|
هل صحيح هذا الكلام
سمعت من الشباب بالمنتدى انه الي عنده مشاكل بالجهاز الهضمي تصير عنده مشاكل نفسيه اكتئاب وهلع
هل صحيح الكلام هذا؟ |
والله يقولون لكن الله اعلم
|
شكرا لك
ننتظر ردود الاعضاء |
العكس صحيح ... الاكتئاب ممكن يسبب اضطرابات في الجهاز الهضمي
ولا تشتت نفسك خلك في مرضك، ولا تقرأ في الأمراض والمشاكل الثانية |
احس ان مشاكل المعده تسبب نفسيه لكن مو النفسيه اللي نحس فيها
يعني مثلا لما يلتهب القولون ولا المعده ممكن تتوتر تصير عصبي توسوس تضيق لكن مو على طول نفس مايصير معنا سنوات وحنا نعاني وبدون مشاكل بالمعده وانا اتوقع المرض النفسي سبب لي مشاكل بالمعده ومو العكس |
اخوي ركز على مشكلة وحلها وبعدها انتقل للمشكلة الى بعدها اما تحل كل المشاكل بسرعة ما اتوقع تنحل
المعدة اساسا كل شي وانا لم تتعب المعدة تصير الدنيا سوداء |
اقتباس:
|
اقتباس:
بعدين تعال دور كامري ،، منبع الامراض النفسيه هو التهاب القالون اذا التهب القالون تجيك الامراض النفسيه وروح اسال افحل دكتور قول له هل التهاب القالون تسبب امراض نفسيه اصلا الي عنده قالون ولخبط بالاكل يجيه اكتئاب وهو ماعنده التهاب مابالك لو فيه التهاب !! دكتورك بعدين يحسب انك جاتك نفسيه وسببت لك التهاب طيب ليه مافكر وقال جاه التهاب وجاته نفسيه باختصار والله اغلب الي هنا ضايعين ودكاترتهم مضيعينهم |
طيب صورة الدم طبيعية مافيني شي
|
مارسلت لي الصور ؟!!
|
اقتباس:
طيب انا لي يومين وانا وراك من موضوع لموضوع ... ليش ما تجاوب بصراحة على أسئلتي وتريحنا ... حتى موضوع أم سما سألتك ولا عطيتها لا حق ولا باطل .. تقول بنزل موضوع بعد اسبوع أو اسبوعين .. طيب وش المانع انك ما تجاوب دامك لقيت العلاج وواثق منه وتشافيت وتشرح لنا .. أسئلتي بسيطة هل كانت عندك مشاكل نفسية وتشافيت منها لما عالجت المعدة ؟ وش الأعراض اللي كانت معك .. و ايش العلاج اللي استخدمت ؟ وهل الآن أنت مشافى تماما واختفى كل شيء ؟ كل الأسئلة الموجودة هذي ما تحتاج إجابتها أكثر من دقيقتين ... فما أدري ايش المانع اللي ما يخليك تجاوب ؟؟ جاوب وخل الناس تستفيد وتتشافى بإذن رب العالمين |
اقتباس:
اخوي طول بالك ،، انا بنزل موضوع وراح يكون مثبت بالمنتدى والموضوع لازم يكون منسق ومنظم وفيه ادله وابحاث وانا جالس اشتغل على الشي ذا ،، الموضوع ماراح يطول ان شاء الله .. بس اصبرو انتم |
وابديك عربون الحين
الي جاني ، نوبات هلع + اكتئاب + جميع انواع الوسواس .. وتم علاجها ،، طبعا بدون ادويه نفسيه عالجت المعده والقالون وراحت تلقائي |
اقتباس:
خذ راحتك بالموضوع المنسق وان شاء الله يقعد شهر السؤال هو كالتالي ... اش الاعراض اللي كانت عندك 1 2 3 ... السؤال الثاني : هل تشافيت تماما الآن ؟؟ السؤال الثالث والأخير : عالجت المعده ؟ وبكم يوم ؟ ونوع العلاج حبوب اعشاب او ايش ؟ كلها تحتاج اجابات مختصرة ولا تبي صناعة صاروخ ... وخذا راحتك بعدها بكتابة الموضوع |
طيب اللي ذبحني انا اختلال الانيه هل مر عليك هالشي الغريب؟
|
اي والله مر واحس اني غريب واشوف الي عندي غرباء رغم انهم اهلي
|
ام سما ترا انتي فيك كمان التهاب قالون
لو تروحين تفحصين تلاقين التهاب ودايم اذا التهبت المعده يلتهب القالون وعلاجهم واحد ،، ومنبع الامراض النفسيه التهاب القالون |
اقتباس:
ومن انا وصغيره اشتكي من بطني وسويت تحاليل يقولون فطريات ابتعدي عن الليمون والشطه والالم اللي كنت احسه يختلف عن الالم اللي احسه الحين اللي هو بسبب التهاب المعده من كم شهر لاحظت كثرة الغازات بشكل مزعج ومعها بدى الم المعده فاختلط على الامر مدري هي معده او قولون لكن لما عملت منظار قالوا التهاب بالمعده مع ان قبلها كشفت على الدكتوره كشف سريري واستغربت كثرة الغازات وقالت قولون واعطتني علاجات من ضمنها علاج طارد للغازات وللان مادري وش المشكله هي بالقولون او بالمعده وشكلي بظل مثل امي سنين عمرها راحت وهي تعبانه من بطنها وكانت ماتنام الليل من الالم ومره يقولون معده ومره قولون وبالاخير قالوا جرثومه وتعالجت وخف عنها الالم اللي لها سنين تعاني منه لكن انا ماحس تضايقني مشاكل المعده والبطن عموما كثر الاعراض النفسيه احس اني قربت اختفي او التغي من الوجود ماني حاسه بوجودي الله المستعان |
شوفي بختصر لك الي عندك وعند امك
الي فيكم التهابات ،، سببها جرثومه المعده هي الي تسبب الالتهابات ،، وسبب الجرثومه الاكل المتسسم ، حاولي تذكري ماقد تسممتي ؟ خصوصا مع امك تسممتو من اكله سوا عالجو الجرثومه وعالجو المعده والقالون وتروح الاعراض .. |
يعني اخوي كامري الادويه النفسيه مامنها فايده؟
|
طيب كيف علاجها الالتهابات ؟ يعني سببها جرثومة المعدة ولا شيء ثاني
سمعت ان فيه ناس تعالج جرثومة المعدة بالثوم .. وبعد يذكرون العسل |
اقتباس:
الي هنا 90 % مشكلتهم معده وقالون و 10 % يحتاجون ادويه نفسيه شف الي مسجلين هنا من قديم ينزلون مواضيع انهم ما استفادو ماقلت لنفسك ليه ما استفادو ؟ لان مشكلتهم مو نفسيه مشكلتهم عضويه بعدين المرض النفسي يجي من مخدرات او وراثه او شي صعب يعني مو بالسهوله يجي ,, اما من ناحيه معده وقالون صراحه يجي بسهوله تدري ليه ؟ حنا اغلب اكلنا من برا وماناكل من البيت ،، اذا اكلنا وجه متسممه هنا تدخل الجرثومه بجسمك وتجلس يمكن شهرين او ثلاث تجلس تاكل بالمعده والقالون وتستمر تاكل فيها الين ماتعالجها ،، وبعد ما تاكل فيها تسبب التهاب بالمعده والقالون ومع الزمن تسبب قرحه وزي كذا |
اقتباس:
روح افحص ياخوي وش خسران |
اقتباس:
لا تخلي شيء الا وتبحث فيه ... آآآآخر شي الأدوية النفسية ... كثير ناس هنا تستخدمها وتعاني أشد المعاناة |
والي لسانه ابيض على وردي هذا يعرف ان مشكلته التهابات
واما الي لسانه وردي خالص بدون بياض هذا فيه مشكله نفسيه روحو شوفو وتعالو قولو لي بس اول شي مضمض بالماء 4 مرات مزبوط عشان تشوف زين وشوف وش لون لسانك |
انا زمان معي اعراض لما بحث عنها لقيت انها اعراض الجرثومه لكن من كم شهر كنا مسافرين واكلت وجبة شاورما ولما صحيت الصباح بدى معي الالم اللي اول مره احس فيه وهو اللي صرت اروح المستشفى بسببه لين اخر شي قرر الدكتور منظار
لكن انا حالتي النفسيه بدت من 7سنوات والالم اللي بالمعده من كم شهر لكن من زمان اعاني من مشاكل بالجهاز الهظمي واتذكر في بداية حالتي قالوا ممكن مراره ورحت سويت اشعة تلفزيونيه على البطن كامل قالي الدكتور كل شي تمام عندك التهاب بسيط بالقولون ومايسبب هالحاله اللي تمرين فيها لكن ممكن نقص تغذيه بعد الولادة وصرف لي مكملات وماخليت تحليل ماسويته صورة دم عملتها خلال اسبوع 3مرات غير الغده ورنين مغناطيسي وتخطيط الدماغ وكل شي سليم واخر شي رحت لطبيبه النفسيه وانا كنت يأسه لكنها طمنتني وقالت يجيها حريم كثير نفس الحاله بعد الولادة وتشافوا واعطتني 3انواع من الادوية وفيتامينات والحق يقال من اول 3ايام بديت احس بتحسن وماكملت اسبوعين الا وانا نفسيتي توب رغم ان الاعراض مازالت باقيه مثل اختلال الانيه لكن خف الهلع والافكار المتزاحمه وصابني وسواس بالدين وتركت كل العبادات اللي اسويها ماعدا الصلاة وارتحت منه وبالتدريج اختفى اختلال الانيه لكن زاد عندي تبلد المشاعر يعني بالمختصر صلح شي وخرب شي لكن شي احسن من لا شي واستمريت على هالوضع 5سنوات والى كم شهر بدت نفسيتي تتعب واحس ببداية انتكاسه ومادري وش بيصير الله يستر ادري اقرق كثير لكن وش اسوي ماصدق القى احد يسمع لي قبل شوي كلمت زوجي بخصوص المعالجه طلعه وخيرته بينها وبين سلامه الجهني وماعطاني علم عاد بشوف وش قرر |
شفت لساني ابيض لكن بعد بنتي عمرها سنتين ملاحظه ان لسانها ابيض ومن كانت صغيره تجيها فطريات بالفم هل هذا يعني ان عندها مشاكل بالبطن
|
اقتباس:
كلام عقلاني بستشير دكتور |
اقتباس:
اول شي وديها طبيب عام يفحصها ويحدد ايش هذا بس يكون طبيب فاهم |
اقتباس:
|
الى الاخ كامري هذه رسالة من الأردن أكتبها بعد تجربة 15 سنة من التجربة ، حاولت الإتصال بك لكن لم أستطع طوال الاشهر الماضية
أنا في بداية عمري 20 سنة في مرحلة الإبتدائي الدراسية لاحظ أهلي وجود مشكلة تأتأة في الحديث ، ولاحظت هذا كذلك لكن لم يحدث إهتمام من جانبهم بحيث لم أتعالج في ذلك الوقت ، مع فترة المراهقة إشتدت المشكلة حتى كنت سأفقد النطق في عام 2011 بسبب الصعوبة صعوبة حقيقة في الحديث ، تتمثل بإنقطاع حاد في الحديث ، سأحاول إختصار الموضوع وهذه رسالة أشهد الله عليها وملائكته والجبال الرواسخ لاحظت بعد أن تمرغت بتراب التجربة والمرارة ، تكسرت شخصيتي وانعدمت كلياً ، لم أكن قادراً على وصف الشعور فقط الله يعلم ماعانيت لاحظت ملاحظة كانت طرف خيط عظيم للغاية ، بأن التأتأة " صعوبة النطق " تقل كثيراً عندما أصاب بالإسهال أكرمك الله وحدث هذا في صيف 2007 عندما تناولت زيت خروع لأني كنت اعاني من الامساك ، بعدها بساعات أصبت بإسهال شديد وانطلق لساني وشفيت لأيام وعادت المشكلة في تلك الايام ظن الناس انه سحر وذهب عني ، لكني عرفت الحقيقة وادركتها من خلال القراءة في الانترنت عن علاقة الجهاز الهضمي بهذه المشكلة وفعلاً وجدت ان القولون بالتحديد يلعب دور شديد في التأثير على الجهاز العصبي بطريقة ما لست قادراً على تحديدها لأني لست طبيب ولا مختص قمت بإجراء فحص للقولون قبل سنتين ، النتيجة كانت إصابتي بالتهاب قولون حاد ، حتى اليوم انا اعاني من التأتأة والقولون ، عندما يقل الم القولون تقل كثيراً التأتأة ، أنا والله شاكر ومقدر ومتفهم مشاركاتك وحرصك على افادة الاعضاء وهذا من كرمك واصلك الطيب ولا تفهمني خطأ لكن أتمنى تتريث في كتابة مسببات المشكلة لأنها غامضة لكن أنا اؤكد لك وللإخوة الاعضاء والزوار أن هنالك علاقة غامضة في بطن الإنسان بالتحديد في القولون والمعدة التي تلعب دور كبير في الامراض بمختلفها ، حاولت تلقي العلاج لسنوات ودفعت مبالغ هائلة على جلسات الطب النفسي وتحسين النطق لكن كانت الفائدة 001.0% كل ما أفادني هي السنا مكي وزيت الخروع والثوم والزبادي والعسل والزنجبيل واليانسون والفجل ، هذا ما جعلني أتغلب على اكثر من 80% من مشكلة التأتأة التي اصابتني بطريقة ما لا أعلم كيف ، اليوم انا مازلت مريض بالتأتأة وأخشى أن أنتحر في يوم من الأيام لأن المشكلة تضخمت والمجتمع ينموا والافكار تنموا والشخصيات تنموا لكن انا مازلت مكاني بسبب التأتأة ، أنا جسد شاب وسيم لكن عقلي متأخر لا أستطيع الحديث لساني معقود دائماً ما أصاب بالحبسة الكلامية الشديدة فعلت الأفاعيل لأتخلص من هذه اللعنة ، هذه المشاركة أدونها هنا وسوف أرحل كما ترحل الشمس في المغيب , لكن على الجميع أن يعلم أنني قاتلت بطريقة مُشرفة ولكن لم يكتب لي الشفاء ، تركت الجامعة والعمل وكل شيئ تركته فقط أجلس لأندب حظي اللعين ، قرأت في 2006 عندما كنت في بداية المراهقة ، على أحد المنتديات الصديقة بأن التأتأة هي لعنة فرعونية تصيب الفرد من المهد إلى اللحد ، لكن تحديد سبب المشكلة أعطاني امل ان نصل الى تحديد سبب المشكلة والعمل على علاجها ، أنا دائماً ما أرى أحلاماً في نومي بأني أطعن في معدتي ويخرج القولون من بطني وهو ينزف وله فم كفم الإنسان ولكنه مُخيط بخيوط ، كذلك أحلم ان السماء ترعد وصوت الرعد يتلعثم ويتأتئ ، أنا هنا من أجل أن أقول أن من يستطيع مساعدتي ليساعدني فتلك الروحي لباريها إشتاقت . ملاحظة : لا أعاني من اي مس أو مرض نفسي كالإكتئاب او القلق إطلاقاً ، مشكلتي أني اتحدث كما يظهر هذا الرجل بهذا الفيديو https://www.youtube.com/watch?v=jb6ibiJg4kw |
يمكن بنتك عندها التهاب ويمكن انتم اكلتو وجبه سوا وجاتكم الجرثومه وسببت لكم التهاب
شوفي مالك الا تفحصين بنتك عن الجرثومه عن طريق البراز اذا موجوده فاعرفي عندها التهاب ،، والدكاتره يا ناس لاحد يعتمد عليهم يمكن يقولك ماتسبب عشانه ماجرب بس اسال استشاري جهاز هضمي يمكن مرو عليه ناس مثلك بس قوله هل التهاب القالون يسبب اكتئاب وشوف وش يجاوبك واتحداه لو يقول لا وبعدين ام سما يوم تقولي تحسنت الدواء النفسي يهدي مايعالج فهمتي يعني وقت الاستخدام تحسين براحه بس تتركيه يرجع بك اختي اسمعي كلامي وروحي لسلامه ولا تروحين لطلعه قريب منكم سلامه وعنده ادويه اما طلعه ماعندها روحي له قولي عندي التهاب بالمعده والتهاب بالقالون ولا نفعت الادويه يمكن يعطيك اعشاب ويقولك استمري عليها واذا مانفع تعالي اكويك ويمكن يكويك على طول واسمعي كلامه عاد وحاولي تروحي له بدري وردي لي وش صار معك .. |
سيف الذهب خلنا نتواصل على الجوال افضل هنا ماينفع ،،
واتس او ببي ،، |
انا اؤمن بذلك جدا
|
واخوي اذا تبي تعرف المسبب ترا بسيطه
جرثومه المعده هي المسبب !! |
وانصحك توقف السنا المكي تراه يضر عند كثره الاستخدام
والعروف انه يستخدم بالسنه مرتين بس !! |
اخي سيف الذهب احزنتني مشكلتك كثيرا ومن خلال كتابتك واضح حجم معاناتك لكن الامل بالله كبير وصدقني راح تفرج باذن الله تواصل مع الاخ كامري لعلكم تتوصلون لحل جذري للمشكله ومادام وصلت اول الخيط معناه هانت باذن الله
لكن الصراحه احلامك تدل ان عندك مرض روحي في البطن خصوصا انك قلت شعر على القولون اتمنى تتجه لرقيه مع العلاجات الحسيه وباذن الله تشفى شفاء تام ننتظر موضوع لك تكتب تجربتك كامله وفصة شفاءك باذن الله |
اقتباس:
أشكرك اختي ام سما على المواساة وكلامتك الرائعة أنا مداوم على الصلاة منذ الطفولة وكذلك ارقي نفسي يومياً وعلاقتي مع الله ممتازة واحب سماع كلام الله واحاديث نبيه ليست هنالك اي مشكلة الاحلام التي اراها ، اراها في الايام العصيبة التي افكر فيها كثيراً بمشكلتي أرى في منامي هكذا صور وتشبيهات سيتم التواصل مع الاخ كامري في أقرب وقت بإذن الله ــــــــــــــــــــــــــــــــــــــــــــــــــ ـــــــــــــــــــــــــــــــــــــــــت بخصوص من يشكك بوجود علاقة بالجهاز الهضمي مع التأتأة بالتحديد ، سأتحدث وفق خبرتي كل الاخصائيين النفسيين واخصائيين النطق عندما اقول لهم بان التأتأة تتأثر بالنظام الغذائي والقولون العصبي يضحكون ويسخرون وبعضهم يحاول الالتفاف على الموضوع ، أنا متأكد بنسبة 100% أن هنالك علاقة حقيقية لكن لا يمكن لي تحديد سبب المشكلة وعوامل التأثير ، لست أروج لدواء أو جهاز هذا رأيي في الموضوع انا لم أستفد إلا من خلال الاعشاب وبخصوص السنا مكي انا لا استخدمها حالياً توقفت عنها منذ سنة كاملة . |
| الساعة الآن 09:21 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا