متشاااااائمة..😢
 

السلام عليكم


كيفكم احبابي ....ان شاء الله الامور تمام،،


انا مدري وش صار معي رجع التعب رجعت للصفر ...والعلاج من اربع شهور بدون اي فائدة تذكر ....

خلااااص افكر اتركه ماعاد استفيد منه زي قبل ...

رجع الدوااااار ورجه براسي وثقل ....ياناس راسي مو طبيعي ..مايخليني امارس حياتي طبيعي ...تعبني مررررة

وكمان وسواس اني ماراح اتشافى وارح استمر كذا ...،افكار تعبتني وضييييقه ولا لي نفس شي ...


خوف هلع قلق افكار سلبيه ....مدري وش اسوي


الله يفرجها علينا جميعا


شوروا علي اترك العلاج ؟؟؟


سامحوني بس ودي افضفض تعباااانه


تحيتي لكم

فضفضي وخذي راحتك هذا المكان الصحيح

اذكري علاجك ايش هو بالضبط والجرعه الحاليه

وهل تفعلين السلوكيات او لا؟

سلامتك اختي نصيحة مني لا تتركي الدواء و لازم تستشري الطبيب و لا تقلقي انت مازلت في بداية العلاج لازم شوية صبر وسوف تتحسنين لا توسوسين لنفسك و سوف تشفين بادن الله

والله يانعمة النسيان انا مثلك صارلي ثلاث اسابيع ماخذه اجازه وجالسه بالبيت والتعب والدوار وعدم التوازن رجع لي بقوه والله مااقدر اجلس بس منسدحه تعبت بس اعزي نفسي واقول يمكن من الحمل لاني في التاسع اللحين والله يشفينا يااااارب

والله ما ادري مافيني وسواس فيني قلق ان شا الله يساعدوك الأعضاء وتر الانسان مر جذي ومرة جذي يعني السعادة في الجنة ان شا الله الدنيا هذي دار ابتلاء وبس

علاجي سيروكسات 20 ...لكن ماسوي علاج سلوكي

مو ببداية العلاج انا من سنتين اخذة لكن من اربع شهور بدون فايدة

مررررة تعب هالدوار تحسي انك مو مع الناس ...والله يهونها عليك وتولدين بالسلامه

كلمي الطبيب يرفع لك الجرعه ويجب ان تفعلي السلوكيات

السلوكيات في القلق بسيطه وهي تغيير افكار لا يوجد مواجهه ولا اي شئ امور وتغييرات بسيطه

اذكرك ان الدواء هذا لا ينفع وقت الحمل اذا كنتي متزوجه ف غيري لدواء اخر او اخري الحمل

الزيروكسات جيد لكنه متعب من ناحية الكسل والخمول لكنه فعال بشرط تفعيل السلوكيات هذا مهم جدا جدا

اخي ماندوزا ايش قصدك بالسلوكيات ...؟؟؟؟

هل اقدر اسويها بالبيت بدون طبيب

الطبيب المعالج مطلوب لكن اذا كنتي لا تستطيعين ف مافي مشكله لان القلق هي عباره عن افكار تستطيعين التعامل معها

واساسا نصف العلاج السلوكي هو الاقتناع الكامل ان هذه الافكار ما هي الا امور لن تحصل ولكن نصدقها ونشعر بقربها بسبب اعراض القلق الجسديه ف نربط هذا بهذا ونصير بدوامه

في موضوع كتبته عن روتين الحياه فيه كم نصيحه مفيده وتعتبر سلوكيات جيده ان شاء الله

والله انا مثلك ضيييقت علي هالدوخه وعدم التوازن
احس كرهت حيااتي وذبحني الوسواس نفسي اعيش طبيعيه

والله نفسي ضييقت علي هالدوخه وعدم التوازن نفسي ارجع طبيعيه وكرهت حياتي .

سبحان الله ام رموسه انتي مثلي بعد

ماتلاحظين ان البنات اكثر شي يشكون من الدوووخه

ياليت نلقى لها حل من جد حياتنا صابها شلل بسبب هالدوخه الله يقلعها

جرعه عشرين صغيره انا ما نفعتني ، لي اسبوع رافع الجرعه 40 وفي تحسن ، بكره برفعها 50 يعني حبتين ونص، انا من شور الاخوان ارفعي الجرعه.

اخي منصور ممو كثيرة 50 احسها مرررة


بس انا نفعتني 20 بالبدايه لكن الحين لا مدري وين الخلل

ومتى راح تنزل جرعتك 20

اللي كثير هي فوق 60 يعني ما تتجاوز الثلاث حبات ،
ناوي انزل الجرعه اذا حسيت بتحسن 100% 6 اشهور على حسب كلام الدكتوره

هلا اختي نعمة النسيان

ماتشوفي شر وانا اخوك وماتضيق الا تفرج


انا كنت اكثر شخص عانى من الدوخة وعدم الاتزان

عذاااب كنت منسدح بفراشي سنتين

قسم بالله كنت اوقف واطيح يمين ولا يسار

حتئ الدكاترة انهبلوا توقعوا شئ خطير بالراس

وكل شئ سليم



والحمد لله هالحين لي 8 شهور شبه اختفت ياربي لك الحمد

مرات لما ازعل او اتضايق او افكر باعراضي القديمة

ترجع بس تكون اخف بكثير من ٲول ويوم وهي رايحة

وللحين ع جرعة السيروكسات 12.5

ونصيحة لاترفعي الجرعة

لٲن القلق والهلع يكفيه ٲقل جرعة وخاصة السيروكسات

لكن مرضى الوسواس والرهاب والاكتئاب ممكن يحتاجوا جرعت عالية

لكن الهلع والقلق يزيد مع الجرعات العالية

فكري وش تغير فيك قبل 4 شهور

هل حصلت لك مشاكل هل استجد شئ جديد

والله يشفيك يارب ويعافيك

وهل جربتي خلطة الادوية اللي قلت لك حقت الدوخة

هلا بك اخوي بين يوم وليله

الي متعبني بطني يمكن له دخل بالدوووخه

والادويه شريتها بس اهمااااال مني مرات اخذها ومرات اسحب يعني مانتظمت عليها

لكن عندي سؤال لك ؛ هل جربت الحجامه قبل ..؟؟؟؟

لان قريت حالات شفيت بالحجامه من بعد الله سبحانه


وشكرا لتواجدك معي دائماً ...الله يوفقك ويرزقك يا أخوي

هلا آختي نعمة النسيان

جربت الحجامة كم مرة

وللأسف ماستفدت ولا 1 %


انا قلت لك من بعد خلطة الادوية حقت الدوخة

ياربي لك الحمد من 8 شهور اختفت الدوخة



بس حبيت استفسر منك

انا جلدي يتقشع بدون سبب من فترة

وبأماكن مختلفة

وقريت من الاعراض الجانبية للسيروكسات تقشع الجلد

هل ظهر لك هالشئ

والله يشفيك ويكتب لك بين الأجر والعافية

احس بإحباط لانه مافادتك الحجامه !!:(

مع اني ناويه اعملها ان شاء الله


بس وين عملت مواضع الحجامه هل بالراس ؟؟؟

مرة بالرآس

ومرة بالظهر والراس

ومرة 16 موضع

بالعكس الحجامة انا بعدها طحت بالفراش

لانه سحب دم كثير

تعبت اسبوع قسم بالله ما اقدر ارفع راسي



اذا بتسويها لاتزود عن 5 - 6 مواضع بس

سبق وعملت حجامه وعملت عشر كوؤس ولا حسيت بدوخه لكن ماشفت اي فايده بس الراس ماحجمته خفت مررة



لكن هالمرة ان شاء الله بحجم الراس ومواضع السنه فقط واشوف

الله ييسر لي امري وينفع بها

بالنسبه لسؤالك عن تقشع الجلد ،، بصراحه ماحسيت بشي ....لكن الي لاحظته تساقط شعري بشكل كثير وكمان احس ضعف بعظامي