حالتي جديده او طبيعيه طمنوني
 

السلام عليكم يااحبه
انا جديده بهالمنتدى وقريت كم موضوع بعض الاعراض فيني بس احس حالتي جدا غريبه
انا تجيني الحاله على اخطاء الماضي من شده التفكير احس بفقد السيطره على نفسي او بيطير عقلي
وتعبت من الشك هذا صار لي من كذا وهذا من كذا واربط الامور ببعضهااا
احس الناس كلهم بيضروني مرا تعبت ولاااتذكر من حياتي الا الاشياء السيئه
فجأه اهدا واتطمن وتهون الامور واجلس اشوف مسلسل وتجي الحاله تعرق وضربات القلب تزيد واحس بنهبل من شده التفكير
وطول اليوم شاده على نفسي والتفكير ذبحني ضاعت حياتي كل ايامي تفكير من اصحى لحد ماانام
تكفون في احد نفسي والا انا مرضي غريب

اي نعم هذي كلنا مرت علينا وهذي اعراض نوبات الهلع أطمني أختي كلنا مثللك مهما اشتدت الاعراض لان تفقدي عقللك ولا تموتي الا اذا جاء الاجل لكل اجل كتاب مهما حسيتي بالم ترى كله وهم مافية شي

انا كنت مثلك هههههه يا دي الكسوف!! كنت احس اني محور اهتمام الناس بالاخير اكتشفت ان ما احد جاب خبري!! ندمانه اني ضيعت لحظات جميلة بالتفكير بهالتفاهات! ادعسي الماضي المستمرthe past progressive واستمتعي بيومك تراك بتندمين ون دي،، دعواتي

مشكور على المرور ريحتني كثير ربي يشفيك ويشفيني وجميع المرضى

اختي شلون تخلصتي منها هل فيه ادويه تخفففها تعبت احاول انشغل قد مااقدر ملازمتني الافكار 😢

تخلصت منها لمن دخلت مصحة نفسية،، كنت اتوقع الجميع بيعيط،، اكتشفت اني انا لحالي اعاني بصمت والباقين مشغولين بحياتهم الي مسافر والي يتابع مسلسل والي بجواله يطقطق ويضحك! كنت في حالة يرثى لها استجدي كلمة حلوة لو من العاملة التي كانت منهمكة باعداد ما لذ وطاب!!! كنت اتسائل حتى وانا خارج التغطية وماعندي ولا برج شغال في مخي! هذا وقت اكل!؟ هذولا اهلي؟! وين الي نشوفه في الافلام!؟ البنت تعبانه اوي؟! صحيح يالهوي! انزل ناد الدكتور بسرعه، يا حبيبتي يا بنتي واحضان ودموع!!! قمت قلت يا بنت يا نرجسية بطلي تشحتي الحب لو من اهلك ومن يومها حبيت نفسي حبا عنيفا اغناني عن حب كل من لا يسمن ولا يغني

اللي يدخل يفيدنا بليزز او يعطينا الحل
ربي يفرج عليكم

للرفع
معقوله محد مرت عليه الحاله غير شخصين 🙄

الا مرت علي هالحاله
تحسين الناس كلهم ضدك
ويبون يأذونك ويصكونك عين
لدرجة قطعت علاقاتي بالناس
بس ماينفع كذا
لأن هالشي مو صحيح
وهذا يعتبر نوع من جلد الذات

مايعتبر هلع 🙄!!!!
وش الحل طيب تعبت منه ضاعت حياتي بالتفكير والشك؟

راجعي طبيب نفسي وهذي فيا قبل اقري عن الاكتئاب وتصفحي كثير تعرفين كل شي

وش علاجها اخوي هل بعيش حياتي واحب الحياه نفس قبل او صعبه ؟

من ايش جاتك الحالة صار لك موقف مع احد عشان كذا تفكرين وتفكرين بايش بالضبط كيف يضرونك الناس

اختي هل عندك غازات او غثيان بعد الاكل ؟

هل تشتكين من الام المعده والقولون ؟

صادوووه هههههههههه


ياخوي انت ابلشتنا من شهرين تقول عندك علاج للمعدة والقولون والغازات والهلع ... مره علاج بثلاث ايام ومره باسبوع ... وكل ما أحد سألك تصرف الموضوع وتطول السالفة ... وتقول اسبوع اسبوعين واكتب تجربتي كاملة وطريقة العلاج .... أجل الموضوع يحتاج تنسيق وتزبيط هاه ؟؟؟ هههههههههه


يا رجل شهرين من موضوع لموضوع وراك وراك ... وصدقني وراك وراك نشوف عندك سالفة ولا مجرد شخص يحاول يسوي نفسه مهم


ترى الناس ماهم فاضين لك تضيع وقتهم وتعطيهم أمل بس من شان تونس نفسك وتسوي شخص مهم .... أم سما كتبت لك موضوع وقعدت تلف وتدور ثم هربت


الحين راح أرفع موضوع أم سما لك وللأعضاء

ايوا اخوي جاتني هالحاله بعد فيلم ل شخص مريض شفته منتشر بتويتر قبل 9 شهور تقريبا وجتني بنفس اللحظه الخوف والجنون وراحت ورجعت بعد شهررر عند التفكير بموضوع معين او خبر حادث ..

انا جتني قبل حاله لوم النفس والندم الشديد على الماضي
اتوقع انه من اعراض الاكتئاب لدرجة اني احس ماسويت شي كويس بحياتي

اما الناس لايملكون لانفسهم نفعا ولا ضرا

اخوي هل عالجتها وتخلصت منها ؟

علاجتها بالقران وقيام الليل
وصلاة الضحى
والمحافظه على اذكار الصباح والمساء
اما الادويه النفسيه ماستخدمتها

عادية حبيبي جدا وتسمى نوبات الهلع والاضطربات النفسيه كانت معي ورحت لدكتور نفساني واعطاني دواء وفي 20 يوم صرت في حاله ممتازه واكثر من الاول 200%

االله يسعدكككك سعاده مابعدها حزن 😢
احب الكلام الايجابي والتفاؤل
ماشاء الله تبارك الله ربي يديم عليك العافيه
ابي اسم الدكتور تكفين بروح له مافيني انتظر تعبت ؟💜

انا اخوي محافظه نفسك بس مافيه تغيير
يمكن لان عندنا ظروف وضغط هالفتره مااحس بالتغيير
الله يديم عليك العافيه 🙏🏻

لا اله الا انت سبحانك اني كنت من الظالمين 🕊

سعود
 

تكفين 😐😐😐 ولد انا الله يهديك ما علينا

روح لرياض لعيادة الدكتور عبدالله السبيعي اسم عيادة ادراك او ادخل تويتر وكتب البروفسور عبدالله السبيعي ادخل على حسابه وتحصل رقم هواتف عيادته اتصل فيهم وحدد موعد اذا كنت في الرياض واذا كنت خارج الرياض تقدر تكلم الدكتور وانت متكي في البيت تحول 300 ريال على حسابهم ويحددو لك موعد ويتصلو عليك ويقولو تفضل الدكتور عبدالله معك على الخط اشرح حالتك بتفصيل وراح يصرف لك الدواء ويعلمك بطريقة

وسلامتك ادع لي بشفاء

سعود
 

ياناس فيه فرق بين عياده نفسي ومستشفى مجانين ومستشفى الامل.........والخ
العيادة النفسيه زيه وي اي عياده اخرى مثل عيادة القلب و عيادة الباطنيه وعيادة المسالك ...والخ
زي مثلا جاني الام في قلبي بروح لعيادة القلب وماني رايح لشيخ يقراء علي طبعا مو كل شي يصير فينا رح لشيخ يقراء عليك الرقية للعين او الحسد او سحر اما الحلات الوسواس ونوبات الهلع والاضطربات النفسيه روح لعيادة نفساني خايف من الناس لا تقول لحد استخدم الدواء وبطله ولا حد عرف انك ذهبت لطب النفسه اي واحد يصير في نفس عالاعراض على تشاور احد صل ركعتين وستاخير وتوكل على الله انا ان سمعت لناس كل شي مسوين فاهمين فيه وشكر لكم .....

اسفه اخوي خطأ ولاقدرت اعدله
الله يسعدك ويحقق ماتتمنى ويتمم عليك الشفاء🌹

هذا الرد يمثلني بشدة

شوفي يابنت الحلال معاك شخص عانى من نوبات الهلع لين ما عض الارض 😦
وكل الاعراض اللي تقولينها مرت علي
سرعة ضربات القلب
الم في الجهه اليسرى من الجسم
غثيان
غصه بالحلق
نفضه بالجسم
تعرق ليلي
كل حااااااجه واحب اقول لك اني الحين وبعد سنتين من الاعراض اليوميه بخير وصحة وسلامه و الله لا يغير علينا
اهم شي لا تحطين في بالك انك بتنجنين بعيد الشر عنك....بتقولين لي ليش؟
بقةل لك لأن العلم اثبت الان الامراض العصبيه تختلف اختلاف تام عن الامراض العقليه اللي هي الفصام وغيره وان نوبة الهلع مهما زادت ماراح تعمل شي واتحدى اي شخص يثبت غير كذا
وسلامتك

ماشاء الله تبارك الله
الله يتمم عليك الشفاء ، كلامك ريحني
ربي يسعدك يااخوي 🌹

السلام عليكم ورحمة الله وبركاته


قرأت موضوعك كامل والردود ... لابد تعرفين ان النوع هذا من الوسواس ونوبات الهلع هي شيء عرضي بسبب ضغوط الحياة والتوتر والقلق ... يختفي بإذن الله بإختفاء مسبباته بشكل تدريجي وبدون ما تدرين عن نفسك


اللي بايدك تسوينه هو بتغيير المسببات وتجاوز الضغوط اللي تعانين منها ... إذا الضغوط المعيشية اللي مسببه لك التوتر والقلق فوق طاقتك ولا تملكين تغيرينها بسهولة حاولي تخففين منها


أولا انتي ان شاء الله محافظة على الصلوات في وقتها والاذكار ... ثانيا أشغلي نفسك قدر المستطاع بأشياء ذهنية وبدنية ... اعملي جدول صارم يومي وراح اعطيك أمثلة


أهم شيء هو انك تبتعدين عن المنبهات مثل القهوة والشاي ... وضروري تستبدلينها بأشياء تخفف من التوتر مثل النعناع والبابونج والينسون ... الخ .... ونظام النوم يكون ممتاز بالنوم بدري

انسي أحلام اليقظة والجلوس في فراغ والاسترسال بالتفكير ... التزمي بجدول فيه قراءة كتاب مسلي وقصص بالتاريخ ... والمشي مرتين باليوم والجلوس بالشمس كل هالاشياء تخفف من التوتر وحالة الاتنشن اللي شغاله معك على طول

ابتعدي لفترة عن المنتدى .. ابتعدي عن البحث في الانترنت والمواقع اللي فيها اخبار سيئة ... تابعي القنوات الوثائقية عن الحيوانات والنباتات والحشرات .. تابعي أشياء مافيها أمراض ومشاكل مثل قنوات الاخبار والافلام


التزمي بأكل صحي وعشاء خفيف وقبل النوم بفترة طويلة ... كل هالاشياء بإذن الله راح تخفف من الوسواس ونوبات الهلع ... وبشكل تدريجي ما راح تلاحظينه على طول ... بعد فترة راح تستوعبين انك تحسنتي ... وحتى لو تحسنتي التزمي بنظامك الجديد وان شاء الله تجين تبشرينا بالتحسن والشفاء بإذن الله


أهم شيء خليك صارمة بخصوص نظام يومك واكلك وشربك

كنت حاسه انها وساوس .. يارب ارحمنا برحمتك
بطبق كلامك عبدالله عسى يفيدني
الله يسعدك ويشرح صدرك ماقصرت🌹

بإذن الله أنتي التزمي باللي قلت لك والله هو الشافي ... كل اللي قلت لك مهم


قبل فترة كنت في حال ما يعلم به غير الله ... ولكن الحمد لله اختفت نوبات الهلع نهائيا ... والوسواس 99% منه اختفى .. ولو انا صارم أكثر مع نفسي وظروفي أفضل كان النتائج أفضل بقدرة الله


ابتعدي عن أي شيء يحزنك أو يذكرك بالمرض قدر الاستطاعة .. وأول شيء هو المنتدى ... صعب تقاومينه أنا عارف بس خليك صارمه مع نفسك ... وتعالي بعد اسبوعين وطمنينا عن وضعك

انا متابع لك ... هذا ثاني يوم تدخلين المنتدى : )


جربي مواقع ثانية مافيها أعراض وشكاوي لين ما تتبرمجين على النظام الجديد ... والهدف هو التقليل من التوتر والإنشغال عن الوسواس والامراض


انشغلي وركزي على الأشياء الفرائحية والذهنية والبدنية .. أول الفترة تكونين مشغلة نفسك لكن الوسواس ملاصق لك .. بيخف بشويش مع الوقت بدون ما تحسين

هههههههههههههه
بعض الكلام يريحني لان مع الوسواس احس انا الوحيده بالعالم اللي فييني هالشيء
يعني تعرف لما تضيق فيني وادخل اشوف منتدى المتشافين ارتاح
يلاا ببدأ ابتعد بجرب طريقتك اسبوع واقولك وش صار
من امس بديت فيهاا وحاولت اشغل نفسي مااقولك مااستفدت بالعكس ع الاقل احلى حاجه صارت ربع ساعه مافكرت بشيء سيء ولاتشاؤم
بس حصل عندنا مشكله بالليل ذبحتني بالقلق والحمدلله على كل حال
🌹🌹

انا كنت متوقع انك تدخلين .. لأنه صعب الفكّه من المنتدى هههههه

خليك متأكدة ان اللي معك وسواس وإبليس شاد حيله .. الأعراض اللي تمر عليك مرت على كثيرين من تنميل ومن نغزات والام عظام وظهر ودوخة وكلها بسبب التوتر والضغوط واحيانا غازات البطن وانا كنت احلل الضغط والنبض كثير واحلل سكر وفيتامينات وأدقق على وظائف الكلى وعيوني واتحسس جسمي وراسي واكتشفت اشياء بجسمي أول مره اشوفها من حبة خال ومن أثر جرح وفلقات قديمة بالراس الخخخ : )


شاي قهوة غازيات خصوصا الكولا تزيد حالة الانتباه ... عليك بالفواكة خصوصا الموز والبرتقال والتفاح وكثري مياه


فيه كتب حلوه كلها قصص طريفة من التاريخ ... واذا قرأتي علمي الوالدة القصص او خواتك .. حاولي تحفظين من القرآن ... الخيارات كثيرة عندك .. بس ابتعدي قدر الامكان عن الاشياء اللي تذكرك بالاعراض والأمراض مثل المنتدى .. لابد تقاومين وتشغلين نفسك وراح تشوفين الفرق


مو لازم فنرة اسبوع المسألة انتي وتجاوبك وظروفك أهم شيء لاتعدّين الايام وتبقين في حالة إنتباه ويقظة للوسواس ههههههه


الله يوفقك ويشافيك ويطمن قلبك

هذا قلق عادي وهذا بسبب زيادة التفكير ومافي شي يستاهل التفكير بالماضي شي صار وانتهى والمتضرر انتي وعلى حساب صحتك ولا في شي راح يتعدل مهماً كان وايش ما صار الدنيا ماشيه ولا احد ضرب لك ولصحاك هم والواحد منا في عمره 60-70 راح منها 30 بقى 30 سنه وليش تضيع بهموم ونكد اقترح عليك تجددي علاقات مع ناس ثقات ولا تسولفي لاحد عن مشكلتك بس ابدي من جديد وانتي حاولي كل ماتدكرتي شي تقول خلاص ماضي والله يفرج همك.


هكونا متاتا لاتاخذين ادويه لان حالتك ماهي نتكرره واذا تحسي انك ماتسيطري ع نفسك روحي خذي الدواء من طبيب نفسي افضل لك السيبرالكس والسيروكسات افضل علاجين لهذي المشكله فتره 9 شهور الى سنه والله بترتاحي بشرط مانتي قادره تسيطري يعني مو تجيبي الغم لحالك. وخليك من الي يقول لا تاخذي الدواء لانه من قرارة نفسه ضعيف والمرض هذا تحدي ياتفوزي يا يفوز هو مافي حل وسط

جزاك الله خيرر .. ربي يسعدك دنيا واخره مراا ريحني كلامك
مالي الا الدواء لاني مااقدر اسيطر ع نفسي يضيع يومي بالتفكيرر
مشكور اخوي والله ماقصرت 🌹

صباحك خير صديقتي والله نفس الأعراض عندي والإحساس عدم القدرة على التركيز والإحساس بفقدان السيطرة والانهيار قريب انا بشوف انو لاذم العلاج عن طريق طبيب ونشالله ح ترتاحي انتي دائماً ركزي على أنها نوبة ومارح يصير شي

ربي يسعدك سعاده مابعدهاا حزن
ويشفيك ويعافيك فعلاً التفكير على انها نوبه يخفف منها شوي
مشكور اخوي الله يشرح صدرك 🌹

اروى الي فيك وسواس وعلاجه سهل جداً جداً وامره بسييييييييط لا تضخمين الامور