|
من مثلي عنده اختلال ذاكرة ـ نريد الحل ؟
الذاكرة يااخوان
الذاكرة تعمي الواحد تجننه و اسألوا مجرب لا يتذكر أو يتذكر الشيء بغير وقته يتلخبط الواحد عنده اختلال ذاكرة يصير يومه في اضطراب و بعض المواقف التي يتعرض لها الإنسان تصيبه بزيادة حدة الإكتئاب و العصبيه و الندم ياليت نلقى منكم إسعافا دوائيا و ما تشوفون شر لا في أنفسكم و لا في من تحبون |
انا الذاكرة عندي مخبطه .. فقط ذاكرتي قوية في الذكريات الماضية من عام 2006 و تحت اعاني من صعوبة في التركيز . احس اني موب قادر استوعب بسرعة قبل شوي كنت العب مع العيال شيش . ولما اجيب رقم 6_4 احتاج وقت على شان اغير مكان الدبوس . ف العيال يصايحون علي وش فيك دلخ ؟ غبي ؟ يارجال كرهت اللعبة رغم انها حلوه .. ياليت فيه شي يساعد على تقوية الذاكرة و التركيز |
ههههههههههه شيش
و الله ضحكت من سردك للكلام الله يسعد بؤك يا شيخ الله يعين يا صاحبي ودي و اياك نلقى حلول مفيدة إن شاء الله و أنا ودي صراحة بعلاج يحسن و يقوي الذاكرة أشكرك جدا يا طيب |
الذاكرة جزء لا يتجزأ من المرض
انتكست حالتي وساءت ذاكرتي فوق الضعف الي لدي فيها ... مادام أن الذاكرة لم تعالج اعلم أن المرض لم يعالج |
نفس الشي معي
ع اني اتعالج سلوكي يعني مدري ليش ضعيف تركيزي مدري كيف تجاوزت اختباراتي كنت اركض عند اصحابي اطلبهم يساعدوني اجمع لي كلمتين احل فيهم ما قدرت وصلت لدرجة ابكي واصدع مستقبلي بيضيع بس ربي عداها غير ع مواقف ثانية تفشل تخلي الكل يتضيحك بك تجي تتكلم مع واحد على يوم السبت مثلا بعدين افصل وارجع اساله الخميس يقعد يطااللللععع ويعطيك نظره ) التعبان ( ويضحكله ضحكتين ويمشي انا التركيزز ذبحني تكفون صرت احس بثقل راسي وانسى بسرعه انسى اشياء ما مر عليها 5 دقايق اللي عنده حل لا يبخل وما تشوفون شر وعلتي هنا http://www.nafsany.cc/vb/showthread.php?t=121273 |
صدقت يا بو أمل الله يعين
بس خلونا نتفائل شوي بعلاج الذاكرة و لو ان المرض لازال جاثما مثل ما تقول تايد للغسيل مافيش مستحيل يمقن نلقى حل و محلول قصدي حلول :) أشكركم ثنيناتكم أبو أمل و فيصلوه علاج يا شباب |
اقتباس:
أنا طارت عيوني ع العلاج نوتروبيل لأني بحثت عنه و لقيت هذا الرابط http://consult.islamweb.net/consult/...ils&id=2201772 ما أدري أنت جربته هل هو موجود بالصيدليات و الله المرض كوم و الذاكرة لحالها كوم يا رب بس ألقى هذا العلاج أنا خوفي كله اني ما القاه لأن الوضع مزري صراحة أشكركم جميع و الله يوفقكم أنا ساري الحين أدوره |
ما شاء الله تبارك الله الكل هنا ولا تعلموني
احسبوا حسابي بالعلاج |
اتوقع اي مرض نفسي ياثر عالذاكره اللخ يشفي جميع مرضى المسلمين
|
انا بعد ما استخدمت ستيلنكس احس مو قادر اتذكر بعض المواقف ولو مر اسبوع وهشي محيرني وبنفس الوقت نساني ذكريات مره
|
هيييه
رسوم ترى انا م جربت هالعلاج واحد جربه وقاله وانت شفت بالرابط ترى بريء من ذنبك اناا لا تتعب والا شي انا م اجرب ادوية جلسات سلوكيه وفيتامينات بس خالي قلي ع فيتامينات عشبيه طبيعيه يعني تماما تقوي الذاكره بشكل رهيب متى م رد علي باسم الدواء بقلك وبجربه انا بعد لا تنطط |
امممممممم أمراض القلق من رهاب وهلع ووسواس تؤثر على التركيز لكن للأمانة لا يصل أبدا لدرجة الإعاقة وتأثيرها بسيط ولا تؤثر على الذاكرة وإن حصل التأثير عليها فهو ناتج من سوء التركيز بسبب زيادة الحالة
عكس مرض الاكتئاب تأثيره ليس بسيط على الذاكرة والتركيز وبشدة المرض يزود التأثير الاكتئاب يأثر على التركيز بطريقة مغايرة عن تأثير أمراض القلق على التركيز |
أخوي مبهم هل مشكلتك عند مقابلة الأشخاص فقط
أم في كافة شؤون حياتك |
اقتباس:
هذا الدواء سالفته مثل سالفة الديباكين صدق أخوي الحزين حينما وجه أخت أو أخ لدواء الديباكين حينما طلبت دواء ينسيها الذكريات الحزينة يجعلك تنسى الماضي خليها تجرب النسيان عشان بعدها تحمد ربها على النعمة التي فيها والله أرحم مرضى الزهايمر وأهلهم |
في كل شي ابو امل
اعطيك امثله مختلفه وقت الدراسه اكون ماسك الكتاب وناوي اذاكره من قلب احس بصعوبه توصل لدرجة البكاء والسخونه وغثيان احيانا مو بس ما اقدر احفظ انا اشوف الكلمة اقرا حروفها بس ما افهمها تستوعب كيف ! على انها كلمة عادية زي كلمة هواء جربت الحفظ بالكتابة ما قدرت يروح يومي وانا ع صفحه يا ليت ما احفظها لا بعد ما افهمها ولا احس اني ع بعضي مع الناس نتكلم عادي فلحظة اكون نسيت ايش كان بدي اقول وايش كان اللي قدامي يقول ف البيت اسرح كثير ولما اوعى او اصحصح مدري شو كنت سرحان فيه ولما افكر او اتخيل شيء مقدر اجمع الافكار كل فكرة من ديره غير الثانيه يجيني احراج مو طبيعي مع الناس لان قله تركيزي صارت واضحه حد التناكه و الهفاوه |
أنا تأكدت الآن يا مبهم أن معاناتك لا تختلف عني كثيرا
بس ما شاء الله عليك أحسك لا زلت صامد أنا ودي على الأقل ترجع حالة ذاكرتي وتركيزي لقبل انتكاستي الأخيرة أحس إني مصدوم منها |
يا إخوان طالعوا الاستشارة هذي بخصوص دواء نتروبيل
http://www.maganin.com/consultanciesview.asp?key=11680 لا أحد يلومني بعد كذا إذا قلت لسان الثور أو القهوة أو الشاي تسببلي شيء من الهوس البسيط هههه أخاف يطلعلي نفر والله ماني ناقص مجادلات اكتفيت ... |
أكثر شيء يأثر على لخبطة مزاجي هو لخبطة النوم بشكل مؤذي
|
موضوع التركيز شي متعب لانه مو بس تعب لا احراج بعد
تروح السوق تشتريه كله وتنسى ايش الحاجه اللي كنت المفروض تشتريها توصل البيت تتذكر انا 1 + 3 احسبها بالآله للاسف من اليوم لبكره ما تخلص سيرة التركيز اتمنى تلاقون حل غير الادوية شخصيا عندي خوف منها احاول ابعد عنها قد ما اقدر ياليت تلاقون لنا شي طبيعي سهل وامنعونا من خلطات الخبيص والثقيله واللي طعمها مر |
اقتباس:
لكن في واحد قالي ما عليك راح أجيبه لك بكرة و سألني تبغى شراب و الا حبوب قلت له حبوب أنا شايل هم بعدين يعني لو جابه لي الصيدلي و قول اني خذيت منه رزمه فما راح تبقى معي للأبد يعني شهور و بعدها ترجع لي الحالة هذا نقول اذا الصيدلي عند وعده و الله حرام العلاج لا هو من المهديات و لا إدمان عليه و يسحبونه الذاكرة يا بو حميد كفرت فينا |
اقتباس:
اقتباس:
أنت تقصد مره اللي هي عكس حلوه و الا تقصد مرة كثيرة :( ما أدري أنت تذم وضعك و بنفس الوقت تمدح ؟ الحقيقه حيرنا المرض و حيرتنا العلاجات لو عشنا بلياها نار و ان بلعناها نار و يا نار شبي من ضلوعي حطبكِ الآدمي بعقله لو صار بعقله شي وش يصير ؟ ما أقول الا الله يجيرني و اياكم |
اقتباس:
ليش بريء يا رجل ما سويت غلط عشان تتبرى أفا عليك يا مبهم و بالعكس نفعتني و ما قصرت و دخيل عمرك لا تنسى ترد لي عن اسم الدوا اللي تقول من طرف خالك خلني أنطط و ألعب هيلاهوب ههههههههه الله يسعدك بالله يااخوان اسعفونا في البديل للنوتروبيل |
اقتباس:
بس انتبه من الأعشاب لا تتفاعل مع الدوا الله يوفقكم جميعأ وإذا بدربكم حصلتوا علاج للتبلد احذفوه على بيتنا |
اقتباس:
الله يعينهم مرضى الزهايمر و الله شيء يخلي القلب يتقطع عليهم اللهم إنا نعوذوا بك من الكِبَر و أن نرد إلى أرذل العمر |
اقتباس:
انا عندي نسيان شديد كمان واظن ان هالشي من الاكتئاب واحس كانه مثل فقد الذاكرة وكلمت اكثر من طبيبة لكن الحمدلله ومن ناحية ايجابية اقول ان شاءالله اني بانسى الامور المحزنة والكئيبة والنسيان بيساعدني في هالشي وامور الحياه والشغل اسويه اول باول ما ااجل شي وان كان عندي شي اخاف انساه احط منبه بالجوال او اكتب بورقة ولله الحمد الامور ماشية انصحك لاتفكر بالموضوع هذا لانه امر طبيعي اذكر مرة استشاري موظف عندنا قال اكثري من قراءة القران راح يقوي الذاكره عندك لاتشغل بالك فالموضوع وانصحك انك تشغل بالك في امور اهم مثل كيف تقضي وقت فراغك بامور ايجابيه وكيف تستبدل الامور السلبيه باخرى ايجابية وكيف تطور من نفسك واستكشف مواهبك واعرف نفسك |
اقتباس:
ههه هذا حنا كلام اللحظة تمحيه اللحظة لا ذاكرة لا تركيز لا تخيل لا تأمل زمان يوم كنا ندور للطاقيه و الا المفتاح و تكتشف بالأخير انها بيدك و تقول الله لا يعمينا كيف لما تدخل يدك عشر مرات في جيبك عشان المفتاح و تدوره وينه و آخر شي يكون بجيبك هذا اللي يغبنك هذا غير التضييع في الشوارع و الطرق و المخارج و تضييع الأغراض شي يجنن عقل الغير قبل عقل صاحب العقل !!! يا ريت البديل يا شباب لدواء نوتروبيل |
اقتباس:
اقتباس:
اقتباس:
اقتباس:
لا تنسى بالله عليك مبهم لا تنسى من موضوع خالك |
اقتباس:
عندي الذاكرة ما تسعف أبد و أقعد زي ما قال مبهم مفهي فاغر ( و فجيعه الله لا يفجعنا ) و أحسب 1 + 3 = بالحاسبه طرت لي فكرة الاستكرات اللي عليها لزقه و قمت أدون المواعيد و أحطهم ع الدولاب و كل يوم أطالع فيهم لكن هناك شغلات لازم نصلحها و يعين ربك أشكرك لمو و الله يبارك فيك و في الجميع |
الله يرفع عنا ما نحن فيه
|
اقتباس:
تبشر بي وقت اللزوم يا بو حميد و تبشر بالسعد أشكرك ع التنبيه و الله يبيض وجهك http://www.imagesfb.com/ar/pictures/...553058_120.jpg |
يسعد اوقاتكم بكل خير
بدنا نساعدكم شوي في استرداد ما تبقى من ذاكرتكم بأكلات بسيطة مو مكلفة ..وبعيدا عن الأدوية والسموم شو رأيكم تركزوا عالنتباتات الخضراء والله انها مفيدة جدا لتنشيط الذاكرة مثلا الخس..البازيلاء..والفاصولياء..الملوخية..الخيار..ال كرفس ..البروكلي كل شي أخضر قدامكم انسفوه ههههههه http://i892.photobucket.com/albums/a...tshy202053.gif على سيرة النباتات الخضراء اتذكرت نكتة رجع زوجها من الشغل..شو طابخة اليوم..حكتله ملوخية يا بعدي تاني يوم..شو طابخة..قرنبيط يا عيني تالت يوم شو طابختيلنا..شوربة بروكلي .. رابع يوم فات عالبيت حكالها لا تعذبي حالك..طالع أرعى لحالي http://i892.photobucket.com/albums/a...89787be2a0.gif حس حالو غنمة ههههههههههههههه المهم.. نرجع نكمل.. وبالإضافة الى بعض المكسرات وخاصة الجوز (عين الجمل) انخلق للذاكرة ركزوا عليهم بشكل يومي ورح تشوفوا الفرق وسلامتكم حبايبي :) |
محاكيك نفس الحالة ذاكرة ضعيفة عدم تركيز و هواجيس ما لها آخر في السابق كانت ذاكرتي ممتازة جدا كنت مجتهد بالدراسة لكن بعد المرض فقدت كل شيء اشوف الطلاب ينجحون با أسهل المواد وانا أواجه صعوبة كبيرة
|
مساء الخير احبتي
والله يا عالي كان ببالي افتح مثل هالموضوع للنقاش حالتي اصبحت صعبه 😕 انا مشكلتي بعاني من الوسواس واخاف يمسك علي في هالنقطه واترك الدراسة لان فعلا صرت اذاكر والله كأني امضغ علك هههه مافي شي يستوقفني او يظل بعقلي احس في حاجز من دخوله لعقلي تعبت بشكل والمشكله احب الدراسه والله راح اتدمر لو اتركها بسبب هالشي خايفه وبقوه 😔 على فكرة هالسنه مع الواسوس جتني هالحاله قبل ما شاء الله لا ، |
اقتباس:
والله الي يومين اذاكر وكأني العب 😢 |
انا شايل هم هذا الترم لانو خلاص تخصصت
كل امتحان احسه يوم القيامه الله يعين تضحك سالفة التركيز اروح البقاله انسى اخذ الباقي من فلوسي كسبتهم وقليلين الذمه ياكلون الفيتامين يا رسوم فيتامين اعشاب الجينسينغ يقول ممتازه وهو شخصيا يستخدمها بتحصلها بأي صيدليه والزعتر وفيتامين E . D انا بجرب الجينسينغ لانو والله صرت اشحد العافيه شحاده والله يعين |
اقتباس:
صراحة ما ودي أكون ثور مثلو :) الخضار حلوة لكن و الله من الصعب نداوم عليها و بعدين أجسامنا فيها خلل شنيع لا يصلح خللها الا بالكيمياء و الفيزياء :( حتى الفيتامينات باليآلله تعمل عملها و كذلك المكملات الله يسعدك دايم و أبدا ياسمينوو ما قصرتِ و الله يبيض وجهك :) |
اقتباس:
ما أدري أنت بأي مرحلة لكن يمدحون دراسة الليلي لمثل حالتك أنا في المرحلة الثانوية كلها درستها ليلي و لا في اختبارات شهريه و إذا جت الإختبارات النهائيه يعطيك المدرس ورقتين و الا ثلاث تذاكر منها |
الذاكره بوشت ياطويل العمر يبيلها توظيب💔💔🤕
|
اقتباس:
أنا كنت مثلك بالجامعة و كانت نفسي تتهرب من المذاكرة عشان المرض لكن كانوا الدكاترة جدا طيبين تصدقين و الله ما أدري كيف خذيت البكالوريا هههههههههه أحس سويت معجزة في الاختبارات كانوا يعطوننا ورقة فيها الأسئلة و دفتر نحل فيه الأجوبه و أرد لهم الدفتر مليان شخابيط ألغاز على خواطر على سواليف و شكلهم كانوا يرتاحون على دفتري اللي كأنه مجلة ماجد الله يذكرها بالخير شوفي دجى في مكملات جدا تصلح لك و فيتامينات مثل الديناميزان و الأوميغا 3 و الجنسينغ جدا مفيدة لحالتك الله يسعدك دجو و يبارك فيك و تآخذين الشهادة الجامعية مع شهادة تقدير يا رب :) |
اقتباس:
اقتباس:
الله يعينك مبهم شد حيلك ما بقى الا شويات ع الإجازة هههههههه تدري مبهم أنا أشكرك و الله ع الرابط الصيدلي كان عند و عده و جاب لي نوتروبيل تركيز 800 قلت له بس هذي قال أنت خلصو و أبشر الآن مآخذلي حبة قبل شوي و الحمدلله على كل حال أتمنى يلغون سحبه من الصيدليات و يرجعونه مثل ما كان أشكرك ع الإفادات و الله يبيض وجهك يالغالي و ما أنسى مهدي الجزائري اللي ذكر اسم العلاج أشكره شكر الجزيل و الله يوفق الجميع و يسددهم و يهديهم سواء السبيل :) |
| الساعة الآن 01:49 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا