|
من يعاني من الاكتئاب بيعرف حقيقه مشاعري!!
السلام عليكم ورحمه الله وبركاته
تصدقو مدري ليش فتحت الصفحه وقررت اكتب موضوع هل لاني حزينه على وضع اخوي ؟. والا لاني خايفه ينتهي الحال بي مثله في يوم من الايام مااادري!!! صراع وسوسه لدرجه اني ساكته وجوات راسي كلام يدور اليوم كنت في موعد عند احدى الكوفيرات وطول الطريق بالسياره مخي شغال افكار افكار افكار مافي فكره محدده اخرج من فكره ادخل في فكره وكل فكره اسوء من اللي قبلها؟!! وحتى والكووفيرا شغاله في شعري وانا اهوجس وافكر احس كاني صنم جسمي جامد وعقلي شغال .؟!! ياعالم والله تعبت نفسي اعيش اللحظة واستمتع مثل باقي البشر!! قبل ازعجكم بقرقرتي لازم اعرف بنفسي انا فتره طويله اتابع المنتدى بصمت بدوون ما اشارك مدري هو خووف والا هلع من فكره المرض النفسي انا اختكم عمري 32 سنه متزوجه وعندي طفل عمره سنتين بدأت معاناتي من 1427 تقريباً بعد ماملكت على شخص وكان مريض هالشخص بمرض اسمه التعدد المتصلب وفسخت ملكتي منه لانهم ماعلمونا من البدايه ان وولدهم مريض من هنا بدأت الحكايه ظليت 9 اشهر لين حصلت على ورقه الطلاق وقتها كنت ادرس بالجامعه وتركت الجامعه ماقدرت اكمل مع انه باقي لي سنه واتخرج ظليت اعاني نفسياً فتره طويله ورافضه تماما فكره الطبيب النفسي حتى مشايخ رحت قالو لي عندك عين !! المهم ظليت فتره على الزيت ووالماء والعسل وحمدلله لكن ماقدرت ارجع للجامعه لان نومي مو منظم وتركيزي صفرررررر لين ربي هداني ورحت لابوي قلت له ابغا طبيب نفسي اخذني على عياده في مكه وهناك بمجرد ماجلس معاي الطبيب شخص حالتي اكتئاب وصرف لي سبراليكس واستمريت عليه 3 اشهر وحمدلله شفت الحياه بعده رجعت للجامعه وزانت اموري بس وزني زاد فطلبت من الدكتور يغير لي الدوا فكتب لي بروزاك ياجماعه هذا الدوا سحررر والله تحسنت فوق 200% نشاط وششطاره وكل شيء وقتها تقدم لي شخص ووافقت وتمت الملكه والزواج وانا مستمره على البروزاك شاء الله وحملت رحت للدكتور وقال وقفي 3 اشهر الاولى من الحمل وبعدها ارجعي للدوا الى الشهر التاسع وقفيه سمعت كلام الدكتور لكن وقفت الدوا في الشهرر السابع من حملي واخر شهر تعبت مررره قبل ولادتي وكمان ولادتي كانت متعسره جدا بعد الولاده بعشرين يوم تقريبا جاني الاكتئاب وكان اقوى اكتئاب في حياتي حاولت اتغلب عليه لكن عجرت لاني ارضع كنت رافضه الادوويه وزوجي كمان رفض الدوا عشان يبغاني ارضع لكن قووه الاكتئاب انتصرت لكم تتخيلو نفااس واول تجربه ولاده واكتئاب؟!! رحت للدكتور من جديد كتب لي بروزاك لكن مانفع رفع الجرعه ولانفع غير لي الا اللسترال واضاف له مدعم والله ناسيه اسمه هالمدعم هو من مضادات الذهان انا قريت الروشته طار عقلي احسب عندي فصام ؟؟ وابكي واسوي لهم مناحه ورفضت الدوا لكن الاكتئاب اجبرني اخذه اخذته شهرين بس ووقفت مضاد الذهان واستمريت على اللسترال سنه كامله ثم وقفته بدون استشاره الدكتور بعد خمسه اشهر رجع الاكتئاب وكان اقوى واقوى ماادري ليه؟!! رجعت للدكتور لوسيان مده ثلاث اسابيع بجرعه نصف حبه مساء وصباح وكانت اموري تمام لكن سبب لي حليب فالصدر فرحت للدكتور يغيره لي فكتب لي ايفيكسر 75 مده اسبوعين ثم ارفعها الى 150 لمده 6اشهر الان لي شهر ونص على الافيكسر اقدر اقول استقريت نوعا ما بس مخي موراضي يوقف وساوس؟؟ ماادري اخذ لوسيان نص حبه ؟ والا ايش اسوي لو رجعت للدكتور بيأخذ كشفيه 300 ريال وحاليا ماعندي الميزانيه مزفته مع العلم الدكتور شخص حالتي اكتئاب مع وساوس!!! ومع العلم اخوي الكبير عنده وسواس قهري وهالفتره يمر بوضع صعب لان بينه وبين زوجته مشكله وصلت للطلاق!! وهالشيء مأثر علي جووو البيت متكهرب جدا وانا عايشه عند اهلي لان زوجي مسافر منطقه بعيده وحاله اخوي مأثره علي وشايله همه وحزينه عليه جداااااااااااااااااا وبس افكر فيه وافكر بوضعي مرات احس مخي مو معاي شغال كذا لحاله مايوقفه الا النوم حتى ولدي ماصرت اهتم له مدري ايش اسوي تكفون ابغا مساعدتكم هل احتاج للسوليان ؟اخذ نص حبه منه والا اصبر على الافيكسر ؟؟وانتظر لسته شهور ابغا تجاربكم ودعوووواتكم |
والله يا اختي حاس فيك انت امي وعندك عيال ومسئولية الله يكون بعونك بحق
انا ماني متدخل في عمل الدكتور لانه اقرب لك وافهم بالحالة منا جميعا بس جرعة الافيكسور مرة قليلة ممكن رفع الجرعة الى 300 ملغ وراح تحسين بالتحسن اما دواء مدعم هناك الكثير من البدائل مثل ابليفاي 15 ملغ نصف حبة واذا لم ما فادك ترفع الجرعة الى 15ملغ وهناك دواء لامكتال وانفيجا والكثير لا تسبب التثدي ولا تخربط الدورة الشهرية ولا تنزل الحليب عندك خيارات كثير مثل الابليفاي ولامكتال وانفيجا لكن الابليفاي اقوهم وهو ممتاز للافكار حاب اعرف كم جرعة السوليان لاني ناوي استخدمه للقلق |
الله يسعدك اخوي على ردك
فعلا انا اعاني مع ولدي وتعبانه الاهتمام فيه جدا صعب وموضوع طلاق اخوي شاغلني ومرات احس انا السبب لاني خطبت له مدري من زود الاكتئاب تلخبطت عندي الامور الجرعه 150 ايفيكسر وتاعبتني والعلاج غالي العلبه ب91 واحتاج علبتين كل شهر !! اما السوليان جرعته 50 حلوو مرة ومريح ويخليك هادي ومبسوط طيب تتوقع في امل اطيب واتعافى والا بقعد طول عمري كذا طيب حاله التفكير المستمر والسرحان وانقطاع الافكار سببها الاكتئاب والوسواس والا فيني شيء ثاني ؟؟ |
اقتباس:
هلا اختي اول طلاق اخيك مكتوب ومقدر ولا اهو اول واحد يطلق وان شاء الله تخطبين له بنت حلال ويعيش حياة سعيدة باذن الله واعرف واحد طلق من اول ستة اشهر والحين تزوج ثانية وعايش احلا عيشة الدنيا جبلة على الكدر والمصائب والمؤمن مبتلى اما ولدك لا تشيلن هم من تتحسن النفسية مع العلاج راح ترجع الطاقة والحماس له والحب والحنان الحين ماثر عليك الاكتئاب والافكار السوداوية انا لا اعلم الغيب لكن واضح انك متفائلة وصبورة وشجاعة وان شاء الله هذي الصفات تساعدك للتخلص من الاكتئاب ان شاء الله مع العلاج والالتزام بالاستغفار والتوبة والصدقة وتغيير نمط الحياة والتفكير ترجعين طبيعية بعدين حتى لو اضطريت تاخذين العلاج على مدى طويل ليش القلق والحزن المهم هو راحتك وسعادتك انتي وابنك و زوجك خلى تفكيرك ايجابي وقزمي الافكار السوداوية وتعوذي منها واقرى قران واكثر من الصدقة والاستغفار ينشرح صدرك لا ان شاء الله ما فيك الا العافية اكتئاب اما السرحان وكثرة التفكير والحزن ولوم النفس وتحطيم الذات كلها من اعراض الاكتئاب والدكتور عطاك علاج ممتاز وقوي هو الافكسور لكن الجرعة ضعيفة اصبر على 150 ملغ ثلاثة اشهر واذا لم تحسي بالتحسن المطلوب مممكن رفع الجرعة الى 300 ملغ مع دواء داعم له مثل الابليفاي دام حالتك المادية مش على ما يرام بلاش من الابليفاي لانه غالي العلبة ب 500 ريال تكفي شهر فقط عندك لامكتال بجرعة ابتدائية 50 ملغ وتصبر على الجرعة اذا لم يصيبك حساسية في الجلد وناسبك العلاج ممكن رفع الجرعة الى 50ملغ حبة صباحا وحبة مساء هناك دواء داعم وسعره لا يتجاوز 25 ريال وهو دوجماتيل لكن من اعراضه التثدي ولخبطة الدورة الشهرية اذا كان بجرعات كبيرة خذي 50 ملغ صباحا و50 مساء اختي البيوت كلها مصائب احمد ربك انا مسحور ومحسود واعاني من انفصام الواحد يشوف مصيبة غيره تهون عليه مصيبة اسمعي المقطع هذا ارجوك اارجوك https://www.youtube.com/watch?v=KNNoLf-IU54 |
السوليان جيد انا داومت عليه 15 سنة لكن مشكلته النوم الكثير والكسل انا أتناول حاليا ابيليفاي 15 ملغم لي 7أشهر مداوم عليه لايسبب نوم كثير وكذلك أتناول بروزاك و لاميكتال الصراحة تغيير الأدوية الكثير لا ينصح به. على العموم عملي تغيير الأدوية رهاب اجتماعي لا زلت أعاني منه وخوف وقلق وكذلك الوسواس والأفكار في رأسي ما انتهت لكن على العموم تأثير الأدوية يختلف من شخص لآخر والأبيليفاي ينصحون به كثيرا للاضطراب المزاج ثنائي القطب مع اللاميكتال كمثبت للمزاج اما الأبيليفاي للوسواس فلا أدري الأفضل أن تراجعي طبيب ممتاز
|
ماشاء الله عليك قويه وصابره الله يزيد قوتك ولاتشيلين هم شيء ماراح يصير غير المكتوب.
|
نعم ويا لها من مشاعر الحمد لله ربنا يزيدك تفاؤلا ويعفو عنك ويعينيك علي الحياة.
|
الله يشفيك
|
الله يشفيك
|
اقتباس:
يعني عادي الانسان يكون مريض ويعيش حياته ؟؟! طيب كيف يتغلب على هالشيء ابغا خبرتك اليوم تعبت على صلاه المغرب وماقدرت اكمل صلاتي من الخوف والرعب وجلست ابكي واصارخ واضطريت اخذ نص حبه سوليان طلبت من ابوي يوديني الدكتور لكن رفض لان ماعنده مادياً الكشفيه غاليه وزوجي مسافر ولايعترف بالدكاتره ولايبغاني اخذ دوا والله العظيم اكتب وانا حزينه على نفسي ابغا اعيش ابغا احس باللي حولي اقسم بالله تعبت مدري اشكي والا ابكي والا ايش اسوي حتى ولدي تعبان عنده طفح ولاني قادره انتبه له وموضوع اخوي تاعب كل اللي فالبيت عايشين حاله حزن وامي ارتفع سكرها مدري ايش جانا !!! لاحول ولاقوة الا بالله العلي العظيم اللهم اجرنا في مصيبتنا واخلف لنا خيرا منها انا الان ابغا احد يعلمني عن السوليان هل بيضرني لو اخذته نص حبه بدون استشاره الطبيب ارجوووكم يااهل الخبره تساعدوني |
تصدقوًون مرات افكر اشرد من البيت او اسوي نفسي شيء
اقول يمكن ارتاح لو شردت بس افكر وين اروح وياترى لو شردت بتختفي عني هالمشاعر ولو سويت بنفسي شيء راح ارتاح والا اتعذب اكثر في نار جهنم ؟! اعوذ بالله من غضبه البيت عندنا صاير نار مشتعله صراخ وهواش ومحد متحمل احد والسبب اخوي اللي مريض بالوسواس وبيطلق زوجته هي طلبت الطلاق دوب لهم شهرين متزوجين تقول ولدكم مايهتم بنفسه ونظافته ومايطالع فيني ولايهرجني وعنده ضعف جنسي مادخل عليها للان ( اعذروني على الصراحة) وداه ابوي الدكتور وغير له العلاج لكن هي ماتبغا تصبر واهلها وراها مايبغونها تجلس وتصبر البارح دقيت على اختها ابغا اتفاهم معها ماردت وحذفتني من الواتس مرة مستعجلين اخذوو عفش بنتهم وقفلو كل الطرق للتفاهم ويبغون الطلاق والله اكتب لكم وانا مقهورة من تصرفهم مدري اعذرهم والا الومهم والا الوم اهلي لاننا زوجناه مع اننا علمناهم انه مريض وياخذ ادويه ورضيوو بس هي ماقدرت تتحمل لانه مادخل عليها للان |
اقتباس:
نعم خذي نص حبة ما راح يضرك بشي بس انتي لازمك علاج واصبري عليه لا تسعتجلي العافية شوي شوي ترجع التزم بكلام الدكتور وراح يتعدل وضعك اذا انتي من اهل الرياض علميني فيه دكتور حبوب وشاطر مرة |
اقتباس:
لاني انا في راسي بس افكر ايوة اخذت نص حبه سوليان لا انا من مكة | |
اخوك لازم يراجع دكتور ويراجع دكتور امراض ذكورة والبنت الله يستر عليها خلاص لازم يطلق وتشوفون بعدها بعد فترة من تحسن اخوك البنت الصالحة الى تقبل بحالته ولازم تعلمون اذا جيتم تخطبون حتى تكون البنت على علم
اما حالتك انتي تاخذين افيكسور وسوليان وفصلت لك بالرد الاول العلاجات البديلة انصحك برفع الجرعة الى 300 ملغ من الافيكسور وسوليان 50 ملغ حتى موعد الدكتور ليه ما تراجعين مستشفى الامل بمكة المكرمة وافتحي ملف عندهم والعلاجات وكل شي مجانا بعدين قدمي على الضمان والتاهيل الشامل ينزلك حوالي 2000 ريال مساعدة |
اقتباس:
اخوي قبل نخطب البنت كان عندها علم بكل شيء ورضيت لكن لما عاشت معه ماارتاحت واللي زاد الامر سوء انه ما دخل عليها نعم عرضناه على طبيب ذكوره وكتب له ابر ياخذها يقول عنده ضعف بسيط بس اللي استغربه انه مو زعلان على انه بيطلق !! او انه يتظاهر انه مو هامه ماادري بالنسبه لمستشفى الصحة في مكة رحت لهم مرة ومعاد رجعت لهم لان الدكتورة حتى ماعطتني فرصه اتكلم كتبت علاج على طول !!! وهالشي استغربته منها مفروض تسمع شكواي اول شيء بعدين تكتب العلاج |
خلاص اعتبري الى حصل من الماضي الطلاق مب اخر الدنيا والله بيعوض بنت الحلال
اما حالتك انت الان كم جرعة الافيكسور الى تاخذينها ؟ وكم جرعة السوليان ؟ |
اقتباس:
سوليان 50 طبعا السوليان انا اضفته لان الدكتور لما رجعت له قال وقفيه بس اذا تعبتي ارجعي اخذيه نص حبه مساء ونص صباح ماادري هو للقلق والا لايش؟ لان مكتوب مضاد للذهان مشكور اخوي مع هالليله الفضيله ربي يجزيك الجنه على تفاعلك معي بس لو الخاص يتفعل كان عندي بعض الاساله |
لا شكر على واجب
السوليان فعلا مضاد للذهان لكن بجرعات كبيرة مثل 600 و 800 ملغ وقد تصل 1200 ملغ في اليوم اما للقلق 50 ملغ و50 مساء لما ترجعين للدكتور قول انه سبب الحليب وراح يكتب لك مضاد ذهان او مثبت مزاج مثل لامكتال او سيروكويل بجرعات قليلة او متوسطة انتي لا تخافين ولا شي مع العلاج راح تتحسن النفسية بس شوي صبر شوي صبر وتجرب كذا علاج حتى يجد الدكتور العلاج المناسب واي سوال تحت امرك |
طيب عادي لو استمريت على السوليان فتره طويله ؟
والا يضرني ابغا اتطمن وعندي سؤال لما اكون مع الناس واسولف معهم مرات احس ذهني شرد مني وبنفس الوقت اكون اتكلم فاهم علي يعني اتكلم بموضوع وانا في بالي موضوع ثاني !! هالشيء يفجعني ويمغص بطني واخاف اخاف اكون انجنيت او فقدت عقلي !! اتمنى تفهم علي نفسي اقول ايش يدور في ذهني بس اخاف اخاف ان الناس تحسبني مجنونه او مختله كمان في شغله بالنسبه للاهتمام بالنفس صرت مااهتم بشكلي ولا اكشخ وكله طفشانه وكله خايفه نفسي احب نفسي واهتم لها زي زمان لاني كنت رمز الشياكة والاهتمام الليله 23 ونفسي اروح اصلي مع الناس التهجد بس خايفه تهاجمني الافكار هناك او يصير لي شيء ماادري ليش هالتفكير الغبي مسيطر علي |
هلا اختي مثل ما قلت لك حقري الافكار هذا انت غير مصابه بالفصام فقط اكتئاب مع افكار سوداوية
طبيعية المرض يهاجم بشكل عنيف لكن مع العلاجات والصبر والاستغفار وكثرة الصدقة يتعدل التفكير انا اشوف انك تقزمي الامور ما السرحان وكثرة التفكير وعدم الاهتمام بالشكل والنظافة والميل للوحدة والانعزال كلها من اعراض الاكتئاب واصلي على العلاج وارفعي جرعة الافيكسور الى 150 ملغ صباحا و150 مساء مع السوليان ولا خوف من الاستمرار عليها انت قوية ومع المواصلة مع الدكتور راح يبدا التحسن بالتدريج لا تفقدي ثقتك بالله وادعي الله ان يجعل الادوية سبب للشفا اما الشفا من الله وهي اسباب فقط اختي ليست انتي الوحيدة الكل يعاني لكن الارادة والعزيمة وقد تحتاجين معالج سلوكي لتغيير التفكير ومحاربة الافكار السوداوية وتغيير نمط الحياة ااذا عندك وقت مارسي الرياضة مشي كل يوم ساعة او نص ساعة |
طيب لو رفعت الجرعه ل150 صباح و150 مساء انا الان في رمضان كيف اقسمها ؟
وهل استمر رافعتها شهر والا ست شهور ؟؟ احس كثير 300 اخاف تكون لها اعراض جانبيه علي متردده فيها |
حبة بعد الفطور وحبة السحور
اما اذا خايفة من الاثار الجانبية فى معك حق خليك على جرعة 150ملغ والسوليان وبعد شهر اذا ماطرا تحسن هنا لابد من زيادة الجرعة |
الله يفتحها عليك من كل جهه
بنسبه للدواء يينصحون بدواء وواحد بجرعه ممتاز او دوائين والافضل تقولين للدكتوره عشان تعرف هي مقدار التحسن ووو |
بس تخيلو الحياه بدون امراض كيف راح بتكون راح تكون جنه
|
اقتباس:
السوليان خايفه منه اخاف ادمن عليه لانه مكتوب للذهان وش معنى هالشيء ؟! مدري متردده حقيقه وخايفه ادمن على هالشيء واخسر حياتي |
اقتباس:
الدكتور موعده شهر صفر |
اقتباس:
هناك مافي لاتعب ولانصب ولاجوع ولاضمأ |
اقتباس:
بالنسبة للادمان الاودية النفسية صعب التخلي عنها لكن بالتدريج يمكن ايقافه بعد شفاك من المرض اما مسئلة ان السوليان للذهان نعم صحيح لكن بجرعات كبيرة تصل 800ملغ اما كداعم او للقلق يستخدم بجرعة بسيطة مثلا 50 ملغ صباحا و50 مساء |
اقتباس:
مشكور على اهتمامك عسى ربي يتمم لك صحتك وعافيتك |
| الساعة الآن 03:52 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا