ضعف الأمل ..
 

ي جماعه ودي اسأل هل انا محاسب اذا حسيت بيأس وفقدت الامل من الشفاء ولا كيف لأني تعبت بصراحه من كل شي اخف وانتكس اخف وانتكس وهذا الحال الي اعيشه تخرجت من الجامعه وحصلت على وظيفه في مكان بعيد وماني قادر اروح تعبت مره ي جماعه وش اسوي .

وبشر الصابرين

الله يجزاك خير عسى الله يكتبناا من الصابرين

والله وانا اخوك قبل شهرين كنت إنسان طبيعي وقوي

جتني النوبه وجاني بعدها اتباعها

من خفقان وخوف وقلق

احساس مؤلم ومفيد في نفس الوقت

مفيد ان الواحد يذوق طعم العذاب علشان يعرف قيمة الصحه والعافيه

والله أني عايش في الم ومااقدر اطلع من البيت وانا متزوج ولي 13 يوم مع الدواء

وننتظر الفرج

لست لوحدك .....

والله اني مرااات افقد الامل بالشفاء واقول خلاص ببتل على هالوضع واكتئب وابكي ...ومرات اقول بعد كل عسر يسر.. وان الله ابتلانا لانه يحبنا يبي يطهرنا من الذنوب ...واقول ان الدنيا دار ابتلاء واختبار ...والرااااااحه بالجنه فقط ..

وانا متزوجه وعندي طفلين هم الي كاسرين ظهري بس افكر فيهم واقول وش ذنبهم امهم تعبانه ..لدرجة مالعب معهم وماعطيهم من وقتي ...يارب فرجك القريب

لابد من العلاج الدوائي بعدها العلاج السلوكي

والله ي اختي ان الشعور ب فقد الامل قاتل جداً تحس ان الحياة خلاص م عاد له داعي وان م من امل تعيش طبيعي لكن م نقول الا عسى الله يعين ويشفيناا ان ذلك على الله يسير والحمدلله على كل حال .

صدقت ي اخوي وعسى الله يعينك ويكتب لك الشفاء مع دوائك انا يا اخوي لي عشر سنوات بين مد وجزر والحمدلله على كل حال .. لكن موضوع اليأس هذا قاتل للمشاعرر بشكل كبير لما يكون عندك امل تحس ان الفرج قريب لكن من توصل للشعور هذا تتحطم مجاديفك .

استغفر الله ربي واتوب إليه ، يا رب تسامحنا وتغفر لناا إنك على كل شي قدير

صادق يخوي والله اني افقد الامل واقول مافي حل خلاص الوساوس والهلع بضل معي وتجيني في نفسي الف فكرة وكلمة واقول طول عمري بضل كذا بس هذا ابتلاء لنا بسبب معاصينا وتقصيرنا مع الله او ان الله يحب عبد من عباده لكن ما نقول الا الله يفرج علينا ويبعد عنا هالامراض واليأس

طيب توك مالك الا 13 يوم ع الدواء عط نفسك اسبوع ثاني وتصير احسن

الله كريم ربك يفرججها انه على كل شيء قدير .

انا ي الخخخوي تارك الادويه بسبب انهن ما فادوني لي اكثر من خمس سنوات مو 13 يوم .

الله يفرجها

صباحو اخي عبدالعزيز
عاش مين شافك
من زمان عنك

مبروك الوظيفة اخي
عساها بداية خير ونافذة فرج يارب

الشعور باليأس وفقدان الأمل وارد عند الجميع يا طيب
ولكن المهم هو كيفية التغلب وعدم السماح لهذا الشعور بالسيطرة
لنجعله شعور عابر ولا نقف عنده..اليأس يولد الضعف والعجز عن التفكير والتصرف

استعن بالله وتوكل على الله ولا تسمح لليأس ان يغزو ايامك
انت تستطيع بعون الله
موفق اخي
ward

اهلًا اخي عبد العزيز

مبروك التعيين ،، و هذه فرصة للتغيير ان شاء الله

اصبر ،، فأول خطوة غالبا هي الصعبة .. و بعدها يهون كل شيئ

لا تفقد الأمل ،، و تذكر ان لا نجاح يأتي بدون مجهود ..

ي هلا ظل الياسسمين تعيش ايامك الله يطول بعممرك اشكرك على ردك الطيب ولله الحمد انا بين مد وجزر والحاله يوم يفرق عن يوم وساعه عن ساعه مرات الوضع طيب ومرات تجيني صكات لكن الحمدلله جالس ارتب اموري حبه حبه مريت ف حالة يأس شديده سببها لي الزانكس لأني كنت معتمد على الله ثم عليه لأني م قد جربته ولما جربته نكبن م فادن بشي وتحطمت بعده ولكن الان ولله الحمد انا راضي ب كل شي وراضي ب الي ربك كاتبه عسى الله يأجرناا .

يا هلا وسهلا ومرححبا ب اختي امل الروح يعلم الله اني تشجعت وقلت الي يصير يصير وعشت هلع قاتل لكني رحت واجريت المقابله وواجهت لي واحد الله يجزاه بالخير سعى لي بنقل لمنطقه اقرب والحمدلله شوي تيسرت الامور رغم التعب ما راح استسلم وبباشر العمل بالتدريس والي يصير يصير وصدقتي لما وصلت خفيت لدرجه كبيره وحسيت ان حمل كبير طاح مني خصوصاً لما وعدوني ب النقل لمنطقه قريبه الا وهي عرعر وان شاء الله خير .


اشكرك جزيل الشكر على دعمك ووقفاتك معاي الله لا يحرمك الجنه .

الله يشفينا ويشفيك يارب .. نفس الحال مالنا الا الصبر واكثروا من الدعاء

اللهم امين اخخوي زايد جعلك الجنه 🌹

صباح الأمل بالله والطمأنينة والعافية أخي عبد العزيز
ان شاءالله تكون بخير حال يا طيب :)

ربي يعيييييييييييييييييييين

أبشر وقاتل ولا تيأس وأعلم أن الانسان معجزة في حد ذاتة ويمكنة تغيير كل شيء بالارادة ، الم تسمع عن اشخاص تعافوا من حالات عضوية ميئوس منها بالارادة فما بالك بما تستطيع أن تفعلة الارادة بالمرض النفسي

الحمدلله رب العالمين اتمنى تكوني ب اتم صحه اختي ظظل 😴🌹

الجميع اشكر مرورك

اشكرك اخوي على الدعم الله يكتبناا من الصابرين