بدأت حالتي بنوبة هلع اثناء النوم وبعد شهر خفت الاعراض لكن صرت انهار وقت النقاش الحاد
 

السلام عليكم ورحمة الله وبركاتة

اتمنى احد يشرحلي ويطمني ايش حالتي بالضبط !!
لأني والله قاعده اضيع وقتي وفلوسي مع التحاليل

انا في البدايه مر علي اسبوع كان سني جدا يعورني مع اذني وحلقي وماشريت مسكن إلا بعد ماهلكت من الالم ورافقه التهاب شديد في البول حاولت اسهر الى الصبح عشان اروح المستشفى

بعد ماجاء الصبح رحت وعطتني الدكتوره مسكن وكنت اشكيلها ان جايتني كتمه خفيفه قالت من الالم
رجعت البيت نمت وصحيت على نوبة هلع !
جسمي ثقييييل جيت بوقف طحت ارجف وكتمه شديده لدرجة نملت كفوفي وكانت يابسه وقلبي نبضه ضعيف والعضلات كلها ضعيفه
رحت للمستشفى عطوني اكسجين وكان اكسجيني 100 والتحاليل سليمه !

ضليت اسبوع كامل مادري وش فيني ولا اقدر انام من الكتمه نفس الحديد على صدري وغصه
كنت اروح المستشفى كل يوم ولايسوون لي شي

بعد ماعرفت من النت انها ممكن تكون نوبه هلع ارتحت على الاقل لقيت سبب
صارت الاعراض تخف كل 7 ايام يخف شي
الان وبعد شهر من بداية الحاله احس يدي اليسار ثقيله ومنتفخه مع يسار الظهر والصدر واليد الثانيه شد عضلي كلما انسدح يجي والم في العصعص
بالعربي ما اقدر انام ابد احس نص عضلاتي ميته ايش السبب ؟

ولما اتهاوش مع احد انهار واقط نفسي ع السرير كن احد ضاربني ضرب ايش سبب هذا بعد ؟
السؤال الاخير هل ممكن تختفي الحاله بدون ما استخدم علاج الدكتور إلي هو ميرزاجن او تطول
ابي نصايحكم الله يسعدكم 🌹
الدكتور شخص حالتي على انها قلق وماقالي شي ثاني ولاطمني كيف اعالجها بنفسي

تكفون في احد مر بنفس الحاله

صباح الخير 🌹
سلامتك الله يشرح صدرك و يآمن قلبك
بانقل موضوعك للقسم المناسب و يارب يفيدوك الاعضاء.

من وجهة نظري اللي فيك قلق نفسي
والاعراض اللي فيك نفسوجسديه

سلامتك يارب بس نصيحة مدام كل تحاليلك
سليمة حاولي ما توسوسي بالاعراض انا مرة جاني التهاب شديد بالحلق ونفس ما جاكي جاني في فترة تعبك اما الاعراض اللي بعدين هي عندي نوبات هلع ووسواس ،
لكن ما اعرف انتي هل عملتي تحاليل شاملة وتخطيط قلب !
وطلع كمان سليم ؟

انا اللي بحسه لما أتوتر أو أزعل من أحد جسمي كله يعورني ويجيني خمول فضييع وأدور على النوم الله المستعان

التحاليل سليمه بس ماني مقتنعه
الاخت القمر انا مثلك كان سني يعورني وحلقي تحملت الالم القوي وبعدها صحيت على نوبة هلع

اقسم الك ما تخافي والله لما يوجعني ضرسي اشعر بنهيار ورجفة داخليه نبضات قلبي اشعر فيها وابكي من اي سبب اشعر بضعف كبير ويظل بعدها ما يخف حتى بعد هدوء الالم
الا بعد ايام او اسبوع كمان ..سلامتك يارب

ابن ديم كل شئ نفسي البنت تقول بعد ماستخدمت العلاج
انا مثلها من بعد علاج المضاد انكتم صدري واحس بنبضات قلبي
ليش مايكون العلاج اهو السبب

اخت دجى القمر انا اعراضي الاخيره اللي هي كتمه لصدر وكانه تالف والشعور بنبضات قلبي اتاني بعد مضاد كلافكوس اول اعراضي غير والله انا شاك بالعلاج
بس الغريب اني كد استخدمته اكثر من مره ولا صار معي هيك ممكن العلاج فيه شئ وصارت الحاله مزمنه معي
شئ محير

انت بالذات يااوهام اعرض نفسك على دكتور نفسي
اذا قال مافيك شي ماراح ادخل هالموقع مره ثانيه

القلق النفسي هو الاساس
ويتفرع منه الاكتئاب والوسواس ونوبات الهلع والرهاب
انت قلقان وواضح من كلامك ان فيك وسواس يقولك اللي فيك عضوي مو نفسي

اخوي ابن دايم انا لاحظت ان الهلع الاول بد بعد تناول مضاد اقسم بالله توني تذكرت
صح ان قبل الهلع كنت قلقان واعراض اخرى بس اتكلم عن الهلع
والان الاعراض الاخرى بدات بعد مضاد مادري ليش مرتبط العلاج المضاد

كلامك صحيح 100٪‏
استخدمت مضاد مع مسكن للاسنان واليوم الثالث قمت اطرش بعد الحبه ماتبت وضليت اخذها الى اليوم الخامس وكانت الاعراض تزيد بعدها نمت وصحيت على نوبة هلع !!
رحت المستشفى وبعد التحاليل قالت الدكتوره سليمه بس عطتني مضاد لالتهاب البول استخدمت حبه وجاني غثيان واستمريت خمس ايام ومالاحظت تحسن بحالتي إلا بعد ماتركت المضادااات
خلت اغراض نوبه الهلع وماجتني إلا مره وحده بس بعد المضاد الاول !!
حاليا باقي رجفه كني بردانه وعضلات ظهري وبطني وذراعي اليسار متيبسه تتحسن وقت التدليك لاكن احس بثقل فيها ماقدر ارفع ظهري بسهوله
صراحه تعبت مادري ايش هذي الحاله
الدكتوره قالت لو المضاد سبب لك حساسيه كان دخلتي غيبوبه
طيب يمكن لان قوته عاليه ماتحمله الجسم واتلف الاعصاب ؟

الدكتور صرفلي حبوب استخرت وما استخدمتها
الاخ اوهام اتمنى تبحث لنا بخصوص المضادات وتأثيرها ع الاعصاب لاني شفته مكتوب بالروشته حق العلاج من الاعراض الجانبيه

الدكتور النفسي استغرب ليش جايتني مافيك شي قلت دكتور الباطنيه حولني عليك
وبعد ماعلمته عن سني والمضاد قال اكيد كان شي مقلقك غير سنك قلت لا ابد قال إلا لان نوبه الهلع تجي من الخوف والقلق
طيب انا يوم جتني كنت نايمه المخ واقف مافي شي كان يشتغل غير مفعول المضاد حسبي الله عليه
ولو صحيح عندي قلق كان تكررت نوبة الهلع
الله المستعان
مالنا غير الصبر
الله يشفينا جميع

المضاد كان هو الفتيل

فعلا نوبات الهلع تحتاج الى تحفيز وفجأه بدون اي تلميح تثور النوبه ويدخل الانسان بمتاهه الالام عضويه وخوف والسبب الاساسي الهلع انعكس من صوره نفسيه ومخاوف الى جسديه عضويه يااااارب الشفاء من عندك ياكريم

مافهمت اخوي بن دايم

المضاد الاول كان دوخه وخوف وخفقان وضيق بالنفس خفيفه وكتمه بالصدر خفيفه
المضاد الاخير كان اشم ريحه دم او دخان شئ غريب والاحساس بنبضات القلب وكتمه بالصدر وتشنجات بالعضلات وضيق نفس شديد مع دوخه يشد ويفك بالصدر او قريب من القلب والمعده
يعني فرق

نفس الاعراض وحتى الريحه اشمها بس اتوقع من ضيق التنفس توصل للمخ اشارات ان في ريحه دخان ولما ترجع تشم ماتلقى شي

اول ماتعبت وجتني النوبه رحت الدكتوره قلت لها انه من المضاد قامت عطتني حبوب تنظف المعده منه بس كنت خايفه وقتها من الحبوب وتركتها
اما الدكتوره الثانيه قالتلي لو من المضاد كان دخلتي غيبوبه
مادري من الصح والله

نرجو عدم إستنتاج أي أعراض وترجمتها إلى حقيقة لأن المرض النفسي كثير الأعراض ويجيب على المريض أن يقتنع بهذة الأعراض

الشاكر نحن نتكلم عن شئ حصل لنا بعد اكل مضاد حيوي والاطباء كل يفتي من راسه
من ناحيتي احس اللي سبب الكتمه والضيق التنفس ونبضات القلب المضاد
او هو اللي حفزها

طيب انتي قبل المضاد ماكان فيك شي مره
طيب اذكري اعراضك بالظبط

رحت لدكتور نفسي وقال روح بدكتور باطنيه ودكتور قلب ودكتور مخ واعصاب
ودكتور الباطنيه يقول رح لدكتور قلب والقلب يقول رح للمخ والاعصاب او باطنيه
والمخ والاعصاب يقول اذا ماتتحمل الاعراض الجسديه روح لدكتور نفسي
وش رايك كل دكتور يفتي من راسه

وابن دايم شكواي جسديه وخاصه منطقه الراس والصدر
واحس كتوفي على رقبتي ع صدري متيبس يابس ومتشنج
اخوي بن دايم فيه ناس يحسبون ان معي خفقان انت عارف احساسي قسم بالله غير
اعراض مادري كيف اوصفها لك تتشكل مرات احس صدري كاني مسوي حادث منظغط ومتكسر بس بدون الم قوي كانه مخدر صدري ومتشنج يابس
ومرات تزود الحاله واحس خلاص ابي اموت ودي اصيح من قوه الكتمه وتشنج الصدر اقول صدري فيه شئ لايكون فيه شئ تالف ولا منكسر بس مافيه الم اللي مثل الم الكسر لا احسه شئ مخدر ويابس متيبس
واذا فك ارتاح ترد روحي
بس مشكلته يوميا معي يجي 3 مرات باليوم اقل اكثر على حسب

يسعد مساك اخوي اوهام حاولت ارسل لك على الخاص بس ماقدرت لاني عضوه جديده
بسألك كم سؤال وابيك تجاوب عليهم وان شاء الله نوصل لحل
1- كم صارلها الحاله عندك
2- هل قبل ماتجيك بيومين كنت تشتكي من سخونه خفيفه وكتمه مقدور عليها وليه كنت ماخذ المضاد
3- هل جنك وقت النوم او صاحي والمكيف بارد او لا
4- كم مره جتك ورحت الطورائ بعد المره الاولى
5- الان الاعراض باقيه معك وخاصه الكتمه والثقل كن صدرك مضروب ومتكسر
6- في ايام استخدامك للمضاد كان عندك توتر او شي خلاك قاعد على اعصابك
7- عندك خوف ومن ايش بالضبط

وبالنسبه ثقل الصدر اللي تشتكي منه انا اكتشفت انه من العضلات شاده حتى المعده لو تتحسس عضلاتها تلقاها شاده وعرق شاد بنص الصدر لكن اللي يسبب الكتمه وقت السداحه هو عروق الظهر اللي شاده يعني دلك ظهرك عدل لين ترتخي العضلات وراح تحس فيها ترتخي وانت تدلك وبعدها بيومين بتلاحض تحسن كبير وحاول تدلك بالليفه وقت السباحه افضل وتكون شوي يابسه
واشرب بابونج ونعناع

هذا الحل انا اكتشفته لانه ولا دكتور قال لي ان الكتمه الشديده والثقل بالصدر من العضلات المشدوده كنت اقول للدكتور ما اقدر ارفع يدي ثقيله يقولي تتوهمين ومادري ايش رجعت البيت لقيت عضله الكتف متيبسه حسبتها هي كذا طلع لا بعد مادلكتها لانت اليد ومن بكره صارت خفيفه
الحين بتقول وش دخل القلق بالعضلات
لان المخ لما يقل فيه بعض الهرمونات مثل هرمون السعاده يحصل خلل زي كذا
حاول تركض وتطلع تلعب كوره بالشمس لان فيتامين دال يحفز المخ على افراز هالهرمون وترتخي عضلاتك بدون ادويه بس تحتاج وقت
لاتفكر كثير بهالفتره ولاتدخل بنقاشات حاده عشان تستمر حالتك بالتحسن
وترا بتنشفي بس سو اللي قلت لك انت فيك توتر بس منت مريض نفسي العلاج بيدك انت وحبوب الطبيب تسرع الشفاء على كلامه مهي شي اساسي انا كبيتها بالزباله والاعراض قاعده تخف بين اسبوع واسبوع
وبالنسبه للعلاج هو يرخي العضلات بس يعني مجرد مايرخيها ويحفز المخ على افراز هرمون السعاده تروح الكتمه والثقل وهالشي مو صعب ان حنا نسويه ابحث بقوقل عن الاشياء اللي تخلي الجسم يفرز الهرمون وسوها وماتشوف إلا العافيه ياخوي

هلا فيك اختي وربي يشافينا

- كم صارلها الحاله عندك
اكثر من سنه

2- هل قبل ماتجيك بيومين كنت تشتكي من سخونه خفيفه وكتمه مقدور عليها وليه كنت ماخذ المضاد
اذا قصدك الشد والم الصدر والعضلات كان عندي كتمه من البرد في الشتاء
اما المضاد اخذته بعد اعراض الشد 3 شهور لانه كان معي الم في الاسنان
ومن بعدها اتاني الكتمه الشديده وريحه دم او غبار وبعدها اصبحت اشعر بنبضات قلبي الى يومك هذا


3- هل جنك وقت النوم او صاحي والمكيف بارد او لا
لا صاحي وكان يوم شتاء

4- كم مره جتك ورحت الطورائ بعد المره الاولى
ماني فاهم اذا قصدك الشد ونبضات القلب مستمره معاي يوميا تقريبا لي سنه عالوضع اما ضيق النفس اذا اشتدت علي الحاله 4 مرات بالاسبوع يجيني ومرات اقل بس احس بكتمه خفيفه


5- الان الاعراض باقيه معك وخاصه الكتمه والثقل كن صدرك مضروب ومتكسر
الى الان باقيه ونبضات القلب معاها

6- في ايام استخدامك للمضاد كان عندك توتر او شي خلاك قاعد على اعصابك
انا معاي اكتئاب مزمن قبل هذه الحادثه من 7 سنوات بس الم الصدروعضلات القلب الظاغط والظهر ونبضات القلب دي لي سنه

7- عندك خوف ومن ايش بالضبط
عندي اكتئاب من هذه الاعراض

الم غريب ولا حصلت له علاج

مشكلتي ولا حصلت لها علاج
اعاني من الم ظاغط مثل الم الشد العضلي تقريبا ومعه حراره داخليه


ألم لا أستطيع تحديده بالضبط, لكنه يمتد من الصدر (الجهة اليسرى) بالقرب من تحت الثدي وفوق الثدي ومرات عنده المعده الى تحت الرئه اليسرى إلى خلف الكتف الأيسر, وأشعر كأن الألم في العروق, ويصاحب الألم نبض في العروق, كأن شي تالف - آسف على الوصف - والالم ينتقل, فأحيانًا يكون في عضلات الصدر الايسر , وأحيانًا يكون في الظهر وفي كتفي لأيسر, والنبض الذي أشعر به مثل الخفقان بس على شكل نبض طبيعي ليس سريع واذا اشتدت الحاله اصاب بضيق نفس ودوخه واقول خلاص بيغمى علي
الاطباء يقولون التهاب
واخذ علاج وكريم مساج ومافيه فايده

اتمنى الاخوان يشاركوني مشكلتي
تقريبا الحاله هذه اصبت بها في موسم بارد بالشتاء اللي مضى والى الان اعاني منها يوميا او شبه يومي
الفحوصات سليمه ماعدى فيتامين دال والاشعه توضح التهاب ومرات غازات ومرات يقول شويه التهاب والله تعبت منه مراجعه الاطباء
بس مشكلتي اني يوميا هالحال تقريبا

فاهمه عليك وكثير من اعراضك جتني

وادري انت محتار ماتدري اللي فيك من البروده او نوبه القلق او الالتهاب سواء المعده او غيره

بس تطمن .....
لو اللي فيك بروده البروده ماتسوي كذا حدها تعب ومستحيل تزيد عن شهر

ولو فيك التهاب مع الادويه بتروح الاعراض كلياً ماتبقى

اما نوبه الهلع وهذا الارجح انه اللي فيك وانت مهيأ للقلق لان عندك اكتأب قديم والمضاد ترا ماله علاقه

انت فكر حنا ليش ناخذ مضاد ؟
لان معنا الم والالم يسبب قلق وجسمك إذا هو مهيأ لنوبه القلق بتجيك

والنوبه هذي كان لها بوادر ما انتبهت لها ومن بينها الشد او النغزات بالصدر كلها بسبب الحاله النفسيه
بس تأكد ان ماعندك الابهر لانه يسبب نغزات بالقلب وله علاج عند الطب الشعبي

الحين اتمنى انك تتقبل حالتك وتبطل فحوصات وتتجنب اي شي يوترك وتعمل بالنصايح اللي كتبتها فوق انا مثلك وتحسنت كثير الحمدلله لاني حطيت ببالي ان مافيني شي ولو اتحرك بستصح وفعلا وما انكر اكثر شي فادني تدليك العضلات واحاول ما اتسند على الكرسي كثير وما انام على جنب راسي الايمن لان فيه عرق يشد فوق الاذن وادلك العصعص قبل النوم واحيانا احط فكس تخف الكتمه كثيييير

اعمل بنصايحيً وفكر باشياء حلوه تفرحك واي شي يضايقك طنشه لاتخلي له مكان بعقلك

وضروري يكون عندك ماء بالغرفه تقرى عليه الفاتحه والمعوذات وتشرب منه يوميا ان ما فاد مايضر

الله يشفينا وياك واي سؤال انا في الخدمه ...

الله يشافيكم ويعافيكم

جزاك الله خير
انا مثلك اذا سويت مساج
يفك الشئ الظاغط من الصدر والظهر احس كانه واحد يظغط من امام وخلف وان اعصاب الداخليه تالفه وفيها تنميل بس مع المساج يخف شئ بسيط
بس نبضات القلب كيفه معاه هل ياتيك مع الشد والكتمه او بدون

صحيح النبض مو منتظم
نبضه قويه والثانيه خفيفه ومتباعده لكن لاتشغل نفسك فيه ماهو مشكله هالشي يزيدك قلق بس
استمر عالمساج ولاتتسند كثير انا الحمدلله تحسنت كثير وانت إن شاء الله بتتبعني ولتبشرنا قريب
حاول تاكل ثلاث وجبات و بيض وموز احسه فادني مع البابونج

وخل الدكتور يصرفلك علاج يريحك ويرخي اعصابك عشان يسرع من الشفاء
الله يشفينا وياك يارب