مشكلة اعاني منها اتمنى المساعدة يا اخوان
 

السلام عليكم ورحمة الله وبركاته

اسعد الله اوقاتكم بكل خير يارب

اخواني انا مادري هل مكان الموضوع صحيح ولا لا واتمنى من الادارة اذا مكانه مو صح نقله لاني على وشك الزواج باقي اقل من اسبوع على زواجي

عندي مشكلة الا وهي الخوف الزائد بعد حادث صار لي صرت اخاف من السرعه صرت اخاف من الاصوات القويه ارهبها

صرت اخاف من الطائره وركوبها احيانا يصيبني خجل احيانا لما اناقش احد ويلومني احس اني بابكي واحس عيوني بتدمع

الحاصل راجعت طبيب وصرف لي زيلاكس 20 وقالي كل يوم ربع لمدة اربع ايام وبعدين كل يوم نص لمدة اربع ايام بعدين حبه كامله لين تخلص العلبه وراجعني وصرف لي اكس ناكس بوصفه قالي روح اشتريها من صيدليه سليمان الحبيب الاكس ناكس عشان الطياره قبل ركوب الطياره يقولي خذ كبسلوتين اذا شفت نفسك مش ولا بد خذ ثنتين ثانيه


الحاصل اني بديت بالعلاج اللي هو زيلاكس طبعا بديت بالاربع الارباع الاولى بعدين الاربع انصاص واحس نفسي ماش احس اني فقدت رغبتي للزواج الحاصل اني الان ابحث عن الاكس ناكس بكل صيدليه وحتى سليمان الحبيب يقولون لي وصفه مقيده ولا راح تحصلها روح صيدلية زينة اللي بطريق العروبه بالرياض رحت لقيتها مقفله لاكثر من خمس ايام امر عليها مقفله مادري وش سبب الاغلاق


الحين وش الحل وش البديل تكفون رغم اني وقفت زيلادس من استخدام لمدة 12 يوم وبسبب انفلونزا جتني واخذت علاجات ونسيت العلاج النفسي ووضعي على ماهو


ياليت الفزعه تكفون

تبي نصيحتي اترك الادوية

واستعين دواء يخفف نبض القلب اندرال 10 مللي عند اللزوم

الزانكس رح يسببلك مشاكل في زواجك لاتحصي

ضعف جنسي وعصبية ونوم كثير غير انو دواء ادماني

حاول تحكي مع زوجتك عن مخاوفك هو الملجا الصحيح بعد الله

المشكله في الطياره باسافر انا شهر عسل وابي شي للطياره فوبيا الطياره ياليت تدلني على شي كويس الله يوفقك يارب

اخوي الزناكس مقطوع على خبري رح للدكتور وقله يعطيك مهدئ ثاني اسمه لوكساتنيل جرعة 3 ملغ

قبل ايام من السفر لابد من تجربة العلاج باخذ نصف قرص من لوكستانيل وشوف مفعوله اذا ضبط معك خذه قبل الرحلة بساعة وممكن يسبب لك خمول اونوم لكن بعد ما تصحي يعطيك مزاج حلو ويزيل القلق والخوف

بس انتبهي خلك رجل حاسم في هذه المواقف ولا يجب استعمال الدوا اكثر من اسبوعين متواصلة لان راح تدخل بمرحلة الادمان

الخلاصة جرب مهدئ لوكستانيل قبل الرحلة بسبوع وش اذا نومك خذ قبل الرحلة ليلة الرحلة اما اذا لم ينومك فاخذه قبل الرحلة بساعة

اذا ما حصلت العلاج تواصل معي وان شاء الله الامور سهالات

الله يوفقك يارب المشكله الطبيب يوم وصف لي الوصفه توقعت اني فقدتها وكلمته على تويتر وقلت له انا فلان الفلاني وجوالي كذا ورقم ملفي كذا وقالي خلاص خذ هالرقم تواصل معهم وراح يعطونك الوصفه على الواتس اب المهم تواصلت بالرقم قالولي لي تعال العياده ادفع كشفيه وعقبها نوصفها لك قلت انا دافع وانا مريض مستحق العلاج على ايش ادفع وانا ماخلصت العلاج الاساسي اللي المفروض اراجع عشانه قالولي تبي حياك ماتبي بسلامتكم تواصلت مع الدكتور قالي ايه فعلا يعني الدعوه استغلال فقط وصار بيني وبينه مشاده عشان كذا صعب اني اروح له مره ثانيه ولا لعيادته

فما ادري وش الحل الزواج قابل عليه سبع ايام فقط وانا محتاج قسم بالله لعلاج مايسبب لي اعراض انسحابيه ولا تعب مستقبلا

اخوي المشكلة انه ممنوع التواصل هنا

لكن برسلك رسالة عبر الاشراف

وان شاء توصلك اليوم او بكره

اخوي راكان انت وين ساكن بي حي

الرياض مخرج 34

عطني الفيس بوك اذا عندك

والله ماعندي فيس بوك ولا عمري تعاملت معه

بحاول اتواصل معك عن طريق الادارة

الله يوفقك يارب ويجزاك عني وعن كل واحد نفعته كل خير يارب

مشكور اخوي الوردي على التنبيه والسموحة منكم

مشكور اخوي على تنبيه الاخ محمد البدراني

بس ارجوك رجاء خاص اذا فيه علاج مسموح بالصيدليات اوصفه لي الله يوفقك ويبارك فيك ولا له اضرار بس عشان الطياره فقط

العفووو اخوي محمد ونشكر لكم تعاونكم الطيب لمصلحة الجميع :)

اخوي راكان هل تعاني من الربو

فيه دوا استخدمه للضرورة في كل الصيدليات اسمه نيورونتين 300 مل حبة قبل موعد الطيارة بساعة وهو مسموح به ولا اشكال فيه

الله يعينك يارب
طيب حاول ترجع للدكتور مره ثانيه بدل ماتاخر بالبحث
خليه يرجع يكتبلك وصفه لادويه مشابهه لزناكس

اي نعم فيني حساسية صدر احيانا تجيني وتسبب لي كتمه هل يتعارض معها ؟

تبي الصراحه الدكتور كرهته واحس انه يصرف لي اي شي عشان يستغلني بمراجعاته عقب ماقالي تعال اكشف وادفع كشفيه غسلت ايدي منه خير شر

ياليت ماتنسوني الله يوفقكم

هلا راكان لا تاخذ اندرال ابدا لان يتعارض مع الربو والكتمة ولازم تراجع عيادة ثانية واا حاب اكتب عن عيادة كويسة وممتازة ابشر

انا قدمت لك نصيحة مثالية

المهدئات وانت في شهر عسل مشروع فاشل

وصفت لك دواء ليس من المهدئات ومناسب كثير لوضعك

دواء الاندرال 20 مل قبل الرحلة بنصف ساعه الدواء متوفر ومسموح

ونصيحة لاتكل مهدئات نهائي ولاحتي مضادات اكتئاب هذه الادوية مضرة جدا لدماغك هي تنفع بس للاشخاص المنتهي صلاحيتهم ودماغهم مخوخ مافيه امل

وادعيلي

الله يوفقك يارب ياليت توصف لي عياده كويسه بالرياض واطباء محترمين

غريبه مضره لدماغي وانا قايله انه صاير لي حادث وسويت عمليه براسي والمخ فيه شحنات كهربائيه زايده ومع هذا صرفه لي بجد غريبه

شوف وانت ماشي في الدائري الشرقي و واجهتك جنوب يجي مخرج 14 تروح معه يمين بعدين اشارة تعديها بعدها العيادة على اليمين اسمها ( مركز الجامعة للطبي النفسي )

روح العصر واحجز موعد عند الدكتور محمد العقيل الكشفية 300 ريال وراح يضبط وضعك ورجل محترم وخلوق والصيدلية تحت العيادة على طول

============

اذا عندك برنامج ( قوقل ماب) اكتبه فيه عيادة سليمان الصغير وراح يمشيك لحد باب العيادة

الله يوفقك يارب ويسعدك