بنهار تعبت
 

تعبت تعبت من هالاحساس جسمي من جوا يهتز وراسي مو ثابت ياربي وش قاعد يصير لي بنهار وربي والمشكله مابي علاجات اخاف منها تزود علي

حاس فيك وانا اخوك
لازم علاج
انا استخدمه لي شهرين ونص
وفيه تحسن الحمد لله تتعبين اول أسبوعين وبعدها ترتاحين
اتعبي أسبوعين ولا كل العمر
الأحاسيس اللي فيك الخوف والإحساس بالإغماء او فيه شي بيصير لك
كله من القلق النفسي
الله يشفينا ويشفيك

انت تحس راسك من جوا تهتز لا مامعاي خوف الحمدلله مو خايفه من شي

بس متضايقه من هالشعور ابيه يوقف ويثبت كيف تعبت والله

قصدك كأن راسي زي الموج ؟
هذا مالك الا حل واحد علاج وتطنيش

ايه كأنو في موج وراكبه قارب بحر طول الوقت مستمر انت كذا وراح بالعلاج

لانو سمعت العلاجات النفسيه تسبب دوخه وانا موناقصه دوخه

اول أسبوعين تعب ويمكن ماتتعبين لانه يفرق من شخص لشخص
نصيحه خذي قرار وعلاجي نفسك
اذا ماتبين أعراض جانبيه
اذا العلاج لازم يكون جرعة 20 ابدي في جرعة 5 خمسه ايّام
بعدها عشره أسبوع بعدها 15 اسبوع وبعدها 20
الدوخه ان ركزتي فيها تتعبك
سايريها وطنشيها

كيف اسايرها واطنشها هي طول الوقت بهذلتني دخلتني في رعب بعدين من 8شهور مافكت ولالحظه وحتى وانا نايمه معقول قلق نفسي مو مصدقه احس راسي فيه بلا

قد جربت مهدي زانكس اذا اختفت الدوخة اعرفي انها قلق

صح لسانك

مايصرفون عندنا زانكس ممنوع المهدئات مادري ليه

مافيه الا العافيه
انا برضه وانا حاط راسي نفس الشي
بس قدرت اسايرها واطنشها
جربي وقولي في نفسك هالاسبوع بطنشها وشوفي
اسأل مجرب ولا تسال طبيب
وإذا قدرتي تروحين دكتور ويصرف لك زاناكس ياسلام

انتي جربتيه وكيف من اول حبه تختفي الدوخه

وش اقوله اصرفلي زانكس والله مايرضى مرا قلت مابي العلاج ابي مهدي معاه اخاف من الاعراض الجانبيه قالي تحملي الاعراض الجانبيه اعراضك الان العن من الاعراض الحانبيه رفض بشده وطبعا اخذت العلاج يومين وبعدها رميته في الدرج ماكملت

أسأل الله الرحيم الرحمن الشافي أن يشفيك ويعافيك ويكشف الضر عنك ويثبت فؤادك ويرزقك اليقين

يابنت الحلال اذكري الله العلاج اسمه علاج ولايقتل ولا يمرض الدواء مهم جدا لحالتك وبعدين وش الاعراض الجانبيه علميني ! مافيه ولاعرض يخليك ماتستخدمين العلاج

انا 12 سنه وانا استخدم علاج والحمدلله ازين من وضعي بدون شي

وبعدين حطي في بالك ان مافيه تحسن الا بعد اسبوعين الى شهر مو يومين وتتركينه هو علاج يحتاج وقت مو بندول بخمس دقايق يجي مفعوله !

توكلي على الله وروحي لدكتور يصرف لك سييبرالكس ولا سيروكسات

لا بس دوخة العلاج مو زي دوختك اخف بكثير ومو دايم تجي

حطيت رد جديد ، اسمعي اختي خالتي تعاني من دوخه جاتها فجأه وعدم توازن وصفو لها الدكتور رامي في مستوصف زهرة الامل 2 روحي له شاطر شاطر بمعنى الكلمه راح يقول لك اذا فيك شي او لا هو اخصائي اذن ممتاز ودعواتك لي ، اتمنى تكونين من الرياض لان المستوصف ف الرياض

اهلين خالتك كيف دوختها اوصفها لي انا دوختي غريبه كأنو في امواج براسي واحس راسي يهتز من جوا الاتزان كويس بس الاهتزاز اللي براسي وجسمي بعدين انا رحت مستشفيات كثيره انف واذن وكلهم قالو مافيك شي تعبت من روحتي لهم. بعدين خالتك تعافت الان ودي اعرف والمستوصف هذا وين بالضبط ابي وصف العنوان

ايه انا في الرياض بس بسألك وش شخص حالة خالتك الدكتور هل هي اذن داخليه

الله يشفيك ويهدي بالك يارب
حاولي تسيطري على نفسك يمكن الخوف يغلبك عشان كذا الدوخه مستمره
جربتي تمارين الاسترخاء من قبل؟ حاولي تسويها تهدي نفسيتك شوي حتى لو الدوخه استمرت القلق يخف شوي
سويها مره واثنين وعشره ماراح تجيب نتيجه من اول مره
كمان ارقي نفسك او اسمعي الرقيه واقرأي قرآن حتى لو من الجوال
كمان فيه تمرين نفسي بسيط كذا حاولي تجربينه يمكن يجيب نتيجه غمضي عيونك وتخيلي انك بغابه وماحولك الا اصوات العصافير وخرير الماء يمكن تضحكي علي الحين بس جربي واستمري عليها تخفف القلق شوي
والله يطمن بالك يارب

خالتي حتى ماتلفت وماتقدر تنسدح تدور بها الارض انتي روحي له وهو بيعلمك وشفيك

وكيفها الحين خالتك تعافت انا بحثت عن المستوصف في قوقل طلع لي اكثر من واحد ماعرف ايهم اروح بعدين انا رحت كل المستشفيات تقريبا بالذات الاذن والانف وكلهم يقولون مافيك شي توكلي على الله وروحي اعصاب او طب نفسي وربي كذا يقولون لي شككوني بنفسي

ياليت تسأل خالتك كيف اعراضها بالضبط كيف الدوران عندها الدنيا تلف معاها تتحرك انا الدوران في راسي بس