من الصيدليه، يعني تعطين احد اخوانك الصغار بخشيش عشرين ريال ويجيبه ههههههههههه.

شوفي، الصحه النفسيه والله انها اشد من العضويه والعلاج لازم، وواجبك اصلا تحافظي على صحكتك وسلامة جسدك وعقلك حتى تستطيعين اكمال حياتك بالصوره المطلوبه.