|
رب ضارة نافعه !! احيان نعدل امور فينا عطنا تجربتك
السلام عليكم جميعا
صباحكم خير وسعاده دائما ما نشتكي من المرض وهذا شي طبيعي ومن حقنا نشتكي لاننا نبي نرجع مثل اول،، لكن هل فعلا مثل اول اول؟؟ يعني انا مثلا انسان فيني السكري،،، لو برجع مثل اول ببقى اعاني. يعني احنا مانبي نرجع زي اول،، بس نبي نرجع احسن من اول. كثير فينا امور تغيرت بسبب المرض، ودائما نعاني ولكن ننسى التغييرات الايجابيه الي حصلت لنا بسبب المرض وننسى بعض النعم الي ربنا انعم علينا فيها. يقولك رب ضارة نافعه ، ولا بأس اننا نعاني شوي ونكسب امور جيده وايجابيه في طريقنا للعلاج .... ف اتمنى كل شخص يذكر امر ايجابي حصله بسبب المرض الي يعاني منه ويذكر نفسه ان في امور فعلا حلوه وجميله تغيرت فيه ولكم جزيل الشكر |
انا ببدأ طبعا
1- صرت اقرب لأهلي وكأني تعرفت عليهم من جديد خصوصا ان كنت أعمل 12 ساعه يوميا ف كانت علاقتي معهم شبه معدومه اخر فتره 2- انا معاي سكر ، ولكن مرضي خلاني ابحث عنه اكثر وسبل علاجه ومن فتره قريبه جدا الحمد لله صرت ما احتاج علاج نهائيا والسكر تحت السيطره ونسبتي التراكميه الان اقرب للطبيعي لسه مو طبيعي لكن الطبيب يقول اكمل على نهجك وبترجع النسبه التراكميه طبيعيه و يزول الخطر الحمد لله ان بعض الامور تغيرت للافضل برغم المرض ولولا الله ثم المرض لما تغيرت هالامور ابدا |
ماندوزآ الضربة الي ماتقتلك تقويك ..خذهآ قاعده ..
لي رجعه ب اذن آلله لاصحيت اكتب الايجآبيات االي استفدتها من هالنوبه حبيت اكون اول وحده ترد ع موضوعك وحلوه هالنظره الايجابيه ..يعطيك العآفيه .. |
اقتباس:
الله يعافيك |
ما يحضرني شي إيجابي
اغلب الاشياء سلبيه صرت اخاف اكثر و ضعفت اكثر اذا تذكرت الايجابي جيت اقولكم |
اقتباس:
لكن ننتظر الايجابيات اختي،، بانتظارك |
بعد المرض صرت قريبه لله
صارت صلاتي خاشعه اقوم الليل اقرا قران بعد ماكنت هاجرة له اعوذ بالله صرت متسامحه جدا ماعاد تهمني المشاكل والكلام الي اسمعه ذكر الله دايم على لساني واستغفر اهتميت بحجابي اكثر بعد ماكنت مهمله فيه حلوة نظرتك الايجابيه للاشياء |
اقتباس:
كل شي له ايجابيات وحاليا لمسناه ما شاء الله عليك كفو |
ماشاء الله
هادي المرة سبقتني أخوي.... سبحان الله الموضوع كان في بالي البارحة فقط وكنت ناوية أحط موضوع بعنوان: كيف نحول أفكارنا السلبية إلى ايجابية لما كنت أتجول في الفيس بوك استوقفتني قصة...عن شاب عمره 26 سنة..والبارحة مرت سنة كااااااااااااملة على وفاته سبحان الله... فتدري إنت ماشاء الله علينا إحنا الموسوسين....وفاة ...موت .....وجاء صديقنا الوسواس حالا يبي يشتغل معاي... فحالا وقفت الفكرة وقلت... سبحان الله هذا الشاب توفي في عمر 26 سنة.... وأنا أكبر منه ومازلت عايشة...والله وحده يعلم كم سأعيش بعد فحسيت أن هذه نعمة كبيرة واستغفرت ...ونسيت الموضوع تماما.... نرجع الآن لموضوعك.... بدون مبالغة....ورغم كل التعب اللي أنا فيه أقول الحمد لله على هذا المرض لأنه جعلني أستشعر القرب من الله زاد الخشوع ...و نقص عندي الغضب ...خصوصا مع البنات... حاسة بتفائل كبير... أني باذن الله سأخرج من المرض أقوى في تحمل الصدمات....وأحن في معاملاتي مع الناس باذن الله | وأكثر شيء جاء في بالي أن الذهب الحقيقي لا يظهر ولا يكون نفيسا إلا إذا صهرناه في درجة حرارة عالية...فتزول عنه كل الشوائب و يبقى المعدن النفيس وهذا مايفعله المرض بنا يقول سبحانه وتعالى: ( أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لا يُفْتَنُونَ ) وربنا يشفينا جميعا |
اقتباس:
جميل جدا زيادة الخشوع وكيف المرض عمل شي ايجابي بارك الله فيك برافو اختي |
جميل النظر الى المنح التي يعطينا الله مع كل محنة ،،
صحيح معاناة المصاب صعبة جدا ،، و لكن لها جانب ان استشعرناه سنصل الى الطمأنينة و الرضا و القناعة ،، و اهم ما فيها انها تقرب العبد من ربّه و تحيي روحه و إيمانه ،، شكرا على مواضيعك الهادفة ماندوزا ،، كالعادة مميز |
اقتباس:
وشكرا لك التميز حضوركم اكيد |
اقتباس:
|
اول شي تعلمته اني ارجع لرب العالمين في كل شي اواجهه في حياتي حتى لو ابسط الاشياء.
تعلمت مواجهة مواقف الحياهه بصبر ورضآ وشجآعه وأمل وتفاؤل وتعلمت تقنيات ماندوزيه خخخ يعطيك العافيهه .. تعلمت اطباع الناس ونفسياتهم وآشياء واجد ..الحمدلله .. |
يعطيك العافيه اخوي ماندوز ..
الايجابيات 1-الحمدلله تقربت من الله اكثر 2-صلة الرحم وصفاء القلب سامحت الكل والله يشفينا يارب |
اقتباس:
احسنتي ، برافو عليك الايجابيه |
اقتباس:
كفو هذي الروح الايجابيه احسنتي |
اقتباس:
|
اقتباس:
عاد دعواتك لا تنسيها لي ههههههههه وعسا يا رب تصير احسن |
اقتباس:
ويرجع السكر لمستواه الطبيعي ماعليك السكر آحيان يجي له شهر عسل وهذا يعني ضمور وفترة راحه للبنكرياس وبعدها يرجع طبيعي وب اذن الله يصير طبيعي عندك .. |
على رأي ام البنوتات الموضوع ده كان ف بالي ومخططة اكتبه سبحان الله كلنا نفكر بنفس الطريقة ،لاني فعلا كنت حابة ننظر للجوانب الإيجابية من البلاء واللي فعلا صرت اشكر ربي عليه
امم صرت اهتم أكثر بالاذكار بشكل عام ولله الحمد ماعاد اتفرج على المسلسلات والأفلام كثير واضيع وقتي فيها خصوصا هذه اللي تعرض مشاهد مخلة بالآداب اقول لا أريد الموت عليها أصبحت مهتمة بصحتي أكثر زمان كان ممكن يعدي كم يوم ولا اشرب كوب ماء دحين انا والماء صديقات معاي في كل مكان وعلى أي حال لازم تكون جمبي حتى صرت اعد المقدار الموصى به للشرب وهو لترين ونص يوميا يعني 10اكواب موزعة وكمان صرت مهتمة بالفواكه والعصائر الطبيعية والخضار وحتى المشروبات زي اليانسون والشمر زمان اسمع بها دحين صرت اشربها زي المويا بس الشي الوحيد اللي مفتقدته ونسيته كمان هو اكل قوالب الثلج كنت مدمنة ع ثم بقيت شبه مدمنة الآن نسيت طعمه ونسيت طعم البارد اصلا حياتي كلها حار أو دافئ بعد الجوانب الإيجابية دي اقول يمكن لو ربي مابلاني بالهلع والقلق والوساوس كان تعبت بسبب إهمال الصحة،الوسواس خلاني اهتم بصحتي أكثر، وانا عندي احساس اننا بنرجع احسن من قبل الوسواس. الله كريم موفق لك تحياتي سبحان الله وبحمده سبحان الله العظيم |
اقتباس:
لا تحبطيني ههههههههههههههه |
اقتباس:
نعم هذا المطلوب الايجابيه ومعليش اني سبقتكم ههههههههههه |
كنت أسمع بمثل يقول الصحة تاج على رأس الاصحاء لايراة الا المرضا فعرفت انه نعمة العافية هي اهم من المال وكل شي بالدنيا وصرت احس بمعناة كازمريض سواء مرض عضوي اومرض نفسي كنت اول ما هتم لاي انسان يشتكي من مرض الحين صرت ادور اي واحد عنده معانات واسمع له الى النهاية هذي خلاصة الموضوع
|
| الساعة الآن 04:23 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا