|
كلكم تعالو حدث معي اليوم
السلام عليكم
انا جديد بينكم شاب عشريني اخصائي طوارئ كان عندي اليوم الصباح دورة في التخصصي قمت ك العادة نشيط صليت ولبست وعلى مستشفى الملك فيصل التخصص بالرياض وصلت بدري وعلى دانكن خذيت دونات جبن وكوب قهوة تقهويت ودخنت وع المحاضره (من هنا تبدا القصة) قبل المحاضره بخمس دقايق حسيت في اني تعبان اجهاد عام مدري وش سببه وحسيت برجفه بسيطة في يديني اخذت نفس عميق واستاذنت اني مرهق ماقدر اكمل وطلعت وانا متجة للبيت بديت احس في الم صدر خفيف وثم اشتد علي خفت افقد اوعي داخل السيارة وربطة حزام الامان اجراء روتيني يعني لاقدر الله لو صار لي شي المهم دخلت مخرج حسيت بغثيان المهم كنت عند اشارت الحبيب الريان. ف. اكرمكم الله استفرغت بسياره وعلى طول نزلت عند طواري الحبيب وخليت موتر شغال دخلت للطواري وبحكم اني لابس لباسي الصحي قلتلهم الم صدر واستفراغ واجهاد عام المهم حطوني على السرير طلع عندي تسلرع في نبضات القلب والظغط مرتفع شوي ونزل شوي الاكسجين وبديت احس في تنميل بدى من الكتف الايسر وثم بدى ينتشر في جسدي كامل. وثم حسيت في برودة في الاطراف العلويه والسفليه ورجفه بالجسم كامل صابني خوف وقتها وبديت اتشهد وارسلة رسالة لشخص فيها وصيتي تخطيط القلب الحمدلله طلع سليم مع اني مازلت احس في الم بسيط بعدها تنومت تقريباً بالملاحظه ثلاث ساعات اخذت مغذي مع شوي سكريات ودواء زفران للغثيان. وثم طلعت للبيت وصابني كانها نوبة هلع وسوسه وتفكير بالموت. مع اني عادي عايش بشقتي لوحدي واجتماعي وشخص ايجابي ودعوا للايجابية والتفاؤل. اصحاب الخبره. افيدوني تكون مادري وش الوضع. الحالة هذي مريت فيها قبل سنه تقريباً وكانت اشد من الوضع هذا شكراً لكم مقدماً |
وصفك وصف نوبة هلع والأغلب تبدأ معهم بنفس طريقتك
تواصل معي |
دع القلق و ابتسم
جميل الاسم اللي اخترته و سجلت فيه قد ما تقدر لا تاخذ اي دوا تدمن عليه خاصه اذا كنت تقدر تعيش من غيره و الاعراض تجيك من السنه للسنه الله لا يرد الضر و لا يحوجك للادويه يارب. سلامتك الله يحميك و يشرح صدرك و يكفيك كل مكروه و يا هلا فيك بيننا شرفتنا بانضمامك. |
بن دايم ممنوع وضع الارقام بالمنتدى انت قديم و عارف النظام انا مقدره انك تريد مساعده العضو الجديد لانك انسان معطاء بطبعك و تحب تفيد الناس.
اذا وافق و قبل التواصل معك نزل موضوع بقسم الاقتراحات و اطلب توصيل رقمك للعضو و شكرا لك. |
قاعد توصف نوبة الهلع
كذا تبدا تكون سليم نشيط مافيك شي فجأه تحس بهالاعراض رجفه خفقان برودة الاطراف تنميل تفكير بالموت وسوسه عدم استيعاب |
يارب انها اخر الشرور ما شعرت فيه اليوم يروح التعب بلا رجعه
كثير ناس تكيفوا مع الهلع و شفوا منه يختلف حدته من شخص لاخر الله يشفي الجميع يارب. |
اذا حسيت بتحسن طمنا عليك اخي الكريم.
|
اقتباس:
|
اقتباس:
هذا طال عمرك يسمونه ناقر لو كويت راس اصابعك الكبار للقدم كان انتهت مشكلتك انت اكلت حلا والمعده خاليه وانقر فيك اخذ معلاق ملابس الحديد وبراس المعلاق خله علا النار لين يحمر واكو راس الاصبع القدم علا الاضفر كويه بسيطه كل ارجولك صدقني دقيقتين راح تستفرغ بعدها وتنتهي كل مشكلتك تحياتي |
بالخاص. ا في هلمنتدا مادري اذا فيه او لا لين نحصل طريقة تواصل
|
صرفلي اليوم. دقماتيل 50
|
ااامين يارب مع انه شعور. كانه نهاية العمر. سبحان الله
|
الحمد لله. افضل انا الان من الصباح. مع انه باقي كان في شي بالمعده.
|
مافهمت عليك اخي الكريم. ناقر. هل هذا مرض او ماذا. وماحكاية الكوي ليت تفصل فيها اكثر
|
صدقت اكلت حلا والمعده خاليه. ومعها قهوه سوداء.
|
اقتباس:
وأرسل رقمك لي انا بتقابل انا والعضو شرواك بالرياض باْذن الله الربوع ولا الخميس |
بداية نوبة هلع واضحة خلص نفسك من الافكار والهلع قبل ما تدخل بدوامة ما تعجبك
|
نوبة هلع مرة وحده!!
يا صاحب الموضوع!!! لا تكبر السالفه الانسان معرض للامراض والاعراض كبيرة وصغيرة ما يجيب البلا الا التفكير السيء والروحه لبعيد لبعيد عسى ما قلت شي قالوا لك انتبه!!! لا تنتبه ولا شي خلك كول وريلاكس انت مش احسن من غيرك بتمرض يعني بتمرض غثيان وكتمه وضيقة ومش عارف ايش عادي المهم انت انتبه لنفسك وحاول تبطل من التدخين التدخين بلاء ومصيبة لا تجيب لنفسك عوار الراس والريحة المنتنة يا خي خليك رياضي نشيط حلو جميل والحياة حلوة |
اقتباس:
اذا اعراضك غثيان وكتمه او تريد الاستفراغ ودوخه وتحس انك بتموت هذه كد مرت علي بسبب قهوه تركيه قبل 9 سنوات وعلاجها اللي ان جربته شربه بيره وذهبت للحمام اكرمكم الله وزال الهم وفيه ناس تزود معهم الحاله ويذهب للطبيب او معالج شعبي اذا استعصى الامر كويه او شراب اعشاب اما اذا هي بدون سبب واعراضها كثيره فهي هلع وعلاجها دكتور نفسي سلوكي او دوائي انصحك تذهب للطبيب او معالج شعبي |
نصيحه في ناس ماتتحمل تشرب كافيين كثير
انت بدايتك شربت قهوه سوداء كثرة القهوه تضر القلب وتسبب حرقان وغيرها .. الخ جرب تخفف منها وتغير نظام اكلك وتهتم باكلك ومافيك الا العافيه |
يمكن بعد غياب 9 شهور تستفيدون من كلامي. رجعت الاعراض تكررت من جديد. وكان يرمها مبسوط نفسياً وجسدياً. وكنت جالس مع صديق بمقهى ثم قررت اروح البيت انام بحكم انه تاخر الوقت. اخر الاشياء الي اكلتها ع قبل حدوث النوبه ب 8 ساعات هي. مكسرات قهوة شاي شاي كرك بكميات متوسطة. بس كان في عرض جديد وهو انه حسيت بحرقان او حموضه بالمعده وخذيت موكسال للحرقان وبعدها تقريباً ب عشر دقايق حسيت باعراض ازرقاق اليدين واطراف الرجلين خفقان عدم القدرة على التنفي. غثيان تجشؤ دوخة خفيفة فتور عام. وساوس وافكار موت ونهاية الحياة. واعراض قلب وتنميل في الرجلين واليدين وعلى الطوارئ والحمدلله خذيت نكسيوم وطلعت
|
اقتباس:
ارسلي رقمك عن طريق المراقب ( زمالك ياحبي ) ولاتشيل هم راح اساعدك باذن الله |
هلا بن دايم كيفك
|
| الساعة الآن 10:14 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا