|
أبغى نصيحتكم تكفون
ي الربع وربي مالي غيركم والنَّاس اللي فاهمه بالأدوية
بختصر الموضوع وياريت تساعدوني انا الحين استخدم فافرين 300 باليوم واندرال حبه مساء وحبة صباحاً قوة 40 وقبل سبوعين ضاف لي الدكتور دواء مدعم اسمه اتابينا واعتقد هو السيركويل بقوة 200 انا مرضي وسواس قهري الحين حاس رجفة قوية برجولي وحاس بشوية اكتئاب ودي ابكي لكن الوسواس خُف شوي عطوني رأيكم وش اسوي وربي مليت جربت ريسبدال ودوجماتيل وبركسال كلها مانفعت والحين السيركويل كلها كانت مدعم الفافرين انا لي الان تقريباً سنه والوسواس تحسن بنسبة 60 بالميه فقط ياالربع وربي مليت واحترت مدري وش اسوي |
الأدوية المدعمة سببت لي كوابيس عجيبة غريبه
هل اغير الفافرين ولا اغير إِيش الصراحه التحسن بطيئ جداً وانا والله مليت حتى رمضان اللي كنت افرح فيه الحين يضيق صدري يوم ادري انه جاي حاس ماراح احس بطعمه غيرنا من دواء الى دواء وذبحنا التغيير انا ابي حالتي تستقر عشان أبدا العلاج السلوكي |
وش هو وسواسك
|
وساوس كثيرة وتفكير زاااايد
|
تم السحب علي
ي الربع ترا ابي مشورتكم بس وشفيكم محد يرد 😫 |
الله يعافيك اخي
يمكن ما لهم خبرة بهذه الخلطة من الأدوية بس لو احد يعرف ينصحك ما رح يقصر معك ان شاء الله ،، اخي تعرف ان الدواء وحده لا يكفي ،، ادعمه بجلسات مع أخصائي ،، العلاج المعرفي السلوكي مهم جدا و سيساعدك ان شاء الله |
شكراً ي أمل
ذكرتيني في أغنية ي أمل عطشان في وادي الضمى 😩😅 |
اخوي سبب الكوابيس هو الاتبينا وهو علاج مقلد للسركويل
الفرق بينهم الاتبينا مصنوع بالسعوديه سعره اقل ( زياده الجرعه يعطيك نفس مفعول السركويل الاصلي ) السركويل اروبي هو الااصلي بصفه عامه ادويه الذهان تسبب كوابيس بالجرعات المرتفعه |
اقتباس:
ما اعرف الاغنية لكن أتمنى تكون جميلة و مفعمة بالأمل مع انه مش ظاهر من عنوانها هههه ما أحب اذكرك بشي يتعس :/ اسأل الله لك الشفاء العاجل ،، |
هلا بطالب المجد اخبارك
والله كلنا في الهوى سوا انا اخذ فافرين 300 سركويل اكس ال 300 وسيالون 100 ملجرام نفس المعاناة بس حاول تتعايش مع الافكار وتغير من حياتك انا لي سنتين ونصف مع الادوية تحسنت 85 % فقط و 15 % تغيير الروتين اليوم |
مشكورين كل اللي ردوا
مشكور عبدالله مشكورة أمل مشكور عزيز حبيب قلبي والله اخباري مدري كيف وضعي يتحسن شي ويخرب شي طيب ي شباب انا ماعندي ذهان بس قال الدكتور ندعم الفافرين وش رأيكم والله احترت أخذ السركويل الأصلي مايسبب كوابيس !! |
اقتباس:
انصحك نصيحة لوجه الله اترك الاندرال واستمر على الاتابينا وانشاء الله تضبط امورك انا سبق واستخدمت الاندرال والله لا يوريك صرت ماعاد اقدر انام واذا نمت يجيني كوابيس واحلام شاذة بس الحمد لله عرفت بعد مدة ان سبب هذي البلاوي هو الاندرال الله لا يعيده ولا يعيد ساعته اما الاتابينا والله انه دواء ممتاااااااااااااااااز بس استمر عليه هو مشكلته اول اسبوع يتعبك يسببلك نوم شديد وقلق وتحس جسمك ماهو مرتاح وتحس بقلق غريب بحيث انك ما تقدر تجلس في المكان الواحد اكثر من دقيقتين لازم تقوم تتحرك ولكن بعد اسبوع تروح عنك هذي الاعراض المزعجة وتحس براحة عجيبة وانشراح في الصدر وخاصة اذا توك صحيت من النوم تحس انك تحب الحياة وصدرك منشرح وعلى العموم هذي كانت تجربتي مع السيروكويل وانا صراحة اشوف انه افضل علاج مر علي في تحسين المزاج والنوم والشهية وتجربتي معه كانت ممتازة جدا |
شكرًا حبيبي نَفَر من الجن
طيب لو وقفت الاندرال وش الحل مع التعرق الشديد والرجفه كانت تجيني ولما استخدمت الاندرال راح التعرق والرجفه خفت شوي ! 😩 |
طفشت وتعبت من التفكير
الأدوية صح ساعدتني بس كأنها غصة بالحلق قريت مشاركات أختنا حاذقة اغلبها وأحسها فاهمه بشكل كبير ماشاءالله عليها اختفت مدري وين ياناس انا خايف لايكون تشخيصي غلط انا الافكار عالقة برأسي وافكار عن طهارة وجنسيه مو راضيه تطلع من مخي مع قلق وخوف وأحيان ودي ابكي من الافكار يوم تخف الافكار ارتاح بالله وش تشخيصي الصحيح هل هو وسواس قهري ولا فيه شي ثاني وسوست بالامراض النفسيه الله يستر ويشفينا جميعاً |
اقتباس:
الاتبينا مو شرط للذهان يصرف عادي للمكتئب للموسوس والي يعاني من القلق لان الجرعات صغيره ولايحتاج للقلق حاول ماتعكر جوك وابتعد عن ماهو يسبب الاكتئاب تابع اشياء كوميديه تسلى يعني سوي روتين تشغلك عن الوسواس راح ترتاح انت تعطي الوسواس جوه يلعب فيك كذا يسببلك قلق خوف ضيقه والخ |
مشكور ي بو عابد الله يسعدك
|
السلام عليكم
شباب انا من بعد استخدامي للاتابينا (السيركويل ) اصحى من النوم مزاجي متعكر جدا مع فكرة وسواسيه قبل استخدامي السركويل ماكنت كذا وانا قلت بعطيه فرصه يمكن يتغير الحين لي أسبوعين ابي رأيكم أوقفه خلاص ولا اكمل عليه كمان شوي ثانيا اذا وقفته هل تنصحوني بدواء غيره علما اني استخدم فافرين واندرال وابي مدعم الفافرين استخدمت بركسال وريسبدال مانفعت |
ي الربع ابي ردودكم 😭
|
اقتباس:
اصبر على السيركويل من اسبوع الى شهر وانشاء الله تلاحظ تحسن كبير في حالتك النفسية وخاصة القلق والاكتئاب هو مشكلة السيركويل انه يتعب في البداية ولكن اذا بدأ ياخذ مفعوله راح تحس بانشراح في الصدر وراحة بال وحتى نفسك تنفتح للحياة بس لا تزود الجرعة اكثر من 200مج يوميا لان بجرعات اعلى من هذي يستخدم لعلاج الذهان وبجرعات اقل يساعدك على التخلص من القلق والاكتئاب انا ترى كنت استخدم السيركويل اول وبعديت تركته وحاليا افكر ارجعله صراحة لانه افضل دواء ناسبني وخاصة في القلق والارق يقضي عليها من جذورها واما الاندرال خذ حبة في الصباح 40 اتوقع انها تكفيك لان الاندرال ما ينفع تاخذه في الليل ابدا لانه يسبب ارق وتعكر مزاج وهو اصلا علاج للضغط وليس علاج للامراض النفسية وتجربتي مع الاندرال من أسوأ التجارب |
ي حبيبي ي نَفَر الف الف شكر لك وجزاك الله خيراً كثيراً
|
ي شباب وش الحل مع الأحلام والكوابيس
الحين لو تركت الاندرال راح ترجع الأعراض الجانبيه اللي هي الرجفة والتعرق الشديد علماً اني استخدم فافرين300 وضاف لي الدكتور اتابينا 400 وأخذ اندرال 80 ي اخوان ابي مشورتكم لأَنِّي محتار ورب الكعبه واستفسار ثاني هل السيركويل أكس أر أفضل من العادي ولا نفسه |
اقتباس:
لا مافيه فرق السيركويل اكس آر هو نفس العادي بس الفرق بينهم ان الاكس آر يقعد في الدم حوالي 24 ساعة يعني مفعوله ممتد وتاخذ منه جرعة واحدة فقط في اليوم اما السيركويل العادي يقعد في الدم حوالي 16-18 ساعة يعني تحتاج تقسم جرعته في اليوم الى مرتين |
السلام عليكم
اخوي نَفَر سمعت نصيحتك وخفضت من الاندرال الى 60 وابي اخفضه الى 40 بالنسبة السركويل جبت أكس أر ولي خمس ايام أخذ 300 وفافرين 300 الدكتور قالي خذ 400 من السركويل وإذا مانفع بعد ثلاث أسابيع اذا ماحصل تغيير خلها 600 ولا تزيد عليها فأنا محتار من وخايف من السركويل الدكتور يقول 800 وفوق يستخدم للذهان ياريت اعرف منكم ماهو بديل الاندرال ومايسبب احلام وكوابيس وهل أزيد السركويل الى 400 و600 زي ماقال الدكتور ولا استمر على 300 طبعا سركويل أكس أر ابي اجابه ي الربع لا تسحبون علي |
اقتباس:
بالنسبه للادويه ماعندي فكرة والله بس حبيت ارد عليك واقولك انا كمان الافكار ماتفارقني لاليل ولانهار حتى تركيزي مع الناس 60٪ والباقي في عالم اخر وفعلا انا وسوست بالامراض النفسيه مرات اقول معي فصام مرات اقول وسواس ومرات ذهان وبس افكر في قصص غيري وكيف عاشو وكيف تحملووبس افكر اقول يمكن اصير مثلهم وطول الوقت قلقانه لكن حمدلله على كل حال الواحد ياكل ويشرب ويصلي ويصوم ويذكر الله هذه اكبر نعمه وانا اختك لاعاد تقرا عن الامراض ولاتشغل بالك وش مرضك خذ الدوا وثق بدكتورك وخلاص نصيحة من اخت لك عشان لايزيد وسواسك لاتهتم وش نوع المرض لان هالشيء يتعبك اكثر انا مثلك كتب لي الدكتور سوليان ويوم قرات عنه طلع للامراض الذهانيه وخفت منه لو اني ماقريت عنه احسن لي بس الفضول الزايد ههه المهم انت اذكر الله وصل على النبي ووكل امرك لله وخذ علاجك الله يشفيك في هاللليله الفضيله ويشفيني ويشفى مرضى المسلمين |
اقتباس:
|
اقتباس:
|
جزاكم الله خير مشكوريين
|
| الساعة الآن 07:26 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا