أمور مهمه للمريض النفسي ومعرفة الوضع بعد الشفاء
 

السلام عليكم

اتمنى الجميع بصحه وعافيه

كنت اتكلم مع صديقي ألم مستمر وفعلا ذكرني بشغله مهمه المفروض اني اكتبها من زمان.


المرض النفسي و خصوصا أمراض اضطرابات القلق ( الوسواس القهري والتوهمات، الرهاب بأنواعه، اضطرابات الهلع ) وأيضا الإكتئاب. الامراض الي عامة يكون علاجها بمثبطات السيروتونين ( مضادات الاكتئاب ) تحتاج رعاية خاصه بعد العلاج.

الشخص قد يشفى، ويشفى تماما من المرض ويرجع 100 بالميه انسان طبيعي. ولكن يبقى ضعيف نفسيا ولهذا نجد انتكاسات كثيره. وهي بالواقع ليس انتكاسات اذا شفي تماما ولكن جزء من الشخص يكون مفقود.

وهذا الجزء المفقود هو ليس مفقود اصلا ولكن استبدل بعد العلاج وهي ( زيادة الوعي والنضوج ) وهذا يسمى النضج النفسي لاننا ذقنا الالم ونصبح ايضا اكثر حساسيه واكثر عاطفيه ورقيقين بشكل زائد.

لكن بسبب هذا الشئ ، نصبح معرضين لعوده الامراض عند الضغوطات لاننا ببساطه اصبحنا اكثر ضعفا نفسيا.


مثال بسيط، اذا انكسر الضرس الاصلي ، وركبت مكانه واحد ما بيكون بقوة الاصلي مهما كان نوعه ومتانته، ف سينكسر مره اخرى وتركب واحد اخر وهكذا.

عند الشفاء ، صعب ان نتجنب الضغوط، ولكن يجب علينا استخدام النضوج النفسي الذي كسبناه من شفائنا ونتعرف على كيفية المواجهه بوعي اكبر لاننا اصبحنا ذوي قابليه لكسب المرض من جديد.

واتمنى عاد اني وصلت الصوره على اكمل وجه

السلام عليكم اخواني ذهبت عني نوبات الهلع والحمدلله ولكن هناك عوارض جسديه واريد الجواب الكافي لها
وهي نبضات القلب عند الوقوف علما انها غير ملاحظه ولكن بعد قياس النبضات اجدها عاليه والم الصدر اليسار المتقطع
اريد انً اعرف هل هذا المرض نفسي او عضوي وشكرا

دائما اسالك ولا تجيب ههههههههههههههه

جاوب علي لو سمحت حتى نعرف، هل وانت جالس ولما توقف ترتفع الضربات؟ هل لو كنت منسدح ووقفت تحس بدوخه وغثيان مع سرعة النبضات؟؟ هل لو كنت جالس اكثر من نص ساعه ووقفت ترتقع الضربات وتجيك دوخه وغثيان او الم في البطن؟

طيب وكيف اكتسب النضج النفسي ؟
وكيف اعرف اني شفيت اصلا

هو النضج عادة يبين لما الشخص يرجع طبيعي ويحس ان كان في امور قبل مرضه يكون سعيد فيها ولكن لما تجي نفس الامور بعد مرضه وشفائه سعاده تكون عاديه مو مثل ما كان اول. يعني نبسط بمثال ، قبل المرض لو احد عطاني ايس كريم وهو يعرف اني اطير فرحه فيها وانبسط تلاقيني متشقق من الفرحه وبعد مرضي ما زلت احب الايس كريم لكني ممكن اكتفي بابتسامه واكون سعيد اصلا لكني مو مثل سعادتي قبل.

هذا اسمه النضوج النفسي سبحان الله كذا يصير فينا


اما الشفاء بإذن الله ( للجميع ان شاء الله ) اول علاماته السعاده بشكل كبير ثم بعدها الضجر ، مو فراغ لا بس منها تساؤولات ومنها تحسر على ايام مضت على الفاضي ويبدأ الشخص بالتفكير باوضاعه قبل وبعد ... لهالسبب من اهم اسباب عدم الانتكاسه العلاج السلوكي وافضل شي هو الانخراط بامور تطوعيه مثلا او عمل دوريات للاصدقاء او نشاطات ان الواحد يبعد عنه اي فراغ على الاقل لمدة كافيه ست شهور تقريبا حتى تتأقلم نفسك على الوضع الجديد الحالي لانه صار غريب عقب مرض اخذ وقته واستفحل فينا.

انا ماني قادره افهم نفسي ساعات احس اني قريب بتشافى وساعات احس اني اغيب عن نفسي وعن الدنيا وكان مخي صار فاضي والحين جاء شي ماكان على البال ولا على الخاطر اللي هو الوسوسه بالامراض الخطيره يعني لما حسيت اني ارتحت نفسيا وبديت ارجع لوضعي الطبيعي طلع لي هالوسواس الله يعديه على خير

لا ان شاء الله خير بإذن الله

فحصك قرب وتتطمنين ومن بعدها رح تعرفين انها ازمه وعدت باذن الله

الله كريم
بس بصراحه بسالك سؤال ومتردده اخاف تقول حاسدتني

ابدا اتفضلي

يعني النفسية انكسرت و ماراح ترجع مثل أول أبدا؟؟؟؟؟؟؟؟؟؟؟؟؟؟
الله المستعان
والله يفرج همنا و يعوضنا خير

لا تقلقي يا ام البنوتات ، بالعكس بتكوني اكثر تفتح على حياتك وتعرفي تتصرفي بشكل عقلاني .... بس دائما نحاول لما نشفى نبعد عن الضغوط قدر المستطاع لاننا ذو قابليه للانكسار السريع وهذا سبب هشاشتنا ولكننا بالمقابل نكون احن وارق بكثير للشخص المقابل ونحس بألمه وهذي صفات رائعه.

نسبه وتناسب يعني

انت وش جابك على هالموقع ماشاء الله تبارك الرحمن ما اتوقع انك تعاني من اي مرض نفسي اسلوبك مواضيعك ابد مو اسلوب ومواضيع مريض نفسي ترى والله ما احسدك بس ماشاء الله عنك مواضيعك حلوه وحسيت انك انسان فرفوش على قولتهم
اتمنى لك دوام الصحه والعافيه
اعيذك بكلمات الله التامه من كل شيطان وهامه ومن كل عين لامه

هههههههههههه لا عادي يا اختي المريض النفسي مو لازم انه يكون عابس

صحيح قد اكون اني اكتب كثيرا او احط مواضيع كثيره لكن ما يعني اني ما اعاني لكني لما استفيد من شي اقرأه او اشوفه انقله هنا. المنتدى فيه كثير يعانون مثلي، والجميع يبي الشفاء لكن امور دايم واخطاء تصير تعطل شفائنا وانا ماني حاب هالنقطه يعني مثلا

لو احد بطنه عوره، على طول بيحاول يشرب نعناع، ما ينفع ويزيد الالم يقول طيب ميرميه، ما نفع والوضع يتفاقم، ف يروح يسأل اخوه او اخته ويعطونه حل، ولا ينفع وضعه يزيد اكثر ويضعف جسمه، وهو قاعد مع زميله بالعمل يقوله ياخي بطني ويقوله ما بقدر اكمل عمل وزميله يعطيه حل ولا ينفع والرجل غاب عن العمل ثاني يوم، اخر شي يروح الطبيب ويطلع معاه مثلا نزله معويه ويتعالج بالسوائل وادويه لمدة ثلاث او اربع ايام.

الرجل هذا لو انه وقف كل هالشي من الاول وراح للشخص الصحيح كان يمكن ما عانى كل هالوقت وتفاقم وكان ياخذ دوا بسيط يشيل معاناته ويعالجها وبكذا ما اثر على حياته

وعشان كذا احاول اكتب كل شي اقدر عليه يفيدنا بعد ما ابحث صح سواء هنا او المواقع الاجنبيه.

اما اني فرفوش وهيك ههههههههههههههه عادي الحمد لله احاول اكون شخص مريح للناس لاني انا اعاني جدا واعرف ان الي يعاني مو ناقصه مثلا واحد يعاني ويصيرون اثنين سوداويين،، الامور تؤخذ ببساطه الحمد لله احنا نعرف امراضنا وهذي نعمه كبيره وعشان كذا التفائل موجود مهما طالت المده ربنا سبحانه بيشفينا.

وان شاء الله جميعا رح نكون افضل

ان شاء الله
والله يكتب لك الاجر ويشفيك وتنسى المرض النفسي الى الابد

بس ما ادري كيف نعرف أننا شفينا
يعني فعلا في بعض الأحيان أحس بتفائل و أن أيام المرض أصبحت معدودة
وفي بعض الأحيان أحس حالي راح أنفجر
والدوخة و الوسواس ياخذو محلهم
وأحس حالي انتكست ورجعت درجات للوراء

والله محتارة محتاااااااااااااااااااااارة كثيييييييييييييييييييير
حتى رجعت لي فكرة إنو لازملي دواء
بس المشكل لما أشوف إخواني في المنتدى......أحس إنكم مازلتم تعانون رغم أنكم تاخذون الدواء

فماهو الحل؟؟؟؟؟؟؟؟؟؟؟؟؟؟

ياااااااااااااااارب اهدني سواء السبيل ماعدت أعرف ايش أسوي

وحبيت سؤال عن الدواء....
هل مضادات الاكتئاب كلها فيها مكون الكحول؟؟؟
وهل يجوز استعماله؟؟؟يعني مارأي الدين في ذلك؟؟؟


والله أفكر أروح عند طبيب آخر و أطلب يصرفلي أدوية وإن أمكن تكون آمنة في وقت الرضاعة
لأني في بعض الاحيان أحس حالي ماعدت أتحمل
يارب فرجك يارب

امين يا رب العالمين

الله يعينك
الصراحه لما جاني المرض كنت ارضع طفلي عمره شهرين فاضطريت ابطل رضاعه لان العلاجات قوية وماتنفع للمرضع وبالاخير انفطم والادوية ماجابت نتيجه فاندمت اني فطمته ورجعت بعد 10شهور اخذت علاج والحمدلله نفع معاي كثير وانا هالمره استخرت قبل اخذ العلاج في الاخير الواحد فينا مايدري وين الخيره
استخيري وربنا معك

حبه حبه عشان تاخذي المعلومات كلها

هل الدواء فيه كحول ، لا طبعا مافيه كحول

هل الدواء حلالاو حرام؟ اسمه دواء ما اعرف ايش جاب الحلال والحرام

تشوفين كثير ياخذون دواء ويعانون،، طبعا رح تشوفي ناس تاخذ وتعاني والاسباب كثيره، اولا وصف خطأ للمرض، ثانيا اخذ الدواء بطريقه خاطئه ( يعني كل يوم بوقت مختلف، ينقص جرعات ويرفع على كيفه، يترك جرعه وهكذا ) ، ثالثا، ترك الدواء لما يحس انه متحسن، يعني شاف الشخص نفسه اوك تزيد ثقته ويعتبر انه شفي والدواء ما عمل شي ف يتركه بدون اكمال الكورس، رابعا مدة علاج غير كافيه وهذا دايم يصير للاسف، خامسا، عدم تحمل اعراض العلاج الجانبيه وهذا كثييير يحصل لانها فعلا اعراض مو بسيطه بل صعبه، سادسا، اخذ الدواء وعدم الاقتناع فيه الا ان حبه تحالج شي محسوس وهذا كثير ايضا، سابعا، قد يزيد الدواء اعراض مرضك للدبل وهذا انا حاليا فيه وماكل هوا صراحه لكني صابر، ثامنا، عدم الصبر على الدواء وهذا كثير ايضا يحصل لان المضادات قد تصل ليبين مفعولها الى 8 اسابيع واحيانا 12 اسبوع لانها عملية بناء كيميائي. تاسعا، مرات يجب تعديل الجرعه وكل جرعه تحتاج مابين 6 الى8 اسابيع.

وهذي اسباب الشكاوي دائما، طبعا الي استغرب منه انا، ان ممكن الشخص يصبر على المرض سنوااااااات ولا يتحمل شهور على العلاج.... ما كذا كذا انت تعاني ف ليش ما تكمل؟؟ الله اعلم

ارجع أأكد ان التشخيص الخاطئ هو اساس المشكله، يعني لازم تعرفين بداسة مرضك بالضبط هل هو افكار، خوف، موقف .... الخ .... عشان صرف الدواء المناسب

التذبذب الي تحسين فية أختي أم البنوتات طبيعي المرض يشتد وبعدين يقل وعلى ها النمط بس صدقيني راح يزول انا مجرب لي تجربة سابقة قبل سنوات بس اذا شفيت أن شاءالله أبتعدي عن الضغوط النفسية

قصدك شفاء بدون دواء والا مع الدواء؟؟؟؟؟

الله يعينني و يعينك أختي و جزاك الله خيرا
ايه والله المشكل الأكبر في الرضاعة
كلما أحاول أفطمها تقعد تبكي و يتقطع قلبي عشانها فارجع أرضعها و تدرين أن البيبي كلما كبر كلما تعلق بالرضاعة أكثر

راح أستخير مرة أخرى و ربنا يفرج همنا يارب

الاستخاره طيبه والشخص يعمل الي يريحه واذا كان قرارك الدواء لاوم تستجمعي قواك لان حالتك رح تصير اصعب من المرض لكنها مؤقتا ف كوني جاهزه دايما

هههههههههههههههه لا الدواء اللي صرفلي ايه الدكتور فيه نسبة من الكحول وهذا مخوفني

و أكثر شيء مخوفني هي خامسا و سابعا هههههههههه
يعني الأعراض الجانبية

والله محتارة...

وكمان خايفة المرض يزيد اكثر
يعني ممكن المرض يزيد لو ماعالجناه؟؟؟؟

بس الحمد لله ....لأنو فيه شيء ايجابي أني صرت أعرف شومرضي
وهو قلق بسبب الصدمة ....وهذا جابلي نوبات هلع و وسواس وخوف و قلق زيادة و أعراض جسدية
مثل الدوخة و ثقل الرأس و آلام البطن و آلام الرقبة و الظهر و اللي تعرفوه كلكم....

تقولي لي انا عندي تؤم الشهر الجاي يكملوا سنتين واعاني معاناة مايعلم فيها الا الله بسبب اني ابغى افطهم لكن ماني عارفه كيف جربت يوم لكن ماقدرت لما جلسوا يبكوا بطلت خصوصا انهم تعودوا مايناموا الا وهما يرضعوا واثناء النوم يصحوا مرتين ثلاث يبغوا يرضعوا انا اعرف انها ماهي رضاعه حقيقه لانهم ياكلوا ويشربوا لكن خلاص تعودوا امي كل ماشافتني قالت الى متى شوفي كيف صرتي نحفتي وذبلتي بسبب الرضاعه وانا الصراحه بسبب المرض احس اني تايهه ولاني ماجربت ارضع اطفالي اللي قبل كل هالفتره يرضعوا شهرين وخلاص اول مره ارضع سنتين ابغى معجزه وهما لوحدهم يبطلوا لاني مو رايقه اهاديهم واسايرهم لما يبكوا يبغوا يرضعوا.

الواحد بيكون كذاب لو قالك ان الدواء ما رح يسببلك ازعاج... بلى رح يسبب خصوصا اول شهر واكيد اعراضك بتزيد مع الاستخدام بس هذي كلها لان الدواء يشتغل على السيروتونين ف لازم ردود فعل وردة الفعل للاسف زيادة قلق على القلق.

ومادام عارفه انه من صدمه المرض فهذا بسكون تشخيصه سهل للطبيب ان شاء الله لان السبب معلوم

اطلبي من غير كحول وكل الادويه مضادة الاكتئاب واغلبها من غيره

المرض النفسي يتطور مع الوقت يعني ناس بدت بهلع وصارت اكتئاب وهكذا

انا محدثك الفاضل هههههههههههههه تطور الهلع عندي الى رهاب الساح ..... انا مستحيل اطلع من البيت لو صار ايش ما اطلع الى ل طبيبي والي اضرب للطلعه مليون حساب قبل ما اطلع.

ماعتقد المرض ممكن يسوء او يتحول الى مرض ثاني اقوى اختي عانت من هلع وساوس اكتئاب صارت مثل المجنونه والحين الحمدلله احسن بكثير مع انها ماخذت حبة دوا تحس احيانا بضيقه واذا طلعت غيرت جو ترتاح الله يتمم عليها ويشفينا جميعا

لالالالالالالالالالالالالالالا إذا كان الحالة تزيد معي ...............لالالالالالالالالالالالالا بطلت
والله هادول اليومين أحس بضيق وقلق لايعلم بهما إلا الله
رغم إنو مافيه نوبات هلع أو وسواس ولاخوف الحمد لله
بس مضايقة كدا.....الله المستعان
فما أقدر أتحمل حالة أكثر من هذه

وخايفة من اختلال الآنية لأني في بعض الاحيان فعلا أحس كأني في حلم ولست في الواقع
أما الرهاب..............ماادري سبحان الله مايجيني
بالعكس لما أجتمع بالناس أحس بالراحة

ياربي أعني يااااااااااااااااااااااااااااارب

أظن أن الحالة التي أعاني منها الآن هي اكتئاب؟؟؟؟؟؟؟؟؟؟؟؟

اختي انا اشوفك ماشاء الله قوية بما انك جالسه تقاومين المرض بدون ادوية
لذالك عالجي نفسك بالقرآن والرقيه راح تحسين بصعوبه في البداية وتكاسل لكن صدقيني بعدها راح تحسين براحه خصوصا انك بتقولي الان باقي معك الضيقه القرآن والاستغفار كل ماجاء في بالك استغفري صدقيني راح تروح الحاله وتصير من الماضي
انا الان الحمدلله احاول ارقي نفسي بعد كل صلاة بالفاتحه والمعوذات وايه الكرسي والحمدلله احس راحت الضيقه
الله يفرج همنا ويكشف غمنا ويشفينا شفاء لايغادره سقما

الله يرزقنا القوة يارب....مهي قوة بس مضطرة ايش أسوي مالي حل تاني
أنا أحاول الرقية و أدري راح تفرج باذن الله
بس لأنو لازم المؤمن ياخذ بالاسباب
فمسألة الدواء حيرتني
لأن المشكل أن الوسواس و الخوف يروح ويرجع
يعني الآن هو خف...بس بالمستقبل ما أضمن شيء وكل شيء ممكن
راح أزود الرقية و أستخير و ربنا يفرجها عننا جميعا يارب

الاخ مندوز لا فقط ارتفاع النبض عند الوقوف

تصل 115 وبعض الاحيان يكون النبض طبيعي عند الوقوف وهذا نادر جدا ومره واحده في الاسبوع

وطبعا عندي الم في صدري اليسار بس اقدر اتعايش معه وايضا عندي نبضات سريعه عند الاستيقاض من النوم فقط

يبيلك تروح طبيب قلبيه ويقيس النبض والضغط اثناء وقوفك وجلوسك واعتقد مافيك شي خطير هذا اسمه النبض الوضعي وعلاجه عادة املاح وسوائل في حالة ان قلبك مافيه اضطراب. لكن انا متأكد مافيه اضطراب لان هالشي يصير مع الضغوط النفسيه ف طبيعي لا تقلق يا صديقي

ياناس ياعالم ياخوان انتوا ماتحنون على مسلم انا تعبت من مرضي تحملت وقاومت بما فيه الكفايه صح اني اخرج واضحك واسولف معا الناس وراحت عني النوبات لكن احس اني وصلت لمرحله مابعدها عافيه نوبات الهلع ماكنت ااقلق منها كنت استقبلها واستمتع فيها لكن علتي معا المً الصدر اليسار القوي ومعا نبضات القلب عند الوقوف ورحت عند دكاترة القلب وقالولي مافيك شي احسهم مايفهموني وودي استخدم العلاج النفسي. لكن احس خايف من الدواء كثير جدا والله اني اكتب الحين وانا ابكي من القهر ماتوقعت ان الزمان بيسوي فيني كذا الحمدلله على كل حال انا ودي اشرحلكم الي فيني بس ماني عارف منين ابدأ لكن اعراض كثيره جاتني من بداية نوبات الهلع والحين وقفت على الم الصدر الي ماعلي منه لكن الي خايف منه نبضات قلبي بس عند الوقوف وعند الاستيقاظ من النوم مدري من الهلع ولا من مرض عضوي في قلبي تكفون اوقفوا معي لان محد بيحس فيني غيركم

كلنا حاسين فيك اخوي وموضوعك بسيط جدا الحمد لله

والم جهة اليسار ماله دخل بالقلب لان القلب بالوسط وليس اليسار هذي تقلصات عضل الصدر فقط

انا نبضات قلبي سريعه ومن اقل مجهود واحيانا بس اقوم اوقف تزيد بشكل فضيع حتى بالتخطيط تطلع عاليه لو اتحرك حركه بسيطه واحيانا لوحدها فجاءه وانا ماحس بخوف ولا شي لكن ماعلي منها خليها تصير عاليه مو هامني
اللي فيك مجرد وسواس ومدام رحت لاطباء القلب وتطمنت ليش الخوف توكل على الله وارقي نفسك لان من علامات العين زيادة وسرعة نبضات القلب
اسال الله لك الشفاء العاجل

طيب وواش علاجها ذي نبضات القلب العاليه عند الوقوف ها ..في عضو عندكم اسمه محمد ال اوابو تركي سبحان الله كنو يتكلم عني مدري وينه ابي اعرف كيف تعالج وكذا وشكرا

افتح موضوع اخي الكريم بأسمائهم عشان يشوفونه ويجون .... تلاقي موضوع جديد بمستطيل اخضر لما تفاح القسم حق الهلع فوق المواضيع بالزاويه اليمين.

اتمنى تجد اجاباتك

اتذكر مره طبيب في مختبر قال لي انتي على طول نبضاتك كذا سريعه قلت له بعض الاحيان قال لان بالتحليل بين ان الحمى الروماتيزميه عاليه عندك بالدم ومشكله اذا وصلت للقلب والله وطنشته هذا الكلام من 13سنه تقريبا