هل قراري خطا ....
 

السلام عليكم ورحمة الله وبركاته

اخواني انا تعبت من العمل واليوم قدمت على تقاعد طبي رفضوا المبدا لكن انا كنت ملزم على الامر

حقيقة ما ادري هل اتخذت خطوة للوراء او خطوة للامام

قالوا جب تقاريرك ونرفعها للوزارة والامور معقدة

يعني بتاخذ وقت مب سهلة

والله متحسف على العمل وعل مستقبلي

وفي نفس الوقت اقول خلاص حان الوقت ان اتقاعد بعد خدمة 15 سنة


المشكلة لو ما عطوني التقاعد راح اقدم على استقالة من العمل

كتبت الموضوع حتى اشوف قراري خطا ام صح

والله كل الامرين صعبات التقاعد والاستقاله لكن التقاعد اهون بكثير من الاستقاله وانت عارف الاسباب وبصراحه خساره كبيره التقاعد في هالوقت لانك مازلت شباب والمستقبل قدامك لكن اكيد الظروف تجبرنا على اننا نسوي الشي اللي مانطيقه انت الان رفعت طلب وفي هالوقت اكثر من الاستخاره وصدقني ربي بيكتب لك اللي فيه خير ان شاء الله
ويارب ماتداوم بكره الا انت بصحه وعافيه

هلا ام سما والله انا كل ما دوامت انتكس اكثر وبعدين ودي اتفرغ للرقية والزيت والسدر وما تجي عمل وانضباط في العمل مع الرقية لان الامور واضح انه صاير صعب اني اجمع بينهم ولما اخذ اجازة ارتاح ممكن تكون عين على العمل لاني راتب ممتاز جدا وفي نفس الوقت متحسف على عملي ومستقبلي الى بيضيع ادري حيرتك بس اانا محتار ربي كن معي


لا تنسيني تدعين لي

نصيحه والله قرارك مو بس خطا غير حاتندم ندم مالو نهايه

وخد الكلام من مجرب وعاطل في البيت شاف المر

وظيفه لك 15 سنه وراتب ممتاز و متعود على الدوام والشغل تفرط فيها بسهوله وتجلس في البيت عاطل وانت لسه شباب
ياخوي الان صعب تحصل وظيفه كويسه والوظايف صارت بشروط معقده

فكر قدام اش حاصير اصلا الجلوس في البيت من اهم اسباب الامراض النفسيه والاكتئاب وراح يشتد عليك

انسى الاستقاله واذا تريد تقاعد مبكر بعد 5 سنوات تقدم تقاعد مبكر اذا مازلت على وضعك

انتا ممكن حاليا تقدم اجازه طبيه وتتفرغ للرقيه

انا لي تقريبا 6 سنوات متخرج من الثانوي وجالس في البيت كان معايا رهاب اجتماعي من لما كنت صغير بس ماكنت اعطيه اهتمام

لان كان عندي دوام رسمي يغصب عليا الطلوع والاحتكاك مع الناس وكان عندي اصدقاء وكنت تقريبا شبه طبيعي

بعد تخرجي جلست كم شهر بالبيت تغيرت 180 درجه

مارح اكتبلك التغيرات الي صارت والتحول الفضيع بحياتي علشان ماريد احبطك

بس اتمنى تراجع قرارك وانا نصحتك

مؤفق

بس اخوي انت ما فكرت كيف اعاني في الصباح لما اصحى للدوام وكيف ارجع هلكان غير الاكتئاب والفصام والسحر انا قلت اتغدى بهم قبل ما يتعشيوا بي لان غياب كثير وممكن الفصل باي لحظة

بس العطالة انا معك غير تدمر الانسان تفتح ابواب الشيطان لكن وش اسوي قال وش حادك على المر قال الامر منه

راح اخذ نصيحتك بعين الاعتبار انا مقدم على اجازة لمدة ثلاثة اشهر وبعدها راح اقرر اصلا مب متاكد يوافقون المستشفى على التقاعد

لا تنسني من دعائك يا طيب

أمرك عجيب يارجل؟؟؟؟؟؟؟؟؟؟؟؟؟؟؟
ولماذا تريد أن تتقاعد؟؟؟؟؟؟؟؟؟؟
إذا كنت في صحة جيدة فاعمل ...وبكذا تشغل نفسك ووقتك و مايجيك وسواس ولا أفكار سوداء(مع أني لا أعرف حالتك بالضبط)
بس أكييييييييييييد تعبان بسبب المرض النفسي
يعني اتخيل نحن النساء لو يجينا قلق و انتكاس من شغل البيت معناها نبطلو؟؟؟؟؟؟؟؟؟؟؟؟؟؟؟
لا طبعا لازم الانسان يقاوم ولا يحرم نفسه من الخير و لا يتهرب من مسؤولياته

وأكثر شيء مستغربة منو
إنك تريد تتفرغ للرقية...........كيف يعني و هل الرقية لازم الواحد يتفرغلها؟؟؟؟؟؟؟؟؟؟؟؟
يا اخي اعمل و اتعالج و ارقي و ادهن الزيت و السدر ومن يمنعك

يعني الصراحة برأيي إياااااااااااااااااااااااااااك أن تترك العمل
بس بالرغم من ذلك مثل ماقالت أختي أم سما عليك بالاستخارة
وربنا يوفقك

هلا اختي ولما امر عجيب بالعكس اشوفه عادي انسان ارهقه الزمن لمدة 13 سنة مرض وكافحت في عملي حتى وصلت منصب محترم وراتب محترم وحتى هذه اللحظه متمسك بالعمل لكن اصبحت كثير الغياب بسبب المرض غصب ليسى الامر بكيف انما الاقدار

انتي لم تجربي السحر والفصام مع العمل الامر مرهق جدا حتى انا لم اعد استحمل هذا الضغط الكبير علي في العمل معاملات وغيرها ونسخ وطباعة ثم ارجع هلكان

لكن معك حق ان الفراغ معضلة وهذا الشي الوحيد الى جعلني محتار

بارك الله فيك

أنا أرى أن تقاعدك عن العمل نهائيا بدون بديل أي أنك تسلم نفسك للفراغ أكبر خطأ تعمله

أولا ... أنا مازلت عند رأيي لا تتقاعد قبل ما تجرب جميع العلاجات ومنها العلاج بالكهرباء حتى تشوف درجة التحسن الكهرباء إما ستعالجك وتحسن حالتك أو ستزيد من فعالية الادوية وتزيد من استجابة جسمك للأدوية
ثانيا ... لنفرض أنك تقاعدت ، ما هي الخطة البديلة؟ ماذا ستعمل وماذا ستفعل؟ هل ستجلس عاطل بلا عمل؟ أم ستعمل بالأعمال الحرة والتجارة مثلا؟ جهز خطة بديلة مشروع مثلا ... لكن أولا استنفذ الخيارات العلاجية ثم اعمل المشروع لكن لا تجلس عاطل بلا عمل ... الفراغ قاتل ... فكر بمشروع أوقات عمله يتناسب مع ظروفك الصحية

اهلا وسهلا اخي وائل

والله جربت جميع مضادات الاكتئاب وجميع مضادات الذهان اما الكهرباء فقد رفض الدكتور وكذلك اهلي رفضوا الكهرباء تماما وانا كذلك لم اتحمس لها


الى مخليني افكر في التقاعد اني اذا كنت في اجازة ارتاح نوع ما .

اما الخطة البديلة فهي موجودة اخي الكبير يلح على بالخروج من البيت والعمل معه في العقار ونصحني كثير بتقديم التقاعد لاني اعاني كثير من ضغوط العمل يعني لن يكون هناك فراغ بالعكس سوف يكون عملي من خلال الهاتف او الجلوس في احد مكاتب اخي العقارية وسوف اكسب خبرة ومال كذلك

ضع خطة بديلة متكاملة العناصر من جميع الجهات
وأيضا ابحث عن جميع الخيارات العلاجية البديلة حتى لو مو موجودة بالسعودية

اخوي محمد مثل ماقلت لك استخير كثير ترى والله اللي بيختار لك الله هو الخير وراح ترتاح عليه سواء بقيت بعملك او تقاعدت وممكن اذا الله كتب لك التقاعد انك تفتح مشروع صغير او مثل ماقلت تشتغل بالعقار والله يعوضك خير والصراحه خوفتني لما قلت انهم ممكن يفصلوك لان صعب بعد كل هالخدمه والتعب يفصلونك لكن استخير وربي يكتب لك اللي فيه الخير والانسان مسير وليس مخير
اتمنى لك الراحه والطمانينه

اخي وائل باذن الله اني اضع كلامك في عين الاعتبار وان شاء الله اجد حل للمشاكل المتراكمة علي باذن الله .

اختي ام سما هذا الى مخوفني هو الفصل فقلت يا ولد اسبقهم لا يضحون بك وصراحة هم ما قصروا تعانوا معي

بس دعواتكم انا خلاص قررت التقاعد وبكرا ان شاء الله اعد خطاب للمدير ثم لشئون الموظفين وارفق التقارير الى معي

الله يوفقك واهم شي استخير الليله اكثر من مره قبل تقدم الخطاب وبلغنا وش يصير معك وان شاء الله مايصير الا الخير

الله يقدم الى فيه الخير

وعليكم السلام ورحمة الله تعالى وبركاته،أخي البدراني أعرف أن المرض الروحي متعب جدا ويتطلب من المريض المزيد من الجهد والوقت والصبر على الرقية الشرعية وباقي العلاجات كالدهن بالزيت المرقي والإغتسال وما إلى ذلك،ولكن صدقني ليس من مصلحتك ترك عملك ولا تنسى أخي أن المس يلعب دور كبير في هذا الأمر حتى يعزلك تماما عن العام الخارجي وينفرد بك ليحزنك أكثر ويزيد من كآبتك، أنا من رأيي حاول تنظيم وقتك، وخصص وقت يومي للرقية الشرعية ،الله يكون فعونك أخي الله يشفيك ويكفيك شر شياطين الإنس والجن

يا باشا ما أقدر أقولك شيء لكن دام إستشرت أهلك بهذا الموضوع و إستخرت الله و عزمت النية على الشيء اللي بترتاح له فسر على بركة الله

بسم الله مجريها و مرساها

وعليكم السلام

اخوي انصحك قبل لاتقدم تسوي الي قلت عليه لمده شهرين مقدار فنجال على الريق

وباذن الله امورك تتيسر ،، بس انت مو مقتنع

جرب شهرين وبعدها سو الي تبيه ،، بس لاتتقعاد قبل ماتجربها

بما انك اخذت القرار خلاص لا تندم وخلي جهدك كله على الدواء والعلاج سواء دواء او رقية .. مو مهم الفراغ المهم انك ما تقعد لوحدك وتستسلم لافكارك ومرضك اجلس مع اهلك دائما واختلط بالناس اكثر

الله يسلمكم جميعا باذن الله اليوم اقدم على التقاعد وعساهم يقبلونه دعواتكم

شوف اول شيء وقبل كل شيء استخيييييييير الله
ثاني شيء والله انا ماالومك لان انت ام وعندي اطفال ولاتعبت خلاص ماادري عنهم واترك بييتي وزوجي ...الخ ولعلمك اقسم بالله اني الى الان ماتوظفت خايفه خايفه اتفشل بالدوام ....
المهم بالنسبه للرقيه خلييييؤك مستمر عليها وخذ اجازة ثلاثه شهور وشوف وش وضعك يمكن تطفش وتتمنى العمل

ان شاء الله محبة الرؤوف راح اسمع نصيحتك باذن الله والله يعوضني خير عنها

راح اقدم اليوم على التقاعد ومعي التقارير الطبية لقيت مديرنا غائب ههههههه مدري ليه مع اني ما ادوامت الا الظهر والله المستعان

الى قد قدم على التقاعد هل مستشفى الامل متشددين او متعاونين مع المريض انا خايف يرفضون طلبي ثم والله لروح فيها

اخوي غياب المدير ممكن يكون خيره

وحتى لو رفعت اوراقك لاتترك الاستخاره

والله يا ام سما خلاص انا ما عاد ابي الدوام وامي تدعي لي بصلاتها ان الله يخلصني من العمل وتقول اتركه من تعينت فيه وانت تعبان بس السوال هل مستشفى الامل هل يقبلون يعطوني تقرير طبي اني عاجز عن العمل

الله يكتب لك اللي فيه الخير
بالنسبه لسؤالك والله مادري لكن اتوقع اذا كنت تتابع عندهم اكيد بيعطونك تقرير

ان شاء الله بتفرج وربي كريم رؤوف بعباده ورحيم رغم ان اخي يعرف واسطة في مستشفى الامل ولكن رفض ان يكلمه حسبي الله وكفي

السلام عليكم ورحمة الله وبركاته


الله يشفيك ويعافيك اخووي محمد

بالنسبة للعمل القرار صعب جدا ... أرى إنك ما تقدم عليه إلا لما تنتهي الخيارات ... وهي الإجازات اللي تقدر تحصل عليها سواءا اعتيادية أو بدون راتب .. واذا مديرك يتفهم بيساعدك في العمل


أما انك تضغط على نفسك ويصير عندك غياب ومن ثم يفصلونك لأ هنا قدم تقاعدك ... وبإذن الله بتشفى بإجازتك هذي إن شاء الله وترجع تداوم وانت عال العال


أنا تم فصلي من عملي ولذلك أنبهك إنك تنتبه لا يفصلونك ... والفراغ شيء ثقيييل ولا يصلح لمثل وضعك الحالي


الله يشفيك ويعافيك عاجلا غير آجل

رأي اخوي اذا بيعطوك تقاعد يكفيك طلب الناس توكل ع الله وتقاعد راحتك اهم شي قليل مع راحه خير من كثير ما تعب .
والله مايتخلى عن احد سبحانه وتعالى

هلا فهد ان شاء الله الاحد الجاي يداوم المدير واقدم خطابي للتقاعد خلاص

السلام عليكم
اخوي محمد الموضوع قديم بس ياليت تعطيني النتيجه قاعدوك او ما قبلو الحاله

نعم تقاعد وقبلو الحالة

اخوي اسأل الله ان يشفيك
ثانيا استخير
ثالثا اتوقع اذا تقاعد وراتب التقاعد راح يكفيك توكل ع الله اهم شي الصحه وراحة البال .

اخ محمد كيف وضعك بعد التقاعد؟

نصيحة اخو قرارك ( خطاءXخطاء) لعدة اسباب منها


1- ماهو الشي الذي سصوف يقدمه لك ترك العمل


2- لاتستسلم للمرض انصحك بمراجعة علاقتك مع الله هل تؤدي مافترضه الله عليك من صلاة وصيام وذكر ونوافل اكثر من الاستغفار والتسبيح والنوافل فأن الله سبحانه لايعذب مستفغر



3- خدمتك قليلة جدا وقد يكون لديك عائلة محتاجة لشخص قوي يدافع عنها ويوفر لها الطعام والشراب ام تريد ان تعيش انت وعائلتكعلى صدقات المحسنين

ممكن خاص الله يسلمك احتاج تفاصيل
ما اقدر اراسلك لقلة المشاركات

لايوجد خاص هنا الا بينك وبين الادارة
ماذا تريد اذا كان عن الأخ محمد البدراني هو لايدخل كثير وإذا دخل يكون رده على موضوع يوميات المكتئبين اطرح سؤالك عليه هناك https://www.nafsany.cc/vb/showthread...5488&page=2537 ولما يدخل لن يبخل عليك بالجواب

انا قدمت طلب من العمل احالتي للهيئه الطبيه باني غير قادر على العمل هذا الكلام قبل عشرين يوم ومادري وش نظامهم بالضبط قال لي الموظف كل فتره شيك عن حالة الطلب بموقع الهيئه واشيك تطلع رساله تقول مافيه حالة لهذا الطلب وسبق وكتبت موضوع للبدراني قبل فتره ابستفسر منه عن التقاعد ونسبة العجز لكن مارد وشكله مايدخل المنتدى واذا انت يا ماراح تبي تفاصيل عن التقاعد الطبي رايح افيدك بمعلومه من موظف بالهيئه الطبيه يقول التقاعد تغير نظامه عن قبل يقول كان بسرعه تصدر اللجنه الطبيه قرار احالة الموظف للتقاعد لكن الان النظام الهيئه الطبيه ترفع المعامله الى الهيئه العليا بالرياض وتاخذ وقت طويل الزبده انه اذا قدمت تقاعد طبي مايصدر قرار الهيئه الا بعد تسع شهور الى سنه هذا الكلام من الموظف في الهيئه الطبيه يعني صار التقاعد الطبي فيه تعقيد وتاخير بالاخير اتمنى اني اكون افدتك واذا عندك استفسار انا حاضر

الاخ الفاضل أنا أخت ولا أتواصل مع الإخوة بحسباتي الخاصة ثم إني من المغرب والمسائل الإدارية مختلفة بين الدول يعني ما عندي شيء يفيدك في موضوعك
الأخ رعد القلوب كفى ووفى بارك الله فيه

حياك الله بالله خلنا على اطلاع اذا جد جديد معك