|
ما اقدر اسكت صراحه
السلام عليكم
يا جماعه انا عن نفسي ما اقدر اسكت من باب من وجد منكم منكرا وليكرهني من يكره وليتفق معي من يتفق اما اني اساوم على ديني لا ابدا ابدا يا جماعه لا تربطون الصلاة بالامراض ،، الصلاة معروفه من تركها فقد كفر وله عقابه في الدنيا ... اما تخلونها علاج لامراض وكل واحد يجي يقول صلي اربعين يوم نشفى يا جماعه ما انزل الله بها من سلطان ولا ورد بأي حديث صحيح عن هالشي. انا اخاف ربي واصلي لاني مسلم ما اصلي لاني بتعالج الصلاة طمائنينه للقلوب وعباده لله وعماد الدين ماهي وصفه توصفونها للناس الصلاة يا ناس هي الي تدخلنا الجنان مو نعالج فيها امراض. يا جماعه حتى المريض مأمور بالصلاة واذا ما قدر مثل ما قالو باصبعه او بعينه والاعمى يروح للصلاة ما قاله الرسول صلي ويروح العمى ،، قاله انت مأمور تصلي يكفي تجاره بالدين يا جماعه ارجوكم في ناس تجيهم وساوس عقيده اكثر من هذا الكلام ما يصير ابد الصلاة جزائها يوم القيامه اول ما يحاسب فيه العبد اذا صلحت صلح عمله وكلكم تعرفون هالشي صرنا اضحوكه اقسم بالله العظيم ،، انا مع التذكير بالصلاة ولست مع الكلام مع الناس على انهم مريضين لانهم ما يصلون لان انا اتكلم مع مسلمين والصلاة شي مفروغ منه ما اذكره لاني اعرف اكلم مسلمين يكفينا هالكلام ويكفينا نقول علاجك الصلاة لان الصلاة واجبه !!!!!!! وليس شئ اختياري تبي تشفى صلي ما تبي لا تصلي اسلوب الترهيب هذا لا ينفع ابدا وانت يا من ترهب الناس بالدين اليسير تزيد امتعاظ البعض ويبتعدون عن الدين اكثر لانهم يدرون انك كاذب لا حول ولا قوة الا بالله اللهم لا تلومنا بما فعل السفهاء منا يا رب العالمين اسف على الكلام هذا لكني جد لن اسكت على شئ يشوه ديني |
جزاك الله خخخير فعلآ الاحظ كثير تركو الصلاهه من الوسواس!
خاصصه اللي عندهم وسواس العقيد وساوس الكفر وساوس الطهاره !!!! ومعروف ترك الصصصلاه كبيره عظيمه وذنب جسيم لكن مو عذر هالوسوسسسه الصصصصلاه اهم من كل ششششي الله رحيم وغفور وكريم بعباده ومن شان ربي يكرمنا ويعطينا لازم نأدي العبادة على اكمل وجه عشان ندخل الجنة وان شاء الله من سكناها نكون الشيطان دور على مدخل ولقى له باب يدخل منه ويبعدهم عن الصلاه اللي هي عمود الدين ولا يقبل أي عذر لتاركها طالما كان قادرا على أدائها وكلنا تجينا وسوسه بس ماتركنا الصصلاه هي افكار بطناش تنتهي الا الصلاه خط احمر تذكرت مقطع شفته قبل اثر فيني لمعاق يروح المسجد وهو يحبي على يده ورجله وواحد بيحبي ع بطنه !! ويعانون مع هذا فرحانين انهم صلو مع الجماعه وعمي معه زهايمر وناسي كل شي الا شي واحد مانساهه الصصصلاه كل شوي يقول اذن واحيان ييصلي كذا من غير الصلوات الخمس قلبه متعلق ب الصصصلاهه الواحد يقول اللهم اجعل لساني عامر بذكرك وقلبي متعلق بطاعتك ..الله يهدي الججميع.. |
بارك الله فيك
وانا استغرب فعلا لما احد يجي ويقول علاجك الصلاه ويتاجر بالدين ،، ربي عفوك |
اقتباس:
وفعلا مو كل رجل دين هدفه هو خدمة الله والناس والمجتمع بعضهم يتاجرون بالدين لتحقيق مصالحه في الدنيا خاصه بعض الرقاه والمفسرين تلاقيه يسوي وصفات وزيوت ومويا مقري فيها ويتاجر بها عشان مصلحه ماليه مو لله .. |
اقتباس:
ممكن تقولي ادعي ربك بسجودك لانه تحصيل حاصل انا اصلي بكل الاحوال اما يجي احد يقول علاجك الصلاة وقيام الليل وكأننا جايين من تشيكوسلوفاكيا لا ما يمشي هالكلام ترى الدوله تشيكوسلوفاكيا انتهت من زمان ما بتلاقينها بالخريطه تقسمت مثل روسيا هههههههه والرسول مثل ما قلتي قال ادعو بسجودك، يعني الصلاة شي مفروغ منه ما قال روح صلي لانك مرضت بل قال صلي لو كنت مريض |
وعلى فكره في المرض تأتي الرخص مو العكس .... مثل الصيام وغيره .... وايضا الصلاة قاعد او بالاصبع وهكذا
واعتقد هذا الصحيح |
احتاج اي احد ينفي كلامي
اما انا اكون على جهل او غيري على جهل ارجو اي احد عنده حجه يجي قد اكون على خطأ وبعدها ببلع العافيه اما ان تشتتون الناس انهم يعالجون نفسهم وتخلون الدين السمح العطر لعبه لا ابد انا ما بسمح بهالشي ابدا ابدا شكرا لفرح على مداخلتها وبارك الله فيها احتاج احد عنده حجج ،، ابي من الناس الي تتفلسف على ديني وتقول الكلام الي ما انزل الله به من سلطان ويبربرون على الناس الي تعاني ويخلونهم تعاني اكثر واكثر .... هل تعتقدون انكم مأجورين انكم عملتو هالطريقه!!!! لا ابد والف لا الكل يصلي ويصوم، ف اما انكم تكونو معهم وتساعدونهم بالحق او لا تتفلسف على ديني ابد ،، صحيح ماني مطوع وملتزم لكني مستحيل اساوم على ديني واوصف للناس صلاة ،، اجل اوصف لهم الشي الواجب عليهم !!!! والله لو ان اسمائنا جوردن وسابرينا ما قلت لنا كذا ابي حجج، ابي ادله على هالامور واذا اتضح اني غلطان ،، ف بكتب موضوع اني انا غلطان واقول انا اسف لين هالوقت، لا نتلاعب بدين رب العالمين اكره هالطريقه ولن اسكت عن الخطأ |
لا تلم الناس البسطاء...بل توجه باللوم على بعض الوعاظ والخطباء الذين يبثون هذه الافكار
والحقيقه قد تكون النوايا حسنه للرغبه في تحبيب الصلاة للناس...لكنهم اخطأو الاسلوب...فماعمر الخداع والمبالغه والتزييف كانت سبيلا لهداية الناس وطبعا عامة الناس البسطاء يفرحون بهذه الخطب والكلمات غير المنطقيه لان ببساطه كم من الفجار الممتلئين صحة وحيوية وقوة ونشاطا .... وكم من المصلين حمائم المساجد يعانون مختلف الامراض,ولايشفون من مرض الا وقعو في اشد منه والعكس صحيح ولكن فليصلي المسلم ارضاءا لله, واستجابة لأوامره وليس طلبا لمصلحة او شفاء او نجاح او حاجة بعينها>> لأن من يصلي لأجل نيل مطلب فقد يترك الصلاة ايضا لعدم نيل مطلبه....وهذا هو من (( يعبد الله على حرف)) كما في الايه: ( ومن الناس من يعبد الله على حرف فإن أصابه خير اطمأن به وإن أصابته فتنة انقلب على وجهه خسر الدنيا والآخرة ذلك هو الخسران المبين ) |
اقتباس:
هذا الشي يزعجني ،، وهالطريقه مو تحبيب الناس بالصلاة وكأنه يبيع السمك بالبحر وليس هذه الطريقه اصلا انه يحبب الناس بدينهم ،، الناس الحمد لله معدنها طيب والاصل احسان الظن ،، وانا اعرف ان البعض يتكلم بحسن نيه لكن طريقته فيها جهاله لما يقول شي ما يصح حتى يخلي احد مثلا يمتثل له ،، هذا معاقب وليس مكافئ لانه كذب باسم الدين وهذي تجاره يبي منها مصلحه ان الناس تدعيله وكأنما يطلبهم يدعون له والالباني ايضا قال ان الشخص الي يفتح مكان للرقيه يطلب فيها الدعاء مو النقود فهذا من باب جلب المصالح على طلب المغفره وهذا لا يصح لانه عمل شئ مشروع بمردود مثل الي لما تحج عن احد ترجع تاخذ منه خدمه انك حجيت عنه شكرا لمداخلتك |
أتفق معك اخوي ماندوزا
|
اتكلم من خلال تجربتي مع المرض لما اكون محافظه على الصلاة رغم قساوة المرض احس براحه وطمئانينه ولاتهمني ولا اخاف من اي شي لاني احس بقربي من الله لكن لما اهمل صلاتي لايام احس ان الدنيا ظلمه وان لاشفاء لي من المرض وفعلا لايجي مريض يطلب الشفاء وهو معرض عن الصلاة
الصلاة علاج الصلاة راحه الصلاة نجاة وحنا لما نقول الصلاة علاج مانقصد ان المريض لازم يصلي عشان يشفى لان الصلاة واجبه وهالشي مفروغ منه وماهو شي اختياري الصلاة علاج حتى للانسان السليم الصلاة علاج لنفوس والصدور والابدان لكن انسان يجي يشتكي من المرض وتساله انت تصلي فيقولك لا بالله وش بتقوله بتقول كول علاج وخلاص مو من واجبك كامسلم انك تنصحه بالالتزام بالصلاة وبعدها تنصحه يتوجه لطبيب حسب التخصص اللي يحتاجه |
لكن انا معك انه مايصير الواحد يحدد مده معينه وانا كلامي عن المحافظه على الصلاة المفروضه والنوافل
|
اقتباس:
|
اقتباس:
اقتباس:
على العموم هذا مو موضوعي ، وموضوعي واضح انه الصلاة ليست علاج امراض ف لا تصفونها للمسلمين بل هي نجاتهم من عذاب الاخره سواء مرضى او ليس مرضى واحتاج حجه ودليل على هالشي انها علاج للامراض المستعصيه على ما قالو ،، وانتي قلتيها مأمورين نصلي مو مأمورين نصلي لامور معينه بل لاخرتنا احتاج دليل وان لم يوجد ، ف لا تتقولو على رسول الله او على رب العالمين ما لم ينزل به وشكرا لمرورك اختنا ام سما |
اخي مندوزا انت دايم تتكلم عن دراسات وبحوث علميه معقوله مامرت عليك فوائد الصلاة من الناحيه العلميه للجسم والاعصاب والعقل؟؟
سبق وقريت اكثر من موضوع عن فائدة الصلاة في تهدئة الاعصاب وضبط النفس عند الغضب وكذالك فوائد مواقيت الصلاة وعلاقتها في فسيلوجية الجسم عموما . |
اقتباس:
كلامي واضح جدا وانا اتكلم بأمر ما قاله رسولنا الكريم هل فيه دليل او مجرد دراسات لا فائده منها فقط عشان تدعمين رأي منافي تماما عن ديننا السمح؟؟ يعني الان لو الصلاة علاج للامراض النفسيه او العضويه هل رسولنا الي ما ينطق عن الهوى بيخبي هالشي عن المسلمين وبيجي واحد اسمه ابو جلمبو كافش الدنيا ويفتي من راسه؟؟ احتاج دليل اختي |
كلامك صحيح
الصلاه شي واجب مو وصفه لعلاج الامراض و الوساوس طيب لنفرض احد ألتزم بالصلاه و راحت عنه الوساوس خلاص بعدها بيتركها مثل وصفة الطبيب ! بس اعتقد الناس يقولون صل و تروح الوساوس من مبدأ ( ومن أعرض عن ذكري فإن له معيشة ضنكى) يعني الضنك و الضيق والهم تجي من عدم ذكر الله فما بالك بترك الصلاه ؟ بس ابدا ما تصنف كعلاج لأنها شي واجب و أحد أركان الاسلام |
اقتباس:
وقد حكمَ الله سبحانه وتعالى بالمعيشة الضَّنك على مَن أعرضَ عن ذِكْرِه وخالفَ أمرَه واهتدى بغير هُداه ؛ فقال سبحانه : ( وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى). يقول الحافظ ابن كثير رحمه الله : " ( فَإِنَّ لَهُ مَعِيشَةً ضَنكًا) أي: في الدنيا؛ فلا طمأنينة له ، ولا انشراح لصدره ؛ بل صدره ضيِّق حَرَج لضلاله ، وإن تنعَّم ظاهرُه ، ولَبِسَ ما شاء وأكلَ ما شاء ، وسكنَ حيث شاء ؛ فإنَّ قلبه ما لم يَخْلُص إلى اليقين والهُدى فهو في قلق وحيرة وشَكّ ، فلا يزال في ريبه يتردَّد ، فهذا من ضَنَك المعيشة " انتهى من " تفسير ابن كثير " وفعلا اختي انا شفت كم شخص يفسرون بعض الامور على هواهم وناقشته وتبخر مدري وين راح لكن كلامك صحيح بارك الله فيك |
??
اقتباس:
كلام ابن كثير الله يرحمه يلخص الاعراض التي تكون لدى المعرضين عن ذكر الله وهذه الاعراض موجودة لدى المصابين بالامراض النفسية وتختلف درجاتها ،، هل يعني بالضروره ان المصابين بالامراض النفسيه معرضين عن ذكر الله ؟ مثل الشك موجود لدى اصحاب الوسواس او القلق العام ومرض الشك انعدام الطمأنينه موجود بنسب متفاوته بين المصابين بالقلق العام والوسواس والاكتئاب ضيق الصدر موجود لدى المصابين بالاكتئاب بعض الاعراض موجودة بنسب متفاوته لدى المصابين بالامراض النفسيه من رأي ماندوزا ان نترك هذا الشيء لأهل العلم لاننا لسنا علماء ،، اهم نقطه وهي ان الواحد يترك جميع الذنوب ويحاول انه يتقرب الى الله بقدر المستطاع سواء كان مصاب بمرض جسدي او نفسي او روحي اونقص مال او موت ابناء او اي حادث من حوادث الدنيا في نقطه وهي ان الدانيمارك وهي دولة كافرة ومشركه الا انهم من اسعد شعوب العالم ،، صنفت في اخر الابحاث على انهم يقعون في المركز الاول من حيث السعادة والرضى المعيشي هل يعني بأنهم على هدى ؟ |
اقتباس:
وانا اتعجب ايضا من الناس الي تجي ويتكلمون بطريقة ويحلف بشكل لا يوصف ويقول علاج الهلع الصلاه والله الذي لا اله الا هو الصلاه اتقي الله يا رجل الصلاه واجبه ونصليها بمرضنا او بدونه ونبي الدواء لمرضنا على خطى تداوو اما الاغلب هنا اخوي ملامح يفكر ان طريقته صح وهو يزيد الناس كره وامتعاظ للدين ويكثر الملحدين بسببه وهو لا يعلم الله يصبرنا بس ،، وشاكر لك مرورك ومداخلتك الطيبه |
اقتباس:
مريض اكتئاب يلزم المسجد فتره ويقول والله ليش ماتحسنت مثل فلان وعلان ممكن يلقى علاجه بحبة دوا وممكن بعشبه وممكن بدعوه كلها اسباب والله اللي يسرها اللهم يسر لنا اسباب الشفاء |
اقتباس:
يعني ان الوهم يعتبر علاج فعال ،،دعوه للتفكر مثل في دراسة تقريبا ما اذكر بالتحديد لاي دواء مضاد اكتئاب ملخص هذه الدراسة وجدوا:- 1-مجموعة الدواء الوهمي نسبة المرضى المتشافين 30% 2-مجموعة الدواء الفعال نسبة المرضى المتشافين 65% 3-مجموعة الدواء الفعال مع العلاج المعرفي سلوكي 85% تقريبا يعني حاولو تدعمون العلاجات بالعلاج الدوائي والوهمي والعلاج المعرفي سلوكي ،، الصلاة واجبة في كل الاحوال سواء مرض او بدون مرض ،، والله يشفيني واياكم ،، لاتنسوني من دعواتكم ممكن تقابل ساعة استجابه :) |
اقتباس:
انا من مذهب اهل السنه والجماعه ومذهبي يقول ، اي شئ مختلف فيه نرده للكتاب والسنه، واذا لم يوجد دليل يرد على صاحبه. اختي كلامي واضح ، الصلاة عباده وكلامي عن الصلاة، هذي عباده واجبه ف كفانا نقول للناس مرضك بسبب صلاتك،، ان كان الشخص ما يصلي كيفه وهو عارف وعاقل وللاسف تارك الصلاة وننصحه ونذكره... اما نربطها بمرضنا لا والف لا رديني بدليل اختي او كفانا نتكلم بحلقه مفرغه .... موضوعي واضح جدا عن شئ معين وكاتبه بشفافيه ووضوح ،، فدعينا من قضية الاعشاب وغيره .... بارك الله فيك |
اقتباس:
بارك الله فيك |
اقتباس:
|
اقتباس:
امين يا رب العالمين الدعاء لك بالقلب |
اخي وش قصتك كل شوي دليل ودليل ترى فيه اشياء تصير بالتجربه والممارسه والخبره وماعتقد ان كل شي جالس يصير الحين بيكون له تفسير ودليل قبل 1400سنه اذا كان بعد وفاة الرسول الصحابه رضوان الله عليهم واهل العلم اجتهدوا في ايجاد الاجوبه لبعض الفتاوى اما انك تكذب انسان عاش التجربه وتقوله هات دليل فهذا ماهو من العقل وش مصلحة الشخص يجي ويكذب عليك ويقولك لقيت علاج بالشيئ الفلاني الا انه فعلا لقى علاجه بهالشي
خلاص انت مقتنع ان علاج الهلع بالحبوب النفسيه عطني دليل من الكتاب والسنه على هالشي وهات دليل ان الصحابه كانوا يعالجون المريض النفسي بالحبوب النفسيه وعلى فكره انا الحمدلله على مذهب اهل السنه والجماعه |
اقتباس:
اجتهدو للفتاوي ما اجتهدو لشي واضح مثل عين الشمس واخذو شئ واجب على كل بالغ عاقل وقالو ترى هذا العلاج نعم اجتهدو بالحجاب، اجتهدو بتفسير الصلاة الوسطى هل هي الفجر ام العصر لكنهم ما اجتهدو مثلا وقالو ان الي يمرض ما قام بعباده واجبه ك الحج مثلا احسنتي وعلى فكره اختي ،، انا موضوعي كان الي عنده دليل يتفضل ، ولا غيرت ابدا من نهج كلامي بل اني اصر على كلامي ،،، وانتي تقولي ايش قصتك تقول دليل دليل وكأني طفل اركض واقول مالي دخل مالي دخل وبفمي مصاصه ... موضوعي واضح جدا وانتي اخترتي تشاركي فيه لان عندك ما يرد كلامي والى الان ما رديتيه ابدا القوه بارك الله فيك بالعلم الصحيح وليس بالتجارب مثلها مثل الرقيه الي تحرفت وصارت بسدر وغيره والدليل ايش ؟؟؟ مجرب وعملوه الاسلاف وخذلك يا زيوت ومويه وطاسه وسدر وملح وامور ما اعلم بها لا بالسنه ولا بالكتاب ان كان انتي مقتنعه بالامور الي بين قوسين مجربه لا بأس بهذا لكن اسف لتخييب ظنك لان هذا موضوع عن شي معين لا اعشاب ولا غيره ،، هنا طالبت بالدليل فقط لا غير ومادام مافي دليل ف أنا ارد الكلام على اصحابه بقوة عين واقول بالفم المليان كفاكم لعبا بديني |
اقتباس:
ربي يبارك فيك وأأكد من المكان هذا انه مو نقاش مذهبي لكن احنا عرب لازم نحور النقاش مثل يوتيوب مقطع كابتن ماجد وتلاقون فيه واحد يقول يا بدوي يل حضري وسوالف مالها دخل بالمقطع ههههههههههه نأسف على هذا وأأكد اني ما بطلع عن موضوعي البته |
طيب نرتاح الان لاني بنام ووضعي الصحي ما يسمح
فرصه للبعض الي بيرد كلامي يحط البراهين الي تثبت العكس في فرصه لبكره والموضوع مفتوح بارك الله فيكم ،، والصلاة عباده لا تنسوها وواجبه عليكم سواء مريضين او لا .... الا صلاتي ما اخليها ابدا |
ماعليه اخوي هذا اخر موضوع لك ارد عليه لاني فهمت قصدك من طرح المواضيع
|
اقتباس:
اتفضلي اكتبي قصدي من الموضوع قدام الناس الان ما رح اسمح لاحد ابد يتكلم بطريقه منمقه بهالطريقه هذي وبمنظر المتمسكن ابدا اما تقولي وش قصدي من الموضوع ،، او ابدا لا ترمين كلام مثل كذا البته هذا هو اسلوب الشخص الضعيف للاسف،، انا شخص واضح واكتب بشفافيه ،، واحتاج شخص يكتب مثلي بشفافيه اتفضلي اكتبي قصدي من الموضوع بانتظارك |
يبدو انه مافي شي
دائما كذا يحولون الشئ لأمور شخصيه واهداف شخصيه غيرتي على ديني اذا بتعتبرينه شخصي ما عندي مانع ابدا تصبحون على خير فعلا شي مؤسف |
اخي انا ابد ما اعتبره شي شخصي وانا ما اعرفك عشان اعتبره شي شخصي لكن انت من مواضيعك وردودك اكتشفت انك ماتبغى نقاش وجدال وشخص ترفض الرأي الاخر وماتتقبله ابد حتى اسلوبك يتغير مع اي شخص يعارض كلامك
واسفه مره ثانيه على تطفلي ومحاولة ابداء رائيي على مواضيعك |
اقتباس:
اذا كتبت ان في شي للرأي لا بأس ،، اما الموضوع من اوله مو ابداء للرأي اساسا وقلت فيه ان كان فيه حجه يجي صاحب الحجه ،، اما بتبنين قرارك على موضوع انا اصلا كاتب فيه اني ابي حجه ف هذي مشكله صراحه اختي ، انتي قلتي ما تعرفيني بنفسك، ومع هذا بديتي تحللين شخصيتي وهذا برضو مستغرب ثم انا ما عمري ادخل معك بنقاش الا احط فيه البراهين ،، واذا في يوم كنت على خطأ اقول فعلا انا على خطأ وتعرفين شي ،، بوقف شوكه عند اي احد يقول شي بدون دليل ولا برهان ولا همني شي ابدا والحمد لله ربي اعطاني عقل اجمع فيه المعلومات واحاجج فيها من له حجه فليحتج اما مواضيع الاراء المفتوحه،، وقتها يصير نقاش فيه عادي وناخذ ونعطي .... راجعي اختي الموضوع من اوله وانا كاتب فيه بصريح العباره اني ابحث عن حجج للي يتاجر بالصلاة. ما علينا، موضوع اختيار تردين على مواضيعي او لا هذا شأنك،،، لكني انا استبق الاحداث دايم واعرف فيه ردود فعل ،، الموضوع الي كتبته للقراءه فقط حطيته وقلت للقراءه فقط بدون ردود عشان اخلي العقول تحلل وان كلامي خطأ يردونه مع هذا رديتي مع اني كاتب مابي ردود وطبعا بتلوميني وقتها لا حول ولا .... والان موضوعي هذا كاتب فيه بصريح العباره ابي حجج وادله وردودي نفس الشي ومع هذا مافي حجج وحورتي الشي اني ما اتقبل الرأي الاخر.... وابشرك،، بمدونتي، كتبت رسالتين للي بيدعيلي احتاج دعوته والي يكرهني اضحك وانبسط لاني توقعت بيحصل هالشي قبل افتح موضوعي ذا كل اموري محسوبه وامشي بخطوات اتوقعها دايما ولا خاب ظني من قبل الا بعض المرات .... كوني اتنبأ بأفعال الناس ، هذي من عند رب العالمين ..... اما انك الان تكتبين بهالطريقه بموضوع واضح على اساس انك تربحين مثلا ،، ف ما بتربحين وابدئي اقرأي زين عن امور الدين وبتصيرين غيوره مثلي على الدين اكثر واكثر انتي اخترتي ولك حق الاختيار ،، على العموم حبيتي تردي على مواضيعي حياك وان ما حبيتي ف هذا خيارك لكن ما بسمح ابدا مره اخرى احد يتكلم بطريقه ( انا فهمت قصدك من مواضيعك واخر مره ارد ) هالطريقه هذي جدا ما طيبه ربي يوفقك السلام عليكم |
الله يوفقك اخوي والى الامام
وانا ماكتبت هالكلام الا لأني متابعه لمواضيعك ولردودك مع جميع الاعضاء ويمكن اكون مخطئة وممكن اكون على صواب بالنسبه لفهمي لاسلوبك طابت ليلتك |
"الاختلاف في الرأي لا يفسد للود قضية"
|
اقتباس:
شي ثابت اما اي او لا فقط لو كان شي بدون احكام مغلقه وفيه اختلاف صحيح يصير اراء ونقاش بس هذا ثابت من الثوابت شكرا لمرورك يا فرح |
اقتباس:
اسستمررررررر عجبني كثثثثير اختيار موفق .. |
اقتباس:
كلامك عين العقل اخي ماندو كلامك واضح وصريح وغير قابل للجدل أصلا موضوعك كامل وشامل ويستحق التقدير .. اهنئك عليه يعطيك الف عافية احترامي لك :) |
| الساعة الآن 02:12 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا