![]() |
هل هذا مرض عضوي أم نفسي , أرجوكم
السلام عليكم ,, مساء الخير جميعاً
أسأل الله لي ولكم الشفاء والطمأنينه وأن يجعل مأصابنا من مرض هو كفارة لنا يارب العالمين .. بإختصار , الشكوى: عند الألتفات جهة اليمين أو اليسار يؤلمني رأسي جداً وأشعر بإرهاق مستمر ولا أستطيع بذل نشاط مما يضطرني إلى الجلوس وترك الجوال والتلفزيون وأستلقي بالساعات حتى أهدأ الأعراض : أحس بأن داخل رأسي شيئا يدور وأحياناً صداع مع الجانبين ومن فوق الرأس وأحياناً من الخلف ولكني أرى الأشياء ثابته أمامي , بمعنى أن الدوار داخلي فقط مع االإحساس بضغط داخل رأسي وأحياناً شد في عضلات الرقبه مع العلم بأن لدي فقرتين في الرقبه متحركه من مكانها .. الكشوفات : ذهبت إلى طبيب أنف وأذن حنجره وابلغني بأنه لايوجد أي التهابات بالجيوب الأنفيه ولا مشاكل بالأذنين . ذهبت إلى طبيب المخ والأعصاب ( بروفيسور ) وأبلغني بأنه لايوجد مشاكل بالدماغ أو الأعصاب مع العلم باني أجريت أشعه مقطعيه وقالوا سليمه . ذهبت إلى أخصائي عيون وأفادني بأني سليم . التاريخ المرضي : أعاني من السكر منذ خمس سنوات والتراكمي 9 ( مرتفع ) ولكن أفادني بعض الأطباء بانه ليس له علاقة أعاني من نوبات هلع منذ خمس سنوات ولكنه خفت كثيراً طبيب المخ والأعصاب يقول بأن الذي أعاني منه بسبب الضغوط النفسيه . السؤال : هل منكم من عانى من هذا الشيئ لأني سوف أجن , الإحساس الذي أشعر به في رأسي هو كإحساس ركاب الطائره عند حدوث مطب هوائي . |
اخيراً لقيت واحد مثل إحساسي سبحان الله كأنك تتكلم عمي بالضبط نفس الشعور بس الفرق انا من 3شهور بس فجأه جاني هالشعور كنت راجعه من سفر ومرهقه نمت صحيت لقيت نفسي بهذا الشعور ورحت طوارئ قالو الاذن بس بعدين رحت أنف واذن قال مافيك شي كل شي سليم وقال انتي صاير لك خوف يمكن قلت بس خفت من المطبات الهوائيه قال بس هذا هو بعد فتره راح يخف وصرف علاجات وجلست اسبوع ماخفيت نفس الشي واروح مرا ثانيه ويطلب الدكتور اشعه رنين للراس وكل شي سليم ويحتار بعدها رحت مستشفى حكومي واجرو تحاليل وفحوصات واشعه مقطعيه وبرضو ماعرفو السبب بعدها حولوني لدكتور طب أسره مصري قال اللي فيك دوار حميد بعد فتره راح تتشافين قلت كم قال كلها يومين ثلاث ولاخفيت ولاشي وصرت ابحث عن المرض هذا طلع كرستالات الاذن اللي داخل الاذن الداخليه تتحرك لما يتحرك الراس بوضعيات مختلفه
|
وسمعت لها تمارين معينه مناورات المشكله سويت التمارين بس ماخفيت ابدا بعدها رحت مخ واعصاب وصرف علاجات لي وقال بعد شهر راح تتحسنين والحين خلص الشهر ولا شفت اي نتيجه شي يحير
|
عاد انا وقتها رحت دكتور متخصص للدوار والدوخه وعملي اختبار للتوازن وقال مافيك الا العافيه مافيك شي انت بس عندك قلق شديد ولازم تروحين لمعالج نفسي يصرف لك علاجات وراح تتشافين بس انا ماصدقته رحت مخ واعصاب وقال معاك دوار حميد قلتله انا سويت فحص جهاز توازن ودوران وقالو مافيك اي مرض في الاذن قال ماراح يبين معاهم لانو بيطلع نورمال طبيعي قلت معقول قال ايه بعدها عطاني علاجات قال شهر وراح يروح ومحلك سر ماراح ولاشي وشكيت بكلامه انو مو مرا فاهم لانو انا قبل ماروح له بحثت عن هالمرض وهو علاجه تمارين بس يوم قلتله قال لا مايحتاج تمارين شكيت بصراحه بمصداقيته
|
عاد اخوي الله يخليك اذا تعافيت علمني لانو انا نفس حالتك ابحث عن علاج
|
لازلت ابحث عن العلاج والشافي رب العالمين
|
الان جالس اتبع طريقتين وارجوا من الله الشفاء
1- ارقي نفسي ( كتاب اسمه ارق نفسك وآهلك بنفسك ) . اعتقد موجود بمكتبة جرير 2- علاج دوائي : فيتامينات + اوميغا 3 + فيتامين ب عشان السكر .. سويت منظار للمعده وقال الدكتور عندك التهاب شديد جدا بالمعده .. واعطاني علاج لمدة شهرين .. واشتريت عسل واخذ ملعقه ع الريق وبعد كل وجبه بنص ساعه ايضا عشان التهاب المعده .. والامل بالله ...... |
نسيت اقول .. اخذ بعد غذاء ملكات النحل
|
طبعا مو شرط ان حالتي زي حالتك .. صحيح آغلب الاطباء قالوا ان اللي فيني نفسي ..
قلت في نفسي اذا كان نفسي بأتكي على الرقيه الشرعيه كل يوم .. لمن احط يدي اليمين على راسي واقرا احس بان الآلم يهدأ قليلا .. وقاعد اسوي رياضه على خفيف .. مشي فقط واذا حسيت راسي بدا يألمني وقفت .. اذا انك حصلت علاج بلغيني لو سمحتي .. واقول في نفسي انه بيهدأ ان شاء الله |
هلا اخوي وش صار عليك
|
انا لاجديد تعبتني الدوخه والدوار وانا مثلك معدتي تعبانه تتوقع من المعده الدوخه انت سألت دكتور المعده عن سبب الدوخه وهل لها علاقه وبسألك عن المنظار هل يألم وضروري الواحد يسويه او يكتفى بالنفخ
|
نسيت اقولك ترا دكتور أنف وإذن وحنجره مايبان معاه سمعت انو لازم يكون متخصص سمع واتزان وأنك تسوي فحوصات توازن عن الاذن الداخليه لانو الدوخه والدوار من الاذن الداخليه واتوقع انت معاك الدوار الوضعي الحميد لانو من حركات الراس يجيك اجهاد انا مثلك بالضبط وشخصو حالتي مستشفى حكومي انو دوار حميد بس المشكله تعرف الحكومه مايهتمون لحد وغير كذا انا رحت مستشفيات خاصه كبيره وخسرت وقالو مافيك شي بس مو مصدقتهم اكيد فيني شي لانو متواصله الدوخه والدوار حتى وانا هاديه ومافكر
|
عاد انا بدعيلك وانت ادعيلي انو ربي يشافينا
|
يارب .. وين احصل الدكتور اللي ذكرتيه ؟
انا لاحظت شي .. انه بعد الاكل يخف نوعا ما .. |
المنظار هو افضل حل .. انا من زمان ودي اسويه والحمدلله سويته في الثالث من رمضان وانا صايم .. وقالي الدكتور ان المعده عندك ملتهبه التهاب شديد جدا جدا .. وأخذ عينة من المعده والنتيجه ان الجرثومة لازالت موجوده .. وقال الطبيب بابدا معك بعلاج الجرثومة بعد ماننتهي من علاج الالتهاب ..
بالنسبه للمنظار مدته نص دقيقه فقط واذا سواه لك تنفسي مع الانف بشكل مستمر .. والالم بسيط لي رد لاحقا .. عندي موعد الان مع دكتور المخ والاعصاب .. الله يشفيك ويشفيني |
رحت لدكتور المخ والاعصاب .. طبعا موعد متابعة واخر زياره له كانت قبل 3 شهور .. وبلغته ان معدتي ملتهبه جدا وعندي جرثومة .. قال لي اجل وقف العلاجات اللي صرفتها لك عشان المعده .. قلت اصلا ماستخدمت علاجاتك .. قالي اجل موعدنا بعد 3 اشهر .. عالج معدتك و مر علي للتشييك .. طبعا المستشفى حكومي .. والدكتور بروفيسور بالمخ والاعصاب .. وقال لي يمكن من المعده هي اللي متعبتك ..
|
اقتباس:
|
هلا اخوي انا رحت موعدي عند دكتور سمع واتزان وشرحتله حالتي وقالي ماعندك مشكله في الاذن الداخليه وسوالي فحص توازن للاذن الداخليه وقال مافيكي شي قلتله غريبه قالو لي المستشفى الحكومي معاك دوار حميد قال على اي اساس شخصو حالتك كذا قلت طبيب عام ومن دون كشف بعد بس شرحت له الاعراض قال بس دوار حميد قال لاغير صحيح انتي مافيك اي شي وقام فحص على الجيوب الانفيه برضو مافيها شي بعدها قالي روحي مخ واعصاب قلتله مرتين رحت ماستفدت قالي سويتي تخطيط مخ قلت لا ماطلبو مني لانو قالو أغراضك ماتحتاج تخطيط مخ عاد بسألك اخوي انت الان تعالج مع دكتور مخ واعصاب وش العلاجات اللي صرفهم لك ابي اشوف اسماءهم ياليت ودكتور الباطنيه قالك اعراض الدوخه والدوار من المعده ياليت تفهمني
|
نسيت اقولك قالي اذا الاشعه الراس سليمه افضل تروحين عياده نفسيه وانا احترت بصراحه
|
بسالك دوخته مستمره طول الوقت
|
الدكتور حسن عبدالحميد مستشفى مغربي
|
بسألك حياتك من بعد الدوخه هل تغيرت للاسوء او عادي متعايش
|
انصح الجميع بتكرار الحجامه كل 3 شهور مره
|
العلاجات اللي صرفها استشاري المخ والاعصاب علاجين .. واحد نفسي والثاني مسكن .. النفسي ماخذته والمسكن ماستخدمته الا مره واحدة .. وهو نصحني اني ماستخدمها عشان بعد مابلغته ان معدتي ملتهبه .. وهذا بيزيد التهابها
اما الصداع فهو شبه مستمر .. وصراحه مضايقني كثير .. رحت لمعالج شعبي مشهور عندنا في الرياض اسمه الصمعاني .. طبعا الرجال فاهم وحسب معلوماتي ان شهادته بكالوريوس في علم الاعضاء .. وكشف علي وقالي انت مافيك شي ودام انت جميع فحوصاتك وتحاليلك سليمه فانا اقولك من خلال فحصي لك بعد ان اللي عندك ضغوط نفسيه .. والعلاج انك تبتعد عن الواتس اب والجوال اسبوعين واذا اضطريت للمكالمه فكلم عن طريق السبيكر .. والشي الثاني انك تدهن راسك بزيت زيتون دافي مع زنجبيل قبل النوم وتغطي راسك بطربوش او طربوشين و تلف عليها بشماغ اذا امكن .. الين تحس انك راسك يصب عرق .. وبعد 6 ساعات تشيلها وتغسل راسك وهذا لمدة اعتقد قال اسبوع او اسبوعين .. طبعا تحطين زيت زيتون بفنجال قهوة وتاخذين بروس اصابعك شوية زنجبيل وتخلطينه معه وبشرط انك تدفين الزيت زيتون لايكون حار مره ولا بارد .. وبصراحه انا كنت اسوي الطريقه هذي قبل رمضان وفادت معاي كثير وكنت اشغل مكيف الصالة واطفي مكيف غرفتي .. عشان مابرد .. وبارجع اكررها بعد العيد ولو كان الزيت مقري عليه ترى افضل .. وبالنسبة لسؤال اوهااااام ليش ماوصفلي طبيب الباطنة علاجات الجرثومة .. الطبيب يقول ان المعدة جدا ملتهبة وماراح تتحمل المضادات في الوقت الحالي .. فهو معطيني الحين لانزوبرازول عشان ترتاح المعدة وتعادل نسبة الحمض فيها عشان يخف الالتهاب لمدة شهر وبعد كذا بيبدا في علاجات الجرثومة .. وللمعلومية الصداع اللي عندي يزيد مع الحركة ومع الالتفات ومتعبني كثير ولكن راح ارجع للزيت ان شاء الله بعد العيد والله يشفيني ويشفيكم .. ومافيه مشكله الا ولها حل باذن الله .. وراح اكتب لكم عن اتصالي بالشيخ فايز القثامي شيخ النحالين ومعالج شعبي ايضا وابلغكم وش قال لي .. |
أشكرك اخوي ع المعلومات وان شاء الله بطبق الزيت والزنجبيل مع اني ماحب بس بغصب نفسي اللي فهمته طلع اللي فيك ضغوطات نفسيه مالها علاقه بشي عضوي صح وبالنسبه لمعدتك انت اول تشتكي منها
|
طيب وش اسم العلاج النفسي اللي اعطاك والمسكن
|
العلاج النفسي اللي كتبه لي استشاري المخ والاعصاب ماذكر اسمه .. بس قلت في نفسي دام المسأله نفسيه خلني اروح لأخصائي نفسي افضل .. واذكر ان فيه احد الاستشاريين الكبار نصحني زمان بدكتور عنده عيادة خاصة وقالي هذا افضل من طارق الحبيب .. طبعا رحت عنده وكانت مدة النقاش بيني وبينه ساعة .. وصرف لي علاج 10 ملغم حبه يوميا وقالي بعد اسبوعين مرني .. وبصراحة مأخذت العلاج لسببين ..
الاول اني عندي قناعة بان المسألة اذا كانت نفسية فسوف الجأ إلى الرقية و القرءان بعد الله .. الثاني بأني مأبغى اخذ علاج نفسي الا بعد التأكد من ان المشكلة ماهي من المعده والجرثومة .. بصراحة امس حصل شي غريب .. الساعة عشرة بالمساء وان اسوق السيارة حسيت بتعب وارهاق وان الصداع بدأ معي .. ويوم وقفت السيارة ورحت امشي حول الحديقة مشي خفيف وروقان خف الصداع مع العلم بان حركة الهضم والامعاء احسها تحسنت مع المشي وخف الصداع علي بعد .. موضوع زي هذا يبغاله هدوء وتروي .. فيه حاجه مهمه .. لقيت واحد نفس شكواي بالضبط وقاله الطبيب قبل كل شي عليك بقياس الضغط في اوضاع مختلفه مره وانت جالس ومره وانت قايم وهكذا .. |
ياليت تذكر اسم الدكتور وعيادته افكر اروح له
|
انت تحس بصداع بس طيب ماتحس راسك يتحرك من جوا كأنو يهتز
|
هذا غير ثقل الراس انا احس راسي ثقيل
|
انا مثلك في السياره راسي يصدع مادري ليه مع انو تنعدم الدوخه في السياره لانو مافي اتزان فتنعدم اتوقع
|
لما نستلقي على ظهرك تحس انك في قارب بحر وامواج
|
سويت حجامه وفادت بنسبه بسيطه ممكن تنفع مع غيري
|
بديت في العلاج النفسي باجرب وعلى الله التكلان
|
زين اخوي سويت حجامه ياليت تذكر المواضع وكم نسبة التحسن
|
اقتباس:
داعيه ربها كد مرت عليك الشعور بضربات القلب تنبض خاصه لانسدحتي تحسين بنبضات القلب ومثل الهواء داخل صدر مكتوم |
ايه اخر مره جتني قبل ساعتين
|
اوهام تاخذ علاج نفسي او لا وهل جربت انا ودي بس اخاف يجيب لي دوخه زياده
|
انا الاعراض الاخيره خاصه الشعور بنبضات القلب جتني بعد تركي للدواء النفسي فافرين بشهر
مدري منه ولا من البرد او المضاد الحيوي حق الاسنان والله احترت |
الساعة الآن 01:50 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا