نرجسيه .. اين انتي ؟؟
 

السلام عليكم
اختي نرجيسيه قرأت في مشاركه سابقه لكي بأنك بفضل تحسنتي وتشافيتي من المرض .. الله يتمم لك على خير يااارب
هل من الممكن تخبريني قصه شفائك ؟؟ وهل استغنيتي عن جميع الادويه ؟؟
فأنا ارى ان مثل هذي القصص تعطينا الكثير من التفاؤل والامل
الله يعطيك العاافيه يااارب

يا نن عين نرجسية،،، سمي امري بس،ايه يا نظر عيني تشافيت الحمد لله فديتج،،شلون عاد والله ما ادري يمكن ميريكل معجزة على قولة الدكتور يوم تفشل،، اجل اقوله العلاج طيح شعري يقول لو تصيرين صلعا تاخذينه،،، شوفي يا قلبي انا مرضي من ضغوط رهيبه هي مو رهيبه انا الي رهيبه كنت مره حساسه واحب رد الجمايل والعلوم الغانمه للاسف نكران الجميل والدهشة كانت اكبر من ان عقلي يستوعب،،، الاستنزاف العاطفي والمادي ارهقني بعدها مرضت ودخلت مصحة ما تخيلت ان اقرب الناس ممكن ياذونك ويستغلون طيبتك،، انهرت عصبيا،،، الدكاتره شخصوني اشي قال انفصام يعني جنون الله يخلف عليكم عسى عندكم غيرها،،، والي قال ثنائي القطب،، قطب الله اذانهم،،، انا كنت بعالم اخر شوي اقرا قران شوي اغني لابو نوره شوي فرنسي جوتا جوتيمو،، على اي حال نمت قمت طبيعية بعد اسبوعين فصله،، اشوف نفسي في المرايه،،، يالهوي مين دي؟ الطريف اني كنت اضرب اي احد يقول خوذي ادوية فكنت انضرب واتربط علشان الابر بالحسره ارضى،،، لاحظي وانا مو بوعيي عقلي الباطن رافض العلاج،،، طلعت قررت اوقف على رجولي من جديد احم احم صار خير ههههه غيرت شخصيتي العبيطه الطيبه عفوا بس للحين احن لها وقررت اركب الامواج،،، اما يهزمني المرض او اهزمه،،، بعد هذا الي ناقص اخذ ادوية نفسية علشان ناس ما تسوي صرماية قديمه تحديت نفسي تو بي اور نوت تو بي،،، جلست اربع سنوات اعاني ما بين مطرقة الاكتئاب وسندان الارق،،، انام ساعتين بس،، كنت اروح الطوارئ في الويكند اخذ فاليوم علشان انام واحس اني بويكند،،، كنت اتحسر على النوم الي يساوي كنوز الارض وما انتبهت لها النعمه،،، وجالسة افكر بهذي ليه قالت لي كذا وهذا عطيته عانيه وجحدني لحد ما انهرت عندها بس ادركت ان النوم نعمة لا تضاهيه نعمة،، بس كيف ارجعه!؟ لاحظي اني كنت ما افكر ولا عندي مشاكل ابدا مع ذلك ما يجي النوم،،، كنت اطلع اخذ الابره وانا ابكي على النوم بس لانه هاجسي الوحيد الحين، كل شي يتعوض،، الناس،،،الفلوس.،، بس النوم من الله ،، تدرين كان السواق يشفق علي يقول مدام روحي مكه ممكن يرتاح هناك،،،بديت امشي علشان اخسس كم كيلو العلاج،،، صرت انام ساعة زياده شوي شوي ساعتين،،،كانوا عيالي يقولون ماما ليه وانتي نايمه مبتسمه،،، قلت لاني احلم فيكم،،،ههههههه تخيلي نومي ما يتعدى مرحلة الريم،،، بداية النوم الي تشوفين وتحسين بالي حولك بس بحد ذاتها تفرحني،،، تدرين حسيت بغصة وانا اتذكر،،، الحين رجعت انام طبيعي الحمد لله دييييب سلييييب،،، راح الاكتئاب،،، كنت اقول للدكتور طيب راح الفصام مدري الذهان،، بس فيه حاجه كانت براسي مو موجوده الحين،،، شي تشريه بكل ما عندك،،، قال هذي اسمها راحة البال 💜ما كنت ادري ان فيني اكتئاب. كنت احس كذا يطلع الواحد بعد المرض تاقلمت مع الاكتئاب دخيلك يا ربي ارحم مليون مره من الذهان. تدريجيا بديت ارجع للقران مع الرياضة والحمدلله الحين افضل من قبل المرض بكثير،،، صحيح ان بعض الابتلاءات كرامات،،، شكرا لله اولا ثم للمرض الذي غير حياتي للافضل،،، دمتم بصحة وراحة بال جميعا

الحمدلله على شفائك اخني العزيزه نرجسية وان شاء الله دووووووم مبتسمه ومستانسه وجعلج من اهل الجنه ياااااارب.

الحمدلله هذي مرحله وولت وابشرك ان شاء الله القادم افضل وازهى واحلى ياااارب

عسى عيونك سالمه يااارب ..الله يتمم لك عزيزتي نرجيسيه .. وتعيشي حياة سعيده مرتاحة البال
اللي عرفته انك ما اخذتي ادويه ؟؟ انا ندماانه اشد الندم اني دخلت في هذي المتاهة لو يرجع بي الزمن 6 سنوات ورا مستحييل اخذها .. بس الحمدلله اكييد خيره .. انا عنظي اكتئاب وفي كل مره اجرب نوع من انواع الادويه ..
في كثير من الاحيان اشعر بأن حياتي لا ترجع مثل السابق .. اتمنى ان ارجع مثل السابق قبل المرض واعيش حياة طبيعيه مثل باقي البنات
كل مره اقرر اترك الادويه ما اقدر .. اتركها لمده 3 او 4 شهور وترجع الحاله تنتكس مره ثانيه .. لهذا لشعر بأن طول حياتي اعيش مع هذي الادويه

يا جعلك سالم وغانم يا رب ،،، بالفعل مرحلة وتخطيتها بالارادة،،، ولو ان القادم محاكم ههههه عاد الحين متفضيه لتصفية الحسابات $$$ بس لا صار الواحد طيب وينام بدون علاج هذي هي الغنيمة الحمد لله،، تفضل💗

ومن قال يسلم،، ايه يا لغلا ما اخذت الا خمسة اشهر ابليفاي ويومين لامكتال وصرت ادور كني مروحة،،، ووقفت،،، ما راح اكون انهزامية واخذ علاج نفسي واللي آذوني مرتاحين البال معصي،،، خل العلاجات لمرض عضوي لشي محرز لا سمح الله بس نفسي لا والف لا افضل الجنون السريع على الجنون البطئ لا واودي نفسي له بيدي،، ارمي نفسي بالتهلكة 💔 الله لا يقوله،، اقتل مشاعري والروح الحلوة داخلي علشان صدق ينبسطون الي فبالي | لا معليش هنا تحدي الذات،، مو مشكلة انك تطيح وتقوم ما كانه صار شي وتنتبه لطريقك لان محد فاضي لاحد يساعده للاسف💔 المشكلة انك تطيح والي اكلوا من خيرك يدعسونك هنا حسيت انهم هم علبة الدواء وانا امد يدي وادخلهم جوا مخي،، طيب وبعدين بستمر طول العمر اتذكرهم واعيش متبلده لا مو انا معليش،، وهذا الي حاولت باعلى الصوت اقوله لكل عضو والا ليه سجلت هنا ترا عمري لو رجعتي لمواضيعي ما شكيت او طلبت مساعدة لاني اعرف من مين اطلبها،،، من الي اذا مرضت فهو يشفين 😇💖 اما الناس تقرا وتطلع وتنساك انت ومشكلتك والقليل الرائعون ولست منهم 😕 بيرد لك بدعوة اقل شي، بيس🌹

اي صدقتي خويتي .. اهنيج على الاراده والعزيمه اللي كانت فيك
وارجع اقول الادويه النفسيه تخلي الواحد مدمن عليها
بس الحين الكلام ما يفيد ... اتمنى انام واصحى وانا انساانه غيير
تفكيري يتعدل والمزاج يكون تماام التمام
ما اعرف متى يجي هاليوم

انا تقريبا صار لي 6 سنوات مع الادويه .. لو كنت اعرف مضارها ما جربتها طول حياتي .. حياتي في السابق بدون الادويه كانت افضل بكثييير

قلبي يتقطع ماليكي عليا حلفان والله اني اتالم لمن ادخل واقرا العالم تشتكي جربت كل الادويه ما فادتني طيب حجي انت ما تقرا؟ مين الي استفاد من علاج نفسي بالله؟ ولو! احنا بزمن التكنلوجيا مو بزمن جدي الله يرحمه 😩 شباب زي الفل يروحون قدامنا بسبب هالادوية وواحد من اقاربي بالدرجة الاولى تدهور لا وظيفة لا زواج وحالته توجع القلب تراني لمن اتكلم ما اتكلم من فراغ شي شفته بعيني حالته تبكي الصخر يا قلبي عليه يدور وشكله مبهذل يا حبيبي بس الله يخلف عليه بالجنه

طيب شنو الحل الحين ؟؟ cry

خلاااص احنا دخلنا في المتاهه وما اتوقع لها مفرر
ياريت عرفنا قبل لا ندخل فيها

شهد شاهد من اهلها 😞 اخاف اقول لك اتركيها تتعبين ويمكن انت مرهفة ما تتحملين،، عكسي تماما كل يوم احلق الشنب ههههه المهم حاولي تنتصري ع الاكتئاب ترا مو شي مقارنه بالامراض الثانيه،،، انا وصلت مرحله ابوس الجدران من الهلاوس اتخيلهم اهلي هههههه صدق جفاف عاطفي 💋 بوسة خاطفه لك جميلتي

صح عزيزتي مشكلتي مرهفه الاحساس كثيييرا
واتوقع هذا اللي سبب لي الاكتئاب اللي انا فيه

انا كنت عاطفيه مو نرجسية طيب وبعدين؟! الحياه صارت بزنس للاسف،،، تدرين عاد ما احد يستاهل قلبي اكثر مني 💚اي لف مي صراحة لذلك اصبحت نرجسية الهوى،، ياليت بيدي شي اسويه لك،،، ما بيدي الا اقول تجربتي وادعي بالشفاء العاجل وليس الآجل لكل مريض

ماشاء الله تبارك الله ... الله يتمم عليك دوم راحة البال

كان لي موضوع في المنتدى عن علاقة الشخصية بالأمراض النفسية .... أغلب اللي يصيبهم الإكتئاب أساسا ً طيبين في مجتمع مادي وأناني مافيه كلمة شكراً ولا رد الجميل ... بالعكس إستنزاف عاطفي وإستنزاف مادي وأول ما يطيح الشخص انفضّوا من حوله

أكثر شيء خلاني أرد والله هو سالفة النوم .... فعلا والله إن النوم نعمة عايشين سنين طويلة ما نعرف قيمتها .... قبل نواصل من الوناسة ومتى ما نبي ننام ننام .... والحين أول ما أحس بالنعاس دايركت الفراش أخاف من الأرق


مرت أيام ما يجيني فيها النوم .. أعد نومي بالدقايق أنام وأنا جالس على الكنبة لاني صاحي ولا نايم .. 1 و 27 دقيقة ومستااااانس كأني مبشر بولد ومعه مليون وبيت وسيارة هههههههه
الوناسه لأني كنت أخاف يطق مخّي من قلة النوم


بصراحة هو عيب عندنا بالشخصية لما الشخص يجحد نفسه وينفض اللي قدامه ووراه من شان الناس ويتغاضى عن النصب والإحتيال وحقوقه وعرق جبينه بس من شان الدنيا تمشى بسلام والفلوس مش كل حاقه
هو صحيح طز بالفلوس .. ولكن المعاناة والصدمات اللي من ورى التفريط بالحقوق والطيبة الزايدة وحب المساعدة هي اللي تهدنا هد عند أول خذلان من أحد نحبه نكتشف حقيقته


الآن خلاص .... تعطيني من وقتك 10 دقايق .. أنا أكرم منك وأعطيك 11 دقيقه فقط .. ماهو أجي كلي لك .. معصي

تعينني ب 500 لا أعينك ب 600 ولا عندي لك سلف وعطايا غيرها

ذبايح وبطيخ وشو .. مفيش .. المساكين أولى

ما أبي أعطي أحد ولا أنتظر من أحد شيء .. كذا الجميع مبسوط وسعيد بدون توقعات وضغوط


مع إني أحيانا أنسى وأتحمس في مواقف كثيرة ... بس خلاص شكلي بحط مذكرة يومية تنبهني


ومثل ما قلتي ... اللي يصكه إكتئاب لا ينتظر من أحد شيء لا مساعدة ولا إحتواء ولا رفع معنويات ولا رد حقوق ... يتكل على الله ويشتغل على نفسه بنفسه .. إبن آدم عنده طاقة جبارة يتكيف مع كافة الظروف .. لذلك نلقى ناس تعيش بدرجة حرارة خمسين تحت الصفر ويلعبون بالثلج وناس تشرب شاهي الظهر بعد الكبسه ودرجة الحرارة خمسين ويقولون اليوم براد أشوى من أمس هههههههه


والله الحلطمة والحزن وإنتظار الناس تتعدل هي اللي تاكل أيام ابن آدم ويعيش في دوامة وسنين تمر بسرعة وهو ينتظر الناس تتعدل ويعيش في المدينة الفاضلة .... هذا مجتمع شرس ومادي وناس تحب أنفسها إلا من رحم الله ... لو إنك شايلهم بعيونك سنين لو يصير فيك شيء كبّروا المخدة وناموا وأطلق شنب فيهم يسأل عنك بعد أسبوع وأسبوعين مرة

ما تشوفين شر يا متفائلة بإذن الله تسعدين و تفرحين بالشفاء التام العاجل

و الحمدلله على سلامتك يا نرجسية و مبروك العافية عليك و عقبال الجميع يا رب و صدق ضرسك و ضرس عبدالله سلمان نعم النوم ما كنا مقدرينه حتى زارنا السهر و القهر

الحمدلله على كل حال

مجتمع التناقضات الي تجيب الانفصام مدري الفصام الله يزيدنا به جهل،، وين الحشو الديني والمثاليات والمسلم للمسلم كالبنيان والله لن يؤمن احدكم حتى يحب لاخيه ما يحب لنفسه، كان الله في عون العبد ما دام العبد في عون اخيه، تعس عبد الدرهم، ومن يوق شح نفسه فاولئك هم المفلحون،، لا اخفيك تربيتي دينية بحته وفكرة وجود نار بحد ذاتها ترعبني والله لم اسع للجنه بقدر خوفي من النار،، ما علينا احنا مجتمع مسلم مفترض صح؟ والا الاسلام بتغطي يا مره ولا تسوقين يا مره،،، !!!!!! الي بيناقشني يسلفني اول والا يسكت ههههههه شبعنا مثاليات بلاش كلام ع الفاضي صدق من قال العرب ظاهرة صوتية

عبد الله سلمان،،، كلامك اعدت قراءته كثيرا، تغلغل في عقلي عميقا ،، نعم هذا ما يحصل لكن مؤلم ان تكتشف الحقيقة مؤخرا،،بعد منتصف العمر ، اكره البخل يا رجل والله امقت نفسي بمجرد التفكير به لان البخيل بخيل حتى بالمشاعر عموما لي عودة بطلع اتغدا حياك على حسابي ههههه احسك منزرف مثلي

الدين ممنوع والعتب مرفوع والرزق على الله ههههههههه



لا لا كلام سليم .... حنا تربينا على اللي المفروض يصير .. فطرة ابن آدم فيه الرحمة وفيه مشاعر وفيه إكرام من يكرمك ورد المعروف لأهله ... والرسول عليه الصلاة والسلام قال إنما بعثت لأتمم مكارم الأخلاق ... يعن الأخلاق موجودة وفطرة فينا والدين يثنّي على هالشيء ويعززه ... لذلك شوفي الطفل يحب اللي يعطف عليه ويضمه ويشتري له هدايا ويبتسم له .. مو بس يحبه إلا تلقين الطفل يعطيه عصيره ويعطيه من البطاطس حقه ههههه .. هذي الفطرة


لكن الناس تفرق عن بعض كل ما تكبر شوي شوي تتكون شخصياتها .. الجينات لها دور وكذلك التربية ومستوى التفكير ... الله مقسم هالشيء بين الناس


أما الحشو الديني عند كثيرين هذا موجود من زمان ... يطلع من المسجد ومسواكه بيده ويستلم خلق الله قصب هذا طويل وهذا قصير .. وفي النهاية بخيل وعنده غيبه خرافية ولاعن أبو جدف عياله .. وتعالي شوفي التوبيكات والرسائل بالواتس وتويتر ... هنا تلقين الإنفصام الحقيقي ههههههههههه


تربيتك اللي حثتك على صنع المعروف والطيبة والإهتمام وحسن النيّة ونعم فيها .... لكن والله ضريبتها في وقتنا هذا كبيرة .. لو على زمن أبوي وجدي ممكن .. لكن الوقت هذا معليش اسمحي لي .. معاناة .. مع إن الجينات لها دور بعد مو مسألة تربية بس


والله يا بنت الحلال ضاق صدري بسبب رسالة ارسلها لي مدرس مع ولدي بأول إبتدائي هههههههه
كاتب لي ونعم التربية وجزاك الله خير ... ولدك أعطى فسحته لطالب يبكي ناسي ما اخذ فسحته ... طبعا ضاق صدري لأني أخاف يعاني البزر في المستقبل هههههههههه


تصدقين إحترت مدري أمدحه وأكافئه ولا أقعد أحشي راسه من تجاربي هههههه


وما ألومك تكرهين المجتمع بسبب ماصار .. الدعوة ماهي عريبيا بس الدعوة عند العالم كله .... يمكن الدول الفقيرة جدا تحصلين الشيء هذا أقل من غيرها من الدول ... ولكن صدقيني ظاهرة عالمية
لو تروحين لدولة أفريقية فقيرة بتحصلين التقدير والمجتمع المتكاتف .. طبعا إذا ما دخلها الرد نك وخربها عليك هههههه

ما اقصد انك تسلفني هههههه اقصد الي بيقول لا المجتمع بخير والتكاتف موجود يطبق يورينا ركضه بالسروال،، مجتمع على قولة ابن جدلان،، يدك لا مدت وفا لا تحرا وش تجيب.... كان جتك سالمه حب يدك وخشها،،، على طاري السلف تصدق عمري ما تسلفت من احد يارب لا تحدني يوم احتاج مخلوق ولو لو تسلفت من احد ياخي ما راح احط عيني بعينه حتى لو سددته،،، كسرة عين والله وهو سلف تخيل لو هو عطا يا تسبدي اللي يا روحي اللي هههههههه انت راعي الهايلوكس نسيت اسالك الي بتجيب لي شنطه تقليد والا مشبهه

ههههههههه بالعافية عليك عاد والله على فطوري بعد صلاة الفجر


ايييييه يابنت الحلال على كثر ما مشت بيدي الفلوس على كثر ما وزعت وقدمت تنازلات .... وأكثر اللي يضيق صدري هو وقتي وجهدي وشيل هموم العالم والدعم المادي والنفسي فوق طاقتي .. حتى الوظيفة خسرتها بسبب الضغوط اللي مرت علي .. وبالنهاية جوالك اللي ما كان يسكت والعالم تشدك من كل جانب الكل يبيك حوله ويماري فيك ... فشششش اختفوا والجوال بطاريته تعيش اسبوع كامل هههههههههه ولما يصحصح البني آدم تبدأ الناس بالظهور من جديد

ما أقول لك إنك تقدرين تغيرين شخصيتك .... هذي جبلّة في البني آدم .. هو المطلوب إننا نكون حذرين قد ما نقدر


نسيت الدراهم الحين وغاسل يدي منها لأنها عطايا ... الآن حذر جدا وتوي بديت أصحصح وأتحرك يمين ويسار .. وفعلا مؤلم إكتشاف الحقيقة بعد هالعمر وتضحيات كبيرة وآمال كبيرة إننا إستثمرنا بالناس نكتشف إن جهد سنين وتعبها راح على فافوش ... إلا إنه الأجر ثابت بإذن الله وهذا عزائي الوحيد .. وإني أكتشف هالشيء الآن أحسن إني ما أكتشفه بعد خمس سنوات من الآن ... الحمد لله ما زلنا في قوتنا

اهاااا اشوااا ههههههه .. نعم أنا راعي الهايلوكس بشحمه ولحمه


يابنت الحلال واحد دفنته دفن بالمعاريف من وأنا بزر .. نفسيا وماديا ومعنويا بشكل مبالغ فيه بعد .... طلبت منه سلفه 1500 وكنت مستعجل ووااااثق ... قال لي وش تبي فيها هههههههه
الحين أنت حتى لو تمرض تجيني ولو أحد يتعرضك تجيني ولو تبي فلوس تجيني ولو تبي سيارة تجيني ومصيت دمي مص سنيييين وأول كلمة أقولها لك أبشر ولما تعدم سيارتي أقول لك فدااااء .. تجي تقول وش تبي فيها ؟ هههههههه


وشلون لو انه عطاء ههههههههه ... بحياتي ما قلت له خذ هذي سلفه كلش عطاء

كانت عندي فكرة ان الحياة مشاركة ووناسة وأخذ وعطاء .. الحين نبي السلامة مع اني ما عمري طلبت من أحد عطيه وأرفض هالشيء والسلفة ما أوجه إلا لشخص سبق ودفنته بالعطايا عن قولة فلان جاني يبي سلف

يعطيك العااافيه اخوي عبدالله والله يعطيك على قد نيتك
الدنيا صارت تخوف مو نفس قبل الناس للناس .. الحمدلله على كل حاال

الله يسمع منك اخوي رسوم .. ويشافيك ان شاءالله وجميع المسلمين

اهنيك مره ثانيه وثالثه عزيزتي نرجيسيه ... وان شاءالله دائما مرتاحه الباال وسعيده ... وان شاءالله اصل لمرحله اني ما اخذ ولا دواء

يا حبني لك والله،، ان شاء الله تصيرين احسن مما تتوقعين هالاية مفعولها عجيب سيجعل الله بعد عسر يسرا دايم تمنحني الامل واقول يا نرجس مسيرها تروء وتحلى،،، لو قدرتي تتركين العلاج وتتحملين اربع سنوات لين يتوازن عندك المخ كفو،، وان ما قدرتي تتحملين ربي يعينك قلبي معك يا مشغل البال ملتاع،، شكرا لمشاعرك النبيله الي ما تصدر الا من انسانه راقية ومحبة للخير،، شكرا لانك للحين تفكرين بموضوعي وشكرا لله قبل كل شي ء لاني بثيت فيك ولو بصيص امل،، دعواتي الصادقة يا قمر،، الله وياك تفضلي 💖

الله يسلمك يالغالي عالي والفال لك ما على الله كايد،، قرب شوي ساهمس لك شيئا،،، لا تتوقع الكثير من الاخرين حتى لو كانوا اهلك،، انا اكبر منك وافهم بالحياة،، لا احد يستحق استجداء الفطرة والحب حتى اقرب الناس،،انهض وعالج نفسك بنفسك،،، لن يمد لك احد يد المساعدة وان كان يحمل اخلاق الصحابة سيمل يوما ما،،، اذا الشخص يمل من حاله فما بالك بمن حوله،، حياة سعيده اتمناها للاحبة