طلع زي الورم براسي من الخلف ...يممممه خااايفه😔
 

مرحبااا اخواني اخواتي...

انا خاااايفه وجايه ابي افضفض لكم ..

من كم يوم طلع بالراس زي الورم كورة بالخلف من جهة اليسار ولا احب المسها لانها تألمني ولا اقدر انام على جهة اليسار من الالم وكمان بعد احس بثقل بالاذن عندي


من حسيت فيها ولمستها وانا لا ليلي ليلولا نهاري نهار ...انواع الوسواس والتفكير

وربطت الدوخه بهالشي ...اقول يمكن ورم براسي مسبب لي دوخه...

يممممه مجرد التفكير بهالموضوع مجنني احس بنهااااار خلاص وش اتحمل وش اخلي مرررره هلكني المرض النفسي


ياااااارب افرغ علي صبراً

شفاك الله وعافاك عزيزتي
سلامتك يارب من الاورام اتوقع انها حبة عادية وكبرت وسببت لك ألم اذهبي للطبيب يعطيك مسكن ومرهم وتزول بإذن الله و تقلقي عزيزتي
انا مرة طلعت لي حبة في الأنف وسببت لي دوخة وصداع والام شديدة ولما كشفت طلعت خراج وذهبت مع المرهم والمضاد الحيوي، انت روحي للطبيب وٳن شاءالله كله خير

اهلا اختي نعمة النسيان لما قلتي انك تحسي بثقل في الاذن فاحتمال يكون من البرد ان شاء الله ما تشوفين شر ولو ما كنتي مرتاحة وحبيتي تطمني اكثر اعملي فحص الله يشفيكي ويريح بالك

حبيبتي هدي نفسك شوي ..مافيك الا العآفيهه
اللحين , خذي نفس عميييييييق شهيق زفير اذكري الله بكل هدوووء
لآن مافيه شي خطير ان شآء الله ..
خآلتي قبل طلع لهآ ورمه بمآخرت الرآس
وفيها آلم راحت المستشفى قالو لها اكياس دهنية
يعني هي انسداد الفتحة التي تصرف الدهون إلى ساق الشعرة وش يصير لما تتسدد تتجمع الدهون مع بعض الخلايا الكيراتينية والبكتيريا وتكون هذا الكيس الدهني فهمتتتي
مو سرطآن ولا شي الله يبعده عنك ..
وبنت اختي جتهآ 2 براسهآ واختفت الحمدلله
لاتقلقين مافيك الا العآفيه ..

ياعمري الي ردوا علي طمنتوني شويه الله يوفقكم ويسعدكم دنيا واخرة

ماتتخيلون كيف الوسواس لعب فيني يالله شي فضيع هالوسواس

صباح الخير اختي نعمة النسيان

ٳن شاء الله بسيطة

ولو تروحي للدكتور تطمني آكثر

وبشري كيف الدوخة معاك

وهل استخدمتي أدوية الدوخة وفادتك

اتوقع كيس دهني اذا كان فعلا هناك ورم حقيقي ومو مجرد وسواس لان الوسواس اشياء عاديه يهولها انصحك تروحي طبيب وان شاء الله خير لاتخافي

هلا اختي قولي الحمدالله انها تألمك لان لما اكون تئلم يقولو مامنها شر ان شاءالله
انا فيني بس صلبه و ماتألمني احيانا اسفهها و احيانا اركز عليها ):

لا تقلقي ، وهذي معلومه لنا جميعا

لو فيه ورم وجا ببالنا انه الي بالنا بالكم المرض الي نشرد منه كلنا ف ثقو تماما ان الورم لا يؤلم ابدا عند لمسه هذا في حالة انه الورم برز يعني لانه عاده يكون بالانسجه الداخليه لهذا ما رح يؤلم عند اللمس او حتى لو لعبت فيه.

وليس اي ورم لا يؤلم هو شسمه ذا الشي ، لانه ما يسبب ورم الا اذا صار خلاص واصل مراحل متقدمه جدا وعانيت بتعب كبيييير عشان كذا الواحد لما يسمع فيه ما يكون بباله.


اما الاورام المؤلمه عند اللمس والي تأثر على حركتك فهذي سطحيه جدا عند مصدر الاحساس بالجلد ولا يخوف ابدا وغالبا يكون بكتيريا عاديه تتعالج بمضاد حيوي او مثل ما قالو الي قبلي اكياس دهنيه او الشعر نابت داخلها ف لا داعي للقلق.

بالعكس اذا يعور مره عند اللمس المفروض نشق الضحكه

قدامك العافيه

لأن يصيبك شيء أختي الكريمة بأذن الله

أذا خايفة مرة صلحي أشعة مقطعية على الرأس وراح تتطمنين أكثر

لا يا رجال وش له الاشعه المقطعيه نضيع الالاف الريالات على شي ما يستاهل هو معروف الهلع والوسواس مرض تطفير الجيوب واغلبنا خسرنا فلوسنا وعلاجنا ما يكلف مية ريال بالشهر هههههههههههههه

يا رجل سطحية القضه ولا منها خوف ،، واصلا ورم الراس ما يطلع الا نادرا لان فيه جمجمه ماسكه ما تدري عنها والجمجمه تحت الجلد على طول ما يبيله. اما النفخات المؤلمه يبيلها طبيب جراحه عامه يطلع الي فيها ويعطيها مراهم ومضادات حيويه اما لو شعر وخلافه طبيب جلديه مراهم وانتهى الموضوع.

سلامتك أختي
والله ماهلكنا إلا هالوسواس و أدري مهما حاولتي هو يجي لحالو
استغفري الله و حاولي ترقي نفسك
أنا لما يتسلط علي الوسواس أحاول أركز و أقول....
الجسم مافيه إلا العافية
المشكل أن المخ يفرز أدرينالين من غير لزمة (اللي هو هرمون التوتر)
ركزي في هذه الفكرة...
وحاولي تتنفسين بعمق و تحاولي بس تتخلصي من هذا الخوف و القلق و تخلي المخ يشتغل طبيعي
بعد فترة راح تلاقي الفكرة راحت و تحسي حالك تضحكي على نفسك

الله يشفينا جميعا يارب

يعني اللس ماتألم تخووووف صددق!!
انا فيني ب اخر الراس بداية الرقبه يعني
من ست شهور وصلب مايعورر

معليششش على الشطحه بس خفتتت ):

اهلا بك، لا تخافين مافيك الا الخير ان شاء الله

بس طبعا لازم تسوين فحص عند طبيب الباطنيه ف كلامي ما يغني عن الطبيب ابدا

اذا كان انتفاخ وتقدري تحركينه ف هو التهاب بالغدد اللمفاويه وعاده تكون يا يمين او يسار

اما اذا انتفاخ يابس ما يتحرك ف الاغلب دهون شحميه وتنزال عند طبيب جراحه عامه.

واحيانا تكون عظمه فقط لكن ما انتبهتي عليها الا الان يعني عاديه

واحيان تكون فقط تحسسات حسب الاجواء يعني تروح وتجي وهذا عادي جدا

ف زوري الطبيب وموضوعك ان شاء الله بسيط جدا

خذي العلم الأكيد

كيس دهني إذا فيه ألم شيليه عند دكتور جراحة تجميل وليس عام في أي مستشفى حكومي .

مشكورين ماقصرتوا لا خلا ولا عدم

والله كلامكم ريحني الله يسعدكم بالدنيا والاخرة

مازلت اطنش موضوع الورم ولا عاد المسه بكيفه خلااااااص تعبت ،،،،نخلص من شي وندخل بشي ثاني

وكلت امري لله هو ادرى فيني

الدوخه خفت الحمدلله

والادويه اخذتها بس عملت عندي التهاب بالمعدة والمممم لاني استخدم ادويه كثيرة فقلت اوقفها فترة واعالج الالتهاب حاليا،،، ومسويه حميه واخذ دواء للبطن


وان شاء الله ارجع لها بعد ماترتاح المعدة


شاكرة سؤالك عني

مافيك شي نعمة لاورم ولاغيره طنشي

ابدا لازم تروحي طبيب جراحه عامه او جلديه يطلع الي فيها ويعطيك مرهم مضاد حيوي ... لا تخافين جراحه عامه مو عمليه وانتي واقفه ( تك تك تك ) ثلاث دقايق انتهت السالفه.

قدامك العافيه

لماذا لا تفكرين بأنها لاقصه او حبه عادية حتى لا توسوسي وتوكلي على الله