حل للهلع ما رايكم به
 

بسم الله الرحمن الرحيم

ما رايكم بالكي على القلب هل تعتقدون يقضي على الاعراض الجسدية للهلع او لا ؟

اول مره اسمع بالكي على القلب لكن من اسمه يخوف اكيد خطير

ماادري اول مره اسمعه
لكن وش رايك تجرب الحجامه

بالعكس جدا جدا بسيط وامن انصحك تقرائي عنه بنفس اليوم تخرجي ولا فيها اي مشكلة

الحجامة ممتازة لكن مشكلتي فصيلة دمي نادرة -O

اخخ ي ال -O م ضيعناا غير ه الفصيلة كل م سويت تحليل قيدوني غصب اتبرع 💔

رأيي الشخصي انه يكفيكم كوي

الواحد لا جا تزوج جسمه مخرق من كل مكان ليش كل هذا والعلاجات موجوده الحمد لله

أخوي ماندوزا الكي يقصد به الاخ الكريم عملية طبية عن طريق أشعة تسلط على القلب بدون عملية جراحية وهذا تستخدم لتوسيع الشرايين

ليش اوسع الشرايين والقلب اصلا سليم مافيه شي

ماني عارف الهدف منها

هههههه والله ياخي تذكرت ايام مرت علي يوم كنت ادور على المستشفيات خصوصن دكاترت القلب حتى لقيت دكتورة بنت حلال صلحت لي الايكو وقالت لي قلبك زي الفل الي فيك ضغط نفسي وقالت لي بالحرف الواحد اقفل باب ان فيك شي في قلبك وانصحتني بممارسة الرياضة وحتى دواء للخفقان صرفة لي طبيب باطنية رميتة بالزبالة ياجماعة الخير لازم نعالج القلق والخوف وبعدين نروح نشوف أمراضنا العضوية

كل شي ممكن الشخص يسويه الا العلاج الصحيح

قلب، وضغط، وانف واذن وحنجره وكل شي

طيب والقلق؟؟ لا مستحيل ان القلق يسوي فيني كذا

ويبقى الشخص يعاني سنوات الله يستر علينا جميعا

ع العموم نخلي الموضوع مثل ما هو مانبي ندخل بامور خارج عن الموضوع

صديقي .. انا أضم رأيي لرأي الأخين ماندوز و ألم مستمر ...صدقني الهلق لايحتاج عناية جسدية وعضوية أكثر من العلاج الفكري وعدم الخوف من الموت (لان الموت المفروض أصعب شيء) والتوكل على الله تماما .. هذا هو الحل

بالنسبه للخوف والكي،، احنا عندنا ناس من اهلنا يعرفون هالشي من قديم، اذا حد صار له شي وتروع يكوونه في مكان في قمة راسه ثلاث مرات ورا بعض، يعني نجيب قماش قطن خالص ويحرقون القماش شوي ثم يحطونه على مكان في الراس ثلاث مرات يحس فيها الشخص بألم وسبحان الله بفضل الله يروح عنه الخوف ، خاصه لو على طول بداية الحاله، مش بعد مدة طويله، وفي شي بعد يشربونه ماء لقاح بعد يقولون ينفع للهلع، ومشروب الينسون مع زعفران شوي وماء الورد هذي اشيا تهدي

والشفاء من الله

والكي يفيد خاصه اذا شخص اول مره استخدمه

انا قبل سنوات صار عندي خوف وهلع بعد ما نزل عندي السكر مره وصار سواد بعيني وما كنت عارفه السبب خفت اني لا سمح الله بفقد بصري
وصار عندي خوف وما صرت اطلع ولا اسوق السياره واخاف من الظلام وبعدها صار عندي ارق لما عرفوا اهلي بحالتي ودوني عند وحدة تكويني والحمدلله بفضل الله طلعت من عندها وانا حاسه بتحسن بفضل ربي ما شاء الله ولما عرفت السبب هدت نفسي لكن الى الان ما اطلع الا ومعاي سكر او سويت بالشنطه

متى جاك الهلع وهل استخدنت عدوية ام لا وهل زال منك الهلع ام لا

اللي جاني بسبب نزول السكر كان قبل 7 او 8 سنين
كان عمري 20 سنه وما كنت اعرف شي عن الهلع بس كانت الاعراض فيني وما اعرف ايش هذا اللي فيني
ما اخذت ادويه لكن بما اني كنت ادرس وفي المرحلة الجامعيه يمكن الدراسه ساعدتني اني انسى شوي الحاله
والله اثار الخوف بقى فيني لين تقريبا قبل سنه
خاصه وانا اسوق او اذا رحت مكان عام
الحاله الاخيره اللي جاتني من كم شهر نستني الموضوع هذا
لكن نفس الاعراض من خوف هلع وساوس والخ

باختصار
الكي في ذيك الفتره ساعدني ما شاء الله
لان على طول تعالجت بالكي