وسواس الموت اتعبني
 

يا جماعة وسواس الموت ذبحني وتعبني والله 24 ساعة تفكيري بالموت كان تجيني نوبات هلع قوية اول بعدين خفت لحالها ونادرا ما تجي اناشيد عن الموت وكلام عنه اذا قريت واحد كتب عن الموت وقال بغته وفجاة وحساب والله ارتعب واخاف يمكن اكون مقصر في حق الله لكن وش الحل للتخلص منه والتقرب الى الله والله يجيني ويقلي خلاص ذا الصدق وصاير اكثر فيه كثير ويقلي موتك قرب ويصير عندي خوف وقلق احسه دائم وخصوصا عند النوم وش الحل يا جماعة اسعفونا !!!!!!!!

اخي الغاضب
قاومه قاومه قاومه وتحداااااه قول عادي عادي وقوم اعمل لك شغل اي شغله بالبيت ..اقسم بالله هذا الحل ما ترضخ له ابداااااا ارجوووك كون قوي عليه والذي نفسي بيده اقولها الك عن تجربه مريره مع الوسواس

والله اقاومه وافكر بشي ثاني لكن بعدين يرجع من جديد بوقت اخر ويضل براسي

انا مثلك والله
بس اقااااوم قد ما اقدر
مرات اطنش ومرات استسلم والله
المهم لا نخليه يسيطر علينا

للأسف انت لا تريد حل انت تريد عصا سحرية
انا ما وصفت لك علاج صعب ولا شي
بسيط ما ياخذ منك وقت
لكن تركك لما وصفته لك دليل على ضعفك وخنوعك فاعذرني لكن هذه الحقيقة
الوسواس سيزيد ويقوى وانت استمر في التذمر
بالتوفيق

فعلا مرات اطنشه ومرات افقد الامل واستسلم له واحسه حقيقة

طيب منجرب طريقتك ومنشوف

بشرط تجربها وانت راضي عني

اقل شي اسبوع

ولا تنسى أن تكثر من الاستغفار

طنشه وكل ما يجي ببالك اقعد استغفر واتعوذ من الشيطان ولا تقعد بروحك وروح اقرا قران وحاول اطنشه ترا والله ما حد يحس بموته وهاي كلها من الشيطان والله الشيطان يبي العبد حزين يفكر بافكار غبيه ..الحين انت لو قلت هالشي لحد ما ما كان عنده وسوسه من الموت وماجرب هالشي حيعتبرك مجنون هو فعلا لانه ما حد عارف متى يومه، امانه من المجنون الي بصير يتنبأ بموته وهو صحي ومافي اعراض صحيح انه كلنا راح ندوق الموت ولكن راح يجي الموت فجاه لو مو فجاه من مرض مميت وساعتها الي راح يموت بكون مستسلم حتى مايقول لحد...المهم انت ما عليك غير انه كل ما يجيك هالتفكير قول بينك وبين نفسك انه كذب وانه وسواس واتقرب من ربك وصلي صلاتك بوقتها بالمسجد وادعييي ربك انه الله يفرجها عليك ويعطيك طوله العمر بطاعته واسال الله لك الشفاء والراحه

آمين يارب ،، وجزاك الله خيرا على الكلام الجميل

السلام عليكم أنا ايضا صابتني هذه الحاله منذ 3 اسابيع اولا صابتني نوبة هلع ترجيع و دوخه وغثيان وضربات القلب قويه وضيق تنفس اول شي صابني وسواس اني مريضه لان سمعت وحده توفت ب سكته قلبيه وبعدها صرت ابحث اعراض امراض القلب كل يوم،،،، انا عندي الربو ف لما حسيت بضيق فتنفس رحت للمستشفى وحطو لي بخاخ ،،،كنت متوقعه انه من الربو ولا كن لما رجعت نفس الضيق الي فالصدر احس اني مخنوقه بعدها صرت اوسوس المرض والموت مع بعض وكل شوي اقول حق اختي امسكي قلبي اخاف انه فيني شي بعدها ركزت بس ع وسواس الموت لاكن منذ 4 ايام حسيت بقلبي يطق بسرعه وبقوة خفت رحت للمستشفى وسوو لي تخطيط قلب وفحص سكر واكسجين وكل شي قالو لي سليم و رحت مره ثانيه قالو لي قلبج سليم ونبضاته زينه جدا و رديت البيت واحس اني خايفه لاكن منذ يوم صرت اطلع مع ربعي واغير جو لاكن لما ارجع البيت اتم افكر وحتا لما طلعت معاهم تجيني الفكره شوي بس مب مثل البيت ويوم كنت طالعه معاهم شفنا شخص من زمان ماشفناه وجي قلت ليش شفته اليوم اكيد بموت وكل شي اربطه بالموت مع انه الاشيا هذي كانت تصير لي قبل بس كله اقول ليش تعبت والله،،،،،،،،،، اليوم يعني حالتي احسن ع الاقل صرت اكل والضربات الي فالقلب خفت شوي بس لما اشتط بالوسواس يرجع بس تقريبا الخوف شوي قل بس الاحساس موجود ،،،،،،،،تعبت للعلم جاني قبل 4 سنوات تقريبا

يارب اشفينا

ردو علي من يعاني نفس اعراضي بالضبط ، الحمدلله الحين رجعت اكل واشتهي اكلات وصرت اطلع بس مازال الاحساس فيني والتفكير زياده

نفس الحالة والاحاسيس بالضبط والله هي مزعجة وكريهة لان تححسسك انها حقيقة وهي اوهام وخوف الله يعيينا بس

نفس الأعراض والله شي متعب احساس ماينوصف
آه يارب تشافينا وتعافينا ياكريم
اكثروا من الاستغفار وربي ان شاء الله يفرجها علينا وعلى جميع المرضى
استغفر الله العظيم الذي لا اله الا هو الحي الْقَيُّوم وأتوب اليه 💙

اختي راجيه الأمان الله يشفينا انتي ايش وسواسك

وسواس موت وامراض خبيثة الله يبعدها عنا
وهلع وقريت موضوعك نفس حالتي والله

الله يشفينا اختي ممكن نتواصل انا وانتي واحكي ماتعاني منه وتساعد بعض

استغفر الله العظيم من كل ذنب عظيم واتوب اليه