رجاء تشخيص حالتي
 

السلام عليكم
انا حطيت حالتي هنا وانا مدري هي نوبات هلع ولا لا

قبل ما ابدا بقصتي اشرحلكم ظرفي
انا خريج جامعي واهلي في جدة وعملي في ينبع
عزابي طبعا وكنت ساكن لحالي والحين مع روم ميت
قصتي بدت قبل ثمنية شهور تقريبا حيث بدات احس بالم في
الصدر فراجعت الصدرية وقلي ما فيك شي
وخولني على دكتور قلب وفحص وقلي مافيك شي
بعد اسبوع تقريبا صحيت وكان قلبي يدق بقوة واحسه في السرير
راجعت الطبيب وقلي ما عندك شي الا الضغططط
رجعت لمستشفى اكبر وعملت كامل الفحوصات وقالولي ما عندك الا الضغططط واخدت دواء له
طبعا من ذا الوقت بديت افكر في الضغط واعراضه
ويوم وانا في طريق جدة ينبع حسيت بنبضات قوية واحسست اني ضغطي يرتفع سريع رجعت لجدة وكنت واصل 90 كيلو تقريبا
ومن بعدها صرت اخاف اسوق لحالي وحولت سكني مع واحد من اصحابي
والحين معد اقدر اسوق مسافات طويلة واذا راح خويي عني احس بخوف شديد وامسك جهاز الضغط جنب راسي واقيس يمكن كل ربع ساعه
رحت لطبيب نفسي وعطاني سبرالكس 20مج
امدت اول حبة سهرتني لاربعه ايام متواصلة ( حسبي الله عليه)
تركته وقلت بحاول في العلاج السلوكي
وكل ما اغير الروتين واسوي تمارين اظس اني اخف ترجعلي الحالة
ارجو من مر بنفس حالتي يشاركني
طبعا انا ابغى علاج ان امكن من غير ادوية
اسال الله العظيم ان يشفيني وكل مريض

انت اصبت بالوسواس من الامراض

والاسواس من اعراضه خلع وخوف وقلق

اول شي شوف الظغط كيف تسيطر عليه وتتعامل معاه والحالات الي يرتفع فيها

لانك كل ساعه حاتوسوس وتقيس

لازم تسيطر على نفسك وتغير العاده دي

والاسواس كل ماتخلص من شي يخوفك وتطمن يطلع لك شي جديد



فانصحك تبدا بالعلاج السلوكي

مو قبل ما اعرف انه عندي ضغط كانت الامور تمام
الحين صرت اخاف من اشياء كثيرة كنت اسويها
مثل السفر بالسيارة والغوص
والمشكلة الضغط كل ما تفكر فيه كل ما يرتفع

يوم حسيت نبضاتك قويه مع الطريق ، هل كنت تدخن وقتها او تشرب قهوه ؟

لا الحمدلله لا ادخن ولا شي
نبضي زاد مع القلق وقتها
لكن مع اول مرة بدت الحالة ما كان فيه اي شي مقلقني
بس كان نبضي يهز السرير وصرت انام عالفرش عشان ما احس فيه وقتها ولا كان هامني
احس الحين قلبي صاير خرقة ماعده زي زمان
صرت اخاف واحسب حساب اي شي

وصفلي الدكتور علاج ثاني غير السبرالكس اسمه لوسترال 50
بس نفس حالة السبرالكس مسهرني وكل ما اجي ابا ادخل في النومة يجيني زي التشنج واصحى
مع العلم ما تجيني ابد بدون الدواء

اخوي سيبرالكس ماهو من اعراضه السهر !! هذي من اعراض القلق ،

سهرني اربعه ايام متواصلة
قبل ما اخدو ما عمري عديت يومين

الله يشفيك ويكتب لك الاجر
رقيت نفسك؟؟

انا الحمدلله اقرا سورة البقرة واشغلها وقت النوم
اذا في رقية غيرها علمونا لا هنتم

اتمنى القى طريقة بالرقية والاذكار
الادوية مفعولها مؤقت حسب ما قريت

سورة البقره خير وكل القرآن خير باذن الله لكن ارقي نفسك بسورة الفاتحه قبل النوم انفث في يدك واقراء فيها الفاتحه وامسح جسمك وراسك وكررها 7مرات وان شاء الله انها شفاء من جميع الامراض

بعد اذا خلصت من صلاتك لاتقوم من سجادتك الا وانت قاري اية الكرسي والفاتحه والفلق والاخلاص كل سورة 7مرات او اقل حسب وقتك وانفث في يدك وامسح راسك وصدرك وماتطول من جسمك
اسال الله العلي العظيم ان يشفيك

الله يجزاك خير ام سما على ردك
والله انو وضعي ما يعلمبه الا الله
وساحب عالدوام لي كم يوم ما اقدر اداوم
بحكم بعد الدوام عن أهلي
الله لا يبتلي مسلم

يا حسافتك ع المرض يا باش موهندس،،، لا تفكر كثير مافيك الا العافيه كل الناس فيها ضغط مقدور عليه دونت وري ات اول اتز نوت سيريس، ما ترى باس الاخيرة عربي 😀😉

النبض يزيد من القلق لاتخاف اخوي وحتى لوكان فيك ضغط مرتفع ترااا كثيييييير ناس فيهم وعايشين طبيعي جدااا .... تعوذ من الشيطان مافيك غير الوسواس

مهندس حمودي سلامتك وفالك العافيه
انا قريب منك كيف اقدر اوصلك واقابلك
انا اعاني منذ سنوااااات يعني خبره
بالوسوسه وانشاء الله اقدر اساعدك
لما تقابل شخص مثلك ترتاح
روح مهرجان الزهور هالايام وانبسط

لازم تضغط على نفسك وتداوم ولاتعطي الشيطان فرصه يضعفك وهذا اللي يبغاه يبغاك تترك عملك وتعتزل الناس عشان ينفرد فيك وهذي بدايتها يبدى بوسواس بسيط بعدين يبدى ينتقل من موضوع لموضوع
لكن انت اقطع عليه الطريق من الاول داوم عادي مهما كان اللي تحس فيه التزم بالصلاة والاذكار وسووا الاشياء اللي قلت لك عليها وروح نادي او امشي نص ساعه باليوم اهم شي لاتحبس نفسك وتستسلم وان شاء الله انها ازمه وتعدي

مو مشكلتي مو في دوامي مشكلتي في سكني في يبنع
سكني هناك وحدااني واهلي في جدة
لكن باذن الله مستمر عالاذكار ومتوكلين على الله
ومحسن الظن به فهو الشافي المعافي

اشكر مرورك اخي كلاسيكي
باذن الله بيننا تواصل

وانا اخوك انا مثل وضعك بس ضغطي طبيعي وانت مشكلتك مو في الضغط كثير ناس عندها وعايشه طبيعي انت بدأت معك نوبات الهلع فحاول
تتغلب عليها لانها راح تتطور اذا اهملتها حاول تطنشها انا اكتب اللحين
وانا مهلوع ومكتوم بس علی الله عشر سنوات وانا علی هالحال

طيب خوذ معك اي شخص متفرغ معك لينبع يجلس معك هالفتره وانت حاول تشتغل على نفسك وتبحث عن العلاج لين ترتاح ويصير هالشخص يجيك احيانا ويروح لين تتعدل نفسيتك وتشفى باذن الله
ولو يكون هالشخص الوالده بيكون وضعك طيب

فكرتك في مكانها وهي الي ببالي بما ان الاسبوع الجاي اجازة
قرروا اهلي يجوني على ينبع
باذن الله الاوضاع تتزبط
اللهم اني اسألك الشفاء العاجل

اللهم امين
وانت حاول توسع صدرك وتنبسط معهم وان شاء الله مايرجعون لجده الا وانت امورك تمام

اخي انا كنت اعالج من نوبات الهلع التالية : الدوخة, فقدان التوازن عند المشئ والوقوف, المعدة, القلق, فوبيا الاماكن المزدحمة, خفة الرأس...ألخ. اي كل نوبات الهلع تقريبا.
تناولت دواء ليزونكسيا والفيتاماج لمدة 3 اشهر والحمد لله زالت الاعراض تماما ولكن مع توقفي المفاجئ عن تناول الدواء لانني اعالج الزكام ولا اريد ان اخلط بين الادوية رجعت لي اعراض جديدة ومزعجة جدا وهي : اولا خفة الرأس والثانية وهي الجديدة اصبحت لا احس بالاكل في فمي وصعوبة المضغ لقد ازعجتني هذه الاعراض الجديدة كثيرا والله مشكلة.
مالحل رجاءا

غلط اللي سويته الادويه النفسيه ماتتوقف فجاءه كان لما اخذت ادوية الزكام بلغت الطبيب او الصيدلي انك تاخذ ادوية نفسيه وهو يعرف اذا فيه تعارض بين الادوية اولا

عشان كدا ما ابغى اعتمد عالادوية
أعراض جانبية وأعراض انسحابية
وربطة كمان ما تقدر تفكها
الله يشفيك أخي احمد ويشفي كل مريض
عليك بالدعاء والمعوذات
بديت الاحظ اثرها والحمدلله