مكملات غذائية بديلة لعلاجات الإكتئاب
 

السلام عليكم

دورت كثير على مكملات تكون بديلة لعلاج الإكتئاب وتجارب الناس معاها
كوني اخدت علاج SSRI وهو الايستا لمدة 9 شهور وزاد وزني 10 كيلو فقررت البحث عن بديل
لكن للاسف البدائل مش موجودة في العالم العربي وبشتريهم من امازون ولسه هجربهم

البدائل كانت Sam-e وده بيحسن المود
l-tryptophan وده بيتحول ل 5-HTP اللي هو السيوروتون اللي بيكون في نقص غالباً عند مرضى الإكتئاب وهو حمض اميني موجود في اللحوم
l-tyrosine وده حمض اميني مع ال Sam-e بيعطي نتيجه افضل

الثلاثة بتتباع كمكملات غذائية بدون روشته وممكن شرائها من امازون او اي موقع
هل موجوده في مصر ؟

علاجات ال SSRI عموما بتثبت مستقبلات السيورتون يعني بتلعب على المستقبلات نفسها اما المكملات فوق بتعطي سيورتون زيادة للمخ
النتائج على النت كانت مبشرة جدا وفي دكاترة كثير في الغرب بتكتبها للي تخلص من العلاجات او مش عايز ياخدها لاعراضها الجانبية

اهلا بك أخ مجروح

اذا انت من مصر الأفضل تسأل الصيدليات اللي في منطقتك
رح تستفيد اكتر ..

بكل الأحوال اهلا بك
ان شاءالله تلاقي افادة عبر موضوعك

:)

المكملات اللي هي بروتينات ؟

ياريت روابط النتائج لهذه المكلملات وروابطها علي امازون

Sam-e
http://www.amazon.com/gp/product/B0013OW3V6/
في منه 400 في الحبة

L-tryptophan
http://www.amazon.com/gp/product/B002JNIAQW/
الاكثر تداول اللي الحبة فيه 500

L-Tyrosine
http://www.amazon.com/Now-Foods-L-Ty...dp/B0013OUPSE/
في منه 1000 في الحبة

كلها لشركة ناو فودز الامريكية الشهيرة
L-tryptophan يعتبر من افضل المكملات للي عنده ارق ومش بينام ومفعولة اقوى من المنومات الكيميكال

قرأت كثير جدا وتقدروا تشوفوا الريفوهات على الامازون عليهم بس للأسف مفيش في مصر وحتى لو اتوجد هيرفعوا سعره السما
انا جبت فيتامين D من العزبي باعهالي ب 195 جنيه وهي ب 4 دولار على الامازون بس يعني اقل من 40 جنيه
فيتامين دال لو منخفض ( وهو منخفض عند معظم اللي ساكن الشرق الاوسط ) بيعمل اكتئاب ومشاكل في العظام
تحليله غالي عشان كده محدش يعرفه ( 600 جنيه في البرج )

صحيح بخصوص تحيل فيتامين D معقولة تحليلة غالي كدا وليه غالي كدا وانت عملته ؟ ويا تري النسبة عندك كانت كام ؟
انا عايز اعمله بس مش عارف اقول ايه لمركز التحليل وكمان برضوا هل انا محتاج دكتور يكتبلي نوع التحليل بالظبط وهل يا تري هو دا الفيتامين اللي ممكن يكون ناقص ولا في فيتامينات تانية ؟
ويا تري بعد لما اخد الفتامين حسيت بفرق ؟

فيتامين D وايضاً كشف للغدة الدرقية وفقر الدم

الغدة الدرقية عندي كانت سليمة ولكن طلع عندي خلل في الغدة الجار درقية سببه النقص الشديد في الكالسيوم والدال
حللت دال لقيته منخفض جدا ( بياخد اسبوع لما تظهر النتيجة )
بدأت جرعات مكثفة من الدال 5000 وحدة يومياً مع 1000 مللي جرام كالسيوم يومياً ( كال بريج )
انظبطت الغدة الجار درقية وبعدها تحسن الإكتئاب عندي بنسبة النص تقريباً
ثم اوقف مضاد الإكتئاب وحالياً بعاني من انخفاض في السيروتون بيلخيني شره جدا للحلويات والسكريات فدورت على بدائل ووجدت المكتوب امامكم
دورت كثير وقرأت تجارب في موقع medhelp ومعظمها تجارب إيجابية جدا في منهم لو دخلتوا الريفوهات على الامازون اللي انقذته المكملات دي في فترات صعبه في حياته زي ام فقدت ابنتها او غيره
كمان في ناس استبدلت مضادات الإكتئاب بيها

بس تحذير هام نسيت اكتبه فوق وهو ممنوع تاخد ال 5-HTP او L-tryptophan مع مضادات الإكتئاب SSRI عشان متلازمة السيورتون

بالنسبة للاعشاب والمكملات تنفع للاكتئاب البسيط الى متوسط لكن الاكتئاب الشديد لازم علاج دوائي

طيب انا ينفع اروح اعمل تحليل غدة درقية وفقر دم وفيتامين دال من نفسي ولا لازم اروح لدكتور يكتبلي علي انواع التحاليل ؟
لو ينفع اروح لوحدي ياريت تكتبولي بالظبط الحاجات اللي اروح احللها لاني من بكره حعمل الموضوع دا لاني عمري ما عملت التحليلات دي

الغدة الدرقية بتعمل
Free T3
Free T4
TSH

انتبه ل Free لانه في حاجة تانية Total ودي مش محتاجينها
الجار درقية PTH
بالنسبة للفيتامين دال
Vitamin D
فقر الدم اعمل هيمجلوبين او انيميا

معمل البرج بيودي العينة القاهرة تتحلل في الفيتامين دال
بخصوص البدائل اللي كتبتها مستعد اعمل تقرير ضخم بالجرعات والدراسات اللي اتعملت والتجارب بس بشرط يكون في وعد من حد عالي في الإدارة بالتثبيت لاني مش هتعب نفسي وفي الاخر الموضوع يختفي
دي خلاصة شهرين بحث وقراءة وتعب

نزلي نتائج التحليل هنا عشان الدرقية بالذات لازم تكون في الرينج الاخير مش مجرد انك داخل المسموح بيه يبقى خلاص انت سليم
يعني هي من 2 ل 4.4 الرينج المقبول لكن انت لو تحت 3.5 هتظهر عليك بعض او كل اعراض نقص الغدة الدرقية زي ما حصل معايا زمان ومأخذتش علاج ولا هرمونات لكن اخدت حاجة ظبطته وهي مالتي فيتامين قوي اسمه Opti-Men عند بتوع كمال الاجسام وده فيه املاح يوم ظبطت المسائل عندي
كمان في مكمل غذائي على امازون اسمه thyroid energy جاب نتائج مع نفس كثيرة مصابة بمشاكل في الغدة الدرقية وده لانه في املاح يود عالية وكمان 1000 وحدة l-tyrosine
ده الرابط
http://www.amazon.com/gp/product/B002JNIAQW/

اي مشفى عنده مختبر تقدر تعمل هالتحاليل او انك تدخل عندك دكتور عام وتقول له أعاني من خمول وضيقه وابي أحلل فيتامين د والغده الدرقية

اخي يا ريت لو تقدم لنا التجارب الإيجابيه مع هذه البدائل ونتائج بحثك لعلنا نجد ما ينفعناا بدل ال ssri وغيرها

استاذ المجروح ساما
انا عملت التحليل النهاردة
انا كنت طلبت ايميلك والاضافة علي الميل لكن لم تقبل الاضافة حتي الان
رجاء قبول طلبي لاني اريد ان اتشاور معك في بعض المواضيع

النتائج ظهرت اليوم رغم اني محلل الساعة 2 ظهرا واتصلت بالفرع قالي كان في دكتور متواجد وعلشان كدا خلصت النتائج بسرعة
دي النتائج
http://prntscr.com/9ot3go
http://prntscr.com/9ot4cs

عـلاج نقص فيتامين د:

يعطى المريض في البداية أقراص او كبسولات فيها 50,000 وحدة دولية كل أسبوع لمدة 8 أسابيع وبعدها 5000 وحدة دولية يوم بعد يوم لمدة شهرين ومن ثم فحص فيتامين (د) إذا كان أقل من 30 نانوجرام تكرر الجرعه لمدة 8 أسابيع، ومن ثم يعطى علاج وقائي 800-1000 وحدة دولية أو 50,000 وحدة كل شهر

المشكلة اني مش لاقي في الصيدليات خالص الخمسين الف وحده دا كلها جرعات صغيرة ومصرية مفيش مستورد للاسف

بعد بحث لقيت اعراض جانبية للخمسين الف وحده من فيتامين د وقريت ان الافضل التدريج في الجرعة علشان الكبد والكلي ,وقررت اني حاخد 1000 وحدة يوميا وبعد شهر ونص احلل واشوف النتيجة واقرر اذا كنت حزود الجرعة ولا لا
والحمد لله لقيت فيتامين د مستورد الف وحده في صيدلية العزبي

سلام عليكم انا حاب استعمل المكملات اللي تنصحون فيها للاكتئاب والقلق
بس أبغى اسأل هل يوجد تعارض بينها وبين الادويه الكيميائية
يعني انا حاب استعملها مع الادويه كلها مع بعض هل فيه مشكلة ولا عادي
شكرًا لكم

مافيه رد 😩

اخوي الي اعرفه انا انه يوجد تعارض حسب كلام الدكتور محمد عبدالعليم انه يوجد تعارض بين الأدويه النفسيه والمكملات التي تعمل على نفس الناقل العصبي السيروتونين مثل عشية اس تي جونز او قود مود ومود ايد وغيرهم حيث تؤدي بما يسمى متلازمة السيروتونين وهي خطيره ، لكن كما يقال التجربه خير برهان هناك عضو قرأت له انه جمع بين الدواء سيروكسات وعشبة htb5 ويذكر انها اتت بنتائج مبهره معه والان نحن في حيره بين الكلام العلمي والتجارب هذا المعلومات الي عندي والله ولي التوفيق ، واسأل الله لك الشفاء العاجل .

لا استخدم برامج المحادثة ودخولي قليل
يفضل تراسلني على الميل نفسه برسالة وهرد عليها

للأسف مفيش اهتمام بالفيتامين دال في مصر رغم انه كل اللي اعرفهم ( كلهم بلا إسثناء ) عملوه طلع عندهم منخفض جدا وهو سبب كل مشاكلهم الصحية
التحليل ده لو تابعت مسلسل دكتور هاوس اول حاجة بتتحلل للمريض في الغرب اول ما يدخل المستشفى

الموجود في مصر للاسف حبوب 1000 وحدة و 5000 وحدة عند العزبي مستورد
ثمن العلبة على الامزون 4 دولار هوبيبيعها الحرامي ب 195 جنيه
هات العلبة ال 5000 وحدة وخد واحدة يومياً واستمر عليها مفيش اي خطورة من الفيتامين D3 فهو غير سام كما ينتشر على لسان البعض ال D2 القديم هو اللي كان سام في جرعاته العالية
انا بخد 7000 وحدة يوميا وهستمر عليها طول العمر لانه بيشيل من عندي اعراض الإرتكاريا ( بيخفيها تماماً )
في ناس عندها صدفية شديدة اخدت 50 الف وحدة يومياً ( نعم يومياً ) ولها اكثر من سنة بدون اي مشاكل صحية ( ريفوهات قريتها على الامازون )

خد 5000 وحدة يومياً لمدة 3 شهور وبعدين حلل
لا ترضى بنتيجة اقل من 50 ( البعض يقول 60 لو فضلت عندك بعض الاعراض الصحية لانخفاضه )
بعدها بتاخد حبة 1000 وحدة يومياً وتستمر عليها مدى الحياة وهو ده المطلوب ليك يومياً من الفيتامين دال ( زمان كانوا بيقولوا 400 وحدة لكن رفعوها مؤخراً ل 800 يومياً ما يحتاجه جسمك )
بالمناسبة 20 دقيقة في الشمس بيدخل جسمك فيها اكثر من 10 الاف وحدة

طبعاُ يوجد وممنوع
ال 5-HTP والتريبتوفان عبارة عن حمض اميني موجود في البروتين وبيتحول لسيوروتون وانت هتاخد واحد منهما بتركيز عالي يعني نسبة عالية من السيورتون
فلما تاخد علاج نفسي SSRI ودي مثبطات لإستقبال السيورتون بتكون معرض لمتلازمة اسمها متلازمة السيورتون ودي خطيرة وقاتلة لو تأخرت عليها
طبعاً انا اخدت تريبتوفان قبل كده لما كنت بلعب حديد 800 مللي جرام يومياً مع الواي بروتين ( العلب الكبيرة بتاعة كمال الاجسام ) وكنت وقتها باخد ايسيتا SSRI ومحصلش حاجة ولما بتبحث على النت بيقولك انه في الغالب مش بيحصل حاجة لكن لازم تتوخى الحذر

تحليل تمام اخي ما عدا الدال ارفعه فوق ال 50
والتحليل يكون كل 3 شهور على الاقل لحد ما تتحسن النتيجة بعدها مرة كل سنة

كثير مش بيفضل 5-htp لسببين
الاول انك لازم تقلل معاه البروتين
الثاني انه بيتحول مباشرة لسيورتون وفي الاول يعطيك نتائج مبهرة بعدها يبدأ يطلعله اعراض جانبية وحشة احيانا الحالة بتزيد
فبيفضلوا التريبتوفان اللي انا وضحته فوق اللي بيتحول الاول ل 5-HTP وبعدين يتحول لسيورتون

طبعاً التجارب افضل حاجة تدخل تقراها على امازون في نتائج جميلة
ولو بحثت على جوجل هتلاقي كلام كثير ونتائج مبهرة

بقالك اد بتاخد 7000 وحدة ؟
انا زودت الجرعة لالفين في اليوم باخد حبايه الف الصبح وحباية الف بالليل

انا قريت كلام عن فيتامين B12 كمان انه ممكن يكون له اثر علي الحالة النفسية فهل الكلام دا صحيح ؟

بقالي 5 شهور
انا الغدة الجار درقية كانت عندي في السما وعملتلي هشاشة عظام ولفيت على الدكاترة 13 سنة محدش اكتشف اللي عندي ايه وفي الاخر دكتور بالصدفة قالي حللها ولقيتها في السما
فضلوا يعطوني علاجات للغدد وتفشل وفي الاخر دورت على النت وشخصيت حالتي انه ارتفاع كاذب للغدة الجار درقية يعني مفيهاش ورم ولا حاجة لكن بترتفع بسبب خلل في حاجة تانية
الحاجات اللي مسببة الخلل حددتهم 5 حاجات حللتهم كلهم طلع الدال هو السبب اخدته مع كالسيوم واتظبطت لوحدها في شهر واحد بس!
دلوقتي مستمر من وقتها على الدال والكالسيوم عشان هشاشة العظام بتاخدلها سنتين لحد ما كثافة العظام ترجع لمستواها
وانا في طريقي للعلاج لقيت اعراض كثيرة بتختفي من عندي زي الحساسية وكثرة النوم والخمول وحاجات كثيرة من اعراض انخفاض الدال واللي منهاا لإكتئاب بالمناسبة

انت خد ال 2000 وحدة مع بعض متفصلش بينهم الافضل في الدال اخده مع بعضه ولو هتاخد كالسيوم او عندك نقص فيه بتاخده على جرعات

انا باخد حقنة نيورتون 3 مرات في الاسبوع هي المفروض مرة واحدة في الاسبوع
بس انا بعمل حاجة اسمها ديتوكس يعني بطهر جسمي من مخلفات العلاج النفسي عشان وزني زايد ومش راضي ينزل
لعل وعسي بعد الديتوكس يبدأ يتحرك وينزل
زايد 10 كيلو في 8 شهور علاج بالإيستا SSRI

انا بعد قراءة عن الفيتامين وقريت شويه عن الريفيو بتاعه علي قد لغتي ما جابت واضح انه مهم جدا
للاسف احنا مهملين في موضوع الفيتامينات
للاسف انا مجربتش موضوع الفيتامينات دا ابدا بشكل علمي , كنت باخد مالتي فيتامين عادي , انما اني احلل واشوف عندي نقص في ايه دي اول مره اعملها بصراحة وشكلها حلل في باقي الفيتامينات اللي ممكن تكون مهمة لجسمي وممكن كمان تكون سبب في الاكتئاب او علي الاقل تكون بتزيده

اشتريت النهاردة العلبة 5000 وحده بس اسم الشركة puritans pride مش nowfood
انا دخلت علي امازون وموقع الشركتين
الشئ الغريب ان شركة puritans pride موقعها عليه ترافيك كبير في حين الطلبات في امازون قليله وعلي العكس مع شركة nowfood الترافيك علي موقعها ضعيف ولكن الطلبات علي امازون كبيره
بس في النهاية قريت ريفيوهات كويسه عن شركة puritans pride ومنتجاتها وكمان مفيش خالص منتجات لشركة nowfood في مصر

اشتريت دلوقت علبة ميلاتونين 3 مجم بديل للزناكس والزولام
حجربه واكتب النتيجة ان شاء الله
انا بقالي فترة من ساعة ما فتح موضوع المكملات الغذائية وانا بقري في المواقع والمنتديات واضح اننا معندناش المعرفة الكافية
بس اكتر واحد قريت عنه ريفيو كويس هو l-tryptophan وان شاء الله ناوي اشتريه بس بشوف طريقة اشتريه من بره

انا جبته من امازون هو و SAM-e وكمان تروسين عشان اخد كورس كالتالي
1000 تيروسين الصبح مع 400 Sam-e
وقبل النوم 1000 تريبتوفان

مع العلم الجرعات المطلوبة المفروض تكون اعلى من كده لكن هقتصد لانه سعرهم غالي وكلفوني الضعف من الجمارك والشحن
دي جرعة ال SAM-e لعلاج الإكتئاب او هشاشة العظام او ألام المفاصل والركب
كل حالة وليها جرعة
http://www.mayoclinic.org/drugs-supp...g/hrb-20059935

مشكلة المكملات الغذائيه هي مجرد (مكمل غذائي ) يعني اذا كان هنالك نقص او احتياج من الجسم لهذه المواد ستكون مفيدة ،، بعكس مضادات الاكتئاب التي تخترق حاجز الدماغ لتقوم بتنظيم اختلال توازن النواقل العصببة ،، الاعشاب الطبية قد تكون فاعليتها جيدة

أغلبها نتائجها غير مضمونه
لكن إذا تريد تشتري شي فاشتر فيتامينات بي