|
بموووت من الافكار السودا '
السلام عليكم ورحمة الله وبركاته
انا خلاااااص تعبت والله العظيم كأني خيوط كل من يشوفني يرحمني يقولون ليش كيذا ناحفه تعبتني الافكاررررر ضغط ضغط و زحمة من الأفكار بمخي كيذا احسها متزاحمه كل وحده تقول دوري اغثها اربعه وعشرين ساعه افكر بالامراض و هالمره بحثت عن الكدمات لانها تظهر فيني و ليتني مابحثت آآآه انا ابي أعيش طبيعيه زي الناس ابي انبسط بيومي مابي افكر بكره ولا بالمستقبل خلاص كافي قسم بالله شي يشيب الرأس ماني قادره اكل براحه انام براحه أسولف براحه اضحك براحه ادري نفس الكلام ينعاد بس والله محتاجه افضفض محتاجه احد يفهمني يارب ترحمنااا برحمتك ادعوووولي |
الله يشفيكك اختي ويرفع عنك
احسااسك وصل وربي .. لكن ليه ما تتعالجي انا كنت مثلك والحمد لله تعالجت وكويييس يالله لك الحمد الله وضع العلاج .. ليه ما نتعالج .. |
بالعكس ما راح تموتي إلا بأذن من الله سبحانه وتعالى
كل شيء مكتوب لك وعيشي حياتك بكل إريحية ولا تعطي الوسواس فوق حده امليء قطار العمر القصير بالأمل والسعادة واتركي السلبيات والبحث في جوجل على أعراضك ومخاوفك |
اتعلاج ب ايش قصدك علاج نفسي
انا اخاف منه مابي أخذ حبوب و أتعود عليه اصلا من بيوديني بيقولون منتي مججنونه عشان نوديك دكتور نفسي |
اقتباس:
بس شي غصب عني مسيطر علي الخوف والله اتخيل وأتخيل واعيش قصه بخيالي اعوذبالله الله لايوريكم |
في البداية اسال الله العلي العظيم رب العرش الكريم ان يشافيك يارب ..
صدقيني فاهمينك ومرينا ونمر بهكذا حالات وربما اسواء من كذااا عارفه شنو مشكلتنا ؟ أنه البعض منا ما يريد يتشفى ولا يريد يتغير ويبغى في ثواني واجزاء من الثانيه يصير طبيعي .. كل يوم يملئ راسه افكار وسواسية وتشاؤوم وووو ويبغى يتخلص منها في ظرف جزء من الثانيه .. ( طبعا هذا الامر بيد الله سبحانه وتعالى ) وحده القادر لكن الله يريد مننا ان نعمل ونسعى ونجاهد ونحاول ... ممكن ان شاء الله اقولك شي او أشياء ان شاء الله انها تغير في حياتك لكن هل فعلا تعملين منها او كعادتناااا فقط نقرائها .. ونظل في مكانا ان شاء الله عندك القدرة للتغيير للافضل |
بالإرادة العزيمة وتكرار المواقف الإيجابية سوف يزول عنك هذا المرض
|
هلكانه طالما باقي قادرة تكتبي انتي بالف خير وصحة وسلامة من متى صدق معانا الوسواس في اي شيء بعدين الوساوس يجي من قناعاتنا وافكارنا ليش ما نحاول نغير قناعاتنا متأكدين ان الوسواس كذاب ونصدقه وان الأعراض تجي وتروح نعتقد بصحتها ننتقد بعض عاداتنا ونمارسها بصدق نحن مجتمع متناقض مفكك الفكر عقولنا مستأجرة ببلاش ومن سمح بذلك نحن انا وانتي أن لم نقف ونراجع قناعاتنا بصدق وجد لن نجد حل نستقيها من قوقل ولم نعلم أن الكاتب ممكن يكون محبط أو كاذب أو متعالم
لماذا نحن خائفون ومما نخاف وليش نخاف لننا نعيش لغير أنفسنا اختي الصغيرة العزيزه ايه الرائعه ابدئي بالتغيير حتى لو تالمتي فصبر ساعه ولا ألم كل ساعه غيري نكك غيري عطرك غيري ثقافتك تعلمي لغه غيري الوانك المفضله اتركي الحياه تتسلل من خلال خصلات شعرك ومعا انفاسك دمتي بفرح غصب عنك وعن حماقات الوسواس |
اقتباس:
و انتكس و ارجع اسواء من اللي قبله ابي شي يثبت أني سليمه و هذي مجرد وسوايس وطبعا هذا شي مستحيل عشان كيذا انا بداومة مالها نهاية و أشكرك على الدعوة الله يسعدك |
اقتباس:
|
معليش تحمليني .. ممكن اطول عليك بالكلام وكثرة الاساله والمناقشة
انا مو دكتور ولا شي انا شخص عادي مثلكم لكن ان شاء الله جميعا نساعد بعض للافضل .. ** حطيها قاعده في بالك فكرنا او ما فكرنا بالماضي او الموت او المستقبل هالتفكير ما راح يغيير شي نهائياً ** طيب كيف نتخلص من هالافكار او على الاقل التقليل منها .. فيه اشياء السبب وراء هالامور اولها / كيف وضع جدولك ( راجعي وقت جدولك ) انت موظفه / تدرسي / ... 24 ساعه اغلبها شنوو .. ؟؟ سامحيني ع الاساله مو تدخل في حيات الاخرين بقدر ماهي محاوله للنقاش وان شاء الله نقدر نتغير ونساعد بعض |
اقتباس:
والله اجلس مع اهلي و انا اضحك و اسلك بس من داخلي خوف وقلق لو اوزعه للعالم كفى وزياده شي غريب غريب كل ماتذكر حالي قبل اقول ليه كان بطني يعورني وعادي ما افكر كانت رجلي تعورني عادي الحين لو تطلع حبه بجسمي اخاف و اتنكد سبحان الله بين حالي قبل والحين بس الحمدالله على كل حال الله ينولك مرادك وييسر امورك |
الله يكون بعونك ويلطف بك
عليك ب ثلاثه . النعناع . الزنجبيل . البابونج خليها واجب يومي لا تتركينها |
اقتباس:
انا بقول شي يمكن يصدمكم انا بالجامعه باقي لي سنه و سمستر و اتخرج بس تركت الدراسه من الوسواس متخيل للحين ماني مستوعبة ! بالنسبه ليومي ماعندي جدول معين يعني اغلب وقتي مع بنتي بس حتى مع بنتي مو تاركني الوسواس اتخيل اموت و اتركها اقعد ابكي او اتخيلها هي تموت لو ابي اروح ازور صديقاتي اخاف اقول يمكن عشان بموت اروح ازورهم و احيانا يروح وقتي على قوقل الله لايبارك فيه ): |
اقتباس:
|
اقتباس:
هناء مربط الفرس هنا الارض الخصبة للوسواس ولجميع الافكار السلبية :: الــــــــفـــــــــراغ بسبب هذا الفرغ العقل جالس يشتغل ويعبي هالفراغ مثل كاسه عندك فاضيه انت راح تعبي فيها مويه على طول لكن مجرد ماتتحرك الكاس الماء بيروح يمين يسار ما تقدري تتمكني من السيطرة على تعبئه الكاسة الوسواس كذاا يتعامل معنا شافنا جالسين لا نقراء كتاب لا نحاول نخرج ما نمشي وووو جالسين لها نقوله هات اي فكرة عندك احنا مستعدين وهوا مو مقصررر ولا تنسين القاعدة فكرنا او ما فكرناا بالموت .. ما راح يقدم او ياخر التفكير بحياتنا .. هل فعلا من يزور اصدقائه واقاربه ويخرج يموت ومن يجلس بالبيت يظل طول عمره ما يموت !!!!؟؟ تأملي فيها مره ثانيه .... إذا فعلا التفكير او الخروج ما له علاقه بالموت معناه كل هالامور هيا افكار وسواسية افكار وسواسية افكار وسواسية كم شخص فكر وكم شخص وسوس فيها والعالم مليان فيهم والحمدلله عايشين .. طيب كيف التخلص من الافكار وحالات التوتر والقلق .. اقولها لك ان شاء الله ............... |
اقول غاسلين شراعك اليوم غاسلينه لين تفوقين
مين قالك انتي لوحدك الي تحسين بالخوف هل كشفتي على قلوبهم ليش تتوقعين أن خوفك يكفي العالم كله تهويل وتفخيم فيه ناس من الخوف ما تطلع من غرفتها ولا تتكلم وانتي تسولفي وتتكلمي يعني على الحلو تكه بمعنى انتي احسن من ملايين من الناس بعدين كم لك توسوسين بالأمراض فتره طويله اكيد ولا جاك شي اعقلي وشوفي اي شي يشغل بالك حتى لو تالمتي بالبدايه |
اقتباس:
يعني اقول اخاف اشغل نفسي و كيذا و أنسى بعدين يصير لي شي هو اقوا مني يجيب اشياء و أفكار مدري شلون والله العظيم و حتى احيانا اقول خير ياطير خل أمرض و اموت عادي كلنا بنموت بس لمن افكر بسكرات الموت و أني بشوف الملائكه يمممه وربي اخاف اقول كيف بيكون حالي الحين اذا جايني ضيق تنفس مدري وش يصير فيني اجل شلون لمن تطلع روحي معليش على هالكلام بس ابي أوصل لكم انا وش احس فيه بالضبط !! يعني مثلا اقدر اشغل نفسي بالمطبخ او اقرأ كتاب او ازور صديقاتي بس اخاف اشغل نفسي ويجيني شي انا ادري ان افكاري تقهر و ماهي طبيعيه بس امانه لحد يقسى هذا الشي غصب عني و حتى لمن أتكلم مع احد ارتاح كم يوم و ارجع ثاني مره مره الحياه مالها طعم بنظري): |
اختي الكريمة
مادامك تكتبي بكل هذة الأريحية فأنتي بخير |
اقتباس:
بس بنفس الوقت احس الحياه صعبه و مو وناسه احيانا اقول ليت ابونا آدم ما اكل من الشجره و الحين حنا بالجنه علطول استغفرالله بس والله كله من هالافكار و البلاوي اللي مدري وين بتوديني تعرف ايش معنا كارهه كل شي حتى وربي لمن اطالع وجهي بالمرايه و انت بكرامه ادفل على المرايه وامشي بسرعه كارهه حتى نفسي |
اقتباس:
|
هههههههه😃😃😃😃هههههه هههههههه😃😃😃😃هههههه
يابنت الاجواد ارفقي على نفسك يقول الشاعر الونيس ساعة الفله لا تفوتك اي لحظه فيها ونس عيشيها بكل تفاصيلها والي يسير يسير بعدين تقولي اخاف يسير شي وانا مو منتبهه يعني وش بتسوي مو بساير الا كل خير |
سبحان الله نفس المخاوف ونفس التفكير سبحان الله نفس تفكيرك اجلس مع الناس وانا بالي بمحل اخر اشوف العالم واقول ماشاء الله عليهم مايفكرون واتذكر قبل لما ماكنت اخاف صرت احب اجلس لحالي واهووجس واحس محد يفهم الي بداخلي احسهم ملو من تفكيري والله اني حتى مليت من الصياح وكرهته شبعت من التفكير وشعري صار شيب وانا عمري 24 تصدقين ودي اتعرف عليك
|
اقتباس:
والله انك صادقه حتى انا مليت و تعبت من البكي والله ياليت نتعرف على بعض ودي ب احد حاس باللي احس به |
مواليد 1412؟ والله ياخيتي نفس تفكيري مره وزياده فيه اشياء ماقولها بسبب الوساوس ....لي 3 سنين في الوسواس القهري حتى ساعات تجي مناسبه ماروح اصير خلاص اصيييح مااقدر مابي احد يعرف اني اصيح..هواجيس وخوووف وقلق ساعات اعض نفسي مع كثر القلق واغلب وقتي احاول انام عشان ماافكر ....ودي فعلا لان سبحان الله نفس العمر ونفس التفكير
|
والوساس ساعات يقولي لاتضحكين مهبوله انتي...ومره خلاص اصير ضايق صدري واصيييح واتلفلف في لحافي
|
اقتباس:
الله يجزاهم خير انا ايضا استفدت منهم ماشاء الله الحمدلله انه فيه اوقات تشغلي نفسك وتشعري بشيء من الراحه الحمدلله ان شاء الله ما تحتاجي لا دكتور نفسي ولا ادوية بإذن الله هذا هو الوسواس انه اخاف اشغل نفسي ويجيني شيء شنو بيجيك ..؟؟ اللي بيجيك او بيصير لك يجيك لو انت نايمه مشغوله فاضيه ... كل الحالات فهذا الوسواس ما يبغاك تشغلي نفسك لانه طريق العلاج لك هناك ثلاثه امور مهمه جدا جدا جدا الصحه - الحالة الروحيه - وقت الفراغ الحاله الصحية : ابغاك في اقرب فرصه تعملي تحليل لجرثومه المعده وتشوفي القولون وفيتامين دال وياليت ياليت ياليت يكون اليوم .. يالله نبغى نشوفك تروحي وتعملي بس هالتحليلات البسيطه بس الحالة الروحيه : الحمدلله انك مسلمه فالحمدلله الامور بسيطه ان شاء الله فقط ضيفي مع الصلاة كل يوم قراءه عدد من صفحات القران الكريم الاستمرار والمداومه على الاستغفار والدعاء في حاله السجود وقت الفراغ : اعملي جدول لوقتك كل يوم لمدة نصف ساعه مشاهدة مقطع او محاضرة مفيده ومحفزة ( راي شخصي ارشح لك تسمعي للدكتور أحمد عمارة ) قراءه لمدة نصف ساعه في كتاب ( راي شخصي ارشح لك كتاب كيف تتخلص من القلق وتتمتع بالحياه .. ل ديل كارنيجي ) اليوم روحي اشتري الكتاب .. واذا تحبي اشتريه لك وارسله لك ... المهم تقرائي كتب حلوه اسف طولت عليك بالرد ( لاني بالعمل ) وطولت عليك بكثرة الكلام وان شاء الله باقي الاخوان ما يقصرون معك ومعنا انتي بس قولي يارب |
ايوا مواليد 1412
طيب شلون نتواصل مع بعض يعني عادي لو اخذ رقمك ولا ممنوع لان احس احسن لو نفضفض لبعض دام حنا نفس الأفكار و نفس العمر يمكن نقدر نساعد بعض احس فيني الصيحه ودي اخمك من كثر ما احسك نفس افكاري |
ياعمري انتي ياوخيييتي كنك اياني مررره وشكلك من نفس مدينتي بعد هذا سنابي
---------------- المشرف الوردي ممنوع وضع وسائل التواصل على العام اتمنى الالتزام للقوانين والا سوف نعمل على ايقاف العضويه |
غريب الهوى ابدعت وتالقت واحسنت النصيحه واستفدت يمكن أكثر من هلكانه كتاب دع القلق رائع قرأته واضيف كتاب جميل اسمه الرقص معا الحياه للكاتب الموسوي شكرا يا مبدعين
فيه حلقه لوليد فتيحي برنامج محياي 2 اسمها التوتر على التيوب رائعه افخم فخامه دمتم بود 👌يا اصحابي |
اقتباس:
ان شاء الله انه احصل على كتاب الرقص معا الحياة ... ونقراءه ربي يوفقك على هذه المعلومات |
اقتباس:
ماشاءالله تبارك الله ووفيت وكفيت كلامك يثلج الصدر بصراحه وان شاءالله أخذ بنصيحتك و اسوي التحاليل عشان اتطمن عالاقل و ببدا ارتب لي جدوول يومي عشان ما أكون فاضيه الله يسعد هالناس اللي يهتمون و يساعدون ويسمح دروبهم و يجعل لهم من ضيق مخرجا |
من اليوم أتمنى تعملي جدول لو بسيط ...
صدقيني التغيير يبدا من نفسك انتي بالاول اول شي شوفي تحاليل جرثومه المعده وفيتامين دال والقولون .. واتمنى انك تطنينا ومن اليوم روحي اشتري الكتاب .. ومن اليوم يكون وفق جدولك اليومي الاستغفار قدر ماتقدرين والصلاة على النبي صل الله عليه واله وسلم وقراءه القران .. ومشاهده مقاطع مفيدة ومحفظة شوفي للدكتور أحمد عمارة ان شاء الله بإذن الله راح تشوفي التغيير للافضل بدون ما تحتاجي علاج دوائي يارب |
باْذن الله بححاول
يعجز لساني عن شكرك اخوي غريب بس ان شاءالله ماخيب الأمل |
اقتباس:
واي فكرة من افكارك طنشيهااااااااا بقوووه قولي لها من كم وهيا نفس الافكار ولا صار لي شي .. وان شاء الله انك ما تخيبين املك بالاول واملنا ان شاء الله .. يالله قومي من الان سوي شي جالسه ع الاب توب ع طوول الان افتحي اليوتيوب وشوفي الدكتور احمد عمارة يالله الان ... الان تكون على طول بيدك سبحه لان كثرة الاستغفار فيها تاثير عجيب ولا شكر على واجب كلنا مثلك وانا مريت بكذا وكنت ومازلت اتمنى احد يفهمني ع الاقل يتكلم معي بايجابية سواء بالعمل او بالبيت .. والحمدلله صبرت وصبرت وتعبت والحمدلله .. الان احس انه افضل من قبل الحمدلله لو تكون نسبه التغيرر قليله فالحمدلله والحمدلله والحمدلله لان الله سبحانه وتعالى رحمان رحيم كل شي من الله خيرررر |
اختي هلكااانه خففي عن نفسسسك نحنااا كلناا نمررر بنفسسس اللي تمررري بيه ،، شجعي نفسسسك واحسسن الظن بالله وكل حاجه فسريها ع انها خيييير ربنا قال انا عند ظن عبدي بي .. ما تختي شي كعب في نفسسك .. وgoogle دااا اكبر شي يوهم الشخص ما تبحثي فيه لانو ما بشخص حالتك في اشيأء كثيره اعراض كتييييييره تتشاااابه .. صدقيني انتي بالف خييي ومااافيك اي ششي بس الواسواس لقاكي تستسلمي ليه علشان كده بلعب بيكي .. وكل ما انتي تضعفي الوسواس بقوى .. لما يلقاكي تبحثي عن الاعراض وتبكي هو بفرح ويزيد عليكي زياده .. انتي عندك وسواس اذا فيك شي لا قدر الله الوسواس بحاول يلهيكي عنها علشان ما تعالجيها لانو ما عايز ليك الخير فبالتالي هو يوسوس بي شي اصلا مافيك عشان يخوفك ..فهمتيني !؟؟
|
اختي هلكانه والله كانه تتكلمين عن نفسي بالايام هاذي
والله حسيتك نفس الشعور اللي فيني نفسسس الشي صح اني مو كبرك اوص اصلا ماله دخل العمر هههههه بس والله نفسس اللي فيني فيك |
حسب الحاله فيه حالات تحتاج العلاج وانتي حاطة فكرة تتعودي عليه وحتي وماتقدرين تروحين المستشفى أسأل الله الرحيم الرحمن الشافي أن يشفيك ويعافيك ويكشف الضر عنك ويمد لك في عمرك على طاعته ويجعلك ممن طال عمره وحسن عمله ويبارك لك في عمرك وعملك ويثبت فؤادك ويرزقك اليقين اللهمَّ آميـــــــن يا ربَّ العالمين. |
عزيزتي هلكانة كان الله ف وعننا جميعا
انا ايضا تأتيني لحظات يطغى الوسواس يزيد أشعر معه بنوع من عجز الحيلة سبحان الله تأتي على الإنسان لحظات ضعف وكلها بسبب طغيان الأفكار الزائد اي لو مدرب أنفسنا ع التجاهل رويدا رويدا سنتخلص من الوسواس شيئا فشيئا، والله كلها أوهام م الشيطان الوسواس هذا اخزا الله، ربي سيعيننا ف التخلص منه يارب وبإذن الله. تستطيعين إكمال دراستك ورعاية شوؤنك المنزلية والأسرية |
والله كأنك تتكلمين عننننني
خوف قلق توتر افكااااار تتغلب علي تفكير بالموت فزع 😪 كل يوم اسأل نفسي هل بخاف ؟ بتجي اللاواقعيه؟ بتوتر؟ ايش بيصير ؟ كيف بقضي وقتي؟ وكتبت موضوع انو احس مالي فايده مالي هدف احس اني مفصوله عن الناس والعالم عقلي بمكان ثاني ابي بس سريري و لحافي واتخبى تحته ادري ان هذا مو حل بس وربي الخوف يسوي كذا ماقمت استمتع باللي حولي المعالج شخص حالتي انها قلق اكتئابي وبدايات اكتئاب بسيط ماعرف هل صح او لا بس اللي احسه كثير مو شوي |
| الساعة الآن 10:29 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا