والله مب حياة
 

السلام عليكم

اخواني انتم متعطلين من الاكتئاب

طيب وش اقول انا اليوم كشفت لقيت الضغط 200/140 مرتفع جدا

وعندي قرحة في المعدة وبواسير وبروستات

الحين الاكتئاب لحاله يكفي طيب مع انفصام نصبر مع بس كل هذه الامراض والله حرام يكفي

حسبي الله ونعم الوكيل على من كان السبب

توني راجع من المستشتفى والدكتور يقول لازم تاخذ علاج للضغط صبرنا عليه كثر ما نزل

اكتملت وربي حالة النفسية في الحظيض

الله يشفيك يأخوي محمد
الله يشفيك ي بعدي
الله يفرح قلبك وينسيك كل الالم والعذاب
الله يحفظك

سلامتك يارب
لا اله الا انت ياربي ما ضاقت الا برحمتك فرجت فيارب استجيب وارفع عن محمد كل شر ..آمين 😔

تسلمون ما تقصرون

بس والله الكلام سهل والفعل صعب انا كاره حياتي خلاص كلها امراض ما فيه شي يستاهل

ما اقول الا حسبي الله ونعم الوكيل

خلاص والله ما اطيق نفسي كرهت نفسي

--------------------------------------------------------------------------------

تكفون لا حد يجي يقول اصبر والله عارف بس ما توقعت الضغط يسوي كل هذا صداع وتعبان وقلق شديد وعيوني توجعني والنظر ضعف حسبي الله ونعم الوكيل ثلاثة اشهر قلت يمكن ينزل من نفسي لكن خلاص قرر الدكتور يصرف لي علاج والله المستعان

احس اني فرحان وزعلان احسن استاهل كل الى جاني ان الي ضيعت نفسي ب الادوية النفسية من الاساس كان المفروض ما ادخلها

احسن استاهل استاهل استاهل وان شاء الله اموووووووووووووووووووووووووت وارتاح

ليش تستاهل انت اخذتها من ألم وضيق وكنت بدك بشي يخرجك من معاناتك لكن سبحان من بيده كل شي ..ولن نقول اصبر بل نقول كلنا نشعر بك وندعي الله لك بالشفاء العاجل ياااارب آمين

الله يشفيييييك

هذا ياخوي محمد الحظ الردي وحياة الندم مكتوب علينا هالشكل

الفدعوسي دايما فكاهي جدا ..

ليش فكاهي اتكلم جد


هذا مكتوب علينا

الف الحمدلله على سلامتك يالبدراني

وبالعكس أفرح ياخوي لاتحزن
أكمل الناس إيمانا أشدهم إبتلاء قال رسول الله صلى الله عليه وسلم " أشد الناس بلاء الأنبياء، ثم الصالحون، ثم الأمثل فالأمثل، يبتلى الرجل على حسب دينه، فإن كان في دينه صلباً اشتد به بلاؤه، وإن كان في دينه رقة ابتلي على قدر دينه، فما يبرح البلاء بالعبد حتى يتركه يمشي على الأرض وما عليه خطيئة

جاء في الحديث أن الله إذا أحب عبداً ابتلاه

تذكر ياخوي فوائد الإبتلاء:

• تكفير الذنوب ومحو السيئات .
• رفع الدرجة والمنزلة في الآخرة.
• الشعور بالتفريط في حق الله واتهام النفس ولومها .
• فتح باب التوبة والذل والانكسار بين يدي الله.
• تقوية صلة العبد بربه.
• تذكر أهل الشقاء والمحرومين والإحساس بالآمهم.
• قوة الإيمان بقضاء الله وقدره واليقين بأنه لاينفع ولا يضر الا الله .
• تذكر المآل وإبصار الدنيا على حقيقتها.

الله يشفيك ويعافيك ياخوي البدراني وألف سلامة عليك

المشكلة اني يا غافلين لكم الله مدري والى فيني احس بتعب موت وصداع عنيف نبضات قلبي بيطلع من صدري احسبه من الاكتئاب العين اثاريه من الضغط

الى مثلي يروح يبعونه في التشليح اصرف ويمكن ما يقبلون ما فيني قطع غيار صالحه غير رجليني

اسمع كلام اخونا يالبدراني وافرح بالاسباب الي ذكرت هنا

سولفت انا قبلك وكتبت معلقات وشكيت لكن مافيه فايده

والله حرام يالفدعوسي تعبان انا مرة مب حاس بطعم الحياة كله تعب وهم .


ما فيني حاجة يا دكتور ............... لا تكشف الجرح مشكور

عندي لجرحي مناعة ...................يا قوها من مناعة

يا حسرتي يا وجودي ........راح واتركني فقدت عقلي

وش ذنبي الى اقترفته للحين ما عرفته

عين خيررررر اخو محمد
هذا انا استخدم الادويه منذ عام 1994 ميلادي وصابر ومحتسب وزيادتا على ذلك الفقر وقلت المال والله المستعان

الله يشفييييييييييييييييييييييييك

وش الى صبرني هالسنين غير اني ما ابي اغضب الله بالانتحار

والله تعبت حيل مدري هو من الضغط ولا القلق الشديد ولا وش السالفة الوكاد اني رحت فيها ملح

اقرأ قرآن جزء كل يوم بنية الشفاء

و احفظ اللي تقدر عليه

القرآن شفاء و أهل القرآن هم اهل الله و خاصته

الى يدري يدري والى ما يدري ينوم بدري

من 94 ؟

احسن شي يقوله الواحد

ياصاحبي مافادنا كثر الاحلام
والي بخاطرنا عجزنا نطوله
ماتت امانينا على كف الايام
حكم القدر فارض علينا ميوله

نمشي لورا والوقت يمشي لقدام
ضعنا وضيعنا كلام نقوله
تعبيرنا ماضمته روس الاقلام
تكسرت كل الحروف بسهوله

تري محمد اللي اخد ادويه مو مرتاح واللي اخد طاح فيها وما ارتاح 13 سنه مع عدو لا يرحم تركت العمل منذ 4 اعوام ظلما وعدوا اصبحت والمجنون من نجاح لفشل ذريع اصبحت والجنون يعتريني اللي وقفت معاهم وقت الشده ما عرفوني وقتها قريب ام غريب اطلقت لحيتي اصبحت كالمدمنين بدون مخدرات كرهت البشر ما عاد فيه خير الا ما رحم ربي. اصبحت لا اخشي المرض لا اخشي الموت فإنه قادم لا محاله شئنا ام ابينا كل هذا مكتوب ومقدر تعلمت ان الشكوي لغير الله مذله انما اشكو بثي وحزني الي الله هذه هي الحياه.

الله يشفيك ويشفيني ويشفي جميع اعضاء المنتدى


وحسبي الله ونعم الوكيل على الي كان السبب

الله يجزاكم خير

ما ترى باس يابوحميد .. طبعا الضغط يسبب كل الاعراض اللي ذكرت . انت الحين خذ علاج له واسمع نصيحة اخوك اللي كررتها عليك كثير . انت بحاجة لتغيير اسلوب حياتك وحط تحتها مليون خط . كل الامراض الا ماشاء الله سببها اسلوب الحياة الخاطيء . الحل مو ادوية وبس . اذا الواحد جاه ضغط او سكر على طول دواء . لازم تغيير اسلوب الحياة . الدم يركد مثل ركود الماء وركوده يسبب كل هاالامراض . انت بحاجة لانتفاضة شاملة . صدقني اني افكر فيك كأخ عزيز واشوف الحل والمخرج قريب منك . اطلع الممشى كل يوم ساعة او ساعتين خلهم جزء من حياتك وبحول الله الضغط يروح والنفسية تتحسن . خذ الكلام ع محمل الجد ولا تتعذر بصندوق الاعذار اللي ذكره الدكتور صالح الانصاري عميد المشي : مافي وقت مافي مكان الخ الخ . انا عارف ان مالك مزاج بالمشي لكن هي ترا بداية بس ورح يتحول المشي لعشق ما رح تتخلى عنه خصوصا اذا حسين بالفايدة والتحسن . فكر جيد بما قلته لك . وانا هذا الحل بعد الدعاء اللي اقدمه لك ..

بكرا يجيك التقاعد وترتاح وتبسط

وتسافر القاهرة تغير جو وتبسط اما المستقبل خله لرب المستقبل يدبره ماهو بيدنا

ويقول المثل اللبناني عش يومك وبس

اضحك للدنيا تضحك لك .. ابك تبكي بروحك

فلها وربك يحلها

لا انا الحين اقتنعت بالمثل اضحك للدنيا تضحك لك هذا مثل فاشل مع احترامي لك

لا حول ولا قوة إلا بالله الله يشفيك اقترح عليك تسوي لك مشروع تلتهي فيه ولا جرب تغير تفكيرك بالعبارات اللي تطبطب عليك عادي اضحك على نفسك بالخيال وان شاء الله تمشي امورك بس هدي وطول بالك لاتجلد نفسك ماانت مستفيد غير زيادة نكد وهم والموت بنموت كلنا ماحنا مخلدين الله يحسن خاتمتنا.

الله يفرج عنك اخوي محمد ويلبسك ثوب الصحة والعافية

اوكي اجل ابك تبكي بروحك

خليك مهموم حزين كذا اقتنعت ؟؟؟

اتمنى تكون الحين اقتنعت بالحزن والهم دامك مو مقتنع بالضحك ؟؟؟