|
بين وبين الجنون مرحله بسيطه انقذوني
تجننت ابي اعرف انا فيني هلع ولا لا + صار لي شيء غريب
الاعراض الي فيني كتمه فضيعه في الصدر احيان اخذ اكسجين في المستشفى نغزات القلب فضيعه جدا لدرجه اكون واقفه اضطر انحني من الألم الشي الثاني اطرافي تصير لونها ازرق وتوتر فضيع بكاء وخوف فضيع وامشي بدون مااوقف امشي وعقلي مشتت والاكل صايره اكرهه ما اكل شي الا بسيط وفيما ندر ولا اجوع ابد استمرت اﻷعراض فيني مده طويله ومع ذالك ماراجعت دكتور ولا ابي قبل من تجيني هالحاله بعده يسير شيء مو زين البعض يسميه تنبئ بشيء خطير طبعا ما ابي اقول كذا لان هذا تطير بس جد يسير قبل كل ماجاتني الحاله يا انجرح يا ارعف يا تصير مشكله في البيت هذا غير الاصوات والطنين الي بأذني اوف تعبت منها خلاص ابيها تروح عني انا خايفه خايفه اكثر الي مخوفني الاصوات الي تناديني الاصوات الي تضحك الطفل الي يأن ويبكي اجلس ادور على الصوت مثل المجنونه ثم لا شيء احيان القى طيف طفل يبكي لما اجي بقربه يختفي احيان اشوف ظل اسود يقرب مني ثم يخنقني بعدها يختفي ايوه يختفي هو بس الاثار برقبتي بتظل موجوده والله موجوده كدمه لونها ازرق واخضر متأكده تأكد كبيره انه مو من خيالات عقلي هالشيء صار صدق بس اخاف اتكلم واقول للي حولي ياجماعه انا والله مو كذا انا متأكده اني مو كذا انا ما اخاف ابد ابد ابد وش صار وانقلبت الحين نوم ما انام قلق توتر خوف الرعشه فشلتني احب اتظاهر ان مافيني شيء قدام اهلي إلا لما تجيني الحاله جسمي يرتعش ليش طيب لييييش صايره اسوي شيء مو من مصلحتي بس عشان اوقف الرعشه واوقف التوتر اذا جاتني الحاله ادور اي شيء حاد او قوي اضرب بقوه فيه جسمي عشان عقلي يركز ع الالم مو الخوف بالرغم الخوف مازال مايروح إلا الرعشه هي الي توقف اليوم انظر بيدي كلها اثار ضربات مني تعبت خلاص الخوف الخوف يوجع الافكار السلبيه تسيطر علي مثال (الله بيدخلني النار - الله يكرهني - الله عاقبني الخ ) مؤقتا وش الحل لاتقولون روحي لدكتور لاني اكره افضفض لاحد قدامي (وجه لوجه) انا خايفه بقوه لكن عقلي يقاوم الخوف بأشياء تدمرني زياده والنهايه ماعرف اوصف حالتي ما اعرف اشرح لكن ساعدوني انا خايفه انجدونيي |
سلام عليكم والله ياخيتي اني ضايق صدري وكل الوسواس والافكار ماتركتني .....بس اسمعي دامك تشوفين شي مو موجود ويجيك كدمات معناها لازم تروحيم للشيخ وراقي يرقي عليك القران كله شفاء اذا مانفع مايضر جربي تروحين مع اي احد لرافي واشربي مويه زمزم كثير ودهني بجسمك باي شي مقري فيه وانفثي بجسمك اقري الي تعرفينه من القران او خذي المصحف واقري
|
تطمني ي ظلوله ..
كللللل الاعراض الي ذكرتيها هذي من القلق ونوبات الهلع ومعك اكتئاب واعراضك تصير لنا كلنا .. انتي كل الكلام الي قلتيه هذا قد صارلي بالضبط وكانك تتكلمين عني وعن حالتي ترا الموضوع كله نفسي يعني مهما سويتي من تحاليل عضويه كلها بتطلع سليمه باذن الله لان المشكله نفسيه وعلاجها بسيط واهم شي تعرفينه انه مهما اشتدت معك الاعراض فانتي ما بتموتين بسبب نوبة الهلع ولا بيحصل لك اي مكروه وححتى التنبء اللي تحسين فيه ذا كله اوهاااااام لانه محد قد صار له شي من نوبة هلع او حصله اي مكروه روحي عند طبيب اخصائي نفسي واشرحيله كل الي حصلك وهو باذن الله بيكتب لك دواء يعالج المشكله من جذورها الله يشششفيك ويعافيك الامر بسيط لاتعقديه .. |
اختي الكريمه
بخصوص الكتمه اللي معك وتزرق الاطراف اعتقد هذا سببه نقص الاكسجين بالدم والسبب الاساسي بهذا كله فقر الدم ممكن يكون عندك فقر دم ضروري تسوي تحليل صورة دم.. وحاولي تاكلي عسل اسود يوميا اي نوع من السوبر ماركت وتونه ايضا طبعا اعتقد التونه والعسل مايناكلوا بوقت واحد يعني خلي العسل بالنهار والتونه بالليل ع شان فقر الدم وخذي حبوب تعوض لكي الحديد.. هذا لو مو حابه تروحي لدكتور لكن انصحك تروحي لطبيب عام وتروحي لطبيب نفسي وترقي نفسك وباذن الله يزول كل شي تحسين فيه انتي من السعوديه ولا من خارج السعوديه لو من السعوديه تواصلي مع اللجنه الوطنية لتعزيز الصحه النفسيه عن طريق النت تتصل عليكي طبيبه وتعالجك عن طريق التواصل بالهاتف خدمه ممتازه ومميزه .. هذا موضوع شارح فيه الطريقه http://www.nafsany.cc/vb/showthread.php?t=110242 |
بسم الله عليكك من شر وعله .. http://www.kuwaityiat.com/images/ico...con%20(30).gif
الكتمه الفضيعه والنغزات كلها عضلات الصدر هذي معروفه ما يحتآآج .. وناتجه من القلق .. لكن ازرقاق الآطرآف ! .. هذآ نقص اكسجين لكن وش السبب ؟! او ممكن يكون متهيء لك انها ازرقت ! ........ ظل فتآه .. http://www.kuwaityiat.com/images/ico...con%20(30).gif انا مادري هل وصلتي لمرحلة الفصام وتخيلك للآشيآء .. او ان ماتعانين منه مس او ارواح خبيثه تؤذيك .. ........ هل ارقيتي نفسك .. او حاولتي تسمعي رقيه .. وهل تحسين بتاثيرهآ عليك .. ....... انتظرك .. وكلنآ هنآ معكك .. ونسمع لك .. وكلنآ هنا اخوانك .. }~ http://www.tran33m.com/uploadcenter/...1368173493.gif |
اختي ظل ..
بعد ما راجعت مواضيعك السابقة .. انتي مسحوره مثل ماتقولين الله يشفيك يآ رب ويفك سحرك حسبي الله ونعم الوكيل حسبي الله ونعم الوكيل ..... وبمآ انك تربيتي في بيت كآن مسكون .. ف آكيد مسوسه .. مالك الا الرقيه ي ظل الرقيه الرقيه .. روابط مواضيع الاخت ظل .. http://www.nafsany.cc/vb/showthread.php?t=62301 http://www.nafsany.cc/vb/showthread.php?t=75340 |
بارك الله فيك اخوي بدر انك احضرت المواضيع السابقه شكرا لك
تحتاج اختنا عياده نفسيه تتنوم فيها وليس مسحوره ... هي تخاف والمسحور لا يخاف من هالامور ابدا المسحور لا يؤذي نفسه وهي حاولت تأذي نفسها المسحور لا يقيم بالطبيب النفسي والطبيب قال مسحوره والرسول عندما سحر ولو ان في عندي بعض التحفظات على هالنقطه ولكن اتاه خبر من السماء لانه لم يكن يعلم انه كذلك اختي تحتاجين مصحه نفسيه لان جد وضعك من الطفوله سئ ويبدو ان الدماغ متأثر جدا قلتي لا تريدين طبيب ولكنك تحتاجين طبيب ولن نكذب عليك |
السلام عليكم ورحمة الله وبركاته
اختي ... اول شيء تسوينه الآن هو قياس الراس عند احدى المعالجات أو المعالجين الشعبيين ويكون ثقة اعرف شخص عاقل ومحترم ... و زمان كان عنده مشكلة كبييييرة ... لدرجة انه وصل لمرحلة ينزل ملابسه ويطلع بالشارع ... نومه قليل جدا وممكن يومين عادي ما ينام ... وكان يشوف اشباح واصبح شخص مؤذي خصوصا للأقارب طلع معه تنسيم بالراس ... عالج ولكن عاودته الاعراض بعد سنة تدريجيا ... وعالج مرة ثانية قبل فترة مع استخدام الادوية النفسية والحمد لله أموره كويسه شخص ثاني كان يتخيل الاشياء ويشوف اشباح واصبح مؤذي للأقارب ... معه وسواس قهري واتوقع معه تنسيم عالج واصبح وضعه ممتاز جدا .... الان عاد معه المرض ويرفض العلاج ويؤمن بأوهامه احيانا بشكل كبير التنسيم يغفل عنه كثير من الناس وهو خطير مع الوقت على سلامة عقل المصاب حتى ممكن يؤدي للجنون .... وكل ما كانت الحالات مزمنة وشديدة كل ما كان علاجها اصعب واطول انصح كل من تمر عليه الاعراض التالية انه أول شيء يبادر له هو قياس الراس ومن ثم الالتزام بالعلاج عند شخص ثقة ومختص توتر وكتمة ... طنين .. نرفزة سريعة .. وسوسة .. زغلله في العيون ودوخة ودوار والاحساس بان الدنيا تظلم ... أرق وصعوبة في النوم وتقطع في النوم .. صداع أشبه بالدوشه في الرأس ... الاحساس المرهف في أعضاء الجسم والعروق والتركيز على عملها .. الاحساس بالاضطهاد .... وفي الحالات الشديدة تخيل الاشياء الاعراض ماهو ضروري تكون كلها في الشخص الواحد ... وماهو ضروري بالنهاية انها تكون تنسيم في الرأس ... القياس عند خبير يحدد هالشيء ... وممكن يكون مرض نفسي لذلك لابد من المتابعة مع أهل الإختصاص والأسهل هو المرور أولا على خبير شعبي في تنسيم الرأس ... ومن ثم الطب النفسي واللي يحتاج صبر على الأدوية وإلتزام فيها الحالات اللي ذكرت عايشتها ولم تذكر لي من بعيد ... حاولي تبتعدين عن الافكار السلبية وخلي أملك بالله كبير والله يشفينا ومرضى المسلمين |
غلط غلط غلط وصفكم لي حالتي غلط
الحين عرفت الحين فهمت انا السبب في كل الي يصير لي او لأهلي الحين عرفت ليش انكرهت من الكل لاني غلطت رغم اني احاول اتناسى غلطتي إلا إني اواجه الحقيقه قدامي قبل ماكان فيني شيء نفسي من صغري كنت اشوف اشياء غريبه بالرغم انا الوحيده الي اشوفه تكلمت كثير بس محد صدقني دخلت بدوامه انا ليش اشوف شيء مو مرئي للكل الرجال الطويل الظل الاسود الحيوانات الناس الاقزام بالرغم محاولاتي الفاشله بالتواصل مع الي اشوف دخلت لعالم ماكان المفروض ادخله جلست اطنش الي يكذبني وابحث بنفسي الما تعمقت بعالمهم ولعبت الويجا وغيرها بعدها تأكدت اني دخلت لجحيم وحسيت بغضب ربي علي انعميت لمده شهرين من بعدها بدء الخوف يسيطر علي والاذيه من كل جهه والافكار المجنونه الي براسي وكأن احد يتحكم فيني لو فسرها الطب بيقول انفصام لكني اعيء واستوعب جيدا إلا اني لسمعت الصوت والضحك من بعيد تبدا تنتكس حالتي والكثيييير من الاعراض ماراح اترك نفسي مكبله في المستشفى بيد ادويه مجرد تنويم وتربيط راح انتظر بهدوء إلما يقتلني الظلام شكرا جميعا فبعد وقت طويل في الموقع عرفت اشخص حالتي صح + اخوي عبدالله وربي كلامك في محله راسي اتمنى احد يعالجه قبل كنت احط عليه خبصه او دواء كنت ارتاح كثير راح ادور معالجه شكرا جميعا شكرا لكم على كل واحد رد شفاكم الله وعافاكم =) |
ظل .. ليش ما تخلي شيخ يقرا عليك ؟!
|
اقتباس:
الي فيه روحي بيروح بدون ما يستشير احد لا تقلق اخوي ابو بدر هي سألت وهي شخصت لا تقلق مافيها الا العافيه بس المرض النفسي شديد وبتلاقي حل هي بارك الله فيها |
اقتباس:
|
اقتباس:
هي انتقت الشي الي توقعت فيها ولقت الي كتب الشي الي تبيه ووافقته الرأي وهذي كل القضيه الناس هنا اخوي بدر تبحث عن الشي الي يقبلونه ويكون وقعه عليهم مثل العسل اما الحقيقه هي الجواب الخاطئ ف لا تقلق هي ادرى بوضعها اخوي بس ادعي لها بالشفاء |
اقتباس:
اقسم بالله العظيم إن كلامك عن الأقزام حدثني عنها شخص زمان وصل لمرحلة الجنون ... وهو الشخص الثاني اللي ذكرته بردي الأول والشخص الأول ذكر لأخوه انه يشوفهم قدامه يا اختي لا تخافين وخلي أملك بالله كبير ... وما شاء الله عليك شكلك قوية ... أعرف رجال الواحد شنه يوقف عليه الطير ما تحملوا مثل معاناتك ووصلوا لمرحلة الجنون ولكن تعافوا بدعم كبير من اللي حواليهم وبالغصب يعني ماكانوا راضين يتعالجون اذا انتي ترتاحين اذا ربطتي راسك فإحتمال كبير ان معك تنسيم من كنتي صغيره ... وهو أهون من انه يكون معك مرض نفسي أو روحي لأن العلاج ان شاء الله اسهل والله الشافي حالتك صعبه ولكن واضح ما شاء الله انك قويه ... بعض النااس الله يهديهم يصرف لك 100 % ان فيك مرض نفسي والبعض يبصم بالمرض الروحي ... انا أقول لك جربي تعالجين الثلاثه بالترتيب من الأسهل إلى الأصعب والتزمي بالعلاج أولا قياس الرأس والحرص على إكمال العلاج ... وحتى اذا تحسنتي ... بين فتررة وفترة قومي بقياس الرأس والتأكد ... لأن الحالات القوية بالعادة ترجع بعد فترة ثانيا .. إذا قياس رأسك تمام مع اني ما اتوقع ... عالجي نفسك عند شيخ والتزمي بالقراءة .... ثالثا إذا قالوا لك مافيك شيء ... زوري معالجة نفسية والتزمي بالأدوية النفسية ما أقدر أقول لك 100 % اللي فيك .... لكن عندي احساس كبير انه تنسيم في مرحلة متطورة وللعلم يصيب حتى الصغار .. وقريب لي زمان اصابه وكان يقوم يركض لين ما يضرب نفسه بالجدار يقوه وكان عمره تقريبا 13 او 14 سنه لا تقولين بكره وبكره وبكره وتمر الأيام ... بإذن الله تنسين أغلب الأحاسيس هذي من أول اسبوع ... ويمكن يستمر علاجك شهر او اكثر على حسب قوة الحاله ... بس العلاج سهل بإذن الله اذا لقيتي معالج صح |
حالتك واضحه اسال العلي العظيم ان يشفيك والتزمي بالشي اللي كتبه الاخ عبدالله والله يشفيك شفاء لايغادرة سقما
|
اقتباس:
تحسنت شي بسيط مع الحجامه بس ماقدرت اكررها واحس ياست من المعالجين هل ممكن يكون فتح بس ماعرفوا يعالجونه لان اعراضي مثل اعراض التنسيم بالضبط . |
ابو بدر اشكر لك طيب قلبك ربي يحفظك وسامحني لو اقلقتك او سببت لك اي شيء يعلم الله ان ردودكم تخليني احرص اني اتعالج اكثر
الله لايوريك مكروه ماندوزا احترم رائيك وشكرا لك اخوي عبدالله والله دمعت عيني من ردك اخيرا احد مثلي اصلا كنت حاسه بالرغم من اختلاف الكلام الي اسمعه بتشخيصي إلا إني واثقه بالي يصير لي ماهمني روحي او نفسي او تنسيم بالراس اهم شيء لايجي احد يقول اتوهم لان حقيقه الي يعذبني اكثر الي يقولك اوهام يااخي لاتجننوني والي اشوف قدامي وشو يعني خيال طيب الخيال يإذي يهرج ؟ بس لاتقول مرحله الجنون مابي اوصل لها ابد يارب ان شاء الله مافيني مرض نفسي ولا روحي ويكون بسبب راسي كلامك حقيقه منطقي وحمستني اروح اعالج راسي لكن تكفى قولي وين ما اعرف معالج ع الاقل اتخلص من الاصوات الي اسمعها بكون بخير واقدر اواصل طريقي راح اسمع كلامك ان شاء الله وبسوي الي قلت لي عليه وابد ماراح انساك من دعائي لك ولكل من رد هينا الله يسعدكم كلكم ويشفيكم بالرغم اختلاف الافكار إلا الكل يبي يساعدك ويجبر خاطرك برد المهم اخوي عبدالله لاتنسى ترد علي وتقولي الي مثل حالتي وين تعالج بالانتظار |
اقتباس:
|
اقتباس:
|
اقتباس:
طيب هذا اكبر دليل انك محتاجه رقيه حاولي وحاولي ادري ان هالشي من وانتي صغيره يعني صعب شوي لكن مع الدعاء والاستغفار باذن الله راح تنفرج ومابغى احطمك لكن حتى التنسيم اللي قال عليه الاخ عبدالله سببه يكون مرض روحي يعني مع العلاج الشعبي يحتاج رقيه حتى ماترجع الاعراض مره ثانيه باذن الله |
اقتباس:
اللي اعرفه اني زرت معالج بالسابق وكرب راسي شوي ويفجره حسيت براحة بسيطه ... قال تعال بكره جيته من بكره وسوى نفس الشيء معي ولكن ما تغير معي شيء .. مع العلم ولله الحمد حالتي ماهي قوية ذكروا لي معالجة بحفرالباطن مشهورة ... اسمها ام مناور .. حتى قوقل تطلع فيه ويجونها من كل مكان حتى من الخارج طبعا هي اللي تسوي الصبخة بنفسها وتربطها على راس المريض وتواعده بعد خمس أيام يرجع مرة ثانية ... انا من اول يوم حسيت بفرق وكل يوم اتعافى أكثر ... للأسف فكيتها بعد ثلاث أيام ولا رجعت لها وناوي بإذن الله أرجع لها عن قريب ... لأن رجعت لي بعض الاعراض الاعراض بالسابق احس الدنيا بررررد حتى بالصيف واطفي المكيفات الظهر واجلس بالحر ... الدنيا تظلم أحيانا بعيوني واحس بدوار ودوشة قوية براسي صداع تقريبا ولكن ألمه يختلف .. اذاني احسها مفتوحة والاصوات العالية تقرقع براسي لدرجة اصلي الجمعة واحس المكرفون داخل راسي واسد اذاني ... تفكييييير سلبي غالبا واحلام يقظة نغزات بالجسم من مكان لمكان ... خوف وتوتر وعضلات الجسم مشدودة خصوصا الظهر .. النوم ما انام لين ارهق واطيح واذا نمت ساعتين انبسط اني نمت ساعتين واعد نومي بالدقايق الآن الحمد لله زالت كثير من الاعراض وخصوصا اني انام كويس الآن بالمقارنة مع زمان .. الدوشة وان الدنيا تظلم زالت ولله الحمد للمعلومية اخذت طريقة الصبخة من النت وسويتها كثير بالبيت لكن ما فيه تحسن ... كنت أرتاح بزيت الزيتون المقري عليه مع ربط الراس لكن بعد الله لما رحت لأم مناور حسيت بالفرق الكبير حتى ظنيت إني وضعي اوك وشلتها ولا إلتزمت ببرنامجها لذلك ممكن انتي ما توفقتي مع المعالج ... وممكن ان وضعك مختلف ... لكن جربي أحد معروف من سنين ومشهور بهالشيء .... انا بحثت ولقيت المرأة هذي اللي بحفرالباطن الله يطول بعمرها |
جزاك الله خير
انا تضايقني الاعراض النفسيه اكثر من الجسمانيه امي دايم تقولي ادهني راسك بزيت زيتون دافي واربطيه بكيس وطرحه ونامي فيه انه اذا كان فيه هوا بالراس يخف بهالطريقه لان معي اعراض تشبه اعراض الجيوب الانفيه لكن ممكن توضح وش تقصد بالدنيا تظلم |
اقتباس:
(( لا يكلف الله نفسا إلا وسعها )) لذلك تذكروا إنه مهما ابتليتم وانتم مسلمين وتكافحون بهالحياة إنكم مأجورين بإذن الله وعندكم طاقة هائلة للصبر والكفاح ... وعظم الأجر مع عظم البلاء يا اختي لي قصص كبيرة جدا جدا مع اشخاص صابهم المرض اعرفهم عن قرب ... ولولا اني اسعى للحفاظ على خصوصيتي هنا كان ذكرت اللي كان يصير معهم بالتفصيل الممل ... لذلك لا تخافين إن شاء الله وخلي أملك بالله كبير ... كلامك ذكرني بشخص كان يقول لي شخصيا شوفه ... يقصد شخص عندنا .... انا ماكنت اشوف أحد ووصلت المرحلة انه يبكي ويسبني ويقول شوفه لدرجة ذيك اللحظة يظن اني متواطيء مع الشخص اللي هو يشوف .... وللمعلومية .. الشخص بعد المرحلة اللي وصل لها وتفكيره انه مسحور ومشاكل كثيرة صارت ... بالنهاية إلتزم وتوظف وتزوج واصبح تاجر ... يعني وصل لمرحلة يأس .. وسبحان الله مغير الأحوال ... لذلك لا تيأسي ممكن أحد يتهكم عن رؤيتك لأشياء او ما يصدق او يقول ضعيفة او مجنونة ... لكن تلك اللحظة كان الشخص اللي قدامي يشوف شخص وفترة طويلة قبلها كان يقول " اشوفهم يلعبون على الكنب قدامي بالمجلس " ... لذلك من الممكن انه يظهرون قدامه من شان يزيدون وضعه سوء وبالنهاية هم كائنات ضعيفة مثلهم مثلنا ... لذلك انا صدقته والى الآن اصدقه انهم كانوا يظهرون له ... ونفس الشيء مع الشخص الآخر اللي عايشت وضعه عن قرب بعد اما الأصوات والظل ووو الخ .... حتى الاشخاص الاصحاء ممكن يشوفونها رغم ندرة حدوثها ... واشياء واقعية ماهي مجرد أحلام .... زوجتي سبق وشافتني رايح دورة المياة ... دخلت الغرفة لقتني نايم قدامها .. عاد تخيلي شعورها ما تدري وين أنا الحقيقي اللي بدورة المياة أو اللي نايم قدامها ... طبعا من الخوف هربت مني وانا نايم للي بدورة المياة ... فتحتها حصلتها فاضية يعني الظهور لك أحيانا يكون لتخويفك أكثر وزيادة معاناتك ... لكن مجرد انك تتعالجين وتحافظين على أذكار الصباح والمساء وتنسين الماضي بيختفي أي شيء يحاول تخويفك ... وتذكري ان هدف الشيطان اذا ماقدر يبعدنا عن الدين هو على الاقل انه يحزن المؤمن ويوقعه في الاخطاء ... لأن فيه ناس ممكن ييأس ويبحث عن علاج عند المشعوذين الله يكفينا شرهم في النهاية اقول واكرر لا تيأسين واطرقي كل الابواب سواءا كان اللي معك تنسيم او غيره ... المرض هذا من عادته انه يخلي الآدمي يقول بكره بكره بكره لين ما تمر الاسابيع والشهور زي الهواء اللي اعرفها عن تجربة شخصية ام مناور اللي ذكرت بردي السابق وهي أشهر من نار على علم ... الشخص القريب كانت حالته زماااان وكان وضعه صعب جدا جدا جدا ولا يطاوع ... اذكر انه صبخ راسه بس مدري وين وتحسن ثم استمر يتروش بالماء المقري والسدر واشغل نفسه بالطاعة والذكر وانطلق ماشاء الله ..... الشخص الآخر صبخ راسه عند معالج ما يمدحونه ثم بعدين كوى راسه والحين أموره طيبه ولله الحمد اسئل الله يشافيك ويعافيك وكل مسلم ... أعتقد ماله داعي اوصيك انك ما تستسلمين .. ماشاء الله عليك سنين طويلة مرت وانتي متحملة وتبحثين عن علاج رغم انك انثى ... واللي شفته رجال أقوياء يستسلمون للمرض .. هذا من فضل ربي ورحمته لك .. وشكرا على دعواتك |
اقتباس:
بالنسبة للظلمة ... مثل التأثيرات على الصورة بكاميرا الجوال ... لون عميق داكن كانت تجيني مع شيء يشبه الصداع ولكن مع دوشة بالراس وغثيان خفيف ... ما أقدر أوصف الحالة بالضبط ...!! طبعا الأعراض النفسية النرفزة على أشياء تافهة وأحس اني عاطفي بقوووة وأشره بيني وبين نفسي على كثير من اللي حولي خصوصا اللي اهتم فيهم قبل أكثر من نفسي ... وصرت ما انام لوحدي والنور طافي .. اكره البيت يكون فاضي وقت طويل خصوصا بالمساء ... صحيح اني شخص عاطفي من أول بس ما أشره على احد لأني انبسط لخدمة الغير ولو أقصر على نفسي حتى لو قصروا.... لكن الآن عاطفي بزيادة تخليني أكره شيء اسمه تعاطف مع الغير واتمنى اني كنت شخص اناني ولاهي بالدنيا ... هو شعور أقرب للي يحس بإنه تم تهميشه بوقت صعب هذا هو العرض النفسي الأصعب علي من كل شيء .... كثرة التشره بيني وبين نفسي والحسرة على الوضع الراهن يلعب بنفسية الرجل .. كنت متفائل جدا وأرضى بأي شيء .. الآن غير فيه عرضين معي ما ذكرتهم الأول : النسيااااااااان الثاني : اني اذا حصلت أحد أثق فيه وكتوم وأعطاني مجال ..... أمسك فيه خط طوييييييل من الشكوى لحالتي لدرجة اني ما انتبه الا متأخر واحاول أرقع ... في السابق ما أشكي أصلا لأي شيء يصير الآن قرقر واجد لذلك خلاص على الواقع ما اتكلم بهالمواضيع عند أحد أبد ... ما أبي تتغير نظرة اللي يعرفوني عن شخصيتي السابقة ووضعي الحالي ... يعني انطواء جزئي |
اقتباس:
سبحان الله الاعراض كلها عندي لكن العرضين الاخيرين عندي بزياده اول عرض لاحظته بعد ماولدت قبل 7سنوات النسيان وقلت يمكن بسبب الولادة لاني سبق وقريت ان مع كثر الولادات تضعف ذاكرة المراءه مع انها ثاني ولاده لي عمري كان وقتها24يعني بدري على النسيان المهم صرت انسى بشكل فضيع لدرجة انسى جوالي بالثلاجه والعرض الثاني قبل كنت احاسب على كلامي ومو كل احد افتح له قلبي الان صرت من احد يلامس شي من احاسيسي حتى لو اول مره اقابله اخر له كل شي واتشكى واحيانا اتكلم في حياتي الخاصه مع انه مو من طبعي ابدا لكن بعدها على طول احس بندم والوم نفسي ليش حكيت واجلس كم يوم متضايقه احس شخصيتي اتغيرت كثير بغيت اسالك ام مناور اللي بالحفر كيف طريقة قياسها لان انا كل اللي رحت لهم يقيسون عن طريق اللمس والضغط مايقيسون بالخيط زي ما اسمع |
اقتباس:
أم مناور تقيس بخيط وبر .... حقين اللمس رحت لواحد بالشمال لمس راسي وربطني يومين ربط دون اي شي حسيت ان الدم براسي وقف ... ولااااا أثر فيني شيء ... صاحب الكرب كان يقيس راسي بمتر حق الملابس النايلون |
اقتباس:
يالله احنا نبحث عن الاسباب والله وحده هو الشافي بحاول ادور معالجه في منطقتي |
الله يوفقك ان شاء الله واسئل الله الشفاء للجميع
|
اخوي عبدالله والله العظيم انك لامست واقعي وكأنك تعيش معي وعارف حالتي وحتى ذكرت اعراض من اعراضك فيني تماما تماما وكأنك عارف إن مرت سنين كثيره متحمله فيها على الي انا فيه
بالنسبه لظهور الأ مرئي قدامي هذا مؤمنه فيها وبقوه وماهمني احد ليش لان الي يده بنار مو.مثل الي يده بماء والي سمع مو مثل الي عاش الشيء ايضا انا مأومن بالي يقولك ضعف شخصيه او حساسيه زايده ومانتحمل شيء هو فعلا صرت مثل اعراضك النفسيه بالتمام صرت وللاسف عاطفيه بقوه بقوه لكن قبل ماكنت كذا ابد والنسيان احسه شيء تعودت عليه خلاص اما البربره والشكوه لاحد هذا الشي هو الي خلاني اكره الناس اذا شفت احد طيب وعلى قولك كتوم اجلس ابربر واشكي الما اتعب ثم بعدها اندم ليش لان انا مو كذا ابد ابد قبل لا انام افكر وش الي صار لي ليش صرت كذا ليش صرت ضعيفه ابوي زمان يقولي انتي ولدي مو بنتي جد اتكلم مو عن استرجال إلا عن الاعبااء الي شايلتها مع ابوي من صغري مو بس ابوي إلا البيت كله مايصير شيء إلا انا اتصرف وبسرعه كانت عندي قوة شخصيه فضيعه والله العظيم الناس الي حواليني ماتعرف عني ولا شيء مااحب اتكلم بأي شيء واشوف قبل الي يتكلم ويشكي ضعيف كنت احذر اخواني انهم يشكون لاي احد ومن هالكلام كنت احذرهم يثقون بأي احد لكن فجأه انتكست بعد ماصار الي صار وبديت اضعف تدريجيا فعلا كنت كأني اثنين بجسد واحد وكأن نصفي اليمين يضعف ونصفي الشمالي يحاول يرجعه أنا لما أذي نفسي كله عشان ما اصير اضعف مو عشان الحزن والاكتأب انا لما اجلس افضفض ﻷحد اجلس الوم نفسي واضرب نفسي حتى يزول الوم عني كله عشان ارجع مثل ماكنت اول قبل لاترد انت على موضوعي من قالو لي الاعضاء ان اخرتي مستشفى كبريائي وفخري بنفسي الي قبل ماسمح لي ابد ان اخرتي تكون بسجن مستشفى تمنيت اموت وانا عندي شجاعه اموت وانا احارب الخوف بداخلي [ الفخر بنفسي _ قوة شخصيتي ] هي الي تعبتني لاني ما ابي افقدها مهما صار وحاليا مازالت معي الاولى لكني فقدت الثانيه بس كلامك رجع لي المواصله في البحث عن علاج وان شاء الله ما راح ايئس اخيرا اهني زوجتك فيك اخوي ومو بس انا الي تحملت مبين من كلامك انك تحملت كثير وانك بديت تفهم مرضك صدقني راح يجي يوم ترجع صحتك تمام لانك كما ساعدت انسان ربي راح يساعدك لانك اخذت من وقتك دقايق تكتب فيها كلها عند الله ماتروح الله يخلي لك زوجتك وكل من تحب ويحفظهم لك ربي من كل مكروه سعيده جدا انك رديت على موضوعي وقومتني من جديد بعد يأسي |
اقتباس:
الله يجزاك خير ويوفقك على الدعوات ويشفينا وإياك ومرضى المسلمين للمعلومية .. التنسيم والاكتئاب النسبة الساحقة من اللي يصيبهم هم ناس طيبين ويؤثرون الغير على أنفسهم ويشيلون هموم وأعباء الغير زيادة على همومهم وأعبائهم وأصحاب تضحية ... يفتقدون المعاملة بالمثل من قبل كثير ممن حولهم ويكتشفون هالشيء لما يمر عليهم ظرف صعب وهنا تبدأ معاناتهم .... لذلك الشخص اللامبالي والأناني نادرا مايصيبه هالشيء ... ونفس الشيء الوسواس القهري غالبا ما يصيب الأشخاص الأذكياء وفيه إختبار عالمي دقيق للشخصيات ... اذا أجبتي على الأسئلة بعفوية من المستحيل تكون شخصيتك انتي بالنتيجة هي شخصية الفنان ... لا تخرج عن شخصيتين المعلم أو المدرس اثناء المرض نكره شخصيتنا القوية الطيبة .. نحاول ننسى الطيبة والإيثار وننمى القوة بالتكتم .. واللامبالاة بالانطواء .... ولكن مع ظهور شخصية طيبة أمامنا نبدأ نتعلق فيهم ونفرط السبحة عندهم وكأننا آخر مرة راح نشوفهم فيها .. لأننا نتوقع إنهم نسخة من شخصيتنا السابقة أو قريبين منها ونرتاح لهم شخصيتك الأساسية موجودة ومستحيل تتغير ... تتغير الظروف صحيح ولكن الشخصية الأساسية جبلَه موجودة معك على طول ... اللي يمر عليك شيء عرضي بالنسبة لإيذاء النفس لنسيان الألم ... يكون بدرجات متفاوته لنسيان ألم ما أو معاقبة للنفس حتى عند أغلب الناس االطبيعيين وعلى درجات ... البعض من الناس اذا نسى موعد أو خرّب شيء يضرب على جبهته براحة يده ويقول ياااااه نسيت .. يااااااه أنا اش سويت ... البعض يزيد من الشيء هذا واذا انجرح يعض يده ... انا إذا قعدت اهوجس في شيء بجسمي أحيانا أقرص نفسي حتى أعرف ان تدقيقي في شيء برجلي هو بسبب وسوستي فيه والفضاوة بالتفكير ... والطريقة هذي تعلمتها بسبب زيارتي مرة للمستشفى وكنت أحس اني تعبان في الطواريء وقلبي وراسي وحالتي حالة ... مجرد ما جابت الممرضة الإبرة وقربتها لي شلت هم ألم الإبرة ونسيت كل الهواجيس .. طلعت أضحك على نفسي في كرة القدم حارس المرمى أو المهاجم لما يخطيء ممكن يضرب القائم الحديدي بيده او برجله ... غضب على نفسه ردود فعل طبيعية أحيانا المهم ان الأمر ما يتعدى المألوف بالإيذاء الشديد ونعود أنفسنا على تقبله ... وعلى العكس فيه حركات حبّيه للنفس أغلب الناس ما يصارح فيها أحد .. مثل ان الشخص لما يكون لوحده ويفكر سواءاً كان حزين أو سعيد نلقاه يبوس ايده او كتفه او ركبته ... وسبق وتكلمنا انا وشخص عن هالشيء ... هي طبطبة للذات وحب للذات لذلك أغلب اللي يحدث معك الآن شيء طبيعي جدا للظروف اللي تعيشينها والمرض اللي تعانينه ... الأشياء اللي تشوفينها تأكدي انك مو أول وحدة بالعالم يصير معها هالشيء ... والمزيد من الوقائع أقدر أسردها بس للي صار حولي أو سمعته ممن حولي .. فما بالك بباقي العالم ... والجميل ان اول يوم من موضوعك قابلتي شخص عايش نفس الحالة بالضبط وتشافت ... فما بالك بالكثير من الزوار اللي يشوفون كلامك وعندهم نفس الحالة والبعض تشافى أو مرت عليهم حالات قريبة منهم تشافت ... فيه الكثييير والله أعلم ... والقصص كثيرة لناس عاديين شافوا أشياء قدامهم .. لا مو بس شافوهم إلا حسوا فيهم بعد ومن قديم الزمن العرب تقول .. تراهم على طاريهم يعني ممكن يزعجون الشخص باصوات ويتسلون أو يظهرون له إذا جاء الكلام عنهم .. وهذا يصير في طلعات البر حاليا لما يبدأ الحديث عن قصص الجن ... ولو كان العكس بيننا وبين الجن كان تلقين كثير من البشر الملاقيف يخوفونهم وياخذون الموضوع تسلية .... ووالله اني أعرف شخص ثقة قال لي بالحرف الواحد ... كان مزعج بالبيت ويشغل الاغاني ويتابع الافلام ولاهو محافظ على الصلاة .. ظهرت له عجوز جالسة على سجادة صلاة وقالت له يقطع الازعاج ... لا عنده مرض ولاهو ضعيف ولا عنده شيء من أوهام شاب بالعربي عايش بالطول والعرض ... من يومها وهو محافظ على الصلاة سبة العجوز اللي شافها وكلمته ... وللأسف البعض يكذّب الشخص لما يشوف شيء أو يسمع شيء .... المهم طمني نفسك ولا إنتي الوحيدة على سطح الكوكب اللي يصير معه هالشيء ... ولا إنتي الوحيدة اللي يتوقع البعض إنها تكذب أو تتوهم الحفاظ على أذكار الصباح والمساء والصلوات والعلاج كفيل بإنه يخفي كل شيء بإذن الله .... بالبداية راح يكون صعب الحفاظ على الأذكار وتذكرها ولكن مع الوقت راح تصير عادة مثل الأكل والشرب الشخص اللي عندي عانيت معه وغيري سنوات عصيبة وبالأخير تشافى ... بفضل الله أولا ثم الصبخة والماء المقري والسدر ... يعني قرارة إنه يطلع من الحالة اللي يعيشها خلاه يعالج كل شيء يشتبه فيه ... يعني لما تحسن على الصبخه شوي شوي ما قال انتهى الموضوع وراح استمر على الصبخة بس ... لأ داوم على الماء المقري والسدر ... لأن كل هالأشياء مماتتعارض مع بعض ولا لها آثار جانبية ... وحتى التنسيم يعالجه البعض بالرقية وكذلك بالحجامة .. لذلك استعملي نفس نظام الأخ اللي تشافى من حالته ولا توقفين مع التحسن .. بعد التحسن والشفاء استمري اسبوعين ... وبشرينا عن اللي يصير معك .. أنا متفائل إن شاء الله والله يوفقك ولا سوينا شيء ... أنا أحب أكتب كل المعلومات اللي عايشتها ومرت علي .. لأني نفس الشيء أستفيد من تجارب الأعضاء والحالات اللي مرت عليهم وأرتاح من كلام البعض ... وممكن أحد مستحي أو خايف انه ما يصدق يستفيد من موضوعك وشرح أعراضك .. وإن شاء الله نشوف لك موضوع تشرحين فيه التشافي ودام الفضفضة صعبة في العالم الواقعي فالإسم المستعار هنا يتيح لنا المجال نفضفض ونستشير بعض .. والله يجزى القائمين على الموقع خير |
اقتباس:
الصبخه الي تسوينها اقري عليه الرقيه الشرعيه خاصه ايه التنزيل https://www.youtube.com/watch?v=xV81C6n2XHw |
اقتباس:
- تـحيي بأذن الله الـشـعر الميت وخاصةً عـند الـرجـال مـع تقـدم الـعـمر. - تـمنع تســــاقط الـشــعر. - تـقـوي بصيلات الـشـعر. - تـطـول الشـعر وتـكـثـفه. - للـجـلـطه . - للـصـداع الـنصـفي( الـشـقيـقـه ). - للـوشـره (تـنـسـيم الراس ). - للـخـشـه (دخـول الـبرد في الـراس). - مقويـه لأعصاب الـراس. المقادير: كـيـلو حــناء، كـيـلو مـحـلب ،كـيـلو سـدر ، بـياله حـبـه سـوداء، بـياله مـلـح ، فـنـجال عـويـدي (مـســمار) ، فـنـجـال زنـجـبـيل. طــــــريـقـة الاســــتـعـمال: تـطـحن جـمـيع الأعشاب طـحـناً جـيداً وتـخـلط جـمـيع الـمواد وتـوزع على سـبـعـة أكـياس... يـسـتـعـمـل كل كـيـس بـعد ثـلاثة ايام من استـعـمال الكـيـس الذي قـبله... عند استعمال الخلطة توضع في ماء فاتر او دافئ وتصـبخ على الراس ويغطى بـقـماش...يمنـع منعاً باتاً التعرض لـنفـحات البرد عند الاستـعـمال... الـمـده ثلاث سـاعات من اثـناء وضع الخـلطه على الراس... يـغـسـل الراس بـعـد إزالة الـخـلطـه منه. تقرا عليها الرقيه الشرعيه ايه التنزيل عمل مساج للراس بزيت زيتون مرقي https://www.youtube.com/watch?v=Vpj7luHBE0E |
اقتباس:
توتر وكتمة هذه فيني تقريب شبه يومي زي ضيق النفس والرغبه بالبكاء ... طنين اللحمدالله اول فيني اللحين خفت .. نرفزة سريعة فترات .. وسوسة قليله .. زغلله في العيون ودوخة ودوار والاحساس بان الدنيا تظلم هذه لها معي 3 سنوات لم تفارقني تخف بعضها قليل وتزود ولاكنها موجوده طوال الوقت وزد عليها اخ عبدالله التركيز وثقل الراس وغباشه العيون والتحسس من الانوار وخيوط سوداء امام عيني مل الدخان ... أرق وصعوبة في النوم قليله جدا ولله الحمد .. صداع أشبه بالدوشه في الرأس الصداع ع فترات ولاكن الدوشه اغلب الوقت ... الاحساس المرهف في أعضاء الجسم والعروق والتركيز على عملها اتجسس دائما اعضاء جسمي وحاصه جهة القلب من النغزات .. الاحساس بالاضطهاد مرات على اني جربت الصبخه والحجامه وربط الراس والادويه النفسيه لاكن بدون فائده ارجو الرد اخ عبدالله |
اقتباس:
مالي علم باللي تعاني منه بالضبط أخي العزيز ... أنت تحدثت عن تجربة الكثير من الطرق ولم تظهر بأي نتيجة إيجابية ولو بشكل جزئي .. صحيح ؟ إن كان صحيح .. من الممكن إن طريقتك في العلاج خاطئة أو انك ما استمريت عليه وإلتزمت فيه سواءاً الشعبي أو النفسي ... لكن السؤال كيف كان قياس راسك اللي على أساسه سويت الصبخة ؟ الله يشفيك اخوي ويوفقك ... ولو تكتب تجربتك كاملة إن شاء الله يفيدونك وينصحونك الإخوة والأخوات من خلال تجاربهم |
اقتباس:
والغباشه اخف من اول والتركيز افضل من اول الاعراض موجوده بس اخف من اول ولله الحمد بس من تركت الفافرين الغثيان ونغزات القلب رجعت الان مستمر ع الامكتال الاعراض اللي متضايق منها الان الكتمه والنغزات القلب والصدر ع فترات وشهيتي للاكل خفت لان انغث من بعض الاكلات وهذه قصتي واسمحولي ممكن يكون فيه اغلاط او عدم ترتيب اللهم اشفني وعافني واشف كل مريض يارب العالمين |
اقتباس:
الله يشفيك ويعافيك اخوي .... بالنسبة للأدوية النفسية ما أعرف عنها شيء ... يفيدونك الإخوة هنا في بدايتي راجعت المستشفيات كثير من حالة الهلع وكانت الفحوصات سليمة ... وآخر طبيب راجعته وصف لي دواء نفسي نسيت اسمه ... لكن ما صرفت الوصفة ولا استخدمته .. حتى الحبة اللي قدمها لي رفضت اكلها عنده لأني حطيت في بالي آخر شيء أجربه هو الأدوية النفسية بالنسبة للمعالجين الشعبيين ... إذا اللي سوى قياس لراسك بالخيط قال لك مافيك شيء وهو ثقة معناته مافيك تنسيم ... بالعادة اللي ما يعرف يقيس يغلط بزيادة القياس وللمعلومية طريقة القياس سهلة جدا بالخيط ... انا زرت اثنين من المعالجين الأول حسيت بتغير طفيف لما شد راسي بقوة ثم فكه خلال أقل من دقيقة .. ولكن ما ارتحت لطريقته وخصوصا لما زرته ثاني يوم وشدني وقال قم باقي معك اصبعين وهذا طبيعي ... سافرت لواحد بالشمال وما استفدت الا الألم من شده لي يومين ... بالنهاية ذكروا لي معالجة بحفر الباطن اسسمها أم مناور وبصراحة فرقت معي كثيييير وعلى بالي وقتها انه مو ضروري أكمل وفكيت صبختها بعد ثلاث أيام فقط والمفروض كان أكمل خمسة وارجع اصبخ مرة ثانية عندها .. وقريبا بإذن الله تتحسن ظروفي وارجع عندها وراح اطرح تجربتي بإذن الله من جديد المهم إن المعالجين الشعبيين ماهم نفس بعض ... وكذلك النفسيين اذا عندك إمكانية تزور اللي أنا زرتها خير وبركة لأنها معروفة ومشهورة .. والصبخة أكيد تضايق ولكن العافية الكل يبحث عنها ويتحمل ويلتزم بالعلاج .. أما إذا المعالج اللي قاس راسك بالخيط وقال مافيك شيء ثقة ومعروف .. معناته ماعندك مشكلة التنسيم بخصوص الأدوية النفسية أتمنى من الإخوة اللي عندهم خلفية يشاركونك تجاربهم ... ولو تفتح موضوع مستقل أفضل |
[QUOTE=عبدالله سلمان;1130268]الله يشفيك ويعافيك اخوي .... بالنسبة للأدوية النفسية ما أعرف عنها شيء ... يفيدونك الإخوة هنا
في بدايتي راجعت المستشفيات كثير من حالة الهلع وكانت الفحوصات سليمة ... وآخر طبيب راجعته وصف لي دواء نفسي نسيت اسمه ... لكن ما صرفت الوصفة ولا استخدمته .. حتى الحبة اللي قدمها لي رفضت اكلها عنده لأني حطيت في بالي آخر شيء أجربه هو الأدوية النفسية بالنسبة للمعالجين الشعبيين ... إذا اللي سوى قياس لراسك بالخيط قال لك مافيك شيء وهو ثقة معناته مافيك تنسيم ... بالعادة اللي ما يعرف يقيس يغلط بزيادة القياس وللمعلومية طريقة القياس سهلة جدا بالخيط ... انا زرت اثنين من المعالجين الأول حسيت بتغير طفيف لما شد راسي بقوة ثم فكه خلال أقل من دقيقة .. ولكن ما ارتحت لطريقته وخصوصا لما زرته ثاني يوم وشدني وقال قم باقي معك اصبعين وهذا طبيعي ... سافرت لواحد بالشمال وما استفدت الا الألم من شده لي يومين ... بالنهاية ذكروا لي معالجة بحفر الباطن اسسمها أم مناور وبصراحة فرقت معي كثيييير وعلى بالي وقتها انه مو ضروري أكمل وفكيت صبختها بعد ثلاث أيام فقط والمفروض كان أكمل خمسة وارجع اصبخ مرة ثانية عندها .. وقريبا بإذن الله تتحسن ظروفي وارجع عندها وراح اطرح تجربتي بإذن الله من جديد المهم إن المعالجين الشعبيين ماهم نفس بعض ... وكذلك النفسيين كثر الله من امثالك اخوي وشاكرلك بالنسبه لللصبخه هل 8 ساعات او على راسك اسيوع لان انا جربت 8 ساعات وكانت مريحه شوي بس لم استفد وجربت ثلالثه ايم ع راسي وذبحني الالم وتركتها وفيه واحد قالي لاتحطها ع راسك اسبوع ع طول 8 ساعات افضل لان لاطولت توقف الدم في الراس |
اقتباس:
لو توقف الدم كان حتى ساعه مو ثمان ساعات تضر البني آدم ... هي غير مريحة وتضايق ومؤلمة أي نعم معك اللي قلت لك شدتها هي على راسي الصباح وقالت خمس أيام وصباح السادس فكها وتعال لي وكانت تقول كل ما ارتخت شدها ماسوينا شيء ... الله يشافينا واياك والجميع إن شاء الله |
اقتباس:
|
| الساعة الآن 02:11 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا