|
عصبيتي على أطفالي و الوسواس
السلام عليكم
الوسواس و أطفالي و عنادهم انهيار منو مثلي ؟؟ 😭😭😢 |
اكيد ضغط كبير
اتوقع القلق و الخوف اللي اعاني حاليا منه بسبب مشاكل الاطفال و هم الله يصلحهم ورى بعض في العمر فالتعب اكثر . |
مادري هاي من الوسواس يتعب الذات والجسم لكن حاولي ماتفكرين في بكره او امس
لان يمكن من نوع انك صبرتي مع الوسواس لكن بدا يتعبك الله يكون في عونك واستغفري كثير وقولي لاحول ولاقوة الا الله ووسعي صدرك وبس |
بعد ماكنت انسانه هاديه وانفعالي قليل الحين صرت عود كبريت وعصبيه واي شي ينرفزني الحمدلله على كل حال
|
اقتباس:
و مع الوسواس زاد الضغط علي لا اهل و لا زوج يساعدني من فتره قمت اوسوس و اتذكر اني عصبت عليهم و قلت الله ما بمسامحني على قلة صبري و زاد الوسواس 😭 احس الحياة موقفه عندي ، احاول استغفر من الوسواس ، اقول خلاص ما بقدر على تربيتهم او اني ما استحق أكون ام بس انا تعبت وياهم و ربيتهم ، هم عندي اهم شي بالحياه صارلي فترة من يسون الغلط ابكي و لا اعرف اتصرف و اتركهم يخربون و لا يعاندون ، منهاره 😭 وزني نزل و باين علي التعب و الكل يسألني ليش ضعفت 😞 |
اقتباس:
الوسواس يذكرني بالاشياء اللي أتمنى ما سويتها و احس انها ذنب عظيم و الله بيحاسني عليها مع اني ادري ان الله رحمته واسعه و استغفر بس نفسي لوامه 😭 |
اقتباس:
لا تغلطين مع عيالك و تخلين للوسواس مجال |
حبيبتي ام اميره الله يخليلج ياهم
حبيبتي بقولج شي انا عندي طفله وكنت وايد اعصب عليها واضربها بعدين اكتشفت هالشي يخليها عنيده زياده فقمت اخليها احقرها اطنشها اول ايام كنت ابجي وانهار من الوسواس الحين اهي الي تبجي وتنهار واطنشها عمرها 3 سنين مع الايام صارت هاديه شوي وكل ماطنشتي ترى بيصيرون هاديين لان اليهال ياخذون طبع الام يشوفون شلون تتصرفين مو شنو تقولين مايفهمون الكلام بس يعرفون التصرفات وشنو تسوين بيسوون لو تضربين بيضربون لو بتعاملينهم بهداوه صدقيني مع الوقت بيهدون وحاولي كثر ماتقدرين توقفين عنهم الموز والكاكاو والعصاير المعلبه قطعيهم كثري لهم خيار وشربيهم عصاير طبيعيه مثل برتقال وافكادو وعصير تفاح وطبعا خلي وجباتهم دايما بروتين راح تشوفين تغيير كبير حتى انتي غيري نظامج وكثري مغلي النعناع لج عشان تهدين راح تشوفين نفسج هديتي وخفيتي وسويلهم جدول يومي فيه نشاطات يعني ساعه رسم ساعه نطاطيه ساعه وديها فرع علميهم عالصلاه خليهم يصلون معاج ترى السجود يشيل الطاقه السلبيه الي فيهم ويخليهم هاديين لج طبعا ماراح يصلون صج بس مجرد انهم يمثلون راح تفيدج هالاشياء انشالله وادعي دايما الله يهديهم ويصلحهم موفقه ياقلبي |
اولا العصبيه تخلق طفل مهزوز الشخصيه و خائف باستمرار وهالشي ومعقد
دائما قبل لا تعصبين تذكري انهم ثروتك وهم من سيقفون معك عند الكبر طولي بالك عليههم اخختى تضرب عيالها تخيلي لما تنظف الصاله وفي لحضه يجمعو كل العابههم وسياراتهم والوانهم ويكركبوها في الصالهه ولما يجو عندنا اعطيهم راحتهم وانا حنونه عليهم يجو عندي يقولو خاله نبيك انتي امنا ويسمعو كلامي اكثر من امهم خخخ كل ماحسيتي نفسك بتعصبي تنفسي بهدوء وقولي لا حول ولا قوة الا بالله .. وخلي كلامك لهم كله حبيبي وحبيبتي و بنتي بطله ولدي شجاع ..اللي يسمع كلامك كافئيه لاتنسين انهم اطفال وعندهم طاقه لازم من العب والحركه خصصي لهم مكان يلعبون فيه على كيفهم الله يخليلك طولي بالك عليهم ترا وربي بيتعقدو الله يخليهم لكك ويرزقك برهم يارب.. |
اقتباس:
اتذكر قبل كيف أعامل بنتي الكبيرة و يجيني الوسواس و انهار فقدت معنى الحياه كأن كانت علي غمامة و الحين انتبهت و مصدومه و خايفه و الواسواس مسيطر علي انا كل فترة اتذكر شي سابق تمنيت اني ما سويته و أحسه ذنب كبير الله يسامحني و يعفو عني و هالفترة أفكر في بنتي ، يارب يارب يحفظلي إياها و يحفظ اختها ادعولي الله يشفني محتاجه دعواتكم مالي حد اشتكي له |
اقتباس:
وسواس اللي يخليني ابكي و انهار و اني مو مستحقه اكون ام لاني مديت أيدي على بنتي احس ربي ما بيغفر لي هالذنب و الأحلام اللي تجيني بعد الوسواس ، الحلم اني ضيعت بنتي ريحوني كيف أعوض هالأيام ، و امحي هالشيء و استغفر ربي يا رب رحمتك أرجو على فكره من فتره كنت أفكر في شي صار قبل و جلست اوسوس انه ذنب عظيم ، انا متخيله ان بروح من هالدنيا بسبب الوسواس و أتمنى ما يكون في حياتي شي اقترفته و ما يسامحني ربي عليه الابتلاء هذا نعمة علي ، خلاني اقرب للطاعات بس الوسواس يضعفني احيانا حسبي الله و نعم الوكيل |
الأساس ليس مثل ما قلتي ( من هو مثلي )
ولكن المشكلة الرئيسية هي كيف تبتعدين عن هذة الحالة التي تؤثر على اطفالك يجب عليك البحث بالحلول لمعالجة المشاكل الأسرية الناتجه من المرض النفسي الذي تعاني منهُ حاولي الإبتعاد عن العصبية خصوصا امام الاطفال لانه سوف يعود عليهم بالسلبيات ويتأثرون بها مستقبلياً |
اقتباس:
الوسواس يذكرني في تصرفاتي قبل كيف أعوض اللي صار و استغفر من هالذنب |
اقتباس:
تدرين شنو مشكله الوسواس لو تغيرين كل شي فيج بيتم يوسوس لج انا مريت بحاله تأنيب ضمير شديده على كل شي اسويه وهالشي من الشيطان عشان تزهقين وتملين وتسيئين الظن بربج حبيبتي الي صار صار ومجرد الندم يعتبر توبه عالي سويتيه وينمحي الذنب الي سويتيه بأذن الله الواحد الاحد لاتفكرين بالاخير انتي ام كلنا نطق عيالنا اصلا الرسول عليه الف الصلاه والسلام قال اضربوهم بالعصا وقال الله تعالى للازواج اضربوهن يعني الضرب مباح مو حرام انج تطقين بس بشرط ضرب غير مبرح وانشالله كلامي هذا يهديج شوي ويخليج تعيدين التفكير بالي توسوسين فيه |
اقتباس:
الله يسعدك دنيا و آخره صحيح كنت افقد أعصابي وهي اصغر من اني اضربها و أشد عليها كان عمرها سنه و نص بس هيه عنيده و تصيح اغلب الوقت و غير المشاكل اللي مريت فيها و تعب و زوجي اغلب الوقت مش موجود و حامل فكنت احس اني وحيده ، هذا ما يبرر التربية الغلط ، بس كله من ابليس ، يا رب يا عزيز يا غفار تهون علي و تغفرلي الحين ما احب حتى اصارخ و لا اعاقبها ، كبرت و صارت 4 سنين ، عندي بنتي الأصغر سنتين تسمع كلامي لو عنيده بس انا تغيرت و لا احب أعيد هالشي مره ثانيه دعواتك الله يخفف عني و يبعد عني الوسواس و يغفرلي |
مثل ما قالت معلمه
الاطفال مرايه لأهلهم يسوون نفس اللي تسوينه سواء كلام او افعال شوفي لأنك من داخل قلقه وتحسين فوضى داخلك متوتره وتعصبين من اي شي فهذا انعكس عليهم صايرين حركيين ماشاءالله ويعاندون زياده انتي احرصي على هدوءك من داخل و راح ينعكس عليهم ذكرتيني بوحده كذا وصلت لدرجة الانهيااااااار اهملت نفسها بالاول وبيتها و عيالها و راحت لأهلها ماتدري شفيها بس من داخل هي تعبانه نفسيتها خوف قلق توتر اكتئاب تعب اخر شي طلع نقص حاد في فيتامين دال رفعته و عدلت اكلها و نومها والحمدلله صارت كويسه |
اقتباس:
بس الشي الجميل ابيج تذكرينه لين اكبرو يشيلونك فوق راسهم ولو كنتي بدون عيال شنو بتسوين في حياتك دايما بس استغفري وقولي لاحول ولاقوة الا بالله على طول تشرح الصدر ويخفف عنج الهم قبل ليش ماصار فيك الوسواس وتغيرت معاملتك الا الحين؟ لاتخلين نفسيتك او تعبك يصير على اليهال تراهم مايفهمون ادري تحاولين ويانبك ضميرك بس لاتخلينه يانبك شلون تقصدين ماعدك اهل كلش ولا احد ؟ او محد يهتم؟ |
اقتباس:
وغيرت هالشي الحمدلله غمامة و عدت عندي اهل بس ساكنين بعيد و اهل زوجي بعد و زوجي مشغول اغلب الوقت ، الحمدلله على كل حال |
| الساعة الآن 09:20 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا