يصير لكم مثلي لما تعصبون ؟
 

السلام عليكم ورحمة الله


لما اعصب يجيني خوووف مدري ليه
وتزيد اللاواقعيه عندي
واحس بكتمه واخاف يغمى علي
مدري لأني ابالغ بالمشاعر
والا حتى انتم كذا يصير لكم ؟!!!!
طفشت من ذا الخوف
بفرح يجيني بحزن يجيني برواقه يجيني بعصبيه يجيني
حتى مشاعرنا العاديه ما نقدر نعبر عنها مثل الباقين
لازم تختلط بالخوف والقلق 😪

انا مثلك مع خفقان

انعكاسات كلنا نعاني من هذه الاعراض والمشاعر بسبب القلق اللي عنا

اي وكمان يجيني خفقان
وقلبي يدق بسرعه واخاف اكثر

القلق هذا اعاق علينا كل شي
مانقدر ننام ونصحى وناكل ونطلع زي العالم والناس
وحتى مشاعرنا العاديه مانقدر نطلعها بشكل صح
استغفرالله بس

يجب عليكي ان تحاولي تجربة كل شئ حتى تتخلصي من هذه المعاناة وان لا تيأسي

خوفي من التجربه هو اللي مخوفني 😪

نفس الحالة يجيني خفقان وضيق نفس واخاف اموت او يرتفع ضغطي بسببها لازم كل مشاعر تصير معاي اربط معاها الخوف والقلق الله يعين بس

نفس الحال بدل مانفكر في حل مشكلتنا نفكر بنفسنا ههههه

اي والله مثلي
يجي ببالي القصص حقت الناس اللي عصبوا وماتوا او جتهم جلطات .... الخ
وصرت اخاف من خوفي اكثر من خوفي من المشكله نفسها

فعلا
الله المستعان

العصبيه والركض يجي خفقان طبيعي
بس المشكله اللي يشعر بنبضات قلبه مع كتمه وضيق نفس ودوخه وصداع
بدون ماعصب

اي هذا من القلق

من جد هالقلق نغص علينا الله يشفيناويريحنا منه يارب
حاولي تهدي نفسك انا اسوي كذا اي شي يصير احاول اضبط نفسي واقول مافيه شي يستاهل
الله يعدي هالازمه على خير ويشفينا ويرجعنا زي ماكنا وافضل يارب

انعكاسات .. انا لما اعصب عادي ما احس بشي .. بس احس اني ما ارضى بسرعه ..

لكن مع العلاج الحمد لله اختفت العصبية والخوف والقققلق

بس الوساوس عندي تروح وترجع والقلق يكون بسيط ..

لكن القلق الي عندك هو الي يجر الخوف

صدقيني لا تخافي من التجربه .. غامري ولا اعتبرها مغامره .. لكن اقصد مغامرة في الخوف من التجربه كسري الجدارن الي قدامك وانطلققي .. ينطلق معك الامل والحياه .. بما انك استخدمتي سيروكسات واوجعك في بطنك اكيد ما ناسبك ..

جربي سيبرالكس ترا جميييل جدا للخوف والقلق ممتاز جداا .. انا مجربه .. لكن للوساوس بالنسبه لي مش ولا بد .. عشان كذا حولت والحمد هذا انا مرتاح .. يعني لازم الواحد يسعى ما يوقف كذاا ..

انا لو عندك خليتك تاخذينه غصصصب .. لاني عارف بعد الله بينفعععك ..

والله يكتب لي ولك ولنا الخيرر ي رب

ههههههه الله يسعدك 💜
لما اعصب اجلس افكر في القصص اللي قريتها
فلانه عصبت وجاتها جلطه
فلان انقهر ومات
علانه صارت مشلوله
واخاف واتوتر زيااااده
عموما فكرة السيبراليكس مو شينه

انا كانت تجيني بشده هذي الحاله ..بس الحين احاول امسك اعصابي وما اتنرفز بسرعه ووقت المشكله اشتت فكري بأي شي ..والحمدلله خفت الحاله كثير

والله كأني انا اتكلم ههههه، اخاف واوسوس حين اعصب حتى لو على طفلي الصغير تبدأ الافكار تنهال علي انني ساصاب بجلطة او شلل او اغماء وخاصة انني شخصية عصبية منذ طفولتي،ولازال موقف مر علي منذ سنوات طويلة ولكنه عالق بذهني الى الان من شد التأثر والخوف منه ان يحدث معي لاقدر الله،كنت في مراجعة للمستشفى ورأيت حالة لسيدة في سن الشباب في الثلاثينات من عمرها وقد اصيبت بشلل نصفي لاتستطيع الكلام ولا المشي وتمتلك جمال ومواصفات سبحان الخالق واتت للمستشفى في حالة يرثى لها بسبب خلاف بينها وبين زوجها ادى لاصابتها بجلطة ورغم مرور سنين طويلة على هذه الحادثة وانا عندما اعصب في كل مرة تنتابني المخاوف والوساوس واتخيل انه سيحدث لا قدر الله لي، وتحضر صورتها سريعا في مخيلتي واتأثر،واتندم انني لم اخذ رقمها واطمئن عليها.

طيب شلون؟
خصوصا لو كنت مقهوره من شي معين
معرف كذا اجلس واهدي نفسي

يالله !
ترا خوفتيني زياده 😓
الله يعين والله احاول اني ما اعصب وما اتنرفز
وما اكتم بنفسي
بس شسوي مرات تجي مواقف غصب يصير كذا

انعكاسات حبيبتي انا قلت ذلك ليس لأخيفك بل لتعرفي ان هناك من هو مثلك،ولكن هل تحققت افكارنا هي مجرد افكار ومخاوف،،( قل لن يصيبنا الا ماكتبه الله لنا ).
فكري جيدا باستخدام دواء وقد كنت سأقترح عليكي تغيير السيروكسات اذا لم يناسبك كما اقترح احد الاعضاء ولكنه سبقني،لن تكون الاعراض الجانبية اسوأ مما نعانيه،اسأل الله ان يشفيكي.

انا احاول قدر الامكان اطنش واشتت فكري وقت المشكله ..حتى احيانا اصير مفهي بدرجه خياليه وتخلص المشكله وانا مدري وش صار اصلا .
مافيه احلا من الفهاوه بعض الاحيان

اصير مفهيه و ادخل باللاواقعيه
ونبدا بالاعراض والخوف من اول وجديد