اللي عنده عيال يخبرني رجاء
 

أنا وكلي فخر وشموخ عندي الرهاب من يوم وانا صغير عمري 40 الآن .... العمر كله هههههههه
عندي ولد عمره 11 وبنتين 6 و2

اريد اعرف من عنده عيال واشوف الحال ونتبادل الخبرات !

تفضل شنو بغيت

الله يشفيك اخي ويعافيك ويخليهم لك ما شاء الله تبارك الله

أبغيت أعرف الأب أو حتى الأم :) المصابين بالرهاب وفقدان الأصدقاء والعزلة كيف يتعاملون مع عيالهم وكيف عيالهم يتعاملون معاهم؟؟؟

فأنا بغيت أودي عيالي يتعرفون لكن فاقد الشيء لا يعطيه

انا مثلك
عندي رهاب وماعندي اصدقاء ولدي بنتين.
عمري 36 العمر كله ههههه.


صراحه ماتواجهني مصاعب بالحياة الزوجية

بنتين تمام لكن لو عندك ولد مشكلة!

تحضر عزايم واعراس والا قاعد في البيت؟ تشتغل؟

عندي ولله الحمد ولذلك انا اسمي عائلتي عائله عايشه كأنها بالخارج ومش ببلدها عائلة مغلقه جدا عن الاجتماعات والله اولادي مثلي ما يحبون الخروج ولا الاجتماع مع الاخرين واعاني من هالناحيه خوفاً عليهم

والأب مثل حالاتي؟؟؟

بتسالني انا ...؟

شكلي بنظرب اليوم

نغير الموضوع


mantosh1

ههههههه ليشش خير 😁

السلام عليكم ورحمة الله وبركاته


ماشاء الله تبارك الله ... الله يحفظهم لك


بالنسبة للبنات فالإحتكاك مع المجتمع يكون عن طريق الأم ... أما الإبن ما أدري عن درجة الرهاب اللي عندك و 11 سنة ماشاء الله يعتبر كبير بمعنى انه يدرس ويحتك مع الأطفال بالمدرسة كل يوم .. واذا قصدك وقت الاجازة فالطفل راح يحتك مع الاطفال في بيت خواله واعمامه .. وتقدر تطوره اكثر في اشياء ثانية ... يعني مثلا تقدر اذا البقالة قريبة من البيت وتشوفها انك توقف له وتخليه يشتري بعض الاغراض اللي تبون ... بمعنى يحتك مع الغير بالشراء


ولا تمنعه اذا بيطلع مشوار مع احد من اعمامه او خواله وعيالهم ... الطفل ما يركز على الاشياء اللي انت تفكر فيها حاليا ويبني علاقات بسرعة .. المهم هو تنوع الأماكن اللي يقابل فيها الناس وبالنسبة لعمر 11 سنة مو بذاك الاهمية وجوده بالمناسبات الكبرى .. وحاول ترسله مع أحد من أعمامه او خواله في هالمناسبات يدير باله عليه

وهذا ما أفعله لكن طبيعته خجول وحساس وخائف كان يبكي ويبكي بسرعة إذا ما أحد أنبه ولو بلطف
أطلعه مولات والسباحة وسفرات وووو وأشجعه طبعا فيه تحسن
لكن يجب يحضر مناسبات معي أنا والده ومعتمده وأنا ما أحضر مناسبات

الله المستعان

والله مثل ابنك ابني وبجن خوف عليه وما اعرف كيف التصرف معاه !

والله يا اخوان الوضع غير مطمن اعماركم اربعين وفوق الخمسة والثلاثين ولا يزال الرهاب لا حول ولا قوة الا بالله
يعني رح نقضي عمرنا بهالعذاب !
ما جربت ادوية ؟

توكلنا ع الله
(ألَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ )
سبحان الله توقيعك وربي جعلني اتفائل الله يجزاك خير

زدتني هم على هم



أدرك لا تنتظر


تحرك ولا تماطل

اطلع قد ما تقدر
اطلع كل يوم لوحدك
لا تقعد في البيت

قعدة البيت تزيد العزلة صدقني

اطلع تمشى وحد طالع الناس من بعيد مش مشكلة

المهم لا تقعد في البيت 24 ساعة

ولا تيأس

جرب لمدة أسبوعين وصفة طبية مني يمكن تصيب ويمكن تخيب

قاوم العزلة

انا ولدي عمره 11 كبرك ولدك وخجول جدا وابوه مايعرفه لا بطلعات تمشيه ولا بااي شي ابد كله بالبيت معاي وانا بسبب الرهاب محبوسه بالبيت... نفسي اعلمه الجراه لنه ولد ..

اه من رهاب خلى حتى اهلي مايجلسون يمي لرحت بيت اهلي يقلون من وراي نفسيه .😕.

نحنوا كل العائلة فيها رهاب اجتماعي شديد لا حضور اعراس والا اجتماعات واشعر بخوف واحس انهم يناظرون فيا وتعرق اذا الناس كثيرين ,,, الحمد الله ع كل حال

انا عندي ولد 5 سنين وبنت سنه والحمدلله
والرهاب فيني اكثر من عشر سنين .. بس زوجي مرره اجتماعي ماشاء الله وولدي طالع له يتكلم بصوت عالي ويحب الناس
بس مأثر علي وعلى حياتي ومسبب لي مشاكل كثير مع الناس صرت منبوذه ولا حد يبغاني ،.اولهم اهلي .. و بدخل الثلاثين

الله يعينك أختي
لكن كيف مأثر عليك وليش تحسبن انك منبوذة؟
شو مظاهر هذا الشيء؟

والله ما ادري؟؟؟
احسدك ولا امدحك

كلكم فيكم رهاب
طيب هل متحابين كل واحد فيكم يقدر الثاني؟
ولا كل واحد فيكم كاره الثاني

ياعالم ليه ماتتحركون تسوون شي ربي مااوجد داء الا وله دواء تروا الحياه تعيشونها مره وانتم عارفين مشكلتكم يعني مشكله ثانيه اذا راضين انكم تستمرون وتعبشون كذا وتحرمون نفسكم واولادكم من اشيااء كثير تفوتكم وانتم مدفونين في البيت .. وانتم رجال يعني سهل جدا تروح تتعالج ومحد يدري .. اتمنى اعرف ليه مستسلمين

أنا ما استسلمت إلا في الآخر
مديت ايدي للاسباب وللاسف لا حياة لمن تنادي

لا يوجد دكتور يخاف الله فينا