____ سؤال
 

السلام عليكم..

سؤالي عن السبراليكس انا استخدمه بفترتين الاولى 2014 وانقطعت عنه وكان معاي ممتاز
ولكن هذه الفترة كان القلق غالب على الاكتئاب يعني كنت أكلم الدكتور عن القلق اكثر شي وتم تشخيصي باني مصاب بالقلق العام مع الاكتئاب
حالياً غيرت الدكتور والعيادة كلها بعد ما قطعت الدواء ورحت لدكتور ممتاز والكل يشهد له وكانت أعراض القلق اقل حدة من هذيك الفترة عموماً عطاني التشخيص وكان معي تقرير عن حالتي السابقة وقالي العكس الأساس هو الاكتئاب والقلق بعده وفعلاً الاكتئاب معي من اول بعدين تلاه القلق بشكل نوبات ولكن الغالب اكتئاب وجربت معاه دواء ولا جاب نتيجة وقررنا نرجع للدواء اللي استفدت منه اللي هو سبراليكس الان لي ما يقارب الشهرين ولاتوجد مقارنة بين التجربتين الاولى كانت مفيدة واللي الحين لا تكاد تذكر ! 10 - 15 ٪ تقريبا ،، علماً باني المره الاولى استخدمه بجرعة 10 وهي جرعة متوسطة واستفدت منها بغضون شهر والآن لي شهرين عليه و لي شهر رافع الجرعة الى 20 ملج ولا فيه شي!!

ابي اجابه يا طيبين وش العله ؟ هل لان المره الاولى عالج لي القلق بس ؟
او على كلام الدكتور النوبة هذي المره أقوى ؟ ام ان الأدوية كذا تفيدك مره وحدة ؟
وعطوني حلول وأسئلة موعدي الأسبوع الجاي وش أقول للدكتور هل يضيف على الدواء دواء اخر يدعمه او اطلب مهدئ < ودي اجربه
كل شي على المحك ما ودي أظل جالس كذا فزعتكم يااهل الخبره

الآن مشكلتك الرئيسية الاكتئاب أو القلق؟

اكتئاب متوسط مصحوب بالقلق
هذا اللي اتفقوا عليه الطبيبين ولكن اختلفوا من الاول
وانا مع الآخير اكتئاب ثم القلق

أنا بسألك انت تحس بشنو؟ اكتئاب أكثر شي أو قلق هو اللي مسيطر؟

اكتئاب ...

اوك اسأله اذا يرفع الجرعة ويضيف دواء مدعم كلامكتال

قالي ما ينصح بالزيادة عن 20 ملج بالسبراليكس
وايش هو لامتكال هل هو مهدئ؟

دواء مدعم لمضاد الاكتئاب ويستخدم أيضا كمثبت للمزاج جيد للاكتئاب

اخي العزيز لي تجربة مع المهدئات هي ليست حل وتولد العنف الداخلي والعصبية وفقدان للذاكرة اذا استخدمتها بشكل مطول لذلك اذا تبي مهدئ لا تاخذه الا وقت الضرورة القصوى وافضلهم ريفوتريل والفاليوم والفاليوم مناسب لي يجلس بالدعم 34 ساعة وانا اخذه كل اسبوع حبة واحدة جرعة 5 ملغ

اما علاجك انا جربت جميع مضادات الاكتئاب انصحك بمناقشة الدكتور باضافة مدعم له مثل لامكتال او ابليفاي بجرعة بسيطة علما بان اقوى مضادات الاكتئاب الافيكسور والانافرانيل ولى تجربة مع الانافرانيل جميلة وبدون اثار جانبية ولكن كل شخص يخلتف جسم في تقبل الدواء

اسئل الله العظيم ان يشفيك وجميع مرضى المسلمين

يارجل قريت عنه قرائه سريعه طلع حق صرع وأعراضه قوية

أفكر بالزناكس وش رأيك. ؟ لأَنِّي اشوف حتى الدشير اللي مالهم بالنفسيه ياخذونه

ههههههه الزناكس سريع المفعول خلال نص ساعة تحس بالتحسن لكن مشكلته ما يجلس بالدم اكثر من 6 ساعات لذلك بعده تحتاج ال اخذ جرعة ثانية وهكذا انا جربتهم كلهم افضلهم عندي الريفوتريل والفاليوم

على فكرة الريفوتريل يسمونه الشباب روش ويستخدمون كثير بعد

ضعف الذاكرة هذا شي أساسي فيني من الاكتئاب ياابوحميد صدقني ما تفرق
قول عنف ممكن شي جديد لأَنِّي أشبه بالجثمان هادي ومنفس الا يوم تحسنت المره الاولى بالسبراليكس كنت اعصب على اي واحد يحاول ينرفز او يضايقني

صحيح الروش سمعت فيه واعتقد له أسامي مقصدره زي كذا اعتقد عشان علبته بقصدير او شي زي كذا
لكن انا ودي استخدمه تحت إشراف طبي وإذا ما وافق اقدر ادبره كان فيه فرص قدامي اخذه

اذا عازم توكل على الله وكلم الدكتور يصرف لك زاناكس جربة بس للضرورة ما راح يسبب لك شي

انا مثلك الادوية تسبب لي عصبية وفي نفس الوقت تبلد ولامبالاة

فالك العافية والشفا التام باذن الله

له استخدامات عديدة أحدها كمضاد صرع لكنه أيضا مثبت مزاج وداعم لمضاد الاكتئاب ، وهناك ديباكين
إذا كنت تبحث عن علاج
أما المهدئات فليست علاج

حتى الان ما لقيت اجابه لسؤالي ليه اشتغل الدواء معي اول مره والآن لا ؟!!
وينكم يااهل الخبره

السر مجهول وهذا يحدث كثيرا , في المره الاول اشتغل و المره الثانيه لا

هناك عده حلول اولا ان ترفع جرعه السبراكس الى 30 ملج
الثاني تضيف علاج داعم كالامكتال
الثالث تغير دواءك الى اللوسترال مثلا
رابعا جمع علاجين اكتئاب مثلا سبرالكس و افكسور او لوسترال مع افكسور او لوسترال مع بريستيك

بما انك استفدت المره الاولى بشكل سريع , ف المره الثانيه راح تسفيد من العلاج باذن الله لكن تاخذ وقت طويل حتى تاتي الفائده

اذا كنت سعودي روح لمستشفى الامل او اي مستشفى حكومي ستاخذ ادويه نفسيه مجانا

الطبيب يقولي لا ينصح ان تزيد جرعة السبراليكس عن 20 ملج
واللي حصل الان اننا أبقينا على السبراليكس بجرعة 10 ملج وافيكسور بجرعة 75 لمدة اسبوع ومن ثم تصير 150 افيكسور وسبراليكس 10

ولكن الحاصل ان الفترة الاولى مع السبراليكس ربما لانها اول مره استخدم علاج نفسي وانه تحسنّ القلق واحسستّ ببهجه لانه بتلك الفترة كان القلق مسيطر جدا

مشكور جداً على تجاوبك

الله يوفقك اخي ويارب تستفيد من العلاج الجديد