إذاعه نفساني ( رسوم متحركة ) تحت المجهر الحلقة الثالثه
 

احشروا رسوم بالاسئلة

السلام عليكم
اول سؤال هل انت صايم اليوم ؟
السؤال الثاني هل عندك امل انك راح تتشافيء ؟
السؤال الثالث انت ملتزم بعلاجاتك ولامهملها؟
السؤال الرابع :وش هواياتك ؟
السؤال الخامس:وش نظرتك لشخصية محبة الروؤف بالمنتدى ؟

في انتظارك يا رسوم

ياسلام رسووم الضيف اليوووم

اول شي
كم طووولك؟
وكم وزنك؟
ايش السبب الي يخليني احسك عمرك 15 سنه خخخخ يمكن عشان اسمك رسوم متحركه
اقرب انسسان لك ؟
اقرب الاعضاء لك؟

راجعتلك رسووومي بس خلك تجي بكمل اساله

هيااا رسوووم تعاااال خلينا نتلذذ بحشر الاعضاء لك بالاسئله

امسكووو رسوووم لايهرب

في انتظار الرسوم 😂👏🏻👏🏻

بــ انتـــظار الضــيف :(

هلا اااااا و غلاااااااا

كححكح أححح :)

ما عليه اليوم أول يوم برمضان و جدولي تخربط

نبدا على بركة الرحمن

ههههههههههه يا سرسورة

طالبك تكفين اللي يكون بعدي في الإستضافة ( منى ) نوايا


الإسم : عالي القرني

العمر : 1983 م . 1404 هـ

الطول : قصير حيل

الوزن : ريشة أصك الخمسين

رابي في منطقة تسمى بالولاية ( الدمام )

عزابي قح :)

شخصيتي :
غامض
شجاع
مغامر
يستهويني الجنون و الهبال
كتوم و تكاد السمة الواضحة فيني عند مخالطتي البشر
مجرم و أيضا رحوم و حنون
مهتز الثقة بنفسي
عانيت من الوالد الشيء الكثير لكني مع هذا أكن له جليل الإحترام و التقدير
لا أفكر بالحظوظ و لا أهداف لي
قراراتي دائما ما تكون ( خاطئة ) ليست في صالحي !

المؤهل :

بسبب المرض الإكتئاب كانت نفسي ترغمني إرغاما على أن أدخل عالم الدين و أربط صلتي بالله

جامعي
بكالوريوس
تخصصي : كنت في قسم الشريعة فلم أفلح فيه فانتقلت لقسم أصول الدين

الهوايات :

ركوب الخيل
تربية الإبل
النت
سماع الشعر
السفر
يستهويني البحر وقت الأمواج و المد فكم يطرد الطاقة السلبية و يخفف الألام فلله الشكر ثم له

اسئــله اخرررى :)

عاده سيئه ماقدرت تخليهاا؟؟

متى اول مره حسيت انك دخلت بدوامه الاكتئااب وهل كان فيه سبب معين ؟؟

ايشش دراستك وكملتها ولا لاء؟؟؟

ايش روووتينك اليووومي ؟

هياا جاوب قاعدتلك اناا :)

ههههههه عالي ابعدد عني اوريك

تم علي طلبك الضيف الرابع راح يكون نوايا بس بشرط انها توافق

هلا بك محبة الرؤوف و عليكم السلام و رحمة الله و بركاته

1 / نعم
2 / عندي أمل ان الله يشفيني برمشة عين
3 / و الله بخصوص العلاجات بعض المرات أهمل و بعض المرات ألتزم
4 / أجبت عن الهوايات
5 / سمحة و أتمنى لك كل خير و بإذن الله تعرسين بعريس يسرك و يبدل حزنك بأفراح

الله يكفيني منك يا هذي

شوفي أنا أرغم نفسي على المرح و لو كنت حزين لني مختل بعض الشيء ههههههههه

كان عندي شاهي يحبه قلبك و طاح علي و ع الكيبورد أححححححح يا كراعي :)

أقرب الناس لي : اللي يفهمني من خلال نظرة العين

الأقرب من الأعضاء على قلبي :

و الله كلكم قريبين أحبكم كلكم أحس المرض جمعنا كالقربى فهذا أبوي و هذا أخوي و هذي أختي و هذا ولدي و هذي بنتي

لكن أقرب الأقربين لي من الأعضاء :


هو محمد البدراني
عبدالله العتيبي ( وحيد عتيبة )
الوردي الله يقومه بالسلامة و يقويه
خبز تحت المطر
رعشني حضورك
الضاحك المستبشر

و كلكم عينين في راس و مخيمين بجوف قلبي

.......

أيضا من أهل الرايات الحمر :)

أبو عمر
ياسمين ظلو
العميد أبو علي
أمل الروح
أروى
نسر أبو عناد

أيضا

منى نوايا
مستكفة !
حنين الشمري
المصراتي
عبدالله سلمان
الفدعوسي
أبو أمل
محبة الرؤوف
منتظر الفرحة
سرسورة صاحبة الموضوع
عبدالعزيزززز علي
الرهابي المكتئب
ملك الرهاب
مسافي
أفنان الحربي
دجا القمر
أحلى حلا
بكرا أحلى
المهموم المهموم
بحـــــــــــر الحياة
عاشق الوحدة
نفر من الجن
عطيب الضرايب
لولو
حزين بغداد
الشمالي
سكون النفس
الخبير المعالج


و كلبيكم راسين في عين :)

ما أنسى أوائل من ردوا علي في محنتي قديما:

الواثقة بالله
أنا و الهلع

يا هلا بالجميع مبارك عليكم الشهر

رسومي حبيبي القلب اخبارك


اول سوال وش نوع سياراتك

اكبر مبلغ صرفته في حياتك في يوم واحد

عضو ودك تفقع وجهه جاوب بصراحة

كم مرة دخلت قسم شرطة

احلى شي جربته بالحياة

اسوء شي جربته بالحياة

اسئله محمد اكششن خخخخخخ

اشو انك ذكرتني رسوم من ظمن الأعضاء اللي تعزهم ولا أزعل 😂😂👏🏻👏🏻

صح اتفق معاج نوايا أسئلة محمد نااار عاش محمد

الله يسعدك رسووم تعرفنا عليك اكثر انت فعلا انسان محترم
عالي اسم ع مسمى الله يبارك فيك ..
ما تركو لنا اسئله الحضور 😒😁
بس بسالك !
لدي شعوور انك شايل مني هل صحيح ؟

دجا ههههههههههههههههههههههههههههه

انا بديت احس انج موسوسة

يا بنت محد شايل عليج

نوايا وساره ههههههههههههههههههه والله اليوم تعبان مرة ولكن حشرنا حبيب القلب رسومي في زاوية ههههههه

و الله اللزقة هههههههههه

عاده خليني أفكر

اممم

طيب الدخان
دخلت بعالم الإكتئاب وقت الثانوية و لذلك لم أستطع إكمال الدراسة إلا بالليلي
أسباب الإكتئاب حب المثالية و الرغبة بالنجاح لأني كنت أغار من أبي و مثاليته فلم أستطع الإقتداء به حتى صدمت بالإقصاء و المشاكل معه و كذلك عانيت من أخوتي كثير المعاناة حتى كدت أن أقتل ثنتين من أخواتي
عندمما كنت ذات ليلة أتعشى فثنتين من أخواتي الكبريات قاموا بتسفيلي بالكلام فلم أتمالك نفسي و أخذت السكين و سرعان ما هربوا مني و أقفلوا على أنفسهم بالمفتاح ( الحمدلله لم يحصل ما أردته ) .

جدولي و روتيني :

أقدر أقول ان الجدول مبعثر لا أستطيع إلمامه !

فأي وقت أكون فيه متهيئ نفسيا و بدنيا :/

أمسك الخطوط روحة و جية خصوصا إن الخطوط الدولية السريعة بالقرب مني
أكون مع كلبي عزام
مطالعة التلفزيون
القعدة مع الجوال

عالي اجب على الاسئلة ك

1- لو اعطوك مليون ريال وقالوا تصرفه في ساعة واحدة فقط وش تسوي؟

2- لو استلمت الحكم في السعودية وش حاب تغيير ثلاثة اشياء فقط ؟

3 لازم تجواب يا رسوم لو قالوا لازم نزوجك بعضوة من عضوات المنتدي من تختار وليش؟

4- احلى شي بالدنيا بعد الدين والولدين شنهو ؟

5- لو قلت اطرد عضو من الاعضاء منهو وليش؟

6- لو اعطوك صلاحية تغيير في المنتدي شنهو الى تغييره ؟

اووه رسوووم معرف ايش اقول على اخر اجوبه جاوبتهاا لان المكان للاسئله مو للتعليق لكن من جد ماتنلام صراحه احيانا كثر الحنه تجنن الواحد

محــــــــــــــمد سلاااااااااااماااات بس مانستغني عن طلتتتك لازم تتحفنا ب اسئلتك

ولازقتلك ياارسوووم لززززقه صمغ خخخخخخ

ههههههههههههه حموووود اسئلتكككك تحففففففففففه

اول ماتصحى من النوم ايش اول شي تسويه؟؟

وعندك ادمااان على الجووال او اللابتوب اكثرر ؟؟

قد تضاربت انت وواحد بهوشه خخخخخخ؟

ايش ترتيبك بين اخوووانك ؟؟

كمان راااقعه خخخخخ :)

ههههههه الحمدلله توك 😁

المتواجدين 7 ولا واحد فكر يطرح سوْال علي رسوم احشرر

مانحنا نستناه يرد على الاسئله الي قبل بس لسه :(

يسرك الحال ي الغالي

سيارتي ما أخفيك يالجنرال هي إكسنت موديل 11 :) أدري في بالك انها فتك لا و الله الفتك عند أخوي لكن متى ما بغيت أبعصه منه كان ذلك بالراحة ههههههههههه

أكبر مبلغ صرفته في يوم واحد و الله ما أذكر لكني أصرف و لا أحسب حساب الفلوس

اممم سؤال صعب يا باشتنا العضو اللي ودي أمردغه تمرداغ هو منتظر الفرحة هههههههه

دخلت قسم الشرطة بعدد أصابع يدك لكني مسالم مع الحكومة و لا أرغب خوض أي خطيئة معهم

مرة من المرات صادوني في قضية إشتباه في سرقة سيارة و أغراض و بندقية و سجنوني أنفرادي و الحمدلله طلعت منها مثل الشعرة من العجين بعد مناوشات قوية مع ضابط و صدق من قال يد ما سرقت ما تقطع و بشر القاتل بالقتل و لو بعد حين .

أحلى شيء جربته بحياتي :
جنة المحبة !

أسوء شي جربته بحياتي :
نار المحبة !





كيف أنتي نجمتنا الساطعة يا بنت الأكرمين

الله يسلمك يا دجو :) ليش أشيل عليك ي الغالية بالعكس على ما قالت سرسورة
الله يحبك و يرضى عليك

أسئلتك يا هي حريقة :)

1 / أشتري لي عمارة و أجرها .
2 / 1 ـ لكل مواطن حصته من البرميل النفطي 2 ـ تعليم كل مواطن في سن معين على الرمي 3 ـ شارع مخصص للفوردات مع التريلات :)

3 / أتحفظ عن الإجابة يا قدع و الا أقولك منى نوايا :) هههههههه ما أدري أحس بينا تجانس بعض الشيء

4 / أحلى شي في الدنيا و الله يا خوي أحس ان عيوني صابها تضليل بس أكيد هو المال

5 / الإكتئاب القاتل على قولة مودع دنياهـ

6 / أبد المنتدى كويس بخليه على مبنى الشايب :)

نسيت

رعد القلوب
سلفر
بنت الظبي
سارونة

لا يلوموني الذاكرة بدت تنفذ راح ترغمني نفسي على الإستراحة

على إذنكم فأنا متعب جدا

مشكورة يا بعد راسي واهلي على الاجابات الرائعة

1- قرار اتخذته وندمت عليه

2- دولة تحبها وتحب شعبها

3- ماذا يمثل لك الاشخاص التالية : 1- ابومتعب الملك عبدالله بن عبدالعزيز 2- صدام حسين 3- المجاهد خطاب

4- منهو قدوتك من الناس غير الوالد

5- فنانة تحب جمالها

6- فنانة تحب تمثيلها

7- مطربك المفضل

8- مطربتك المفضلة

9- اكلتك المفضلة

السسسسلام عليكمم يسعد مسساك ي عالي ..

تحب حالياً ومن سعيدة الحظ ؟
وش وظيفتك ؟
تفضل البدو ولا الحضر ؟
قد فحطت لعيون احد هههههههههههه ؟
تحب المقانيص ولا صيد البحر ؟
وش نظرتك للحياه حالياً وايش ودك تكون ؟

وشكراً لك .

بالله هذا سوْال الرجال بدوي وتقوله اتفضل الحضر ولا البدو !!

هههههههه رسوووم جوابك احرجني مع اني بعرف انك تمززح :)

هههههه ثاني شي وشي تفضل البدو ولا الحضر كلنااا واحدددد

رسوووم سلاماااااات شفيك :( هذا وانا ماصدقت نصيدك ضيف اليوم

سلامات ترو سؤال !! وش الي هو بدوي كل قبيلي بدوي ؟ هذا مفهوم مدري من وين طالع البدوي كلمه مأخذوه من العيشه بالباديه ورعي الغنم والأبل وش هو تحكمون انتم فاهمين البدوي انوه قبيلي ؟ لا حول ولا قوة الا بالله .. كلنا واحد آمنا بالله ما قلت غير كذا هو مجرد سؤال م يستدعي التعليق عليه ، لكن هو سؤال والدعوه مزح هذا سؤال اقوله !! السؤال موجه له هو يحكم اذا كان سؤال او لا ..

اعتذر ع المششاركهه ب الموضوع اروح ادرس اتعلم كيف الناس تسأل واجي .. وانتم تعلموا الفرق البدوي والحضري والمتحضر .

طيب لا تزعل حنا نمزح معاك ولا يهمك اخوي العزيز انا أسفه