صبخة الراس او الكي
 

بسم الله الرحمن الرحيم

والصلاة والسلام على اشرف الخلق والمرسلين


اخواني ياليت الى يعرف معالج شعبي في الرياض او القرى الى جنب الرياض


يعالج بالكي او الصبخة يدلني عليه بشرط يكون مضمون ومعروف بالطب الشعبي

انا اعرف الصمعاني بس ما يرد على الجوال وناوي اروح له بس قلت اشوف يمكن من الاعضاء لديه خبرة بهذا الشان

وياليت الى يعرف مكونات الصبخة يسدحها هنا الكل يستفيد انا عازم باذن الله على الصبخة او كي الراس

شاكر لكم مقدما ولا تشوفون مكروه

فيه صبخة الباهلي يمدحونها للصداع والتنسيم وفقدان الذاكره والصرع والكهرباء اللي في الرأس ومجانيه ومعها رقيه شرعيه في السويدي

شكرا لك بس وين عنوانهم

هلا بالبدراني انا رحت للصمعاني بمخرج 5 لازم تروح تصلي عنده الاحد صلاة العصر لانه هو امام المسجد اللي بجانب بيته ورجال زين ولا نزكي على احد هو يفحصك وتعلمه باللي تحسه وهو يحدد لك وش تحتاج سواءا كي او صبخة او يقول ماينفع معك لا الكي والصبخة ويقول الله يستر عليك نفسي انا

مشكور يا غالي على الإفادة ربي يحفظك ويبارك فيك

بس الأحد أو يستقبل باقي ايام الاسبوع وكيف ارقام

جربت الصبخه أو البخه يسمونها ماشفت منها خير صحيت اعظامي متجمده احسها اكتشفت زمان يكسروا السن بحبة قرونفل الصبخه يخلوك تحط ع راسك الف حبة قرونفل انحاش عنها

فيه شيخ في القصيم في بريدة تحديد اسمه ابو عبدالله يقال له الرسيني يفحص ويقرى قراءة سريعه ويعطيك صبخه وبعض العلاجات فيه ناس تحسنوا على علاجه باذن الله

جزاكم الله خيرا

ان شاء الله بكرة اروح للصمعاني

بشر وش صار عليك

هلا وغلا اخوي والله ما قدرت ادخل عليه زحمة وغير منظم وجالسين بالشارع اخر شي رجعت للبيت بدون ما ادخل عليه

مثل العاده عند اغلب المعالجين اذا مات يورث الشغله لابنة وانا سمعت برضه ان الصمعاني مات عليه رحمة الله وان ابنه حل محله

مشكورين ادري انه ميت الله يرحمه

بس ابنه يعالج واكتسب خبرته من ابوه الله يجزاه خير بس التنظيم للاسف سيئ

المعالجين ماعاد تدري صدقه من كذبه
انا ذهبت لاكثر من معالج شعبي
اشتكيه من وجع راسي
اللي يقول 3 فتحات
واللي يقول مافيك شئ ولا فتحه
حتى اذكر واحد قاسي راسي حقت المتر حقت الفرش ههههههههههههههه قسم بالله يقول تعطي دقه قال مافيك ولا فتحه
ورحت للي في الشمال قال فيك 3 فتحات وربط راسي وجيته بعد 3 ايام وسكر الباقي واخذ فلوس ولا استفدت شئ احس عروقي تجمدت ممكن ينفع مع غيري انا لم ارتاح للربط
ورحت لوحده قالت لاتربط خذ مكونات الصبخه وسوها انت بنفسك او اهلك يسونها
وفعلا ارتحت شئ بسيط على اني لم اكررها الا 7 مرات
الربط يمكن يسبب العمى او مشكله في العروق
اللبخه او الصبخه ممكن تفيد اذا لم تتعرض للبرد او التكيف

الله يشفيك بدراني

تسلمين مزون ولك بالمثل واكثر والله يرفع قدرك

انا صبخت بالبيت من شريت الصبخة من عطارة وصبخت فيها يومين وارتحت قليل

الصمعاني الشايب توفى الله يرحمه ويغفرله وحل محله ابنه وعندك اخوي البدراني معالجه شعبيه بالصبخه في الخرج قريبه من دوار عواد وهي مشهوره من قبيلة الدواسر

مشكور يا غالي على الإفادة أن شاء الله ربنا يوفقك

وين مكانها او اسمها طال عمرك

يقال لها ام سعود في محافظة الخرج تبعد عن الرياض تقريبا 100 كيلو اذا اول ماتدخل الخرج اسال عن ام سعود المعالجه الشعبيه وبيدلونك عليها معروفه ومشهوره يجونها ناس من الخليج

بعد هي ام سعود العجوز سمعت انها توفت من زمان واللي تعالج الحين بنتها

الله يجزاك خير ام سما على التوضيح

انا متعب جدا جدا بسبب تخفيض العلاجات والاستمرار على الرقية

لازم اروح للبنت تشوف راسي يمكن فيه تنسيم الصمعاني ما قدرت ادخل عليه للاسف

الله يهيئ لك اسباب الشفاء وين ماكانت ويرزقك راحة البال ويجعلك من كل هم فرج ومن كل ضيق مخرج

الله يبارك فيك و يطول عمرك