ادخلو يا ناس صارت مصيبة
 

اليوم وانا أكلم امي ولا ارفع صوتي عليها المهم جان اخوي اللي اصغر مني يدخل علي الموضوع ويقول انتي اشلون تتكلمين امي بهذي الطريقة المهم ولا يجي اخوي الكبير ويقول نفس الكلام ويقعدون يهاوشوني ولا اخوي الصغير يقوم ويعطيني كف ياناس مت من الصدمة مو مصدقة اللي حصل المهم عدا الموضوع انا مصدومة من امي اشلون ما تكلمت ما قالت غلط اطقون اختكم ما قالت شي موقفها صدمني لا وقالت لي انتي ماتهميني ... والله يا ناس انا إكرة عائلتي احسن واحد فيهم اخوي الكبير ولا الباقي زق انتظر تعليقاتكم إِيش اسوي

ههههههههه.. اسف والله عالضحكة بس اسلوبج جد ضحكني لإنه واضح البراءة وانه من القلب.

مدري ش اقولج يا بنت ديرتي.. غير الله يعينكم ويفرجها عليكم من عنده يا نسائنا بالخليج والمجتمعات المحافظة وضحايا العنف الاسري. صراحة شيء يدمي القلب والواحد ما يدري شيقول. كيف رجل يمد إيده على بنت فضلا على انه تكون اخته أنا مدري ولاني قادر استوعب !

الله يعين بس..

مشكور اخوي ان شا الله دوم الضحك

طبعا هو ضربك كف
لأنك رفعتي صوتك على امك

الآية الكريمة بتقول
فَلاَ تَقُل لَّهُمَا أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا

معلش اختي سارة
مهاوشات الأخوات ما تخلص

وانتي لازم تحترمي أمك شو ما كان

مع اني بحس انك عايشة حياتك وبتروحي الجامعة و للمولات وبتعملي شوبنج

بس مشكلتك مافي لغة تفاهم بينك وبين اهلك وامك خاصة
حاولي تتقربي منها
شاركيها بيومياتك
وبالأحداث اللي بتصير معك

لازم انتوا مثل الصديقات

ربي يوفقكم :)

الله يعينج

.....................

اجمعين ان شا الله ولو ان تعليق مافادني كلش

ادري السالفة ماتوصل لضرب يعني وبعدين هو اخوي اللي اصغر مني مو اخوي الكبير عشان اصدق

شوفي بهالوقت ان الوحدة تصير سالي وتتبكبك ما عاد ينفع،، مد ايده مدي ايدك استنادا على اية من اعتدى عليكم فاعتدوا عليه بمثل ما اعتدى عليكم، لا تسكتين لاحد لو عندك فلوس هدديهم تتركين البيت وتشردين، وتجيبين لهم الفشايل،، اهل اخر زمن والله،،، كسر يكسر ايد الظالم الواحد همجي ما عنده تفاهم بس كفوف ليه اش النظره الدونيه هذي وخري ارتفع ضغطي 😓

اجل انا شنو اقول اختي ! المهم الله يعين المشكلة في الأهل اللي ساكتين

لا تعليق .....الله يسامحك
مع ظل امراة كلامها يظل نوووووووور

مافهمت شي من كلامج ؟؟؟؟؟؟

شنو تبين اقولج الله يعينج مابيدي شي لو بيدي شي ساعدتج والله بس مابيدي شي



لو اقدر افيدج بشي ماخليج

كلامك عن اهلك وجعني بس كذا :(
الله يحميك ويخليهم لك والله ما يعرف طعم الحياة بين الاهل والاخوان الا الي فقدهم :(
انا تركتهم صغيره جدا للان ابكي لفرقاهم ولما التقي فيهم كمان ابكي مشاعر لهم لا استطيع وصفها الا اني افتقدهم جداااا

أهل عن أهل يفرقون !

لا يا عمري كلهم اهل جنة حقيقه لنا ع هذه الارض
صدقيني مهما زعلنا و مهما ع بعض قسينا مالنا غنى عنهم ، يظلون هم الغالين والمثالين والمنورين حياتنا وبقوه
ولن يحبك احد مثل حب ابوك وامك لك مهما زعلوكي ، تمتعي معهم عيشي بينهم اضحكي ابكي ازعلي تسامحي منهم |
بس لا تنسين دايم تسامحي منهم والله يوفقك

هؤلاء أهلك لازم تسامح
وتحب أهلك

اختي

بحدثك عن صديقتى ألانه شبيهه بحالتك

تزوجت وانتقلت للعيش في مدينه اخرى

هي تعتقد انه ارتاحت من اَهلها

ولكن صارت مثل المستجير بالرمضاء من النار

تصوري زوجها شغلها خدامه عند أهله

بعد ماكانت مخدومه صارت تخدم

لاتخرج من البيت بعد ماكانت تتطلع لصديقاتها وووووو

تقول حسّيت أني جاريه مملوكه ولست انسانه حره

مالي رأي وممنوع النقاش وممنوع الكلام حتي يؤذن لي

كسرو هيبتي وشخصيتي

تقول بكيت وعرفت قدر اهلى الي كنت أكرههم

ترددت بالاتصال بهم فاماذا اقول لهم

حسّيت أني عايشه تحت الارض

عرفت قدر اهل وش كثر اهلي يحبوني

عرفت وشلون اهلى كانو يدللونني

حسّيت انه عقوبه من الله

بسبب مشاكلي مع أمي وابي

وصدق الي قال

الي مايربونه أهله تربيه الدنيا

فا احسنو الى اهلكم

ان الله لايضيع اجر من أحسن عملا

يا سارة الحين المصيبة إنك تطولين صوتك على أمك ولا أخوك اللي ضربك لأنك مطولة صوتك عليها ؟؟


لا تحطين في بالك إن هوشتك مع أمك وطولة لسانك عليها شيء عادي ... وإن المصيبة هو كف أخوك


اخوك غلط ؟ ايوه
انتي غلطتي ؟ ايوه وغلطك كبير ولا ندري انتي تستاهلين الكف أو لأ أو كفين أو ثلاثة ... ما ندري


السؤال ... هل أخوك كل يوم يعطيك كف على الطالعه والنازلة ؟ ولا إنك مطولة لسانك على أمك والكف كانت ردة فعل طبيعية

كلامج منطقي ان شا الله اطبقة

كلامك صحيح ان شا الله اطبقة لابصراحة هذا اول كف يعطيني اياه

ههه انتي عجيبة الله يصلح أمرك ويهديك
ركزي على العلاج السلوكي كثيرا لاني بدأت اكتشف أن مشاكلك النفسية لن يحلها الا ذلك
وكويس انك تحبين دورات تطوير الذات ...
أنصحك بمتابعة عبدالله القاسم بتويتر وأسامة الجامع
أيضا حاولي تتخيري من تحضري دوراتهم

ماله حق يمد يديه غلط كبير يتعود بعدين على مدة اليد

كل اللي ردو مشكورين وتر انا اطبق كل اللي اسمعه

انا مع كلام الاخ عبدالله السالم



بعدين ياخيتي امك هذي جنتك ونارك. مهما كان لاترفعين صوتك عليها
بكرة تتزوجين وتصيرين ام. وتعرفين شمعنى كلمة ام


تسامحي من امك
وحبي راسها
واستغفري



واخوك خوذي منه موقف. عشان يعرف انك زعلانه

والله يهدي سركم