الشماتة
 

السلام عليكم


بدخل في الموضوع يا جماعة حد مر في تجربة ان كان شماتة او سخرية بسبب مرضه؟

انا جربت هذا اكتئاب فوق اللي فيك والله
اللي جربوا كيف تتصرفون مع هالناس؟

شماتة لا ...أبدا
لكن الي يعرف بمرضي يتهربوا مني ...
وأكثر من مرة سؤلت وش صاير لك ؟؟ وش فيك ؟

الي أقصده إني واضح للناس إني شخص غير طبيعي

كيف يعني واضح لناس شخص غير طبيعي اما بالنسبه لي بعد اضطراب نفسيتي قبل 6 شهور صرت مع نفسي بالعمل وقليل الاختلاط بزملائي رغم اني قبلها كنت بنظرهم شخصيه قمعيه وصاحب جدال فلا يتجرأون بمناقشتي باي أمر لان اغلبهم بالحجه 😊 اما من 6 شهور وجاي اجدهم يتسائلون وليد صاير مع نفسه !

انا الحمدلله محد يسألني ولا احد دريان عني

اللهم لك الحمد

اخبار برينتلكس وسيركويل معك ياولد عطا !

تقريبا كل وقت انزل فيه يسالنى البعض ماذا بك وكيف اصبحت هكذا ..اما الاخرين فيكتفون بتلك النظره التى اكرهها وهى الشفقه وارى ف عيونهم السوال الذى يودون ان يطرحوه..

لا انا ماتعرضت واصلا محد داري بتعبي نهائيا لدرجه اني اقيم دورات امام 40 معلمه في عملي واشرح وعادي اضحك واسولف وشخصيتي قياديه ترا لكن .......
اذا اتتني بعض الاعراض اهرب الى اي مكان حتى لو كان دورة المياه ، والحمدلله ماعطيت احد مجال انه يتشمت اصلا

ياويله من ربي اللي يتشمت في الناس
قول حسبي الله ونعم الوكيل اكثر منها و حصن نفسك قبل الخروج اليهم التحصين ماهو بس للشياطين و انما كذلك من كل شر و ضر و أذية و أبشر بالاجر و الثواب من عند الله.
صدقني اللي يتشمتوا في الناس هم نفسهم معيوبين و دي اخلاقهم جهل و تفاهه و سخافه و نفس شينه
حتى لو ما فيك مرض ولا باس تشمتوا في اي شي و سخروا
حتى لو على خلقة ربنا الله يكفيك شرهم و يرد كيدهم في نحورهم.

بيتهيأ لك يا عبدالله انت حساس خلي في ثقه في نفسك انت رجال ما يعيبك تعب ولا مرض الله يحفظك امشي ملك و لا يهموك الناس .

ما شاء الله عليك ودي اكون مثلك بعملي كمان مجتمعات النساء ما ترحم من فضول و لت و عجن و كيد الله وكيلك والله في حالي على مكتبي اشتغل الا تجيني وحده و تعكر علي يومي انا انسانه في العمل ما اعرف غير تأديه عملي ما احب ادخل احد بحياتي الخاصه رسميه للغايه وما انسى واجبي تجاههم كزميلات عمل الحمدلله و بحدود و برضو ما سلمت شرهم كيف ادور الانعزال و ملتزمه بعملي و اترفع عن البربره و الكلام الفاضي الله المستعان بس. ما تتخيل قد ايش اتآذى من ملاحقتهم لي اوقات ارجع البيت ابكي لامي مو ضعف لكن احس كثير اوقات مافي مفر ولا مهرب منهم فين ما رحت لحقوني في ناس تهوى تعكر على غيرها و تنكد عليه والله صادفت ناس مو بس يتشمتوا كمان يسعدهم جدا يطفوا ابتسامتك و يشوفوك حزين يالطيف.
انا كل يوم الصباح احصن نفسي من شر الناس بعد الاذكار
و الحمدلله على كل حال .
ربي يديمها عليك نعمه و يفرجها علي و على الجميع.

وانا هيك كمان مثله ماحد يعلم شو بداخل هالانسانه حتى اقرب الناس حولي صامته ومبتسمه رغم بعض المواقف تحصل بغصب عني لكن احاول ابرررها بأي شي لو مو مقنع بس المهم ما بعترف الا اني بخير :)

المفروض الموضوع يكون مو الكل يعرفه مو عشان شي بس عشان ماترضي فضول الاخرين

والي فيه خير يجرب يشمت

ونصيحه لاتفكرين ايش يقولو الناس
وخليه اخرر همك

الناس اللي تشمت بالمرض
هي نفسها بتكون مريضة
لأنه المرض الحقيقي بالنفسيات والعقول..


لا تكترثي وخليك بحالك
وما تتأثري فيهم
وقولي يكفينا شر الشامتين ولا يجعلنا منهم..

مشكوووورين كلكم عالتفاعل

وصدق كل ما جهلوا حالك كان خير لك بس في ناس في البيت يلاحظون نفسيتي قبلي ويعرفون ماريد منهم شي بس يكفون شرهم ولا يشمتون قدام الغريب...

وليش يشمت واخذ ضمان طوال حياته مايجيه شئ ؟؟

أعوذ بالله لا يشمت بالمرض إلا جاهل أو خبيث نفس

اي حصل موقف مع شخص قريب جدا ووللاسف تخيلو انه في السابق هذا الشخص كان اسوء مني بدرجة ماتتخيلوها وانا كنت افضل منه بكثير اجتماعيا
كان مكروه من الجميع وضعيف شخصيه وكنت الاحظ نظرات الضعف وعدم الثقه في عينيه وحتى لما اخرج عند اصدقائي واخذه معي يقولو ليه جايبه هذا مانبغاه ودمه ثقيل
ومع اني لم اضره وكنت له صاحب واخ واتصل عليه واصر عليه عند الخروج لكي يأتي معي عند اصحابي
وبعدها تبدل الحال وتشمت فيني لانه له علاقات كثيره ووتواصل مع العايله واشخاص كان لي تواصل معهم سابقا ولكن قطعتهم بعد المرض
لكن لا اقول غير حسبي الله ونعم الوكيل عليه وعلى اي شخص يتشمت فالمرض وبالنهاية الشماته ترجع لصاحبها عاجلا ام اجلا