|
أبيكم للاهميه
مساء الخير اليوم رحت دكتور سمع واتزان لعلي اجد سبب لدوختي رحت واخذت السستر الضغط وسألت اسأله عن الدوخه وقالت معاك صداع قلت احيانا بعدها انتظرت لين مانادت علي ودخلت على الدكتور بعدها سألني وش مشكلتك قلت دوخه ودوران في الراس مستمر لي اربع شهور قال تشوفي الدنيا تلف بيكي قلت لاثابته بس راسي يتحرك وفيه زي المويا تتحرك واحس اني اعوم وسط بحر قال شوفي الاذن الداخليه اعراضها الدنيا تدور وانتي ثابته وقي وروحك بتطلع قلت يمكن دوار حميد قال لا الان بفحصك بس متاكد مافيك دوار حميد بعدها رحت غرفة فحص وجلست وعمل فحص للدوران الحميد وقال مافيك شي وبعدها قلت اجل وش فيني قال روحي مخ واعصاب قلت رحت مرتين وسويت رنين مغناطيسي واشعه مافي شي قال بما انو مافي شي اكيد نفسي بعدها قلتله انا مريت بنوبه هلع مرا وحده ومن بعدها راسي تعبت ومالقيت حل وقال انتي تأخذين بيتاسيرك اربع شهور ولا استفدتي لو فيها شي إذنك من اسبوع خفيتي قال 1+1=2 لو مشكلتك عضويه خفيتي من زمان بعدها قلتله احس بثقل بجسمي ورقبتي قال خلاص عالجي رقبتك وروحي مستشفى نفسي لانو الاعراض النفسيه غريبه عجيبه بعدها انا بكيت بعدها قال هذا ابتلاء من الله وكل داء له دواء بعدها وانا اطلع من عنده قلت احلف انو مافيني عضوي تعبت من المستشفيات قام حلف والله العظيم مالك وقال لاعاد تبحثين عن دكاتره أنف واذن وحنجره وشرايكم انا مرت تعبت من الدوخه والعلاج النفسي متخوفه يزودها واللي ياخذون علاج نفسي للي مثل حالتي خفت معاكم الدوخه والدوران وتحسنتم
|
أقسم بالله العلي العظيم غير حانث ان مشكلتك نفسيه مليون % الاعراض اللي تأكدلي - ما تفضلتي وشرحتي به عن حالتك - كثرة الذهاب للمستشفيات والفحوصات - ودي اهم نقطه هي كثرة المواضيع التي تطرحيها أكبر دليل على ان المشكله نفسيه بحته بنسبىة مليون % فمريض الهلع بحاجه الى الاستفسار عن كل صغيره وكبيره مهما كانت حتي لو هي اشياء منطقيه لكنها تعد بالنسبه له غير مفهومه بحاجه الى توضيح اذن الحل ايه اقولك الحل ايه الدوخه النفسيه مشكلتها اننا مش بنعالج السبب اللي يخليها تختفي وتزول انتي اصابك نوبة هلع كما ذكرتي ولكن ولكن ولكن صاحب النوبه حاجه اسمها ( قلق مخاوف ) و ( توهم مرضي ) ولن يختلف اي طبيب كان عن البنود دي التوهم المرضي هو اصرارك المستميت على ان المشكله عضوية رغم تحولك من دكتور لدكتور وجميع التخصصات من الانف والاذن والحنجره الى المخ والاعصاب غير الفحوصات الباطنيه طبعا بالتالي كل شيء سليم ايقنت من زمان اوي ان مشكلتك نفسيه مليون % البيتاسيرك دواء فعال فشل معك لأنك مش بتعالجي المشكله وبتاخدي دواء خاطيء اصلا والبيتاسيرك بحالتك مالوش اي فايده لأنك لو كنتي عالجتي الهلع في الفتره اللي بتاخدي فيها البيتاسيرك كان كل الاعراض دي اختفت منك نرجع نقول تاني الاعراض اللي بتصاحب الهلع دوخه وصداع وتوتر وقلق وخفقان ورجفه وشعور بالبروده وشعور بالسخونه وتعرق غزير ودق قلب سريع وارتفاع ضغط الدم وحتي هرمون الغده الدرقيه ممكن يعلي في التوتر والهلع والغثيان وخساره الوزن وكذلك وكذلك الهروب ويصل الى حد الاغماء في حالات نادره كل دي اعراض الهلع نسبه تأثيرها العضوي على الجسم ولا اي شيء لن تضر الجسم عضويا العلاج سهل وبسيط وليس مكلف وايضا غالبا الكورس العلاجي بيكون شهور وهو نوع واحد فقط من العلاج من الادويه المتعدده ومعها مهديء فتره الشهر معظم الناس يأخذون أكبر فكره سلبيه عن العلاج النفسي العلاج كغيره الجسم يحتاجه لاسباب كتير فلا اري مشكله من تناول الدواء فلم نترك نفسنا نعاني ايام وايام ونترك العلاج مع ان فتره العلاج ليست طويله والضرر من العلاج 0% هي مجرد اعراض في البدايه لا تذكر مقارنه بالهلع وتختفي هي والهلع تماما وما صاحبها من اعراض فلم نترك العلاج ونظل نعاني من يفشل معه احد الادويه فهناك عشرات الادويه فلنمنح العلاج فرصه والصبر وأنا بقول لو كنتي في البدايه اخدتي الدواء الصحيح ما حدث كل هذه الاعراض وكنتي ارتحتي جيدا حتي رغم كل ما تشعري به وكل الم وكل هذه الدوخه واعراضها هل حدث لك شيء بالطبع لا لم يحدث شيء الا انه مزعج ويحرمك من ملذات الحياه فقط لا غير |
حللتي فقر دم وفتامين د ؟؟ لانهم سبب ايضا للدوخة
|
اقتباس:
كل فحوصاتها سليمه وياريت نبعد فيتامين دال يا جماعه كل ما تم الاسراع بالعلاج كلما كان التحسن في فتره اقل |
يااختي صلي عالنبي واتقي الله في نفسك
انتي مرضك نفسي ونوبات هلع فقط بالاغلب الامراض العضوية يااختي خذيها قاعدة سهل سهل سهل جدا نكتشفها لو باصغر طبيب او حتى طبيب شعبي يعرف ان فيك مرض عضوي بالمختصر ( المرض العضوي سهل اكتشافه عند اي طبيب او حتى طبيب شعبي ، بمعنى ان مرضك نفسي بحت ) الاخوان هنا مجربين وانا واحد منهم وكلنا نقول مرضك نفسي وليس عضوي طيب يياختي انا بنفسي فحصت على فلبي 4 مرات ؟؟ وصدري مرتين !! وبطني كذا مره وكل فحوصات القلب سلمية !!!!!!! تخطيط وفحص الخ وبالاخير يقول انت زي الحصان ومافيك عرض مرض قلب لو واحد بالمئة !! الصدر يقول لي انت سليم جدا !! وقبل امس اصبت بدوخه وانا امشي وكنت ساقع ولكن تماسكت وكملت وتناسيت الموضوع وفكرة الدوخة وبعدها اختفت !! لو فكرت بالدوخة وانا امشي او جلست من الخوف او تمايلت قليلا ، كان اوهمت نفسي اني مريض بالدوخة واصبحت مرض ! لكني تجاهلتها وخذي القصة هاذي قبل سنتين كنت لااستطيع ان اصلي هل تعرفين لماذا ؟؟ اخذت اربعة شهور وانا اصلي بصعوبة واقترب من الناس لاني اخاف اسقط ولذالك اتمسك بالذي جانبي لو سقطت هههههههه مجرد تخيلت عجيبة كلمت كذا دكتور باطنية واذن وحنجرة الخ وقالوا مافيك شي !! واخذت مكملات غذائية ولكني تركتها لانها اصبتني بالتنمل وضعف النوم وسبحان الله بعدها اجبرت نفسي وصليت وصرت اصلي بالقوة واتناسى الدوخة واشغل نفسي بالصلاة وابعد تركيزي عن الدوخة وفكرتها حتى اختفت تماما !!!! معنى ذالك ان الفكرة كلها وهم والوهم والخوف يصيب الجسم بالضعف ويجعل عقلك الباطني واللاواعي بالاستجابة وانك مريضة !! مثل الاشخاص الي يقولون نحن مسحورين ؟ او عندنا امراض قلب او كتمة وضيق تنفس او او او او الخ وكلها اوهام انتي مرضك كالتالي : كثرة التفكير والتوهم بالمرض تجعل المرض بالنسبة لك وفي عقلك انه حقيقي مثال انا طيف الليل كنت اتوهم السقوط والدوخة بالمسجد تحديدا واستمرت اربعة اشهر وبعدها تغلبت عليها !!!! وليومك هذا انا اعاني من ضيق ونشفان الحلق والاختناق ليلا وقت النوم مرات تختفي شهور ومرات تعود لي وتستمر الايام وربما اسابيع !! لان مرضي نفسي بحت وعلى حسب الحالة والمزاج مرضك وهم ومزاجي ونفسي بحت ولاتضيعي فلوسك ووقت وحياتك بين المستشفيات !! انا صرفت فلوس على تخطيطات قلب وصدرية وزحمة مستشفيات بلا فائدة لاني احس بالم بمكان القلب ونغزات ووجع مزعج مكان القلب بالضبط ولكن بالاخير عرفت انه نفسي فقط !! بالعربي الفصيح روحي لدكتور او دكتورة جيدة تستمري معها بالعلاج النفسي او السلوكي وبطلي وهم هههههههههه لاتضيعي عمرك بالاوهام الساذجة يااختي وانتبهي على نفسك اعرف بنت كانت تجيها نوبات هلع شديدة وتركت التعليم لانها كانت مدرسة وتدرمت حياتها رغم انها متزوجة وودوها لدكتورة في جدة طبيبة نفسية واعطتها ادوية هلع والبنت عادت لمدرستها رغم ان مدرستها بعيدة عن مدينتها وفي قرية بعيدة والان عندها اطفال وسعيدة بحياتها لانها ساعدت الدكتورة والدكتورة ساعدتها انتي مشكلتك تبغين الكاترة يساعدونك والاعضاء يساعدونك وانتي ماتساعدي نفسك !! بالقوة نقولك مافيك شي وبالقوة نقول روحي لدكتور كويس وبالقوة نقول لك ان الامراض الي فيك نفس الامراض الي عندك !! ايش الحل معك يااختي ههههههههههههههههههههههه الحياة جميلة فاستغليها بالاشياء الجميلة واطلعي من الكأبه المصطنعة هاذي والاوهام المصطنعة وليست الحقيقة !! بالمشرشحي زي مايقول اخوانا السوريين عليك بدكتور جيد واستمري معاه بكل ثقة اقري بالمنتديات عن الهلع والدوخة روحي لليوتيوب وشوفي برامج حلوة عن الذات وتطيرها والهلع والامراض هاذي عندك دكتور كويس له مقاطع يوتيوب يتكلم عن الهلع شوفي هنا https://www.youtube.com/watch?v=1OLZ-YwqbqE كلنا نحس باعراضك بس انتي مكبره بالموضوع او مشاعرك حساسه ورهيفة وضعيفة نوعا ما |
اقتباس:
ولو عند الاخت داعية ربها مرض عضوي لااستطاع الدكتور اكتشافه بسهولة او حتى شخص عادي !! |
اقتباس:
|
اقتباس:
|
اقتباس:
|
انا سمعت فيتامين دال له علاقه في الدوخه ودايم اسأل الدكاتره يقولون لي ماله علاقه الا دكتور واحد قالي ممكن بسبب دال
|
ي اختي انا اول نوبة هلع جاتني جاني بعدها اسبوعين دوخة وثقل بجسمي وبراسي حتى درجة يدوب ارفع نفسي واكون دايم منسدحة متمددة وانا جالسه لازم استند احس بطيح واحس ضيق تنفس وكنت احسبها عادي فقر دم وطنشتها وكنت اقوم بواجباتي واحاول اطلع وراحت لما طنشتها وبعد اربع شهور حلات فقر دم وطلعت سليمة ي اختي طنشي قولي مافيني شي وكل يوم امشي نصف ساعه واستغفري لما تمشي وحاولي تروحي طبيب نفسي يعالجك سلوكيا ودوائيا لاني السلوكي حيعطيك تمارين تقتنعي انها نفسية بس العقل الباطن يحتاج وقت يقتنع
واذا حسيتي بنفسك دايخة قومي امشي ولفي البيت واقري البقرة طيف الليل اعطيتني امل بالحياة من قصة المدرسة |
اسال الله يشفيكي والله كلو شكلو وهم حسبنا الله ونعم الوكيل ع الشيطان وكيده آمين
|
اقتباس:
|
اقتباس:
اذكر شخص له مقطع وكان متسابق في قناة بداية اذا تعرفينها يقول انه كان يعاني من دوخة شديدة مرات وكانت تصيبة مرات بالمسجد او وهو يقود السيارة الخ وراح لرقاة وشيوخ ودكاترة الخ ولم يجد حل للدوخة بالاخير اكتشف ان الدوخة بسبب الانف لديه وتكتب مادة باعلى الانف حلها بسهولة عن طريق الوضوء والاستنشاق بالماء حتى يصل الماء الى اعلى الانف استمر اسبوع وبعدها ذهبت الدوخة نهائيا ابحثي عن مقطعة باليوتيوب وتجدينه مع اني متاكد ان الدوخة عندك نفسيه بحته وبسبب انك حساسة شوي جاتك على شطل صدمة لاول مره متاكد ان مشكلتك نفسيه وسوف تتجاوزينها بالاصرار الكامل يااختي يااختي انتي مرضك وهم وتكدسات على شكل صدمة ضيعتي وقتك وفلوسك بالمستشفيات على ان مرضك عضوي هل فحصتي الان ؟ الاذن ؟ الرأس ؟ المعدة ؟ عندك نقص فيتامينات او لا ؟ فحصتي فيتامين دال وكذالك الغدة الدرقية او لا ؟ اذا فحصتيهم كلهم فأنتي مرضك نفسي بحت ووهم وهلع شديد اذا لم تفحصي شيئ من الاشياء التي ذكرتها لك فافحصي الاشياء التي ذكرتها لك ربما تكون بالانف او الغدة او عندك فيتامينات ناقصة او بالمعدة مشاكل |
اقتباس:
بخصوص المدرسة هاذي انا اعرفها وكانت زميلة لنا في منتدى قديم قبل اربع سنوات وهي حكت قصتها لنا ومرضها المجهول وهي نوبات هلع كانت تقول ابكي واصيح ولااعرف مرضي ايش وكنت اعاني وتركت العمل وتدمرت حياتي وهي اصلا من مكة ولكنها راحت لدكتورة كويسة بجدة وعالجتها بالادوية والجلسات وبعدها اختفت الاعراض تماما !! وعدات لوظيفتها رغم ان مدرستها وعملها خارج مكة وفي قرية بعيدة ورجعت لزوجها واطفالها وانتهت الاعراض نهائيا فيه ناس اسوء منا بالحالات زي المعلمة هاذي لكنهم وجدوا اهلهم معهم واقاربهم معهم ووجدوا مساعدة الاهل لهم وعالجوا المرض برعة قبل ان تزيد اعراضه |
نعم فيتامين دال يسبب الضعف والخمول الشديد وكذالك بعض الالام المجهولة بالجسم
وكذالك الدوار والدوخة وكذالك الغدة الدرقية مثلها تماما |
انا راح اقول لك على حلين
الاول استنشقي سعوط يعني تاخذين سعوط من عند العطار وحطيها في كف يدك وشميها بحيث تاخذين بقدر اصبعين الابهام والسبابه الشم يعني تسحبينها بهواء انفك ليست بالقوه والثانية اذا مانفعت الاولى يعني اصبري على الاولى كم يوم اعملي تصليب باطن كعب الرجل بالنار طبعاً الرجلين بواسطة ملعقه او اي قطعة حديدة تحمى على النار حتى تحمر من شدة اللهب وتشطين باطن كعب الرجل بعلامة زايد اي يعني لسعه خفيفه حتى تحسين باللسعه في بطنك والله الشافي المعافي وخبرينا بالنتيجة والله يكتب لكي ولنا ولجميع مرضى المسلمين الشفاء |
اقتباس:
|
اقتباس:
العلامة تأخذ من اسبوع الى10 أيام البسي جوارب اهم شي عرفتي المكان اللي بتسوين فيها التجربه اي باطن كعب القدم يعني باطن القدم من تحت جهت الكعب في الجلد القاسي مؤخرت القدم والله يشفيك |
اي تقومي بعمل كي ( تكوين ) المنطقة المذكورة
|
اقتباس:
|
انت جربي السعوط اول شي وإن شاء الله تروح عنك الدوخة
|
اختي سوي تخطيط مخ واعصاب يمكن عندك نشاط كهرباء زايده لانه انا سويتها 4 مرات مره تبين ومره لا ماتبين بسيطه يعني وصرفلي الدكتور لامكتال وارتحت من الدوخه بس اهم شي تستمرين عليه هل نظرك في غباشه زي الضباب او عدم تركيز اذا فيه انصحك بعلاج لامكتال فهو يصرف للقلق والهلع واعرف ناس يستخدمونه وانا ارتحت عليه خفف الدوخه والتركيز افضل من اول
|
رحت اثنين مخ واعصاب وطلبت منهم تخطيط مخ واعصاب رفضو قالو مايحتاج حسبي الله عليهم قلت بتطمن رفضو بس بروح ثانيه واطلب عمدي موعد مراجعه بسألك لامكتال هذا دواء اعصاب وانت أعراضك كيف اشرحلي عندك الام في الراس ودوران ودوخه وتحس زي الشد اناتعبت من هالاعراض وأفكر اسوي حجامه وأبر صينيه
|
احيانا وانا نايمه اذا صحيت وفتحت عيوني اشوف ضباب وبقع بِسْم الله واخاف واصحصح لين يروح هالشعور اشوف اضاءات والتركيز من يوم تعبت ومافي تركيز ونسيان احيانا
|
بسألك خفت عليك الدوخه وراحت ولابس خفت
|
انا زيك ضباب ودوخه وشد بالراس بس خف لما جربت لامكتال خف 50 بالميه
|
اهلين اختي
انا اكثر انسان عانئ من الدوخة والدوار واحس باللي تحسي فيه شعور مؤلم جدا تحس انك بعالم ثاني دوخة ودوار وتحس انك بالبحر والامواج تهزك وتحس زي الامواج براسك داخل الراس وطنين الاذن انا هذي اعراضي زايد صداع علئ شكل شد كٲن حزام مشدود علئ راسي كامل احسه مضغوط مو صداع عادي جلست 3 سنوات بهالاعراض وطريح الفراش وماكان عندي اي اعراض نفسية ومن دكتور الئ دكتور ماني مقتنع الشئ ذا نفسي والحمد لله بعد الدواء النفسي كل شئ اختفئ واخذت ادوية للدوخة بيتاسيرك وستوجيرون وجنكسين اف والحمد لله بعدها الوضع عال العال كل السالفه قلق وتوتر تشد عندك العضللات والاعصاب فيحدث الدوران والدوخه والشد واي سؤال او استفسار حاضرين واعتبرينا اخوانك والله يشفيك يارب ويجمع لك بين الاجر والعافية |
والله يا اختي عااااادي ووضعك سليم ان شاء الله والكشوفات اكدت هذا الشي
والضغط النفسي والتفكير يعمل اكثر من كذا .. انا دكتور الطوارئ طفش مني من كثر ما اروح له ههههههه ويقول ما تتوترش اقنعي نفسك وجاهدي نفسك ومرة على مرة بتتعودي وبتشوفي الاعراض تختفي اشغلي نفسك بالاشياء اللي تحبيها وابعدي تماما عن التفكير السلبي وتمارين الاسترخاء جدا ممتازة |
اقتباس:
|
بين يوم وليله بسألك انت الان اختفت الدوخه و الصداع والأعراض
|
اختي الئ متئ بتجلسي تقنعي نفسك
ان مرضك عضوي مو نفسي انا زيك قسم بالله ماكنت مقتنع ولا 1% ان مرضي نفسي لكن طرقت كل الابواب والسبل وبالاخير ماقدامي الا العلاج النفسي والحمد لله استخدمته لي 3 سنوات والوضع عال العال دام حللتي وكشفتي خلاص الحمد لله وهذا قلق واعراض جسدية وتسمئ سيكوماتية روحي لدكتور نفسي شاطر وخليه يصرف لك مهدئ اول شهر مع العلاج ودام العلاج موجود ليش مانتعالج ونرتاح الهروب من الواقع وتقولي مرضي عضوي مو نفسي ماراح ينفع ليش مايكون نفسي مافيه انسان مو معرض للامراض النفسية والعضوية انا اقولك ريحي نفسك من كل هالتعب وتعالجي وصدقيني بتقولي ليتني تعالجت من بدري وارتحت من هالعذاب |
اقتنعتي او لسه :)
|
اقتباس:
|
اقتباس:
|
ساعدوني تكفون في حالتي
اليوم رحت مركز نفسي سلوكي بعدها قالي أعراضك نفسوجسديه وقام يشرح بس مادري داخليا تعبانه حقيقي بعدها حاول يقنعني وحولني لدكتور دوائي يوم شرحت له اعراضي صرف لي علاج وقالي انتبهي تقرين النشره ممنوع لاتقرين وقال خوذي نص حبه يومين واللي بعده حبه يومين بعدين حبه ونص وتعالي بعد اسبوعين اسم العلاج سوليان عاد مادري متخوفه اخذه او لا تكفون ساعدوني
|
شعور الدوخة والدوار اكثر شي يجيني وهو اللي يستمر معاي احياناا وانا مستلقي على ظهري اشعر كأني داخل قارب او بين امواج .. فعلا هو مزعج جدا وخلاني اروح للمستشفى مرات كثيييير
وكل مرة يقولوا مافيك شي مجرد ارهاق نفسي وتوتر .. طبقي تمارين الاسترخاء والاكل المفيد والفواكه جدا مهمه ومفيده للحالة هذي |
اقتباس:
|
معقول التوتر يسوي كذا في الانسان
|
اقتباس:
الا .. سألني الدكتور اذا في ألم في الاذن وقلت لا وسألني اذا في طنين وقلت لا قال هذا ارهاق نفسي ولا تفكر في الموضوع .. والشعور يختفي احيانا واوقات يرجع ويرجع القلق معاه ، لكن بحاول قد ما اقدر اتجاهل هالشعور |
| الساعة الآن 07:45 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا