|
ودي اشقق ثيابي
السلام عليكم ورحمة الله وبركاته
اليوم كان عندي موعد في مستشفى الامل باالرياض المهم قابلت الدكتور وكنت تعبان بالحيل يعني منهار دخولني على الدكتور الله ياخذ عمره قال ما راح اكتب لك اجازة قلت طيب عدل في االجرعات او غير شي انا تعبان منهار قال علاجاتك كويسة قلت اني مقدم على تقاعد طبي قال ما فيه انت لازم تشتغل اقسم بالله منهار هذه اخرة صبري اتبهذل وانذل من الى يسوى من الى ما يسوى ايه يا دنيا قسم بالله لو ما ني خايف من الله كان قتلته |
وعليكم السلام ورحمة الله تعالى وبركاته أخي البدراني الله يكون فعونك، أرجوك هدىء من روعك ولا تعصب حتى لا تنهار نفسيتك وتتعب اكثر ماهي تعبانة الله يصلح امورك اخي
|
ليش ما ان اذليت وانهنت وش اسوي منهار قسم بالله اعيش حياة الذل والهوان الكل متكبر ان شاء الله يبتلهم الله بالمرض عشان يعرفون الحاجة والله ما عاد عندي كرامة للاسف راحت وكل شي خسرت حتى عمل الى جاهدت فيه 15 واعتليت فيه منصب بيروح مع الى راح حرام والله حرام تعبان يا رب
|
غلطان الدكتور مفروض يعطيك اجازة علي العموم اهم شي بالدنيا نفسيتك لا تحرق أعصابك لان ماراح يتأذى في النهاية الا انت والله يكون في عونك
|
وعليكم السلام
انا حاس فيك ،، اغلب الاطباء النفسيين دارسين لكن ما يعرفون جد ايش هو المرض بالضبط لانهم ما عايشو ابد حالات بالمستشفيات ولا حتى اصيبوا فيه شوفني انا رافض يعطيني اجازه ايضا من اول ما تشخصت مع اني مصاب برهاب ساح ايضا يعني مشكلتي الطلعه كيف اداوم؟!؟!؟!؟ وايضا لما اشكي له من الدواء مثلا في بداياتي واقوله انه زاد القلق عندي يقولي لا مستحيل الدواء ما يعمل كذا هذا ببساطه لان المرض النفسي لسه ما هو معترف فيه بالكامل،، شوف الدول المتقدمه اجازات بالهبل لو الشخص فقط متوتر مو مريض كامل بس توتر فرق يا رجل والله فرق ،، وبعض الاطباء مو حاسين ابدا بللي نمر فيه نهائيا والناس بعد مو عارفه تفرق بين خوف مرضي وخوف حياة عادي،، وبين اكتئاب وحالة حزن عاديه الله يعينك اخوي لكن تذكر كلنا بالحفره هذي |
اخوي العزيز اعتقد من حقك تطلب تغيير الطبيب المعالج
|
اقتباس:
|
انحرقت الاعصاب والله العظيم والله جالس ابكي مقفل الغرفة وجالس اصيح يلعن ام الذل والاهانة والله يلعن الحاجة الى تذل الرجاجيل اقول تكفى يا رحم امك يقول انت لعاب اه وش سوي بعمري الحين مقهور
|
اقتباس:
|
اقتباس:
هذي مشكلة مجتمع بشريحة كبيرة لعاب ،، وصل حتى الاطباء مثلهم الله لا يوفق من يقوم بمهنة الطبيب ولا يهتم بالمريض لا تزعل نفسك ، انا وصلت ايضا لمرحلة بوس الرجلين للعمل واخر شي جاني خبر تعليق وظيفتي من احد الزملاء الله يكون معاك اخوي وين ما كنت |
ماندو اقول لما اخوي امس رح معي المستشفى ما نا قادر اشيل نفسي من التعب يقول رح انت انا مب فاضي لك
واقول لم اخوي الثاني بزميلك شغال في نفس المستشفى يقول فضحتنا هذا مب ذل واهانة خلاص انا تدمرت بعد ما حافظ وجاهدت في العمل يروح بملح البصر احس وسط صدري نار واحس دموعي جمر |
لاعاد تذل نفسك الا لربك مذلتك لله عزه لك ومذلتك لخلقه هوان في هوان انصحك الجىء لله وحده وادعيه قول حسبي الله و نعم الوكيل .. قول لا إله إلا أنت سبحانك أني كنت من الظالمين
اهم شي لا تيأس اجعل الأمل نصب عينيك لأن الحياة م تدوم على حال وتذكر ماتشين إلا تزين بقدرة الله وما تضيق إلا على ربك فرجها .. |
اقتباس:
|
اقتباس:
وربي يشهد اننا عارفين كمية الحرقان الي بداخلك وكيف الان تحس لانك فعلا وجدت شئ نوعا ما حطمك داخليا قبل لا يحطمك خارجيا لكن كلنا عارفين انك تعبان وكلنا نشعر بهالشي ،، البلا بللي ما يحس ولا ذاقه والبلا الاكبر بللي يعالجك واسلوبه الي ما يرتقي اصلا لمعالجة حالتك شوف لك طبيب ثاني بنفس المستشفى لو فيه او شوف لك طبيب اخر باي مكان وخلي ملفك معاك ولا تعتبر هالشي انك قاعد تذل نفسك لكل من هب ودب لا، انت قاعد تطالب بشي حق لك لكن احنا بمجتمع لازم حب الذقون والتمسكن وهذا بلانا للاسف كلهم يسيؤون الظن ويتغنون بعدها ب ان بعض الظن اثم تناقض هالمجتمع ما عليك |
اقتباس:
الله يجزاك خير المشكلة ان الدكتور الى قبل هالدكتور كان ممتاز معي وحاس بالحالة لكن هذا الله المستعان وربي ما حد يحس بحد مالي الا هذا المنتدي افضفض فيه وللاسف اتعبتكم معي وشكواي الى ما تخلص الله يرفع قدرك ماندوزا وكل من رد |
اقتباس:
انت عارف كلنا هنا عشان بعض ،، ولا احد بيفهمنا غيرنا وقدرك يا رب والجميع ولا احد قصر بارك الله فيك وفيهم جميعا |
اسال الله العلي العظيم ان يجعل لك من كل همآ فرجا ومن كل ضيق مخرجا
شد حيلك وانا اختك وان شاء الله مايصير الا كل خير ولاتطلب العباد ابد خل طلبك لرب العباد هو اعلم بحالك وهو القادر على انه يطلعك من اللي انت فيه لادكتور ولا اخو ولاصديق ولا ام ولا اب ماحد يملك لنفسه نفع ولا ضر قوم الليل بركعتين وادع الله يخرجك من اللي انت فيه بأهون سبب وماعلى الله عسير . |
مستشفى الامل برياض معروف بسمعته تعمالهم السيئه مع المرضى
والشغل هناك واسطات لو عندك واسطه في دقيقه يكتبلك اجازه مالك غير الصبر ) |
يومك ( صلف )
كل شيء بغيت أقوله قالوه اللي قبلي << عاش مصرف !?!? مالك إلا تخفف من وتيرة الغضب يا بو حميد و هذا الحل لا بد منه و ثاني شيء الله يعينكم و يعينا و الله مستشفى الأمل سمعته زفت لا عندنا و لا عندكم بس عندكم أشد في الزفاته أسأل لي و لك و للجميع الفرج من عند القوي المتين |
لا حول و لا قوةإلا بالله ...
لا بأس يا محمد .. لا بأس يا أخوي .. ليه كذا يا محمد .. و الله تضايقت .. الله يربط على قلبك بس و يهون عليك .. صدقيني حاسه فيك .. و إحساس قلة الحيلة و التعب .. شيء يوجع .. و الأمر ما أحد فاهم عليك .. ما أحد حاس فيك .. تحس إنك لوحدك في هالعالم و ما أحد أصلا داري عنك .. بس تدري .. أنا كذا .. كنت أصل لمرحلة ودي أقتل نفسي أو أقتل من الغضب الي في داخلي و الألم .. و كان شخص واحد يطلعني من الي أنا فيه .. تدري مين ؟ نفسي .. ملينا من الشرح و من الكلام .. بح صوتي و ربي .. لوصلت مرحلة إنو حلي بيدي .. و نفسي عزيزة إيش ما صار .. و إذا أنا ما إهتميت فيها .., بكل صراحة ما راح أحد يهتم .. حاسة بالنار الي في صدرك .. بس أرجوك .. لا تنتظر من أحد شيء .. مو علشانهم علشانك أنت .. الإنسان عدو ما يجهل .. هم جالهين .. كيف يحسوا فينا و هم ما يعرفوا أصلا إيش معنى مريض نفسي .. كلام أخوك يوجع .. بس ما عليه سامحه .. إذا كان مو علشانه .. خله علشانك إنت .. إنت بتتعب أكثر كذا .. لا تزيد الحرقة الي في داخلك و ربي بينصرك و يسخرلك و يشفيك من دونهم .. هالحين المهم يا أخوي .. تهدأ شوي .. و تريح أعصابك بأي طريقة تريح .. إجلس مع إميمك .. و تحنن عليها .. و من هو الدكتور الي يخليك كذا !!! ما توقف الحياة عليه .. ما إنخلق إلا هو .. في غيره .. و بتتسهل بإذن الله .. خذ لك مبلغ بالي تقدر عليه و تصدق فيه لناس محتاجه .. إنوي فيها الفرج من رب العالمين .. و ربك بإذن الله بتتسهل .. إحمد ربك أن الأمور كلها .. صغيرها و كبيرها بيد رب العالمين .. و ربي هالشيء لا تذكرته أرتاح نفسيا .. الرزق منه و العافيه منه .. و الخير منه .. و لله الحمد و ربك رحيم .. لطيف .. بتتسهل أخوي محمد بتتسهل .. بإذن الكريم ..بتسهل من دون منه من أحد .. بس حابة تهدي شوي .. تريح شوي .. و برجع مره ثانية لك إن شاء الله إن قلبك هدا شوي .. إستودعتك ربي .. |
اقتباس:
|
اقتباس:
يا بنت الاجواد الكلام ما يوفي حقك والله يا كوين اني من رجعت من المستشفى جالس في الغرفة احرق دخان واسمع اغاني وابكي تقول مدمن ما عاد فيها راحة انا بس ليش يقول انت لعاب والله يا كوين اني كنت اكلم نفسي في المستشفى والعالم تتطالع فيني ابي اوقف نفسي اني ما اتكلم ما قدرت العالم بس تبحلق نظرها يوم دخلت على الدكتور وقال ما فيه اجازة ولا فيه تقاعد وانت لعاب انا كنت اهز مجالس والله يا كوين اني اقولها مب مدح لنفسي كانت لي هيبة يجي ابو كرفته يهزئ فيني وانا تقول مربوط لسان ما عاد اعرف وش اقول خلاص يا كوين انا طحت وكثرت السكاكين ما انسى لك الوقفة يا بنت الاصايل الله العالم بهمه وش كبره وضعف عقلي |
الله يهون عليك يا الغالي يا محمد
ابي اوصيك وصاه ... صلاة الضحى يا محمد واطلب من الله حاجتك قبل لا تروح أي مراجعة أو حدث مهم ... بإذن الله تشوف الفرق ما قصروا الإخوة والأخوات في ردودهم .. انا أوصيك بصلاة الضحى واطلب الله حاجتك الله يشفينا ويشفيك ويطمنا قلوبنا والمسلمين أجمعين |
ان شاء الله اخوي عبدالله وصيتك ما انساها
|
جيتك يا معين تعين لقيتك تنعان اسحب على مندوبه هالدكتور ارجع لدكتورك الاول اللي تقول طيب ويحب راسك وعلى الواتس
بس تدري يا محمد اخاف عليك توصل مرحلة الى انك تبرمج عقلك على انك ما تطلب مساعده من احد وتكبت في نفسك وأبيك تحذر من هذا كثير خليك زي ما انت حتى ولو كان شعور انك وسيع وجهه ولا فيه كرامته استمر أهم شي تقول اللي بخاطرك حتى ولو كانت الردود بالمقابل غير مرضيه وطنش ولاتهتم والله بيفرجها |
اقتباس:
لا والله من اليوم ورايح ما راح اكلم احد يكفي الحمدالله انا هادئ حاليا والله المستعان شكلي بأنظم لقائمة متعاطي حافز عما قريب |
طيب خذ تقرير طبي من الأمل وروح العقيل اذا المادية تسمح
ونصيحة لا تدخل في دوامة السكوت تراها مضره وتسبب لك تراكمات أتكلم لك عن واقع تجربه |
هلا اخوي بالنسبة للعقيل ما فيه فائدة اني اخذ تقرير من مستشفى الامل واعطيه العقيل وش بيسوى ما بيده شي الزبدة كلها في مستشفى الامل وكيف احصل على حقي في التقاعد ان مريض واطالب بحقي فقط
|
اقتباس:
أنت صبرت على أشد من هذا .. إن شاء الله نلت من الأجور العظيمة وإن شاء الله الإنفراجة قريبة حنا ما نعرف لو إننا صاحين 100% وش ممكن يصير بحياتنا ... هل بنكون شاكرين ولا تلهينا الدنيا ونمشي في الذنوب والمعاصي ودرب يودينا لأمراض أكبر ... أو شيء أكبر حتى من الذنوب والمعاصي ... ما ندري المرض هذا وش ماسكنا عنه ... كلش يهون يا صاحبي |
صادق ابوعابد بس ان القهرني وبكاني ليش حقي لازم اخذه بواسطات وحب خشوم انا انهلكت من العمل وما اقدر استمر حتى اجازتي الاستثنائية رفضوها بدون سبب
انا مركز على الرقية الشرعية وهذا الشي يمكن جعلنا انهار اكثر بس انا واثق ان الله راح ينصفني وياخذ حقي من الى ضلموني ولله الامر من قبل ومن بعد |
يا رجل إيش سويت كلنا أخوان هنا .. فلا تحاتي ..
طيب الحمد لله بما إنك هديت شوي هالحين .. أنا و إسمحي لي بطلب صغنون مرررره .. لا تأخذ تقاعد طبي ..و لا حتى تفكر فيه .. أدري إن الالشغل يسبب لك ضغوطات نفسية ..و أدري انو بمجرد انو قولة بكرا عندي دوام .. تنهم .. و أتفهم رغبة بالخلاص من كل شيء .. بس صدقني و الله راح تندم .. و راح يسوء حالك أكثر .. شوفي اخوي عبدالله إيش كتب لك .. و كيف هي تجربته .. و الله إذا تركت شغل بتعيش فعلا ذليل و الله بيجيك وقت تشحذ فلوس دخانك .. بالله متصور وضعك يكون كذا .. فوق مرضك .. عوز و حاجة و أنت شفت كيف ردة فعل أخوك .. يعني تخيل فوق النار الي فيك .. راح تجيك برااااكين مو بس نار .. رجاء يا محمد .. رجاء لا تترك وظيفتك .. لا تقاعد و لا أي حاجة .. حاسه بالي فيك .. و الله كانت تجيني أوقات أكون قاب قوسين أو أدنى من الموت .. لكن تمر العاصفة و ترجع تهدأ الأمور و يربط الله على قلبك بطريقة حتى أنت ما تدركها .. الفراغ عذااااااااب للمريض .. عذااااااااااب .. يزيد الواحد مرضه بالفراغ .. فالله يخليك للميمتك .. بطل فكرة التقاعد .. و دور لك حل وسط .. يرضي وضعك و يرضي الوظيفة .. لا تزعل الوالدة عليك أكثر .. ترا الامهات يتضايقوا و ساعات ما يبنوا .. الله يسهل عليك و يربط على قلبك .. و يسخر لك و يسهل كل أمر عسر .. و يعوض صبرك خير .. لا تنسى الله يخليك الصدقة .. تصدق على ناس محتاجة .. استودعتك ربي .. |
اقتباس:
لعلها خيره ..لعلها خيره .. |
اخوي محمد البدراني
أصابني من الحزن ما اصابك اللي يقرا كلامك وماينهز داخله مو إنسان يمكن حنا اللي بالمنتدى اكثر ناس مقدرين وضعك وحتى لو كنّا مقدرين وعارفين ومرينا بنفس اللي مريت فيه بس مهما كان ماتحرق النار الا رجل واطيها انا اللي حسيته من كلامك انك (محبط) وفي خاطرك شرهة على المجتمع والدكتور وأخوك ومالومك ! تدري ايش المشكله انك حطيت توقعات والاحداث ماجت على ماتمنيت بغض النظر عن سالفه التقاعد شوف بقولك كلمه وانا اختك .. عز نفسك عز نفسك عز نفسك الأهل فيهم الخير والبركه مافيها كلام بس هذا الكلام اقوله من تجربه النفس البشريه طبيعتها تمل والنَّاس ماتحب الضعيف الناس تحب القوي الأهل يملون ويطفشون صدق يتأثرون بالبداية لكن اذا طال الموضوع بيصير الشخص الضعيف مجرد تكملة عدد مو استنقاص بالأهالي بس مثل ماقلت هذي النفس البشريه الشي الثاني سبحان الله اذا كان للشخص وظيفه واستقلاليه ومصدر رزق المجتمع يحترمه وحنا تربينا ومجتمعنا يقول ان هذا اساس ربما اللي صار خيره ويمكن انت محتاج اجازه مو تقاعد (طبعا ما افتي انت ادرى بوضعك) لكن لو جلست بوظيفتك مجرد ارتباطك بشي يجبرك تصحى من النوم وتسبح وتبدل وتطلع الشارع وتشوف ناس وتتكلم معهم وتستخدم تفكيرك هذا جزء من العلاج والمحافظه على وضعك انا اخاف لو تركت يتدهور وضعك وتصير حابس نفسك في البيت لان مافيه اي حافز تسوي شي خصوصا ان الواضح من كلامك ان ماعندك خطه بديله مجرد تبي تفك ارتباطك وخلاص بعدين الفتره الأخيره وضعك مو مستقر ممكن اذا تغير الوضع وهديت تندم على قرارك .. ترا وانا أختك فيه أشياء بلحظتها نكوووون واثقييييين من قرارنا وكل شي حولنا يقول صح بعدين نندم .. اقولك هالكلام عن تجربه وبصدق وبالاخر القرار راجعلك وانت تتحمل مسووليه نفسك كاملة. . مافيه احد ملوم عن اي قرار تتخذه بنفسك رأيي لك استشر واستخر اولا /شوف مستشار او اخصائي تكلم معاه وشوف الموضوع من اكثرمن زاويه ثانيا / استخير استخي استخير .. بالإستخاره انت ترمي همك كاملا على الله وتفوضه في امرك .. تخيل رب العباد سبحانه هو اللي يختارلك ! ثالثا/ اعرف ان عندك مشكله بالإجازات لكن حاول باي طريقه تاخذ اجازه طويله لو بدون راتب تجس نبض نفسك الله يرزقك رؤيه الخير خيرا ويرزقك اتباعه ورؤية الشر شرا ويرزقك اجتنابه والله يسخرلك خلقه ويكفيك شرارهم بما شاء وكيف شاء دعواتي لك |
اتعبتني يامحمد وكل يوم تتعبني
حسبي الله ونعم الوكيل في اللي مايقدر ظروفك |
لاحول ولاقوة الا بالله ...
والله العظيم اني عارفه هالشعور اللي تحس فيه مرة رحت منهااااارة المستشفى وابي بس ابره تهديني وطبعا الكل معارض ...طبعا قبل لااعرف مرضي .... الله يعين يااخي شوف لك دكتور ثاني دبر نفسك ... واسمع عليك مداوم عالرقيه وسوي حجامه بنفس الوقت تطلع هيجان الدم اللي فيك |
طيب شيء ثاني حاول يامحمد تبعد عن الاغاني والله ان ماوراها الا ضيقة الصدق وتصدق كل يوم لو ريال بنيه تفريج الهم ... واستغفر طول الوقت ...
وبعدين خير ياطير كذا هون ع نفسك قول لو طلعت من وظيفتي وبدون راتب اهم شيء راحتك ... يااخي تقدر بكره لاتعالجت تدخل لك بمشروع او تجارة او عقار ماعليك ربي يدبرها وشيء ثاني ادخل نادي وحط حرتك بالنادي امشيء امشيء ... واذا كان عالظلم فما اعتقد انك انظلمت مثلي زوجي الي كنت معاه عالحلوة والمره يتركني بسبت مرضي ولا فوق هذا رامي عياله علي ولاحتى يسأل عنه الشيء الوحيد انه يرمي لهم 1000 ريال كل شهر اللي حتى ماتكفيهم ...يعني زياده الهم همين الحمدالله ع كل حال ومانقول غير حسبي الله ونعم الوكيل الله يأخذ حقنا منهم .... والله اني افتكر كيف ابكي عند رجوله مايطلقني وهو ماهمو ... كان يشوفني ملاك ويوم مرضت يشوفني حشرة واقل من حشرة اه ياقلبي ماابي اقلب جروحي حسبي الله ونعم الوكيل |
خذلني الجميع بلا استثاء حتى والدي لم يبقى لي سوى الله ...
|
اخوي محمد البدراني ،،،،
الإجازه امرها هين ان شاءالله ،، لكن بلاش تقاعد ،،، مين دكتورك اللي راجعته ؟؟؟ ومتى مراجعتك القادمه ؟؟؟ هون على نفسك ، ضاقت فلما استحكمت حلقاتها فرجت وكنت أظنهـا لا تفرج ،،، وإن شاءالله احاول اساعدك بمعارفي في مستشفى الأمل ،،،، |
لك يا محمد ما عاش ولا خلق اللي بدو يهينك ويذلك
انت كبير وقدرك عالي وقيمتك محفوظة... وشو ذنبك اذا الدكتور ما عنده ذوق ولا ضمير ولا إحساس ولا إنسانية.. خليك واثق من نفسك...ما تخلي حدا يهزك.. انت ما تحتاج حدا يعرفك بحالك انت ادرى بحالك وربك اعلم فيك والناس اللي تحبك كلها معك وحواليك ربي يكون معك ويفرجها عليك من أوسع ابوابه ما تزعل نفسك مافي شي مستاهل ward |
اقتباس:
والله يرزقك بخير منه .. ويصلح لك عيالك وتذوقين برهم ونفعتهم احتسبي الأجر يا اختي في المرض وفي تربية الأولاد ... وربك يشوف سبحانه أكرم الأكرمين بيكرمك والحمد لله انك تمشين وقايمة بنفسك وأولادك .. والزوج قولي الله يسامحه ويستر عليه من شان الأولاد ... مالك إلا الأجر |
| الساعة الآن 04:18 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا