حريقة في صدري
 

بسم الله الرحمن الرحيم

اخواني اغلبكم يعرف قصتي مع التقاعد ولا حول ولا قوة الا بالله

انا قدمت اجازة استثنائية بدون راتب لمدة 3 اشهر ورفضوها بحجة مخطابة المستشفى وهم يمنحونك اجازة

كتبت خطاب ثاني وكتبت ظروف اسرية رفضوها الله يرفضهم من الجنة بدون حجة الدعوى استقعاد

رفعت خطاب من العمل الى الوزارة ردت الوزارة قالت انتم خاطبوا المستشفى مب انا حسبي الله عليهم

كتبت خطاب من العمل و رحت به يوم الاحد قالوا المستشفى كلم بعد يوم نعلم وش يصير

كلمتهم قبل شوي قالوا خطابكم مرفوض لازم تخاطبون اللجنة الطبية العليا وهم يخاطبونا

قسم بالله ميت قهر يا شباب عمري راح في الوظيفة 15 سنة وانا صابر تروح باردة مبردة وراتبها 12 الف ريال

رحت العمل اليوم قالوا ترا بنكتب فيك خطاب فصل اذا ما انضبطت قلت انا رجال تعبان ومعي تقارير

قالوا شف لك حل والا الفصل فيك فيك طيب علموني من وين اعيش بدون راتب

استحمل الانفصام ولا الاكتئاب ولا البروستات ولا البواسير والقرحة ولا استحمل العمل وش اسوي بعمري

والله ما قصرت يا خواني تحملت جبال على ظهري والحين تنكر الزمن لي قهر قهر قهر بنفجر من القهر والحزن

لازم تتقاعد بسرعه في تعميم وصل اي شخص مريض نفسي يرفع فيه للجنة الطبية وقاعدوهم امرهم غريب الي عندك بالعمل الناس تجيب واسطات علشان ماتتقاعد واحد معاه الصرع وجلس يحلف المدير مايرفع فيه عنده اطفال الظاهر الي عندك متخلفين

انا ودي بس كيف

لا حول ولا قوة الا بالله ...

غريبة ان ما اقبلو تقاعدك الطبي الأغلبية يوافقون عليهم

اخوي يمكن خيرة لك انك تظل في الوظيفة

حاول تضبط حضورك قدر الإمكان .. لان هو حلمك الوحيد

والله يصلح الحال

طيب ايش وظيفتك

ما املك الا اني ادعي لك


يارب يسر امر اخوي محمدالبدراني واكتب له الخيرة بكل اموره

تكلم يارجل ايش وظيفتك حتى اساعدك انا خبره بهذا الموضوع

مشكورين على الدعوات الطيبة

اخوي سلفر انا ناسخ اله في وزارة الزراعة

انا رحت الجنة الطبية بالرياض ومعاي المصابين بالفشل الكلوي ماودهم تقاعد واسطات ورفضت الجنة الا تقاعدهم هذا مديرك شكله خسيس ولا يرفع المعامله انتبه تفصل هذا حق من حقوقك اتاكد انه رفعها وتابعها

انا بكرا راح اخذ خطاب من العمل للجنة الطبية واشوف وش يقولون

خلي مديرك يرفع ويكتب فيك انك ماتصلح للعمل قهرتني بموضوعك لوني اخوك لدخل عليه واربيه خليه يرفع فيك ويرفق التقرير ويكتب عنك كل الاعراض

ان شاء بكرا ارفع خطاب من العمل للجنة واخذه بيدي و اروح به للجنة واشوف وش يقولون


قهر قهر قهر

المشكله هنا مانقدر نتواصل مع بعض غير عن طريق المنتدى الي بالفيس اشرحلك ايش تسوي على الخاص تخليه غصب عن الي خلفه يرفع فيك

اعوذ بالله من قهر الرجال

هد ياخوي. تنحل ان شاء الله


وكل امرك لله

وقل
حسبي الله ونعم الوكيل ولاحول ولاقوة الا بالله

الله ياخذ حقك

ما تقصر ابدا يا سلفر انا بكره بتفاهم مع المدير على كل شي وراح اخذ تقارير الطبية واخليها يكتب انه مب صالح للعمل وكثير الانتكاسات واروح بالخطاب للجنة الى ان شاء الله تنصفني وتاخذ حقي من الظلمة

لا تضيع سنين تعبك علشان واحد جزمه ناس متعافيه تاخذ راتبها وهي نايمه غي بيوتها وانت بهذا المرض مداوم ادخل على منتدى نفساني بالفيس وراح اكلمك شارك فيه بنفس الاسم اخليه يرفع فيك ورجلك على رقبته

سلفر انا مااعرف للفيس بوك ما اعرف غير المنتدي ويخب علي

انا راح اقولك وش يصير معي على الخاص بكره

الان تقدر تسجل بالفيس وتبحث عن منتديات نفساني نفس المشرفين مسئولين عنه

سلفر سوى له دعوة انا اسمي ترانيم الوله

اخوي سلفر اقدر أساعدك

تواصل معنا في قسم الشكاوي

وأرسل رقمك او طريقه لتواصل بقسم الشكاوي وحنا نوصله للأخ محمد

وانا حاضره اخوي باي مساعده

كثير بنفس الاسم ايش الصوره الشخصيه عندكً

الله يجزاك خير اختي امتياز

سوف اتواصل معه على الفيس بوك


بارك الله فيك ولا خلا ولا عدم مشكورة جدا

صورة طفل نصراوي

ههههههههه شفتك وقلت شكله النصراوي دايمن احنا النصراويه مظلومين

الله ينصرك بحق لا اله الا الله

عن أبي هريرة رضي الله عنه ، عن رسول الله صلى الله عليه وسلم ، قال : من نفس عن مؤمن كربة من كرب الدنيا ، نفس الله عنه كربة من كرب يوم القيامة ، ومن يسر على معسر ، يسر الله عليه في الدنيا والآخرة ، ومن ستر مسلما ، ستره الله في الدنيا والآخرة ، والله في عون العبد ، ما كان العبد في عون أخيه ، ومن سلك طريقا يلتمس فيه علما ، سهل الله له به طريقا إلى الجنة ، وما جلس قوم في بيت من بيوت الله ، يتلون كتاب الله ، ويتدارسونه بينهم ، إلا نزلت عليهم السكينة ، وغشيتهم الرحمة ، وحفتهم الملائكة ، وذكرهم الله فيمن عنده ، ومن بطأ به عمله ، لم يسرع به نسبه رواه مسلم .

لاحول ولاقوة الا بالله
الدنيا واسطات
الله يساعدك

اليوم ما قدرت اروح للعمل صداااااااااااااع قوي قوي الله المستعان


مشكورين على الردود

الله يسهل لك التقاعد

امين يا رب العالمين